| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৪-৬. দুতিযাদিদ্ৰযকারীসুত্তত্তিকং
4-6. Dutiyādidvayakārīsuttattikaṃ
৩৯৫-৩৯৭. সাৰত্থিনিদানং। একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেন মিধেকচ্চো কাযস্স ভেদা পরং মরণা জলাবুজানং সুপণ্ণানং…পে॰… সংসেদজানং সুপণ্ণানং…পে॰… ওপপাতিকানং সুপণ্ণানং সহব্যতং উপপজ্জতী’’তি? ‘‘ইধ, ভিক্খু, একচ্চো কাযেন দ্ৰযকারী হোতি, ৰাচায দ্ৰযকারী, মনসা দ্ৰযকারী। তস্স সুতং হোতি – ‘ওপপাতিকা সুপণ্ণা দীঘাযুকা ৰণ্ণৰন্তো সুখবহুলা’তি। তস্স এৰং হোতি – ‘অহো ৰতাহং কাযস্স ভেদা পরং মরণা ওপপাতিকানং সুপণ্ণানং সহব্যতং উপপজ্জেয্য’ন্তি। সো কাযস্স ভেদা পরং মরণা ওপপাতিকানং সুপণ্ণানং সহব্যতং উপপজ্জতি। অযং খো, ভিক্খু, হেতু, অযং পচ্চযো, যেন মিধেকচ্চো কাযস্স ভেদা পরং মরণা ওপপাতিকানং সুপণ্ণানং সহব্যতং উপপজ্জতী’’তি। ছট্ঠং।
395-397. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā jalābujānaṃ supaṇṇānaṃ…pe… saṃsedajānaṃ supaṇṇānaṃ…pe… opapātikānaṃ supaṇṇānaṃ sahabyataṃ upapajjatī’’ti? ‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘opapātikā supaṇṇā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjeyya’nti. So kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjatī’’ti. Chaṭṭhaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৯. সুপণ্ণসংযুত্তৰণ্ণনা • 9. Supaṇṇasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৯. সুপণ্ণসংযুত্তৰণ্ণনা • 9. Supaṇṇasaṃyuttavaṇṇanā
