| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៤៦-៤៩. គោចរមូលកអភិនីហារសុត្តាទិចតុក្កំ
46-49. Gocaramūlakaabhinīhārasuttādicatukkaṃ
៧០៧. សាវត្ថិនិទានំ… ‘‘សមាធិស្មិំ គោចរកុសលោ ហោតិ, ន សមាធិស្មិំ អភិនីហារកុសលោ… សមាធិស្មិំ អភិនីហារកុសលោ ហោតិ , ន សមាធិស្មិំ គោចរកុសលោ… នេវ សមាធិស្មិំ គោចរកុសលោ ហោតិ, ន ច សមាធិស្មិំ អភិនីហារកុសលោ… សមាធិស្មិំ គោចរកុសលោ ច ហោតិ, សមាធិស្មិំ អភិនីហារកុសលោ ច… សេយ្យថាបិ, ភិក្ខវេ, គវា ខីរំ, ខីរម្ហា ទធិ, ទធិម្ហា នវនីតំ, នវនីតម្ហា សប្បិ, សប្បិម្ហា សប្បិមណ្ឌោ តត្រ អគ្គមក្ខាយតិ; ឯវមេវ ខោ, ភិក្ខវេ, យ្វាយំ ឈាយី សមាធិស្មិំ គោចរកុសលោ ច ហោតិ សមាធិស្មិំ អភិនីហារកុសលោ ច អយំ ឥមេសំ ចតុន្នំ ឈាយីនំ…បេ.… ឧត្តមោ ច បវរោ ចា’’តិ។ ឆចត្តាលីសមំ។
707. Sāvatthinidānaṃ… ‘‘samādhismiṃ gocarakusalo hoti, na samādhismiṃ abhinīhārakusalo… samādhismiṃ abhinīhārakusalo hoti , na samādhismiṃ gocarakusalo… neva samādhismiṃ gocarakusalo hoti, na ca samādhismiṃ abhinīhārakusalo… samādhismiṃ gocarakusalo ca hoti, samādhismiṃ abhinīhārakusalo ca… seyyathāpi, bhikkhave, gavā khīraṃ, khīramhā dadhi, dadhimhā navanītaṃ, navanītamhā sappi, sappimhā sappimaṇḍo tatra aggamakkhāyati; evameva kho, bhikkhave, yvāyaṃ jhāyī samādhismiṃ gocarakusalo ca hoti samādhismiṃ abhinīhārakusalo ca ayaṃ imesaṃ catunnaṃ jhāyīnaṃ…pe… uttamo ca pavaro cā’’ti. Chacattālīsamaṃ.
៧០៨. សមាធិស្មិំ គោចរកុសលោ ហោតិ, ន សមាធិស្មិំ សក្កច្ចការី…បេ.…។ វិត្ថារេតព្ពំ។ សត្តចត្តាលីសមំ។
708. Samādhismiṃ gocarakusalo hoti, na samādhismiṃ sakkaccakārī…pe…. Vitthāretabbaṃ. Sattacattālīsamaṃ.
៧០៩. សមាធិស្មិំ គោចរកុសលោ ហោតិ, ន សមាធិស្មិំ សាតច្ចការី…បេ.…។ អដ្ឋចត្តាលីសមំ។
709. Samādhismiṃ gocarakusalo hoti, na samādhismiṃ sātaccakārī…pe…. Aṭṭhacattālīsamaṃ.
៧១០. សមាធិស្មិំ គោចរកុសលោ ហោតិ, ន សមាធិស្មិំ សប្បាយការី…បេ.…។ ឯកូនបញ្ញាសមំ។ (គោចរមូលកំ។)
710. Samādhismiṃ gocarakusalo hoti, na samādhismiṃ sappāyakārī…pe…. Ekūnapaññāsamaṃ. (Gocaramūlakaṃ.)
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២-៥៥. សមាធិមូលកឋិតិសុត្តាទិវណ្ណនា • 2-55. Samādhimūlakaṭhitisuttādivaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២-៥៥. សមាធិមូលកឋិតិសុត្តាទិវណ្ណនា • 2-55. Samādhimūlakaṭhitisuttādivaṇṇanā
