| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4-12. ஸாரக³ந்தா⁴தி³தா³தாஸுத்தனவகங்
4-12. Sāragandhādidātāsuttanavakaṃ
441-449. ஸாவத்தி²னிதா³னங். ஏகமந்தங் நிஸின்னோ கோ² ஸோ பி⁴க்கு² ப⁴க³வந்தங் ஏதத³வோச – ‘‘கோ நு கோ², ப⁴ந்தே, ஹேது, கோ பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா ஸாரக³ந்தே⁴ அதி⁴வத்தா²னங் தே³வானங்…பே॰… பெ²க்³கு³க³ந்தே⁴ அதி⁴வத்தா²னங் தே³வானங்… தசக³ந்தே⁴ அதி⁴வத்தா²னங் தே³வானங்… பபடிகக³ந்தே⁴ அதி⁴வத்தா²னங் தே³வானங்… பத்தக³ந்தே⁴ அதி⁴வத்தா²னங் தே³வானங்… புப்ப²க³ந்தே⁴ அதி⁴வத்தா²னங் தே³வானங்… ப²லக³ந்தே⁴ அதி⁴வத்தா²னங் தே³வானங்… ரஸக³ந்தே⁴ அதி⁴வத்தா²னங் தே³வானங்… க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதீ’’தி? ‘‘இத⁴, பி⁴க்கு², ஏகச்சோ காயேன ஸுசரிதங் சரதி, வாசாய ஸுசரிதங் சரதி, மனஸா ஸுசரிதங் சரதி. தஸ்ஸ ஸுதங் ஹோதி – ‘ஸாரக³ந்தே⁴ அதி⁴வத்தா² தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா ஸாரக³ந்தே⁴ அதி⁴வத்தா²னங் தே³வானங்…பே॰… பெ²க்³கு³க³ந்தே⁴ அதி⁴வத்தா²னங் தே³வானங்… தசக³ந்தே⁴ அதி⁴வத்தா²னங் தே³வானங்… பபடிகக³ந்தே⁴ அதி⁴வத்தா²னங் தே³வானங்… பத்தக³ந்தே⁴ அதி⁴வத்தா²னங் தே³வானங்… புப்ப²க³ந்தே⁴ அதி⁴வத்தா²னங் தே³வானங்… ப²லக³ந்தே⁴ அதி⁴வத்தா²னங் தே³வானங்… ரஸக³ந்தே⁴ அதி⁴வத்தா²னங் தே³வானங்… க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜெய்ய’ந்தி. ஸோ தா³தா ஹோதி ஸாரக³ந்தா⁴னங்…பே॰… ஸோ தா³தா ஹோதி பெ²க்³கு³க³ந்தா⁴னங்… ஸோ தா³தா ஹோதி தசக³ந்தா⁴னங்… ஸோ தா³தா ஹோதி பபடிகக³ந்தா⁴னங்… ஸோ தா³தா ஹோதி பத்தக³ந்தா⁴னங்… ஸோ தா³தா ஹோதி புப்ப²க³ந்தா⁴னங்… ஸோ தா³தா ஹோதி ப²லக³ந்தா⁴னங்… ஸோ தா³தா ஹோதி ரஸக³ந்தா⁴னங்… ஸோ தா³தா ஹோதி க³ந்த⁴க³ந்தா⁴னங். ஸோ காயஸ்ஸ பே⁴தா³ பரங் மரணா க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதி. அயங் கோ², பி⁴க்கு², ஹேது, அயங் பச்சயோ, யேன மிதே⁴கச்சோ காயஸ்ஸ பே⁴தா³ பரங் மரணா க³ந்த⁴க³ந்தே⁴ அதி⁴வத்தா²னங் தே³வானங் ஸஹப்³யதங் உபபஜ்ஜதீ’’தி. த்³வாத³ஸமங்.
441-449. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā sāragandhe adhivatthānaṃ devānaṃ…pe… pheggugandhe adhivatthānaṃ devānaṃ… tacagandhe adhivatthānaṃ devānaṃ… papaṭikagandhe adhivatthānaṃ devānaṃ… pattagandhe adhivatthānaṃ devānaṃ… pupphagandhe adhivatthānaṃ devānaṃ… phalagandhe adhivatthānaṃ devānaṃ… rasagandhe adhivatthānaṃ devānaṃ… gandhagandhe adhivatthānaṃ devānaṃ sahabyataṃ upapajjatī’’ti? ‘‘Idha, bhikkhu, ekacco kāyena sucaritaṃ carati, vācāya sucaritaṃ carati, manasā sucaritaṃ carati. Tassa sutaṃ hoti – ‘sāragandhe adhivatthā devā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā sāragandhe adhivatthānaṃ devānaṃ…pe… pheggugandhe adhivatthānaṃ devānaṃ… tacagandhe adhivatthānaṃ devānaṃ… papaṭikagandhe adhivatthānaṃ devānaṃ… pattagandhe adhivatthānaṃ devānaṃ… pupphagandhe adhivatthānaṃ devānaṃ… phalagandhe adhivatthānaṃ devānaṃ… rasagandhe adhivatthānaṃ devānaṃ… gandhagandhe adhivatthānaṃ devānaṃ sahabyataṃ upapajjeyya’nti. So dātā hoti sāragandhānaṃ…pe… so dātā hoti pheggugandhānaṃ… so dātā hoti tacagandhānaṃ… so dātā hoti papaṭikagandhānaṃ… so dātā hoti pattagandhānaṃ… so dātā hoti pupphagandhānaṃ… so dātā hoti phalagandhānaṃ… so dātā hoti rasagandhānaṃ… so dātā hoti gandhagandhānaṃ. So kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā gandhagandhe adhivatthānaṃ devānaṃ sahabyataṃ upapajjatī’’ti. Dvādasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10. க³ந்த⁴ப்³ப³காயஸங்யுத்தவண்ணனா • 10. Gandhabbakāyasaṃyuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. க³ந்த⁴ப்³ப³காயஸங்யுத்தவண்ணனா • 10. Gandhabbakāyasaṃyuttavaṇṇanā
