| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੬੪-੬੭. ਸੁਦ੍ਧਿਕਪਟਿਸਮ੍ਭਿਦਾਞਾਣਨਿਦ੍ਦੇਸੋ
64-67. Suddhikapaṭisambhidāñāṇaniddeso
੧੧੦. ਕਥਂ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਪਟਿਸਮ੍ਭਿਦੇ ਞਾਣਂ? ਅਤ੍ਥੇਸੁ ਞਾਣਂ ਅਤ੍ਥਪਟਿਸਮ੍ਭਿਦਾ, ਧਮ੍ਮੇਸੁ ਞਾਣਂ ਧਮ੍ਮਪਟਿਸਮ੍ਭਿਦਾ, ਨਿਰੁਤ੍ਤੀਸੁ ਞਾਣਂ ਨਿਰੁਤ੍ਤਿਪਟਿਸਮ੍ਭਿਦਾ, ਪਟਿਭਾਨੇਸੁ ਞਾਣਂ ਪਟਿਭਾਨਪਟਿਸਮ੍ਭਿਦਾ। ਅਤ੍ਥਨਾਨਤ੍ਤੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਨਾਨਤ੍ਤੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਨਾਨਤ੍ਤੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਨਾਨਤ੍ਤੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ, ਅਤ੍ਥવવਤ੍ਥਾਨੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮવવਤ੍ਥਾਨੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ ਨਿਰੁਤ੍ਤਿવવਤ੍ਥਾਨੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨવવਤ੍ਥਾਨੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ।
110. Kathaṃ atthapaṭisambhide ñāṇaṃ, dhammapaṭisambhide ñāṇaṃ, niruttipaṭisambhide ñāṇaṃ, paṭibhānapaṭisambhide ñāṇaṃ? Atthesu ñāṇaṃ atthapaṭisambhidā, dhammesu ñāṇaṃ dhammapaṭisambhidā, niruttīsu ñāṇaṃ niruttipaṭisambhidā, paṭibhānesu ñāṇaṃ paṭibhānapaṭisambhidā. Atthanānatte paññā atthapaṭisambhide ñāṇaṃ, dhammanānatte paññā dhammapaṭisambhide ñāṇaṃ, niruttinānatte paññā niruttipaṭisambhide ñāṇaṃ, paṭibhānanānatte paññā paṭibhānapaṭisambhide ñāṇaṃ, atthavavatthāne paññā atthapaṭisambhide ñāṇaṃ, dhammavavatthāne paññā dhammapaṭisambhide ñāṇaṃ niruttivavatthāne paññā niruttipaṭisambhide ñāṇaṃ, paṭibhānavavatthāne paññā paṭibhānapaṭisambhide ñāṇaṃ.
ਅਤ੍ਥਸਲ੍ਲਕ੍ਖਣੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਸਲ੍ਲਕ੍ਖਣੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਸਲ੍ਲਕ੍ਖਣੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਸਲ੍ਲਕ੍ਖਣੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ। ਅਤ੍ਥੂਪਲਕ੍ਖਣੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮੂਪਲਕ੍ਖਣੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤੂਪਲਕ੍ਖਣੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨੂਪਲਕ੍ਖਣੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ।
Atthasallakkhaṇe paññā atthapaṭisambhide ñāṇaṃ, dhammasallakkhaṇe paññā dhammapaṭisambhide ñāṇaṃ, niruttisallakkhaṇe paññā niruttipaṭisambhide ñāṇaṃ, paṭibhānasallakkhaṇe paññā paṭibhānapaṭisambhide ñāṇaṃ. Atthūpalakkhaṇe paññā atthapaṭisambhide ñāṇaṃ, dhammūpalakkhaṇe paññā dhammapaṭisambhide ñāṇaṃ, niruttūpalakkhaṇe paññā niruttipaṭisambhide ñāṇaṃ, paṭibhānūpalakkhaṇe paññā paṭibhānapaṭisambhide ñāṇaṃ.
ਅਤ੍ਥਪ੍ਪਭੇਦੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਪ੍ਪਭੇਦੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਪ੍ਪਭੇਦੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਪ੍ਪਭੇਦੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ। ਅਤ੍ਥਪ੍ਪਭਾવਨੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਪ੍ਪਭਾવਨੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਪ੍ਪਭਾવਨੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਪ੍ਪਭਾવਨੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ।
Atthappabhede paññā atthapaṭisambhide ñāṇaṃ, dhammappabhede paññā dhammapaṭisambhide ñāṇaṃ, niruttippabhede paññā niruttipaṭisambhide ñāṇaṃ, paṭibhānappabhede paññā paṭibhānapaṭisambhide ñāṇaṃ. Atthappabhāvane paññā atthapaṭisambhide ñāṇaṃ, dhammappabhāvane paññā dhammapaṭisambhide ñāṇaṃ, niruttippabhāvane paññā niruttipaṭisambhide ñāṇaṃ, paṭibhānappabhāvane paññā paṭibhānapaṭisambhide ñāṇaṃ.
ਅਤ੍ਥਜੋਤਨੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਜੋਤਨੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਜੋਤਨੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਜੋਤਨੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ। ਅਤ੍ਥવਿਰੋਚਨੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮવਿਰੋਚਨੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿવਿਰੋਚਨੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨવਿਰੋਚਨੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ। ਅਤ੍ਥਪ੍ਪਕਾਸਨੇ ਪਞ੍ਞਾ ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਪ੍ਪਕਾਸਨੇ ਪਞ੍ਞਾ ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਪ੍ਪਕਾਸਨੇ ਪਞ੍ਞਾ ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਪ੍ਪਕਾਸਨੇ ਪਞ੍ਞਾ ਪਟਿਭਾਨਪਟਿਸਮ੍ਭਿਦੇ ਞਾਣਂ। ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਅਤ੍ਥਪਟਿਸਮ੍ਭਿਦੇ ਞਾਣਂ, ਧਮ੍ਮਪਟਿਸਮ੍ਭਿਦੇ ਞਾਣਂ, ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ, ਪਟਿਭਾਨਪਟਿਸਮ੍ਭਿਦੇ ਞਾਣਂ’’।
Atthajotane paññā atthapaṭisambhide ñāṇaṃ, dhammajotane paññā dhammapaṭisambhide ñāṇaṃ, niruttijotane paññā niruttipaṭisambhide ñāṇaṃ, paṭibhānajotane paññā paṭibhānapaṭisambhide ñāṇaṃ. Atthavirocane paññā atthapaṭisambhide ñāṇaṃ, dhammavirocane paññā dhammapaṭisambhide ñāṇaṃ, niruttivirocane paññā niruttipaṭisambhide ñāṇaṃ, paṭibhānavirocane paññā paṭibhānapaṭisambhide ñāṇaṃ. Atthappakāsane paññā atthapaṭisambhide ñāṇaṃ, dhammappakāsane paññā dhammapaṭisambhide ñāṇaṃ, niruttippakāsane paññā niruttipaṭisambhide ñāṇaṃ, paṭibhānappakāsane paññā paṭibhānapaṭisambhide ñāṇaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘atthapaṭisambhide ñāṇaṃ, dhammapaṭisambhide ñāṇaṃ, niruttipaṭisambhide ñāṇaṃ, paṭibhānapaṭisambhide ñāṇaṃ’’.
ਸੁਦ੍ਧਿਕਪਟਿਸਮ੍ਭਿਦਾਞਾਣਨਿਦ੍ਦੇਸੋ ਸਤ੍ਤਸਟ੍ਠਿਮੋ।
Suddhikapaṭisambhidāñāṇaniddeso sattasaṭṭhimo.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੬੪-੬੭. ਸੁਦ੍ਧਿਕਪਟਿਸਮ੍ਭਿਦਾਞਾਣਨਿਦ੍ਦੇਸવਣ੍ਣਨਾ • 64-67. Suddhikapaṭisambhidāñāṇaniddesavaṇṇanā
