| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៤-២៣. ភល្លិកាទិសុត្តានិ
4-23. Bhallikādisuttāni
១២០-១៣៩. ‘‘ឆហិ, ភិក្ខវេ, ធម្មេហិ សមន្នាគតោ ភល្លិកោ គហបតិ…បេ.… សុទត្តោ គហបតិ អនាថបិណ្ឌិកោ… ចិត្តោ គហបតិ មច្ឆិកាសណ្ឌិកោ… ហត្ថកោ អាឡវកោ… មហានាមោ សក្កោ… ឧគ្គោ គហបតិ វេសាលិកោ… ឧគ្គតោ គហបតិ… សូរម្ពដ្ឋោ 1 … ជីវកោ កោមារភច្ចោ… នកុលបិតា គហបតិ… តវកណ្ណិកោ គហបតិ… បូរណោ គហបតិ… ឥសិទត្តោ គហបតិ… សន្ធានោ 2 គហបតិ… វិចយោ 3 គហបតិ… វិជយមាហិកោ 4 គហបតិ… មេណ្ឌកោ គហបតិ … វាសេដ្ឋោ ឧបាសកោ… អរិដ្ឋោ ឧបាសកោ… សារគ្គោ 5 ឧបាសកោ តថាគតេ និដ្ឋង្គតោ អមតទ្ទសោ អមតំ សច្ឆិកត្វា ឥរិយតិ។ កតមេហិ ឆហិ? ពុទ្ធេ អវេច្ចប្បសាទេន, ធម្មេ អវេច្ចប្បសាទេន, សង្ឃេ អវេច្ចប្បសាទេន, អរិយេន សីលេន, អរិយេន ញាណេន, អរិយាយ វិមុត្តិយា។ ឥមេហិ ខោ, ភិក្ខវេ, ឆហិ ធម្មេហិ សមន្នាគតោ សារគ្គោ ឧបាសកោ តថាគតេ និដ្ឋង្គតោ អមតទ្ទសោ អមតំ សច្ឆិកត្វា ឥរិយតី’’តិ។ តេវីសតិមំ។
120-139. ‘‘Chahi, bhikkhave, dhammehi samannāgato bhalliko gahapati…pe… sudatto gahapati anāthapiṇḍiko… citto gahapati macchikāsaṇḍiko… hatthako āḷavako… mahānāmo sakko… uggo gahapati vesāliko… uggato gahapati… sūrambaṭṭho 6 … jīvako komārabhacco… nakulapitā gahapati… tavakaṇṇiko gahapati… pūraṇo gahapati… isidatto gahapati… sandhāno 7 gahapati… vicayo 8 gahapati… vijayamāhiko 9 gahapati… meṇḍako gahapati … vāseṭṭho upāsako… ariṭṭho upāsako… sāraggo 10 upāsako tathāgate niṭṭhaṅgato amataddaso amataṃ sacchikatvā iriyati. Katamehi chahi? Buddhe aveccappasādena, dhamme aveccappasādena, saṅghe aveccappasādena, ariyena sīlena, ariyena ñāṇena, ariyāya vimuttiyā. Imehi kho, bhikkhave, chahi dhammehi samannāgato sāraggo upāsako tathāgate niṭṭhaṅgato amataddaso amataṃ sacchikatvā iriyatī’’ti. Tevīsatimaṃ.
សាមញ្ញវគ្គោ ទ្វាទសមោ។
Sāmaññavaggo dvādasamo.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១២. សាមញ្ញវគ្គវណ្ណនា • 12. Sāmaññavaggavaṇṇanā
