| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൪-൨൩. ഭല്ലികാദിസുത്താനി
4-23. Bhallikādisuttāni
൧൨൦-൧൩൯. ‘‘ഛഹി, ഭിക്ഖവേ, ധമ്മേഹി സമന്നാഗതോ ഭല്ലികോ ഗഹപതി…പേ॰… സുദത്തോ ഗഹപതി അനാഥപിണ്ഡികോ… ചിത്തോ ഗഹപതി മച്ഛികാസണ്ഡികോ… ഹത്ഥകോ ആളവകോ… മഹാനാമോ സക്കോ… ഉഗ്ഗോ ഗഹപതി വേസാലികോ… ഉഗ്ഗതോ ഗഹപതി… സൂരമ്ബട്ഠോ 1 … ജീവകോ കോമാരഭച്ചോ… നകുലപിതാ ഗഹപതി… തവകണ്ണികോ ഗഹപതി… പൂരണോ ഗഹപതി… ഇസിദത്തോ ഗഹപതി… സന്ധാനോ 2 ഗഹപതി… വിചയോ 3 ഗഹപതി… വിജയമാഹികോ 4 ഗഹപതി… മേണ്ഡകോ ഗഹപതി … വാസേട്ഠോ ഉപാസകോ… അരിട്ഠോ ഉപാസകോ… സാരഗ്ഗോ 5 ഉപാസകോ തഥാഗതേ നിട്ഠങ്ഗതോ അമതദ്ദസോ അമതം സച്ഛികത്വാ ഇരിയതി. കതമേഹി ഛഹി? ബുദ്ധേ അവേച്ചപ്പസാദേന, ധമ്മേ അവേച്ചപ്പസാദേന, സങ്ഘേ അവേച്ചപ്പസാദേന, അരിയേന സീലേന, അരിയേന ഞാണേന, അരിയായ വിമുത്തിയാ. ഇമേഹി ഖോ, ഭിക്ഖവേ, ഛഹി ധമ്മേഹി സമന്നാഗതോ സാരഗ്ഗോ ഉപാസകോ തഥാഗതേ നിട്ഠങ്ഗതോ അമതദ്ദസോ അമതം സച്ഛികത്വാ ഇരിയതീ’’തി. തേവീസതിമം.
120-139. ‘‘Chahi, bhikkhave, dhammehi samannāgato bhalliko gahapati…pe… sudatto gahapati anāthapiṇḍiko… citto gahapati macchikāsaṇḍiko… hatthako āḷavako… mahānāmo sakko… uggo gahapati vesāliko… uggato gahapati… sūrambaṭṭho 6 … jīvako komārabhacco… nakulapitā gahapati… tavakaṇṇiko gahapati… pūraṇo gahapati… isidatto gahapati… sandhāno 7 gahapati… vicayo 8 gahapati… vijayamāhiko 9 gahapati… meṇḍako gahapati … vāseṭṭho upāsako… ariṭṭho upāsako… sāraggo 10 upāsako tathāgate niṭṭhaṅgato amataddaso amataṃ sacchikatvā iriyati. Katamehi chahi? Buddhe aveccappasādena, dhamme aveccappasādena, saṅghe aveccappasādena, ariyena sīlena, ariyena ñāṇena, ariyāya vimuttiyā. Imehi kho, bhikkhave, chahi dhammehi samannāgato sāraggo upāsako tathāgate niṭṭhaṅgato amataddaso amataṃ sacchikatvā iriyatī’’ti. Tevīsatimaṃ.
സാമഞ്ഞവഗ്ഗോ ദ്വാദസമോ.
Sāmaññavaggo dvādasamo.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൨. സാമഞ്ഞവഗ്ഗവണ്ണനാ • 12. Sāmaññavaggavaṇṇanā
