| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၅၁-၅၄. ရူပအပ္ပစ္စက္ခကမ္မာဒိသုတ္တစတုက္ကံ
51-54. Rūpaappaccakkhakammādisuttacatukkaṃ
၆၅၇-၆၆၀. သာဝတ္ထိနိဒာနံ။ အထ ခော ဝစ္ဆဂောတ္တော ပရိဗ္ဗာဇကော ယေန ဘဂဝာ တေနုပသင္ကမိ; ဥပသင္ကမိတ္ဝာ ဘဂဝတာ သဒ္ဓိံ သမ္မောဒိ။ သမ္မောဒနီယံ ကထံ သာရဏီယံ ဝီတိသာရေတ္ဝာ ဧကမန္တံ နိသီဒိ။ ဧကမန္တံ နိသိန္နော ခော ဝစ္ဆဂောတ္တော ပရိဗ္ဗာဇကော ဘဂဝန္တံ ဧတဒဝောစ – ‘‘ကော နု ခော, ဘော ဂောတမ, ဟေတု, ကော ပစ္စယော, ယာနိမာနိ အနေကဝိဟိတာနိ ဒိဋ္ဌိဂတာနိ လောကေ ဥပ္ပဇ္ဇန္တိ – သသ္သတော လောကောတိ ဝာ။ပေ.။ နေဝ ဟောတိ န န ဟောတိ တထာဂတော ပရံ မရဏာတိ ဝာ’’တိ? ရူပေ ခော, ဝစ္ဆ, အပ္ပစ္စက္ခကမ္မာ, ရူပသမုဒယေ အပ္ပစ္စက္ခကမ္မာ , ရူပနိရောဓေ အပ္ပစ္စက္ခကမ္မာ, ရူပနိရောဓဂာမိနိယာ ပဋိပဒာယ အပ္ပစ္စက္ခကမ္မာ။ပေ.။။
657-660. Sāvatthinidānaṃ. Atha kho vacchagotto paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vacchagotto paribbājako bhagavantaṃ etadavoca – ‘‘ko nu kho, bho gotama, hetu, ko paccayo, yānimāni anekavihitāni diṭṭhigatāni loke uppajjanti – sassato lokoti vā…pe… neva hoti na na hoti tathāgato paraṃ maraṇāti vā’’ti? Rūpe kho, vaccha, appaccakkhakammā, rūpasamudaye appaccakkhakammā , rūpanirodhe appaccakkhakammā, rūpanirodhagāminiyā paṭipadāya appaccakkhakammā…pe….
သာဝတ္ထိနိဒာနံ ။ ဝေဒနာယ ခော, ဝစ္ဆ, အပ္ပစ္စက္ခကမ္မာ။ပေ.။ ဝေဒနာနိရောဓဂာမိနိယာ ပဋိပဒာယ အပ္ပစ္စက္ခကမ္မာ။ပေ.။။
Sāvatthinidānaṃ . Vedanāya kho, vaccha, appaccakkhakammā…pe… vedanānirodhagāminiyā paṭipadāya appaccakkhakammā…pe….
သာဝတ္ထိနိဒာနံ။ သညာယ ခော, ဝစ္ဆ, အပ္ပစ္စက္ခကမ္မာ။ပေ.။ သညာနိရောဓဂာမိနိယာ ပဋိပဒာယ အပ္ပစ္စက္ခကမ္မာ။ပေ.။။
Sāvatthinidānaṃ. Saññāya kho, vaccha, appaccakkhakammā…pe… saññānirodhagāminiyā paṭipadāya appaccakkhakammā…pe….
သာဝတ္ထိနိဒာနံ ။ သင္ခာရေသု ခော, ဝစ္ဆ, အပ္ပစ္စက္ခကမ္မာ။ပေ.။ သင္ခာရနိရောဓဂာမိနိယာ ပဋိပဒာယ အပ္ပစ္စက္ခကမ္မာ။ပေ.။။ စတုပညာသမံ။
Sāvatthinidānaṃ . Saṅkhāresu kho, vaccha, appaccakkhakammā…pe… saṅkhāranirodhagāminiyā paṭipadāya appaccakkhakammā…pe…. Catupaññāsamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁၂. ဝစ္ဆဂောတ္တသံယုတ္တဝဏ္ဏနာ • 12. Vacchagottasaṃyuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၂. ဝစ္ဆဂောတ္တသံယုတ္တဝဏ္ဏနာ • 12. Vacchagottasaṃyuttavaṇṇanā
