| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
4-23. භල්‌ලිකාදිසුත්‌තානි
4-23. Bhallikādisuttāni
120-139. ‘‘ඡහි, භික්‌ඛවෙ, ධම්‌මෙහි සමන්‌නාගතො භල්‌ලිකො ගහපති…පෙ.… සුදත්‌තො ගහපති අනාථපිණ්‌ඩිකො… චිත්‌තො ගහපති මච්‌ඡිකාසණ්‌ඩිකො… හත්‌ථකො ආළවකො… මහානාමො සක්‌කො… උග්‌ගො ගහපති වෙසාලිකො… උග්‌ගතො ගහපති… සූරම්‌බට්‌ඨො 1 … ජීවකො කොමාරභච්‌චො… නකුලපිතා ගහපති… තවකණ්‌ණිකො ගහපති… පූරණො ගහපති… ඉසිදත්‌තො ගහපති… සන්‌ධානො 2 ගහපති… විචයො 3 ගහපති… විජයමාහිකො 4 ගහපති… මෙණ්‌ඩකො ගහපති … වාසෙට්‌ඨො උපාසකො… අරිට්‌ඨො උපාසකො… සාරග්‌ගො 5 උපාසකො තථාගතෙ නිට්‌ඨඞ්‌ගතො අමතද්‌දසො අමතං සච්‌ඡිකත්‌වා ඉරියති. කතමෙහි ඡහි? බුද්‌ධෙ අවෙච්‌චප්‌පසාදෙන, ධම්‌මෙ අවෙච්‌චප්‌පසාදෙන, සඞ්‌ඝෙ අවෙච්‌චප්‌පසාදෙන, අරියෙන සීලෙන, අරියෙන ඤාණෙන, අරියාය විමුත්‌තියා. ඉමෙහි ඛො, භික්‌ඛවෙ, ඡහි ධම්‌මෙහි සමන්‌නාගතො සාරග්‌ගො උපාසකො තථාගතෙ නිට්‌ඨඞ්‌ගතො අමතද්‌දසො අමතං සච්‌ඡිකත්‌වා ඉරියතී’’ති. තෙවීසතිමං.
120-139. ‘‘Chahi, bhikkhave, dhammehi samannāgato bhalliko gahapati…pe… sudatto gahapati anāthapiṇḍiko… citto gahapati macchikāsaṇḍiko… hatthako āḷavako… mahānāmo sakko… uggo gahapati vesāliko… uggato gahapati… sūrambaṭṭho 6 … jīvako komārabhacco… nakulapitā gahapati… tavakaṇṇiko gahapati… pūraṇo gahapati… isidatto gahapati… sandhāno 7 gahapati… vicayo 8 gahapati… vijayamāhiko 9 gahapati… meṇḍako gahapati … vāseṭṭho upāsako… ariṭṭho upāsako… sāraggo 10 upāsako tathāgate niṭṭhaṅgato amataddaso amataṃ sacchikatvā iriyati. Katamehi chahi? Buddhe aveccappasādena, dhamme aveccappasādena, saṅghe aveccappasādena, ariyena sīlena, ariyena ñāṇena, ariyāya vimuttiyā. Imehi kho, bhikkhave, chahi dhammehi samannāgato sāraggo upāsako tathāgate niṭṭhaṅgato amataddaso amataṃ sacchikatvā iriyatī’’ti. Tevīsatimaṃ.
සාමඤ්‌ඤවග්‌ගො ද්‌වාදසමො.
Sāmaññavaggo dvādasamo.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 12. සාමඤ්‌ඤවග්‌ගවණ්‌ණනා • 12. Sāmaññavaggavaṇṇanā
