| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
4-6. දුතියාදිද්‌වයකාරීසුත්‌තත්‌තිකං
4-6. Dutiyādidvayakārīsuttattikaṃ
395-397. සාවත්‌ථිනිදානං. එකමන්‌තං නිසින්‌නො ඛො සො භික්‌ඛු භගවන්‌තං එතදවොච – ‘‘කො නු ඛො, භන්‌තෙ, හෙතු, කො පච්‌චයො, යෙන මිධෙකච්‌චො කායස්‌ස භෙදා පරං මරණා ජලාබුජානං සුපණ්‌ණානං…පෙ.… සංසෙදජානං සුපණ්‌ණානං…පෙ.… ඔපපාතිකානං සුපණ්‌ණානං සහබ්‍යතං උපපජ්‌ජතී’’ති? ‘‘ඉධ, භික්‌ඛු, එකච්‌චො කායෙන ද්‌වයකාරී හොති, වාචාය ද්‌වයකාරී, මනසා ද්‌වයකාරී. තස්‌ස සුතං හොති – ‘ඔපපාතිකා සුපණ්‌ණා දීඝායුකා වණ්‌ණවන්‌තො සුඛබහුලා’ති. තස්‌ස එවං හොති – ‘අහො වතාහං කායස්‌ස භෙදා පරං මරණා ඔපපාතිකානං සුපණ්‌ණානං සහබ්‍යතං උපපජ්‌ජෙය්‍ය’න්‌ති. සො කායස්‌ස භෙදා පරං මරණා ඔපපාතිකානං සුපණ්‌ණානං සහබ්‍යතං උපපජ්‌ජති. අයං ඛො, භික්‌ඛු, හෙතු, අයං පච්‌චයො, යෙන මිධෙකච්‌චො කායස්‌ස භෙදා පරං මරණා ඔපපාතිකානං සුපණ්‌ණානං සහබ්‍යතං උපපජ්‌ජතී’’ති. ඡට්‌ඨං.
395-397. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yena midhekacco kāyassa bhedā paraṃ maraṇā jalābujānaṃ supaṇṇānaṃ…pe… saṃsedajānaṃ supaṇṇānaṃ…pe… opapātikānaṃ supaṇṇānaṃ sahabyataṃ upapajjatī’’ti? ‘‘Idha, bhikkhu, ekacco kāyena dvayakārī hoti, vācāya dvayakārī, manasā dvayakārī. Tassa sutaṃ hoti – ‘opapātikā supaṇṇā dīghāyukā vaṇṇavanto sukhabahulā’ti. Tassa evaṃ hoti – ‘aho vatāhaṃ kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjeyya’nti. So kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjati. Ayaṃ kho, bhikkhu, hetu, ayaṃ paccayo, yena midhekacco kāyassa bhedā paraṃ maraṇā opapātikānaṃ supaṇṇānaṃ sahabyataṃ upapajjatī’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 9. සුපණ්‌ණසංයුත්‌තවණ්‌ණනා • 9. Supaṇṇasaṃyuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 9. සුපණ්‌ණසංයුත්‌තවණ්‌ණනා • 9. Supaṇṇasaṃyuttavaṇṇanā
