| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੨. ਦੁਤਿਯਪਣ੍ਣਾਸਕਂ
2. Dutiyapaṇṇāsakaṃ
(੬) ੧. ਪੁਗ੍ਗਲવਗ੍ਗੋ
(6) 1. Puggalavaggo
੫੩. ‘‘ਦ੍વੇਮੇ , ਭਿਕ੍ਖવੇ, ਪੁਗ੍ਗਲਾ ਲੋਕੇ ਉਪ੍ਪਜ੍ਜਮਾਨਾ ਉਪ੍ਪਜ੍ਜਨ੍ਤਿ ਬਹੁਜਨਹਿਤਾਯ ਬਹੁਜਨਸੁਖਾਯ, ਬਹੁਨੋ ਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨਂ। ਕਤਮੇ ਦ੍વੇ? ਤਥਾਗਤੋ ਚ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਰਾਜਾ ਚ ਚਕ੍ਕવਤ੍ਤੀ। ਇਮੇ ਖੋ, ਭਿਕ੍ਖવੇ, ਦ੍વੇ ਪੁਗ੍ਗਲਾ ਲੋਕੇ ਉਪ੍ਪਜ੍ਜਮਾਨਾ ਉਪ੍ਪਜ੍ਜਨ੍ਤਿ ਬਹੁਜਨਹਿਤਾਯ ਬਹੁਜਨਸੁਖਾਯ, ਬਹੁਨੋ ਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਦੇવਮਨੁਸ੍ਸਾਨ’’ਨ੍ਤਿ।
53. ‘‘Dveme , bhikkhave, puggalā loke uppajjamānā uppajjanti bahujanahitāya bahujanasukhāya, bahuno janassa atthāya hitāya sukhāya devamanussānaṃ. Katame dve? Tathāgato ca arahaṃ sammāsambuddho, rājā ca cakkavattī. Ime kho, bhikkhave, dve puggalā loke uppajjamānā uppajjanti bahujanahitāya bahujanasukhāya, bahuno janassa atthāya hitāya sukhāya devamanussāna’’nti.
੫੪. ‘‘ਦ੍વੇਮੇ, ਭਿਕ੍ਖવੇ, ਪੁਗ੍ਗਲਾ ਲੋਕੇ ਉਪ੍ਪਜ੍ਜਮਾਨਾ ਉਪ੍ਪਜ੍ਜਨ੍ਤਿ ਅਚ੍ਛਰਿਯਮਨੁਸ੍ਸਾ। ਕਤਮੇ ਦ੍વੇ? ਤਥਾਗਤੋ ਚ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਰਾਜਾ ਚ ਚਕ੍ਕવਤ੍ਤੀ। ਇਮੇ ਖੋ, ਭਿਕ੍ਖવੇ, ਦ੍વੇ ਪੁਗ੍ਗਲਾ ਲੋਕੇ ਉਪ੍ਪਜ੍ਜਮਾਨਾ ਉਪ੍ਪਜ੍ਜਨ੍ਤਿ ਅਚ੍ਛਰਿਯਮਨੁਸ੍ਸਾ’’ਤਿ।
54. ‘‘Dveme, bhikkhave, puggalā loke uppajjamānā uppajjanti acchariyamanussā. Katame dve? Tathāgato ca arahaṃ sammāsambuddho, rājā ca cakkavattī. Ime kho, bhikkhave, dve puggalā loke uppajjamānā uppajjanti acchariyamanussā’’ti.
੫੫. ‘‘ਦ੍વਿਨ੍ਨਂ, ਭਿਕ੍ਖવੇ, ਪੁਗ੍ਗਲਾਨਂ ਕਾਲਕਿਰਿਯਾ ਬਹੁਨੋ ਜਨਸ੍ਸ ਅਨੁਤਪ੍ਪਾ ਹੋਤਿ। ਕਤਮੇਸਂ ਦ੍વਿਨ੍ਨਂ? ਤਥਾਗਤਸ੍ਸ ਚ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ, ਰਞ੍ਞੋ ਚ ਚਕ੍ਕવਤ੍ਤਿਸ੍ਸ। ਇਮੇਸਂ ਖੋ, ਭਿਕ੍ਖવੇ, ਦ੍વਿਨ੍ਨਂ ਪੁਗ੍ਗਲਾਨਂ ਕਾਲਕਿਰਿਯਾ ਬਹੁਨੋ ਜਨਸ੍ਸ ਅਨੁਤਪ੍ਪਾ ਹੋਤੀ’’ਤਿ।
55. ‘‘Dvinnaṃ, bhikkhave, puggalānaṃ kālakiriyā bahuno janassa anutappā hoti. Katamesaṃ dvinnaṃ? Tathāgatassa ca arahato sammāsambuddhassa, rañño ca cakkavattissa. Imesaṃ kho, bhikkhave, dvinnaṃ puggalānaṃ kālakiriyā bahuno janassa anutappā hotī’’ti.
੫੬. ‘‘ਦ੍વੇਮੇ, ਭਿਕ੍ਖવੇ, ਥੂਪਾਰਹਾ। ਕਤਮੇ ਦ੍વੇ? ਤਥਾਗਤੋ ਚ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਰਾਜਾ ਚ ਚਕ੍ਕવਤ੍ਤੀ। ਇਮੇ ਖੋ, ਭਿਕ੍ਖવੇ, ਦ੍વੇ ਥੂਪਾਰਹਾ’’ਤਿ।
56. ‘‘Dveme, bhikkhave, thūpārahā. Katame dve? Tathāgato ca arahaṃ sammāsambuddho, rājā ca cakkavattī. Ime kho, bhikkhave, dve thūpārahā’’ti.
੫੭. ‘‘ਦ੍વੇਮੇ, ਭਿਕ੍ਖવੇ, ਬੁਦ੍ਧਾ। ਕਤਮੇ ਦ੍વੇ? ਤਥਾਗਤੋ ਚ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਪਚ੍ਚੇਕਬੁਦ੍ਧੋ ਚ। ਇਮੇ ਖੋ, ਭਿਕ੍ਖવੇ, ਦ੍વੇ ਬੁਦ੍ਧਾ’’ਤਿ।
57. ‘‘Dveme, bhikkhave, buddhā. Katame dve? Tathāgato ca arahaṃ sammāsambuddho, paccekabuddho ca. Ime kho, bhikkhave, dve buddhā’’ti.
੫੮. ‘‘ਦ੍વੇਮੇ , ਭਿਕ੍ਖવੇ, ਅਸਨਿਯਾ ਫਲਨ੍ਤਿਯਾ ਨ ਸਨ੍ਤਸਨ੍ਤਿ। ਕਤਮੇ ਦ੍વੇ? ਭਿਕ੍ਖੁ ਚ ਖੀਣਾਸવੋ, ਹਤ੍ਥਾਜਾਨੀਯੋ ਚ। ਇਮੇ ਖੋ, ਭਿਕ੍ਖવੇ, ਦ੍વੇ ਅਸਨਿਯਾ ਫਲਨ੍ਤਿਯਾ ਨ ਸਨ੍ਤਸਨ੍ਤੀ’’ਤਿ।
58. ‘‘Dveme , bhikkhave, asaniyā phalantiyā na santasanti. Katame dve? Bhikkhu ca khīṇāsavo, hatthājānīyo ca. Ime kho, bhikkhave, dve asaniyā phalantiyā na santasantī’’ti.
੫੯. ‘‘ਦ੍વੇਮੇ, ਭਿਕ੍ਖવੇ, ਅਸਨਿਯਾ ਫਲਨ੍ਤਿਯਾ ਨ ਸਨ੍ਤਸਨ੍ਤਿ। ਕਤਮੇ ਦ੍વੇ? ਭਿਕ੍ਖੁ ਚ ਖੀਣਾਸવੋ, ਅਸ੍ਸਾਜਾਨੀਯੋ ਚ। ਇਮੇ ਖੋ, ਭਿਕ੍ਖવੇ, ਦ੍વੇ ਅਸਨਿਯਾ ਫਲਨ੍ਤਿਯਾ ਨ ਸਨ੍ਤਸਨ੍ਤੀ’’ਤਿ।
59. ‘‘Dveme, bhikkhave, asaniyā phalantiyā na santasanti. Katame dve? Bhikkhu ca khīṇāsavo, assājānīyo ca. Ime kho, bhikkhave, dve asaniyā phalantiyā na santasantī’’ti.
੬੦. ‘‘ਦ੍વੇਮੇ , ਭਿਕ੍ਖવੇ, ਅਸਨਿਯਾ ਫਲਨ੍ਤਿਯਾ ਨ ਸਨ੍ਤਸਨ੍ਤਿ। ਕਤਮੇ ਦ੍વੇ? ਭਿਕ੍ਖੁ ਚ ਖੀਣਾਸવੋ, ਸੀਹੋ ਚ ਮਿਗਰਾਜਾ। ਇਮੇ ਖੋ, ਭਿਕ੍ਖવੇ, ਦ੍વੇ ਅਸਨਿਯਾ ਫਲਨ੍ਤਿਯਾ ਨ ਸਨ੍ਤਸਨ੍ਤੀ’’ਤਿ।
60. ‘‘Dveme , bhikkhave, asaniyā phalantiyā na santasanti. Katame dve? Bhikkhu ca khīṇāsavo, sīho ca migarājā. Ime kho, bhikkhave, dve asaniyā phalantiyā na santasantī’’ti.
੬੧. ‘‘ਦ੍વੇਮੇ, ਭਿਕ੍ਖવੇ, ਅਤ੍ਥવਸੇ ਸਮ੍ਪਸ੍ਸਮਾਨਾ ਕਿਂਪੁਰਿਸਾ ਮਾਨੁਸਿਂ વਾਚਂ ਨ ਭਾਸਨ੍ਤਿ। ਕਤਮੇ ਦ੍વੇ? ਮਾ ਚ ਮੁਸਾ ਭਣਿਮ੍ਹਾ, ਮਾ ਚ ਪਰਂ ਅਭੂਤੇਨ ਅਬ੍ਭਾਚਿਕ੍ਖਿਮ੍ਹਾਤਿ। ਇਮੇ ਖੋ, ਭਿਕ੍ਖવੇ, ਦ੍વੇ ਅਤ੍ਥવਸੇ ਸਮ੍ਪਸ੍ਸਮਾਨਾ ਕਿਂਪੁਰਿਸਾ ਮਾਨੁਸਿਂ વਾਚਂ ਨ ਭਾਸਨ੍ਤੀ’’ਤਿ।
61. ‘‘Dveme, bhikkhave, atthavase sampassamānā kiṃpurisā mānusiṃ vācaṃ na bhāsanti. Katame dve? Mā ca musā bhaṇimhā, mā ca paraṃ abhūtena abbhācikkhimhāti. Ime kho, bhikkhave, dve atthavase sampassamānā kiṃpurisā mānusiṃ vācaṃ na bhāsantī’’ti.
੬੨. ‘‘ਦ੍વਿਨ੍ਨਂ ਧਮ੍ਮਾਨਂ, ਭਿਕ੍ਖવੇ, ਅਤਿਤ੍ਤੋ ਅਪ੍ਪਟਿવਾਨੋ ਮਾਤੁਗਾਮੋ ਕਾਲਂ ਕਰੋਤਿ। ਕਤਮੇਸਂ ਦ੍વਿਨ੍ਨਂ? ਮੇਥੁਨਸਮਾਪਤ੍ਤਿਯਾ ਚ વਿਜਾਯਨਸ੍ਸ ਚ। ਇਮੇਸਂ ਖੋ, ਭਿਕ੍ਖવੇ, ਦ੍વਿਨ੍ਨਂ ਧਮ੍ਮਾਨਂ ਅਤਿਤ੍ਤੋ ਅਪ੍ਪਟਿવਾਨੋ ਮਾਤੁਗਾਮੋ ਕਾਲਂ ਕਰੋਤੀ’’ਤਿ।
62. ‘‘Dvinnaṃ dhammānaṃ, bhikkhave, atitto appaṭivāno mātugāmo kālaṃ karoti. Katamesaṃ dvinnaṃ? Methunasamāpattiyā ca vijāyanassa ca. Imesaṃ kho, bhikkhave, dvinnaṃ dhammānaṃ atitto appaṭivāno mātugāmo kālaṃ karotī’’ti.
੬੩. ‘‘ਅਸਨ੍ਤਸਨ੍ਨਿવਾਸਞ੍ਚ વੋ, ਭਿਕ੍ਖવੇ, ਦੇਸੇਸ੍ਸਾਮਿ ਸਨ੍ਤਸਨ੍ਨਿવਾਸਞ੍ਚ। ਤਂ ਸੁਣਾਥ, ਸਾਧੁਕਂ ਮਨਸਿ ਕਰੋਥ; ਭਾਸਿਸ੍ਸਾਮੀ’’ਤਿ। ‘‘ਏવਂ, ਭਨ੍ਤੇ’’ਤਿ ਖੋ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ –
63. ‘‘Asantasannivāsañca vo, bhikkhave, desessāmi santasannivāsañca. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘ਕਥਞ੍ਚ, ਭਿਕ੍ਖવੇ, ਅਸਨ੍ਤਸਨ੍ਨਿવਾਸੋ ਹੋਤਿ, ਕਥਞ੍ਚ ਅਸਨ੍ਤੋ ਸਨ੍ਨਿવਸਨ੍ਤਿ? ਇਧ, ਭਿਕ੍ਖવੇ, ਥੇਰਸ੍ਸ ਭਿਕ੍ਖੁਨੋ ਏવਂ ਹੋਤਿ – ‘ਥੇਰੋਪਿ ਮਂ ਨ વਦੇਯ੍ਯ, ਮਜ੍ਝਿਮੋਪਿ ਮਂ ਨ વਦੇਯ੍ਯ, ਨવੋਪਿ ਮਂ ਨ વਦੇਯ੍ਯ; ਥੇਰਮ੍ਪਾਹਂ ਨ વਦੇਯ੍ਯਂ, ਮਜ੍ਝਿਮਮ੍ਪਾਹਂ ਨ વਦੇਯ੍ਯਂ, ਨવਮ੍ਪਾਹਂ ਨ વਦੇਯ੍ਯਂ। ਥੇਰੋ ਚੇਪਿ ਮਂ વਦੇਯ੍ਯ ਅਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਹਿਤਾਨੁਕਮ੍ਪੀ, ਨੋਤਿ ਨਂ વਦੇਯ੍ਯਂ વਿਹੇਠੇਯ੍ਯਂ 1 ਪਸ੍ਸਮ੍ਪਿਸ੍ਸ ਨਪ੍ਪਟਿਕਰੇਯ੍ਯਂ। ਮਜ੍ਝਿਮੋ ਚੇਪਿ ਮਂ વਦੇਯ੍ਯ…ਪੇ॰… ਨવੋ ਚੇਪਿ ਮਂ વਦੇਯ੍ਯ ਅਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਹਿਤਾਨੁਕਮ੍ਪੀ, ਨੋਤਿ ਨਂ વਦੇਯ੍ਯਂ વਿਹੇਠੇਯ੍ਯਂ ਪਸ੍ਸਮ੍ਪਿਸ੍ਸ ਨਪ੍ਪਟਿਕਰੇਯ੍ਯਂ’ । ਮਜ੍ਝਿਮਸ੍ਸਪਿ ਭਿਕ੍ਖੁਨੋ ਏવਂ ਹੋਤਿ…ਪੇ॰… ਨવਸ੍ਸਪਿ ਭਿਕ੍ਖੁਨੋ ਏવਂ ਹੋਤਿ – ‘ਥੇਰੋਪਿ ਮਂ ਨ વਦੇਯ੍ਯ, ਮਜ੍ਝਿਮੋਪਿ ਮਂ ਨ વਦੇਯ੍ਯ, ਨવੋਪਿ ਮਂ ਨ વਦੇਯ੍ਯ; ਥੇਰਮ੍ਪਾਹਂ ਨ વਦੇਯ੍ਯਂ, ਮਜ੍ਝਿਮਮ੍ਪਾਹਂ ਨ વਦੇਯ੍ਯਂ, ਨવਮ੍ਪਾਹਂ ਨ વਦੇਯ੍ਯਂ। ਥੇਰੋ ਚੇਪਿ ਮਂ વਦੇਯ੍ਯ ਅਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਹਿਤਾਨੁਕਮ੍ਪੀ ਨੋਤਿ ਨਂ વਦੇਯ੍ਯਂ વਿਹੇਠੇਯ੍ਯਂ ਪਸ੍ਸਮ੍ਪਿਸ੍ਸ ਨਪ੍ਪਟਿਕਰੇਯ੍ਯਂ। ਮਜ੍ਝਿਮੋ ਚੇਪਿ ਮਂ વਦੇਯ੍ਯ…ਪੇ॰… ਨવੋ ਚੇਪਿ ਮਂ વਦੇਯ੍ਯ ਅਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਹਿਤਾਨੁਕਮ੍ਪੀ, ਨੋਤਿ ਨਂ વਦੇਯ੍ਯਂ વਿਹੇਠੇਯ੍ਯਂ ਪਸ੍ਸਮ੍ਪਿਸ੍ਸ ਨਪ੍ਪਟਿਕਰੇਯ੍ਯਂ’। ਏવਂ ਖੋ, ਭਿਕ੍ਖવੇ, ਅਸਨ੍ਤਸਨ੍ਨਿવਾਸੋ ਹੋਤਿ, ਏવਞ੍ਚ ਅਸਨ੍ਤੋ ਸਨ੍ਨਿવਸਨ੍ਤਿ।
‘‘Kathañca, bhikkhave, asantasannivāso hoti, kathañca asanto sannivasanti? Idha, bhikkhave, therassa bhikkhuno evaṃ hoti – ‘theropi maṃ na vadeyya, majjhimopi maṃ na vadeyya, navopi maṃ na vadeyya; therampāhaṃ na vadeyyaṃ, majjhimampāhaṃ na vadeyyaṃ, navampāhaṃ na vadeyyaṃ. Thero cepi maṃ vadeyya ahitānukampī maṃ vadeyya no hitānukampī, noti naṃ vadeyyaṃ viheṭheyyaṃ 2 passampissa nappaṭikareyyaṃ. Majjhimo cepi maṃ vadeyya…pe… navo cepi maṃ vadeyya ahitānukampī maṃ vadeyya no hitānukampī, noti naṃ vadeyyaṃ viheṭheyyaṃ passampissa nappaṭikareyyaṃ’ . Majjhimassapi bhikkhuno evaṃ hoti…pe… navassapi bhikkhuno evaṃ hoti – ‘theropi maṃ na vadeyya, majjhimopi maṃ na vadeyya, navopi maṃ na vadeyya; therampāhaṃ na vadeyyaṃ, majjhimampāhaṃ na vadeyyaṃ, navampāhaṃ na vadeyyaṃ. Thero cepi maṃ vadeyya ahitānukampī maṃ vadeyya no hitānukampī noti naṃ vadeyyaṃ viheṭheyyaṃ passampissa nappaṭikareyyaṃ. Majjhimo cepi maṃ vadeyya…pe… navo cepi maṃ vadeyya ahitānukampī maṃ vadeyya no hitānukampī, noti naṃ vadeyyaṃ viheṭheyyaṃ passampissa nappaṭikareyyaṃ’. Evaṃ kho, bhikkhave, asantasannivāso hoti, evañca asanto sannivasanti.
‘‘ਕਥਞ੍ਚ, ਭਿਕ੍ਖવੇ, ਸਨ੍ਤਸਨ੍ਨਿવਾਸੋ ਹੋਤਿ, ਕਥਞ੍ਚ ਸਨ੍ਤੋ ਸਨ੍ਨਿવਸਨ੍ਤਿ? ਇਧ, ਭਿਕ੍ਖવੇ, ਥੇਰਸ੍ਸ ਭਿਕ੍ਖੁਨੋ ਏવਂ ਹੋਤਿ – ‘ਥੇਰੋਪਿ ਮਂ વਦੇਯ੍ਯ, ਮਜ੍ਝਿਮੋਪਿ ਮਂ વਦੇਯ੍ਯ, ਨવੋਪਿ ਮਂ વਦੇਯ੍ਯ; ਥੇਰਮ੍ਪਾਹਂ વਦੇਯ੍ਯਂ, ਮਜ੍ਝਿਮਮ੍ਪਾਹਂ વਦੇਯ੍ਯਂ, ਨવਮ੍ਪਾਹਂ વਦੇਯ੍ਯਂ। ਥੇਰੋ ਚੇਪਿ ਮਂ વਦੇਯ੍ਯ ਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਅਹਿਤਾਨੁਕਮ੍ਪੀ, ਸਾਧੂਤਿ ਨਂ વਦੇਯ੍ਯਂ ਨ વਿਹੇਠੇਯ੍ਯਂ ਪਸ੍ਸਮ੍ਪਿਸ੍ਸ ਪਟਿਕਰੇਯ੍ਯਂ। ਮਜ੍ਝਿਮੋ ਚੇਪਿ ਮਂ વਦੇਯ੍ਯ…ਪੇ॰… ਨવੋ ਚੇਪਿ ਮਂ વਦੇਯ੍ਯ ਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਅਹਿਤਾਨੁਕਮ੍ਪੀ, ਸਾਧੂਤਿ ਨਂ વਦੇਯ੍ਯਂ ਨ ਨਂ વਿਹੇਠੇਯ੍ਯਂ ਪਸ੍ਸਮ੍ਪਿਸ੍ਸ ਪਟਿਕਰੇਯ੍ਯਂ’। ਮਜ੍ਝਿਮਸ੍ਸਪਿ ਭਿਕ੍ਖੁਨੋ ਏવਂ ਹੋਤਿ…ਪੇ॰… ਨવਸ੍ਸਪਿ ਭਿਕ੍ਖੁਨੋ ਏવਂ ਹੋਤਿ – ‘ਥੇਰੋਪਿ ਮਂ વਦੇਯ੍ਯ, ਮਜ੍ਝਿਮੋਪਿ ਮਂ વਦੇਯ੍ਯ, ਨવੋਪਿ ਮਂ વਦੇਯ੍ਯ; ਥੇਰਮ੍ਪਾਹਂ વਦੇਯ੍ਯਂ, ਮਜ੍ਝਿਮਮ੍ਪਾਹਂ વਦੇਯ੍ਯਂ, ਨવਮ੍ਪਾਹਂ વਦੇਯ੍ਯਂ। ਥੇਰੋ ਚੇਪਿ ਮਂ વਦੇਯ੍ਯ ਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਅਹਿਤਾਨੁਕਮ੍ਪੀ, ਸਾਧੂਤਿ ਨਂ વਦੇਯ੍ਯਂ ਨ ਨਂ વਿਹੇਠੇਯ੍ਯਂ ਪਸ੍ਸਮ੍ਪਿਸ੍ਸ ਪਟਿਕਰੇਯ੍ਯਂ। ਮਜ੍ਝਿਮੋ ਚੇਪਿ ਮਂ વਦੇਯ੍ਯ…ਪੇ॰… ਨવੋ ਚੇਪਿ ਮਂ વਦੇਯ੍ਯ ਹਿਤਾਨੁਕਮ੍ਪੀ ਮਂ વਦੇਯ੍ਯ ਨੋ ਅਹਿਤਾਨੁਕਮ੍ਪੀ, ਸਾਧੂਤਿ ਨਂ વਦੇਯ੍ਯਂ ਨ ਨਂ વਿਹੇਠੇਯ੍ਯਂ ਪਸ੍ਸਮ੍ਪਿਸ੍ਸ ਪਟਿਕਰੇਯ੍ਯਂ’। ਏવਂ ਖੋ, ਭਿਕ੍ਖવੇ, ਸਨ੍ਤਸਨ੍ਨਿવਾਸੋ ਹੋਤਿ, ਏવਞ੍ਚ ਸਨ੍ਤੋ ਸਨ੍ਨਿવਸਨ੍ਤੀ’’ਤਿ।
‘‘Kathañca, bhikkhave, santasannivāso hoti, kathañca santo sannivasanti? Idha, bhikkhave, therassa bhikkhuno evaṃ hoti – ‘theropi maṃ vadeyya, majjhimopi maṃ vadeyya, navopi maṃ vadeyya; therampāhaṃ vadeyyaṃ, majjhimampāhaṃ vadeyyaṃ, navampāhaṃ vadeyyaṃ. Thero cepi maṃ vadeyya hitānukampī maṃ vadeyya no ahitānukampī, sādhūti naṃ vadeyyaṃ na viheṭheyyaṃ passampissa paṭikareyyaṃ. Majjhimo cepi maṃ vadeyya…pe… navo cepi maṃ vadeyya hitānukampī maṃ vadeyya no ahitānukampī, sādhūti naṃ vadeyyaṃ na naṃ viheṭheyyaṃ passampissa paṭikareyyaṃ’. Majjhimassapi bhikkhuno evaṃ hoti…pe… navassapi bhikkhuno evaṃ hoti – ‘theropi maṃ vadeyya, majjhimopi maṃ vadeyya, navopi maṃ vadeyya; therampāhaṃ vadeyyaṃ, majjhimampāhaṃ vadeyyaṃ, navampāhaṃ vadeyyaṃ. Thero cepi maṃ vadeyya hitānukampī maṃ vadeyya no ahitānukampī, sādhūti naṃ vadeyyaṃ na naṃ viheṭheyyaṃ passampissa paṭikareyyaṃ. Majjhimo cepi maṃ vadeyya…pe… navo cepi maṃ vadeyya hitānukampī maṃ vadeyya no ahitānukampī, sādhūti naṃ vadeyyaṃ na naṃ viheṭheyyaṃ passampissa paṭikareyyaṃ’. Evaṃ kho, bhikkhave, santasannivāso hoti, evañca santo sannivasantī’’ti.
੬੪. ‘‘ਯਸ੍ਮਿਂ, ਭਿਕ੍ਖવੇ, ਅਧਿਕਰਣੇ ਉਭਤੋ વਚੀਸਂਸਾਰੋ ਦਿਟ੍ਠਿਪਲ਼ਾਸੋ ਚੇਤਸੋ ਆਘਾਤੋ ਅਪ੍ਪਚ੍ਚਯੋ ਅਨਭਿਰਦ੍ਧਿ ਅਜ੍ਝਤ੍ਤਂ ਅવੂਪਸਨ੍ਤਂ ਹੋਤਿ, ਤਸ੍ਮੇਤਂ, ਭਿਕ੍ਖવੇ, ਅਧਿਕਰਣੇ ਪਾਟਿਕਙ੍ਖਂ – ‘ਦੀਘਤ੍ਤਾਯ ਖਰਤ੍ਤਾਯ વਾਲ਼ਤ੍ਤਾਯ ਸਂવਤ੍ਤਿਸ੍ਸਤਿ, ਭਿਕ੍ਖੂ ਚ ਨ ਫਾਸੁਂ 3 વਿਹਰਿਸ੍ਸਨ੍ਤਿ’। ਯਸ੍ਮਿਞ੍ਚ ਖੋ, ਭਿਕ੍ਖવੇ, ਅਧਿਕਰਣੇ ਉਭਤੋ વਚੀਸਂਸਾਰੋ ਦਿਟ੍ਠਿਪਲ਼ਾਸੋ ਚੇਤਸੋ ਆਘਾਤੋ ਅਪ੍ਪਚ੍ਚਯੋ ਅਨਭਿਰਦ੍ਧਿ ਅਜ੍ਝਤ੍ਤਂ ਸੁવੂਪਸਨ੍ਤਂ ਹੋਤਿ, ਤਸ੍ਮੇਤਂ, ਭਿਕ੍ਖવੇ, ਅਧਿਕਰਣੇ ਪਾਟਿਕਙ੍ਖਂ – ‘ਨ ਦੀਘਤ੍ਤਾਯ ਖਰਤ੍ਤਾਯ વਾਲ਼ਤ੍ਤਾਯ ਸਂવਤ੍ਤਿਸ੍ਸਤਿ, ਭਿਕ੍ਖੂ ਚ ਫਾਸੁਂ વਿਹਰਿਸ੍ਸਨ੍ਤੀ’’’ਤਿ।
64. ‘‘Yasmiṃ, bhikkhave, adhikaraṇe ubhato vacīsaṃsāro diṭṭhipaḷāso cetaso āghāto appaccayo anabhiraddhi ajjhattaṃ avūpasantaṃ hoti, tasmetaṃ, bhikkhave, adhikaraṇe pāṭikaṅkhaṃ – ‘dīghattāya kharattāya vāḷattāya saṃvattissati, bhikkhū ca na phāsuṃ 4 viharissanti’. Yasmiñca kho, bhikkhave, adhikaraṇe ubhato vacīsaṃsāro diṭṭhipaḷāso cetaso āghāto appaccayo anabhiraddhi ajjhattaṃ suvūpasantaṃ hoti, tasmetaṃ, bhikkhave, adhikaraṇe pāṭikaṅkhaṃ – ‘na dīghattāya kharattāya vāḷattāya saṃvattissati, bhikkhū ca phāsuṃ viharissantī’’’ti.
ਪੁਗ੍ਗਲવਗ੍ਗੋ ਪਠਮੋ।
Puggalavaggo paṭhamo.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / (੬) ੧. ਪੁਗ੍ਗਲવਗ੍ਗવਣ੍ਣਨਾ • (6) 1. Puggalavaggavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / (੬) ੧. ਪੁਗ੍ਗਲવਗ੍ਗવਣ੍ਣਨਾ • (6) 1. Puggalavaggavaṇṇanā
