| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३-९. खदिरवनियरेवतत्थेरअपदानं
3-9. Khadiravaniyarevatattheraapadānaṃ
६२८.
628.
‘‘गङ्गा भागीरथी नाम, हिमवन्ता पभाविता।
‘‘Gaṅgā bhāgīrathī nāma, himavantā pabhāvitā;
६२९.
629.
‘‘पदुमुत्तरो नायको, सम्बुद्धो द्विपदुत्तमो।
‘‘Padumuttaro nāyako, sambuddho dvipaduttamo;
६३०.
630.
६३१.
631.
‘‘आगन्त्वान च सम्बुद्धो, आरूहि तञ्च नावकं।
‘‘Āgantvāna ca sambuddho, ārūhi tañca nāvakaṃ;
वारिमज्झे ठितो सत्था, इमा गाथा अभासथ॥
Vārimajjhe ṭhito satthā, imā gāthā abhāsatha.
६३२.
632.
‘‘‘यो सो तारेसि सम्बुद्धं, सङ्घञ्चापि अनासवं।
‘‘‘Yo so tāresi sambuddhaṃ, saṅghañcāpi anāsavaṃ;
तेन चित्तप्पसादेन, देवलोके रमिस्सति॥
Tena cittappasādena, devaloke ramissati.
६३३.
633.
‘‘‘निब्बत्तिस्सति ते ब्यम्हं, सुकतं नावसण्ठितं।
‘‘‘Nibbattissati te byamhaṃ, sukataṃ nāvasaṇṭhitaṃ;
आकासे पुप्फछदनं, धारयिस्सति सब्बदा॥
Ākāse pupphachadanaṃ, dhārayissati sabbadā.
६३४.
634.
चातुरन्तो विजितावी, चक्कवत्ती भविस्सति॥
Cāturanto vijitāvī, cakkavattī bhavissati.
६३५.
635.
उग्गच्छन्तोव सूरियो, जोतिस्सति महब्बलो॥
Uggacchantova sūriyo, jotissati mahabbalo.
६३६.
636.
‘‘‘कप्पसतसहस्सम्हि, ओक्काककुलसम्भवो।
‘‘‘Kappasatasahassamhi, okkākakulasambhavo;
गोतमो नाम गोत्तेन, सत्था लोके भविस्सति॥
Gotamo nāma gottena, satthā loke bhavissati.
६३७.
637.
‘‘‘तिदसा सो चवित्वान, मनुस्सत्तं गमिस्सति।
‘‘‘Tidasā so cavitvāna, manussattaṃ gamissati;
रेवतो नाम नामेन, ब्रह्मबन्धु भविस्सति॥
Revato nāma nāmena, brahmabandhu bhavissati.
६३८.
638.
‘‘‘अगारा निक्खमित्वान, सुक्कमूलेन चोदितो।
‘‘‘Agārā nikkhamitvāna, sukkamūlena codito;
गोतमस्स भगवतो, सासने पब्बजिस्सति॥
Gotamassa bhagavato, sāsane pabbajissati.
६३९.
639.
‘‘‘सो पच्छा पब्बजित्वान, युत्तयोगो विपस्सको।
‘‘‘So pacchā pabbajitvāna, yuttayogo vipassako;
सब्बासवे परिञ्ञाय, निब्बायिस्सतिनासवो’॥
Sabbāsave pariññāya, nibbāyissatināsavo’.
६४०.
640.
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
६४१.
641.
‘‘सतसहस्से कतं कम्मं, फलं दस्सेसि मे इध।
‘‘Satasahasse kataṃ kammaṃ, phalaṃ dassesi me idha;
सुमुत्तो सरवेगोव, किलेसे झापयी मम॥
Sumutto saravegova, kilese jhāpayī mama.
६४२.
642.
‘‘ततो मं वननिरतं, दिस्वा लोकन्तगू मुनि।
‘‘Tato maṃ vananirataṃ, disvā lokantagū muni;
वनवासिभिक्खूनग्गं, पञ्ञपेसि महामति॥
Vanavāsibhikkhūnaggaṃ, paññapesi mahāmati.
६४३.
643.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा खदिरवनियो रेवतो थेरो इमा गाथायो अभासित्थाति।
Itthaṃ sudaṃ āyasmā khadiravaniyo revato thero imā gāthāyo abhāsitthāti.
खदिरवनियरेवतत्थेरस्सापदानं नवमं।
Khadiravaniyarevatattherassāpadānaṃ navamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ३-९. खदिरवनियत्थेरअपदानवण्णना • 3-9. Khadiravaniyattheraapadānavaṇṇanā
