| Library / Tipiṭaka / তিপিটক • Tipiṭaka / পটিসম্ভিদামগ্গপাল়ি • Paṭisambhidāmaggapāḷi |
৬৪-৬৭. সুদ্ধিকপটিসম্ভিদাঞাণনিদ্দেসো
64-67. Suddhikapaṭisambhidāñāṇaniddeso
১১০. কথং অত্থপটিসম্ভিদে ঞাণং, ধম্মপটিসম্ভিদে ঞাণং, নিরুত্তিপটিসম্ভিদে ঞাণং, পটিভানপটিসম্ভিদে ঞাণং? অত্থেসু ঞাণং অত্থপটিসম্ভিদা, ধম্মেসু ঞাণং ধম্মপটিসম্ভিদা, নিরুত্তীসু ঞাণং নিরুত্তিপটিসম্ভিদা, পটিভানেসু ঞাণং পটিভানপটিসম্ভিদা। অত্থনানত্তে পঞ্ঞা অত্থপটিসম্ভিদে ঞাণং, ধম্মনানত্তে পঞ্ঞা ধম্মপটিসম্ভিদে ঞাণং, নিরুত্তিনানত্তে পঞ্ঞা নিরুত্তিপটিসম্ভিদে ঞাণং, পটিভাননানত্তে পঞ্ঞা পটিভানপটিসম্ভিদে ঞাণং, অত্থৰৰত্থানে পঞ্ঞা অত্থপটিসম্ভিদে ঞাণং, ধম্মৰৰত্থানে পঞ্ঞা ধম্মপটিসম্ভিদে ঞাণং নিরুত্তিৰৰত্থানে পঞ্ঞা নিরুত্তিপটিসম্ভিদে ঞাণং, পটিভানৰৰত্থানে পঞ্ঞা পটিভানপটিসম্ভিদে ঞাণং।
110. Kathaṃ atthapaṭisambhide ñāṇaṃ, dhammapaṭisambhide ñāṇaṃ, niruttipaṭisambhide ñāṇaṃ, paṭibhānapaṭisambhide ñāṇaṃ? Atthesu ñāṇaṃ atthapaṭisambhidā, dhammesu ñāṇaṃ dhammapaṭisambhidā, niruttīsu ñāṇaṃ niruttipaṭisambhidā, paṭibhānesu ñāṇaṃ paṭibhānapaṭisambhidā. Atthanānatte paññā atthapaṭisambhide ñāṇaṃ, dhammanānatte paññā dhammapaṭisambhide ñāṇaṃ, niruttinānatte paññā niruttipaṭisambhide ñāṇaṃ, paṭibhānanānatte paññā paṭibhānapaṭisambhide ñāṇaṃ, atthavavatthāne paññā atthapaṭisambhide ñāṇaṃ, dhammavavatthāne paññā dhammapaṭisambhide ñāṇaṃ niruttivavatthāne paññā niruttipaṭisambhide ñāṇaṃ, paṭibhānavavatthāne paññā paṭibhānapaṭisambhide ñāṇaṃ.
অত্থসল্লক্খণে পঞ্ঞা অত্থপটিসম্ভিদে ঞাণং, ধম্মসল্লক্খণে পঞ্ঞা ধম্মপটিসম্ভিদে ঞাণং, নিরুত্তিসল্লক্খণে পঞ্ঞা নিরুত্তিপটিসম্ভিদে ঞাণং, পটিভানসল্লক্খণে পঞ্ঞা পটিভানপটিসম্ভিদে ঞাণং। অত্থূপলক্খণে পঞ্ঞা অত্থপটিসম্ভিদে ঞাণং, ধম্মূপলক্খণে পঞ্ঞা ধম্মপটিসম্ভিদে ঞাণং, নিরুত্তূপলক্খণে পঞ্ঞা নিরুত্তিপটিসম্ভিদে ঞাণং, পটিভানূপলক্খণে পঞ্ঞা পটিভানপটিসম্ভিদে ঞাণং।
Atthasallakkhaṇe paññā atthapaṭisambhide ñāṇaṃ, dhammasallakkhaṇe paññā dhammapaṭisambhide ñāṇaṃ, niruttisallakkhaṇe paññā niruttipaṭisambhide ñāṇaṃ, paṭibhānasallakkhaṇe paññā paṭibhānapaṭisambhide ñāṇaṃ. Atthūpalakkhaṇe paññā atthapaṭisambhide ñāṇaṃ, dhammūpalakkhaṇe paññā dhammapaṭisambhide ñāṇaṃ, niruttūpalakkhaṇe paññā niruttipaṭisambhide ñāṇaṃ, paṭibhānūpalakkhaṇe paññā paṭibhānapaṭisambhide ñāṇaṃ.
অত্থপ্পভেদে পঞ্ঞা অত্থপটিসম্ভিদে ঞাণং, ধম্মপ্পভেদে পঞ্ঞা ধম্মপটিসম্ভিদে ঞাণং, নিরুত্তিপ্পভেদে পঞ্ঞা নিরুত্তিপটিসম্ভিদে ঞাণং, পটিভানপ্পভেদে পঞ্ঞা পটিভানপটিসম্ভিদে ঞাণং। অত্থপ্পভাৰনে পঞ্ঞা অত্থপটিসম্ভিদে ঞাণং, ধম্মপ্পভাৰনে পঞ্ঞা ধম্মপটিসম্ভিদে ঞাণং, নিরুত্তিপ্পভাৰনে পঞ্ঞা নিরুত্তিপটিসম্ভিদে ঞাণং, পটিভানপ্পভাৰনে পঞ্ঞা পটিভানপটিসম্ভিদে ঞাণং।
Atthappabhede paññā atthapaṭisambhide ñāṇaṃ, dhammappabhede paññā dhammapaṭisambhide ñāṇaṃ, niruttippabhede paññā niruttipaṭisambhide ñāṇaṃ, paṭibhānappabhede paññā paṭibhānapaṭisambhide ñāṇaṃ. Atthappabhāvane paññā atthapaṭisambhide ñāṇaṃ, dhammappabhāvane paññā dhammapaṭisambhide ñāṇaṃ, niruttippabhāvane paññā niruttipaṭisambhide ñāṇaṃ, paṭibhānappabhāvane paññā paṭibhānapaṭisambhide ñāṇaṃ.
অত্থজোতনে পঞ্ঞা অত্থপটিসম্ভিদে ঞাণং, ধম্মজোতনে পঞ্ঞা ধম্মপটিসম্ভিদে ঞাণং, নিরুত্তিজোতনে পঞ্ঞা নিরুত্তিপটিসম্ভিদে ঞাণং, পটিভানজোতনে পঞ্ঞা পটিভানপটিসম্ভিদে ঞাণং। অত্থৰিরোচনে পঞ্ঞা অত্থপটিসম্ভিদে ঞাণং, ধম্মৰিরোচনে পঞ্ঞা ধম্মপটিসম্ভিদে ঞাণং, নিরুত্তিৰিরোচনে পঞ্ঞা নিরুত্তিপটিসম্ভিদে ঞাণং, পটিভানৰিরোচনে পঞ্ঞা পটিভানপটিসম্ভিদে ঞাণং। অত্থপ্পকাসনে পঞ্ঞা অত্থপটিসম্ভিদে ঞাণং, ধম্মপ্পকাসনে পঞ্ঞা ধম্মপটিসম্ভিদে ঞাণং, নিরুত্তিপ্পকাসনে পঞ্ঞা নিরুত্তিপটিসম্ভিদে ঞাণং, পটিভানপ্পকাসনে পঞ্ঞা পটিভানপটিসম্ভিদে ঞাণং। তং ঞাতট্ঠেন ঞাণং, পজাননট্ঠেন পঞ্ঞা। তেন ৰুচ্চতি – ‘‘অত্থপটিসম্ভিদে ঞাণং, ধম্মপটিসম্ভিদে ঞাণং, নিরুত্তিপটিসম্ভিদে ঞাণং, পটিভানপটিসম্ভিদে ঞাণং’’।
Atthajotane paññā atthapaṭisambhide ñāṇaṃ, dhammajotane paññā dhammapaṭisambhide ñāṇaṃ, niruttijotane paññā niruttipaṭisambhide ñāṇaṃ, paṭibhānajotane paññā paṭibhānapaṭisambhide ñāṇaṃ. Atthavirocane paññā atthapaṭisambhide ñāṇaṃ, dhammavirocane paññā dhammapaṭisambhide ñāṇaṃ, niruttivirocane paññā niruttipaṭisambhide ñāṇaṃ, paṭibhānavirocane paññā paṭibhānapaṭisambhide ñāṇaṃ. Atthappakāsane paññā atthapaṭisambhide ñāṇaṃ, dhammappakāsane paññā dhammapaṭisambhide ñāṇaṃ, niruttippakāsane paññā niruttipaṭisambhide ñāṇaṃ, paṭibhānappakāsane paññā paṭibhānapaṭisambhide ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘atthapaṭisambhide ñāṇaṃ, dhammapaṭisambhide ñāṇaṃ, niruttipaṭisambhide ñāṇaṃ, paṭibhānapaṭisambhide ñāṇaṃ’’.
সুদ্ধিকপটিসম্ভিদাঞাণনিদ্দেসো সত্তসট্ঠিমো।
Suddhikapaṭisambhidāñāṇaniddeso sattasaṭṭhimo.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / পটিসম্ভিদামগ্গ-অট্ঠকথা • Paṭisambhidāmagga-aṭṭhakathā / ৬৪-৬৭. সুদ্ধিকপটিসম্ভিদাঞাণনিদ্দেসৰণ্ণনা • 64-67. Suddhikapaṭisambhidāñāṇaniddesavaṇṇanā
