| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৬-১১. ছেদনাদিসুত্তং
6-11. Chedanādisuttaṃ
১১৬৬-১১৭১. …পে॰… এৰমেৰ খো, ভিক্খৰে, অপ্পকা তে সত্তা যে ছেদনৰধবন্ধনৰিপরামোসআলোপসহসাকারা 1 পটিৰিরতা ; অথ খো এতেৰ বহুতরা সত্তা যে ছেদনৰধবন্ধনৰিপরামোসআলোপসহসাকারা অপ্পটিৰিরতা । তং কিস্স হেতু? অদিট্ঠত্তা ভিক্খৰে, চতুন্নং অরিযসচ্চানং। কতমেসং চতুন্নং? দুক্খস্স অরিযসচ্চস্স…পে॰… দুক্খনিরোধগামিনিযা পটিপদায অরিযসচ্চস্স’’।
1166-1171. …Pe… evameva kho, bhikkhave, appakā te sattā ye chedanavadhabandhanaviparāmosaālopasahasākārā 2 paṭiviratā ; atha kho eteva bahutarā sattā ye chedanavadhabandhanaviparāmosaālopasahasākārā appaṭiviratā . Taṃ kissa hetu? Adiṭṭhattā bhikkhave, catunnaṃ ariyasaccānaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa’’.
‘‘তস্মাতিহ, ভিক্খৰে, ‘ইদং দুক্খ’ন্তি যোগো করণীযো…পে॰… ‘অযং দুক্খনিরোধগামিনী পটিপদা’তি যোগো করণীযো’’তি। একাদসমং।
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Ekādasamaṃ.
চতুত্থআমকধঞ্ঞপেয্যালৰগ্গো দসমো।
Catutthaāmakadhaññapeyyālavaggo dasamo.
তস্সুদ্দানং –
Tassuddānaṃ –
খেত্তং কাযং দূতেয্যঞ্চ, তুলাকূটং উক্কোটনং।
Khettaṃ kāyaṃ dūteyyañca, tulākūṭaṃ ukkoṭanaṃ;
ছেদনং ৰধবন্ধনং, ৰিপরালোপং সাহসন্তি॥
Chedanaṃ vadhabandhanaṃ, viparālopaṃ sāhasanti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬-১১. ছেদনসুত্তাদিৰণ্ণনা • 6-11. Chedanasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬-১১. ছেদনসুত্তাদিৰণ্ণনা • 6-11. Chedanasuttādivaṇṇanā
