| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੭੨-੭੩. ਸਬ੍ਬਞ੍ਞੁਤਞਾਣਨਿਦ੍ਦੇਸੋ
72-73. Sabbaññutañāṇaniddeso
੧੧੯. ਕਤਮਂ ਤਥਾਗਤਸ੍ਸ ਸਬ੍ਬਞ੍ਞੁਤਞ੍ਞਾਣਂ? ਸਬ੍ਬਂ ਸਙ੍ਖਤਮਸਙ੍ਖਤਂ ਅਨવਸੇਸਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ 1।
119. Katamaṃ tathāgatassa sabbaññutaññāṇaṃ? Sabbaṃ saṅkhatamasaṅkhataṃ anavasesaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ 2.
੧੨੦. ਅਤੀਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਅਨਾਗਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਪਚ੍ਚੁਪ੍ਪਨ੍ਨਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
120. Atītaṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Anāgataṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Paccuppannaṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਚਕ੍ਖੁ ਚੇવ ਰੂਪਾ ਚ, ਏવਂ ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਸੋਤਞ੍ਚੇવ ਸਦ੍ਦਾ ਚ…ਪੇ॰… ਘਾਨਞ੍ਚੇવ ਗਨ੍ਧਾ ਚ… ਜਿવ੍ਹਾ ਚੇવ ਰਸਾ ਚ… ਕਾਯੋ ਚੇવ ਫੋਟ੍ਠਬ੍ਬਾ ਚ… ਮਨੋ ਚੇવ ਧਮ੍ਮਾ ਚ, ਏવਂ ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Cakkhu ceva rūpā ca, evaṃ taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Sotañceva saddā ca…pe… ghānañceva gandhā ca… jivhā ceva rasā ca… kāyo ceva phoṭṭhabbā ca… mano ceva dhammā ca, evaṃ taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਅਨਿਚ੍ਚਟ੍ਠਂ ਦੁਕ੍ਖਟ੍ਠਂ ਅਨਤ੍ਤਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਰੂਪਸ੍ਸ ਅਨਿਚ੍ਚਟ੍ਠਂ ਦੁਕ੍ਖਟ੍ਠਂ ਅਨਤ੍ਤਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ વੇਦਨਾਯ…ਪੇ॰… ਯਾવਤਾ ਸਞ੍ਞਾਯ…ਪੇ॰… ਯਾવਤਾ ਸਙ੍ਖਾਰਾਨਂ…ਪੇ॰… ਯਾવਤਾ વਿਞ੍ਞਾਣਸ੍ਸ …ਪੇ॰… ਯਾવਤਾ ਚਕ੍ਖੁਸ੍ਸ…ਪੇ॰… ਜਰਾਮਰਣਸ੍ਸ ਅਨਿਚ੍ਚਟ੍ਠਂ ਦੁਕ੍ਖਟ੍ਠਂ ਅਨਤ੍ਤਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā aniccaṭṭhaṃ dukkhaṭṭhaṃ anattaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā rūpassa aniccaṭṭhaṃ dukkhaṭṭhaṃ anattaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā vedanāya…pe… yāvatā saññāya…pe… yāvatā saṅkhārānaṃ…pe… yāvatā viññāṇassa …pe… yāvatā cakkhussa…pe… jarāmaraṇassa aniccaṭṭhaṃ dukkhaṭṭhaṃ anattaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਅਭਿਞ੍ਞਾਯ ਅਭਿਞ੍ਞਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਪਰਿਞ੍ਞਾਯ ਪਰਿਞ੍ਞਟ੍ਠਂ…ਪੇ॰… ਯਾવਤਾ ਪਹਾਨਸ੍ਸ 3 ਪਹਾਨਟ੍ਠਂ…ਪੇ॰… ਯਾવਤਾ ਭਾવਨਾਯ ਭਾવਨਟ੍ਠਂ…ਪੇ॰… ਯਾવਤਾ ਸਚ੍ਛਿਕਿਰਿਯਾਯ ਸਚ੍ਛਿਕਿਰਿਯਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā abhiññāya abhiññaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā pariññāya pariññaṭṭhaṃ…pe… yāvatā pahānassa 4 pahānaṭṭhaṃ…pe… yāvatā bhāvanāya bhāvanaṭṭhaṃ…pe… yāvatā sacchikiriyāya sacchikiriyaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਖਨ੍ਧਾਨਂ ਖਨ੍ਧਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਧਾਤੂਨਂ ਧਾਤੁਟ੍ਠਂ…ਪੇ॰… ਯਾવਤਾ ਆਯਤਨਾਨਂ ਆਯਤਨਟ੍ਠਂ…ਪੇ॰… ਯਾવਤਾ ਸਙ੍ਖਤਾਨਂ ਸਙ੍ਖਤਟ੍ਠਂ…ਪੇ॰… ਯਾવਤਾ ਅਸਙ੍ਖਤਸ੍ਸ ਅਸਙ੍ਖਤਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā khandhānaṃ khandhaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā dhātūnaṃ dhātuṭṭhaṃ…pe… yāvatā āyatanānaṃ āyatanaṭṭhaṃ…pe… yāvatā saṅkhatānaṃ saṅkhataṭṭhaṃ…pe… yāvatā asaṅkhatassa asaṅkhataṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਕੁਸਲੇ ਧਮ੍ਮੇ, ਸਬ੍ਬਂ 5 ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਅਕੁਸਲੇ ਧਮ੍ਮੇ…ਪੇ॰… ਯਾવਤਾ ਅਬ੍ਯਾਕਤੇ ਧਮ੍ਮੇ… ਯਾવਤਾ ਕਾਮਾવਚਰੇ ਧਮ੍ਮੇ… ਯਾવਤਾ ਰੂਪਾવਚਰੇ ਧਮ੍ਮੇ… ਯਾવਤਾ ਅਰੂਪਾવਚਰੇ ਧਮ੍ਮੇ… ਯਾવਤਾ ਅਪਰਿਯਾਪਨ੍ਨੇ ਧਮ੍ਮੇ, ਸਬ੍ਬਂ 6 ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā kusale dhamme, sabbaṃ 7 jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā akusale dhamme…pe… yāvatā abyākate dhamme… yāvatā kāmāvacare dhamme… yāvatā rūpāvacare dhamme… yāvatā arūpāvacare dhamme… yāvatā apariyāpanne dhamme, sabbaṃ 8 jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਦੁਕ੍ਖਸ੍ਸ ਦੁਕ੍ਖਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਸਮੁਦਯਸ੍ਸ ਸਮੁਦਯਟ੍ਠਂ…ਪੇ॰… ਯਾવਤਾ ਨਿਰੋਧਸ੍ਸ ਨਿਰੋਧਟ੍ਠਂ…ਪੇ॰… ਯਾવਤਾ ਮਗ੍ਗਸ੍ਸ ਮਗ੍ਗਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā dukkhassa dukkhaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā samudayassa samudayaṭṭhaṃ…pe… yāvatā nirodhassa nirodhaṭṭhaṃ…pe… yāvatā maggassa maggaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਅਤ੍ਥਪਟਿਸਮ੍ਭਿਦਾਯ ਅਤ੍ਥਪਟਿਸਮ੍ਭਿਦਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਧਮ੍ਮਪਟਿਸਮ੍ਭਿਦਾਯ ਧਮ੍ਮਪਟਿਸਮ੍ਭਿਦਟ੍ਠਂ…ਪੇ॰… ਯਾવਤਾ ਨਿਰੁਤ੍ਤਿਪਟਿਸਮ੍ਭਿਦਾਯ ਨਿਰੁਤ੍ਤਿਪਟਿਸਮ੍ਭਿਦਟ੍ਠਂ…ਪੇ॰… ਯਾવਤਾ ਪਟਿਭਾਨਪਟਿਸਮ੍ਭਿਦਾਯ ਪਟਿਭਾਨਪਟਿਸਮ੍ਭਿਦਟ੍ਠਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā atthapaṭisambhidāya atthapaṭisambhidaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā dhammapaṭisambhidāya dhammapaṭisambhidaṭṭhaṃ…pe… yāvatā niruttipaṭisambhidāya niruttipaṭisambhidaṭṭhaṃ…pe… yāvatā paṭibhānapaṭisambhidāya paṭibhānapaṭisambhidaṭṭhaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਇਨ੍ਦ੍ਰਿਯਪਰੋਪਰਿਯਤ੍ਤਞਾਣਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਸਤ੍ਤਾਨਂ ਆਸਯਾਨੁਸਯੇ ਞਾਣਂ…ਪੇ॰… ਯਾવਤਾ ਯਮਕਪਾਟਿਹੀਰੇ ਞਾਣਂ…ਪੇ॰… ਯਾવਤਾ ਮਹਾਕਰੁਣਾਸਮਾਪਤ੍ਤਿਯਾ ਞਾਣਂ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā indriyaparopariyattañāṇaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā sattānaṃ āsayānusaye ñāṇaṃ…pe… yāvatā yamakapāṭihīre ñāṇaṃ…pe… yāvatā mahākaruṇāsamāpattiyā ñāṇaṃ, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਸਦੇવਕਸ੍ਸ ਲੋਕਸ੍ਸ ਸਮਾਰਕਸ੍ਸ ਸਬ੍ਰਹ੍ਮਕਸ੍ਸ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਦਿਟ੍ਠਂ ਸੁਤਂ ਮੁਤਂ વਿਞ੍ਞਾਤਂ ਪਤ੍ਤਂ ਪਰਿਯੇਸਿਤਂ ਅਨੁવਿਚਰਿਤਂ ਮਨਸਾ, ਤਂ ਸਬ੍ਬਂ ਜਾਨਾਤੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, taṃ sabbaṃ jānātīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
੧੨੧.
121.
ਨ ਤਸ੍ਸ ਅਦ੍ਦਿਟ੍ਠਮਿਧਤ੍ਥਿ ਕਿਞ੍ਚਿ, ਅਥੋ ਅવਿਞ੍ਞਾਤਮਜਾਨਿਤਬ੍ਬਂ।
Na tassa addiṭṭhamidhatthi kiñci, atho aviññātamajānitabbaṃ.
ਸਬ੍ਬਂ ਅਭਿਞ੍ਞਾਸਿ ਯਦਤ੍ਥਿ ਨੇਯ੍ਯਂ, ਤਥਾਗਤੋ ਤੇਨ ਸਮਨ੍ਤਚਕ੍ਖੂਤਿ 9॥
Sabbaṃ abhiññāsi yadatthi neyyaṃ, tathāgato tena samantacakkhūti 10.
ਸਮਨ੍ਤਚਕ੍ਖੂਤਿ ਕੇਨਟ੍ਠੇਨ ਸਮਨ੍ਤਚਕ੍ਖੁ? ਚੁਦ੍ਦਸ ਬੁਦ੍ਧਞਾਣਾਨਿ। ਦੁਕ੍ਖੇ ਞਾਣਂ ਬੁਦ੍ਧਞਾਣਂ, ਦੁਕ੍ਖਸਮੁਦਯੇ ਞਾਣਂ ਬੁਦ੍ਧਞਾਣਂ, ਦੁਕ੍ਖਨਿਰੋਧੇ ਞਾਣਂ ਬੁਦ੍ਧਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਞਾਣਂ ਬੁਦ੍ਧਞਾਣਂ, ਅਤ੍ਥਪਟਿਸਮ੍ਭਿਦੇ ਞਾਣਂ ਬੁਦ੍ਧਞਾਣਂ, ਧਮ੍ਮਪਟਿਸਮ੍ਭਿਦੇ ਞਾਣਂ ਬੁਦ੍ਧਞਾਣਂ, ਨਿਰੁਤ੍ਤਿਪਟਿਸਮ੍ਭਿਦੇ ਞਾਣਂ ਬੁਦ੍ਧਞਾਣਂ, ਪਟਿਭਾਨਪਟਿਸਮ੍ਭਿਦੇ ਞਾਣਂ ਬੁਦ੍ਧਞਾਣਂ, ਇਨ੍ਦ੍ਰਿਯਪਰੋਪਰਿਯਤ੍ਤੇ ਞਾਣਂ ਬੁਦ੍ਧਞਾਣਂ, ਸਤ੍ਤਾਨਂ ਆਸਯਾਨੁਸਯੇ ਞਾਣਂ ਬੁਦ੍ਧਞਾਣਂ, ਯਮਕਪਾਟਿਹੀਰੇ ਞਾਣਂ ਬੁਦ੍ਧਞਾਣਂ, ਮਹਾਕਰੁਣਾਸਮਾਪਤ੍ਤਿਯਾ ਞਾਣਂ ਬੁਦ੍ਧਞਾਣਂ, ਸਬ੍ਬਞ੍ਞੁਤਞ੍ਞਾਣਂ ਬੁਦ੍ਧਞਾਣਂ, ਅਨਾવਰਣਞਾਣਂ ਬੁਦ੍ਧਞਾਣਂ – ਇਮਾਨਿ ਚੁਦ੍ਦਸ ਬੁਦ੍ਧਞਾਣਾਨਿ। ਇਮੇਸਂ ਚੁਦ੍ਦਸਨ੍ਨਂ ਬੁਦ੍ਧਞਾਣਾਨਂ ਅਟ੍ਠ ਞਾਣਾਨਿ ਸਾવਕਸਾਧਾਰਣਾਨਿ; ਛ ਞਾਣਾਨਿ ਅਸਾਧਾਰਣਾਨਿ ਸਾવਕੇਹਿ।
Samantacakkhūti kenaṭṭhena samantacakkhu? Cuddasa buddhañāṇāni. Dukkhe ñāṇaṃ buddhañāṇaṃ, dukkhasamudaye ñāṇaṃ buddhañāṇaṃ, dukkhanirodhe ñāṇaṃ buddhañāṇaṃ, dukkhanirodhagāminiyā paṭipadāya ñāṇaṃ buddhañāṇaṃ, atthapaṭisambhide ñāṇaṃ buddhañāṇaṃ, dhammapaṭisambhide ñāṇaṃ buddhañāṇaṃ, niruttipaṭisambhide ñāṇaṃ buddhañāṇaṃ, paṭibhānapaṭisambhide ñāṇaṃ buddhañāṇaṃ, indriyaparopariyatte ñāṇaṃ buddhañāṇaṃ, sattānaṃ āsayānusaye ñāṇaṃ buddhañāṇaṃ, yamakapāṭihīre ñāṇaṃ buddhañāṇaṃ, mahākaruṇāsamāpattiyā ñāṇaṃ buddhañāṇaṃ, sabbaññutaññāṇaṃ buddhañāṇaṃ, anāvaraṇañāṇaṃ buddhañāṇaṃ – imāni cuddasa buddhañāṇāni. Imesaṃ cuddasannaṃ buddhañāṇānaṃ aṭṭha ñāṇāni sāvakasādhāraṇāni; cha ñāṇāni asādhāraṇāni sāvakehi.
ਯਾવਤਾ ਦੁਕ੍ਖਸ੍ਸ ਦੁਕ੍ਖਟ੍ਠੋ, ਸਬ੍ਬੋ ਞਾਤੋ; ਅਞ੍ਞਾਤੋ ਦੁਕ੍ਖਟ੍ਠੋ ਨਤ੍ਥੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਦੁਕ੍ਖਸ੍ਸ ਦੁਕ੍ਖਟ੍ਠੋ, ਸਬ੍ਬੋ ਞਾਤੋ, ਸਬ੍ਬੋ ਦਿਟ੍ਠੋ, ਸਬ੍ਬੋ વਿਦਿਤੋ, ਸਬ੍ਬੋ ਸਚ੍ਛਿਕਤੋ, ਸਬ੍ਬੋ ਫਸ੍ਸਿਤੋ ਪਞ੍ਞਾਯ; ਅਫਸ੍ਸਿਤੋ ਪਞ੍ਞਾਯ ਦੁਕ੍ਖਟ੍ਠੋ ਨਤ੍ਥੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ। ਯਾવਤਾ ਸਮੁਦਯਸ੍ਸ ਸਮੁਦਯਟ੍ਠੋ…ਪੇ॰… ਯਾવਤਾ ਨਿਰੋਧਸ੍ਸ ਨਿਰੋਧਟ੍ਠੋ… ਯਾવਤਾ ਮਗ੍ਗਸ੍ਸ ਮਗ੍ਗਟ੍ਠੋ…ਪੇ॰… ਯਾવਤਾ ਅਤ੍ਥਪਟਿਸਮ੍ਭਿਦਾਯ ਅਤ੍ਥਪਟਿਸਮ੍ਭਿਦਟ੍ਠੋ… ਯਾવਤਾ ਧਮ੍ਮਪਟਿਸਮ੍ਭਿਦਾਯ ਧਮ੍ਮਪਟਿਸਮ੍ਭਿਦਟ੍ਠੋ… ਯਾવਤਾ ਨਿਰੁਤ੍ਤਿਪਟਿਸਮ੍ਭਿਦਾਯ ਨਿਰੁਤ੍ਤਿਪਟਿਸਮ੍ਭਿਦਟ੍ਠੋ… ਯਾવਤਾ ਪਟਿਭਾਨਪਟਿਸਮ੍ਭਿਦਾਯ ਪਟਿਭਾਨਪਟਿਸਮ੍ਭਿਦਟ੍ਠੋ, ਸਬ੍ਬੋ ਞਾਤੋ, ਸਬ੍ਬੋ ਦਿਟ੍ਠੋ, ਸਬ੍ਬੋ વਿਦਿਤੋ , ਸਬ੍ਬੋ ਸਚ੍ਛਿਕਤੋ, ਸਬ੍ਬੋ ਫਸ੍ਸਿਤੋ ਪਞ੍ਞਾਯ; ਅਫਸ੍ਸਿਤੋ ਪਞ੍ਞਾਯ ਪਟਿਭਾਨਪਟਿਸਮ੍ਭਿਦਟ੍ਠੋ ਨਤ੍ਥੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā dukkhassa dukkhaṭṭho, sabbo ñāto; aññāto dukkhaṭṭho natthīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā dukkhassa dukkhaṭṭho, sabbo ñāto, sabbo diṭṭho, sabbo vidito, sabbo sacchikato, sabbo phassito paññāya; aphassito paññāya dukkhaṭṭho natthīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ. Yāvatā samudayassa samudayaṭṭho…pe… yāvatā nirodhassa nirodhaṭṭho… yāvatā maggassa maggaṭṭho…pe… yāvatā atthapaṭisambhidāya atthapaṭisambhidaṭṭho… yāvatā dhammapaṭisambhidāya dhammapaṭisambhidaṭṭho… yāvatā niruttipaṭisambhidāya niruttipaṭisambhidaṭṭho… yāvatā paṭibhānapaṭisambhidāya paṭibhānapaṭisambhidaṭṭho, sabbo ñāto, sabbo diṭṭho, sabbo vidito , sabbo sacchikato, sabbo phassito paññāya; aphassito paññāya paṭibhānapaṭisambhidaṭṭho natthīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਇਨ੍ਦ੍ਰਿਯਪਰੋਪਰਿਯਤ੍ਤਞਾਣਂ…ਪੇ॰… ਯਾવਤਾ ਸਤ੍ਤਾਨਂ ਆਸਯਾਨੁਸਯੇ ਞਾਣਂ… ਯਾવਤਾ ਯਮਕਪਾਟਿਹੀਰੇ ਞਾਣਂ… ਯਾવਤਾ ਮਹਾਕਰੁਣਾਸਮਾਪਤ੍ਤਿਯਾ ਞਾਣਂ; ਸਬ੍ਬ ਞਾਤਂ, ਸਬ੍ਬਂ ਦਿਟ੍ਠਂ, ਸਬ੍ਬਂ વਿਦਿਤਂ, ਸਬ੍ਬਂ ਸਚ੍ਛਿਕਤਂ, ਸਬ੍ਬਂ ਫਸ੍ਸਿਤਂ ਪਞ੍ਞਾਯ; ਅਫਸ੍ਸਿਤਂ ਪਞ੍ਞਾਯ ਮਹਾਕਰੁਣਾਸਮਾਪਤ੍ਤਿਯਾ ਞਾਣਂ ਨਤ੍ਥੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā indriyaparopariyattañāṇaṃ…pe… yāvatā sattānaṃ āsayānusaye ñāṇaṃ… yāvatā yamakapāṭihīre ñāṇaṃ… yāvatā mahākaruṇāsamāpattiyā ñāṇaṃ; sabba ñātaṃ, sabbaṃ diṭṭhaṃ, sabbaṃ viditaṃ, sabbaṃ sacchikataṃ, sabbaṃ phassitaṃ paññāya; aphassitaṃ paññāya mahākaruṇāsamāpattiyā ñāṇaṃ natthīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਯਾવਤਾ ਸਦੇવਕਸ੍ਸ ਲੋਕਸ੍ਸ ਸਮਾਰਕਸ੍ਸ ਸਬ੍ਰਹ੍ਮਕਸ੍ਸ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਦਿਟ੍ਠਂ ਸੁਤਂ ਮੁਤਂ વਿਞ੍ਞਾਤਂ ਪਤ੍ਤਂ ਪਰਿਯੇਸਿਤਂ ਅਨੁવਿਚਰਿਤਂ ਮਨਸਾ, ਸਬ੍ਬਂ ਞਾਤਂ, ਸਬ੍ਬਂ ਦਿਟ੍ਠਂ, ਸਬ੍ਬਂ વਿਦਿਤਂ, ਸਬ੍ਬਂ ਸਚ੍ਛਿਕਤਂ, ਸਬ੍ਬਂ ਫਸ੍ਸਿਤਂ ਪਞ੍ਞਾਯ; ਅਫਸ੍ਸਿਤਂ ਪਞ੍ਞਾਯ ਨਤ੍ਥੀਤਿ – ਸਬ੍ਬਞ੍ਞੁਤਞ੍ਞਾਣਂ। ਤਤ੍ਥ ਆવਰਣਂ ਨਤ੍ਥੀਤਿ – ਅਨਾવਰਣਞਾਣਂ।
Yāvatā sadevakassa lokassa samārakassa sabrahmakassa sassamaṇabrāhmaṇiyā pajāya sadevamanussāya diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā, sabbaṃ ñātaṃ, sabbaṃ diṭṭhaṃ, sabbaṃ viditaṃ, sabbaṃ sacchikataṃ, sabbaṃ phassitaṃ paññāya; aphassitaṃ paññāya natthīti – sabbaññutaññāṇaṃ. Tattha āvaraṇaṃ natthīti – anāvaraṇañāṇaṃ.
ਨ ਤਸ੍ਸ ਅਦ੍ਦਿਟ੍ਠਮਿਧਤ੍ਥਿ ਕਿਞ੍ਚਿ, ਅਥੋ ਅવਿਞ੍ਞਾਤਮਜਾਨਿਤਬ੍ਬਂ।
Na tassa addiṭṭhamidhatthi kiñci, atho aviññātamajānitabbaṃ;
ਸਬ੍ਬਂ ਅਭਿਞ੍ਞਾਸਿ ਯਦਤ੍ਥਿ ਨੇਯ੍ਯਂ, ਤਥਾਗਤੋ ਤੇਨ ਸਮਨ੍ਤਚਕ੍ਖੂਤਿ॥
Sabbaṃ abhiññāsi yadatthi neyyaṃ, tathāgato tena samantacakkhūti.
ਸਬ੍ਬਞ੍ਞੁਤਞਾਣਨਿਦ੍ਦੇਸੋ ਤੇਸਤ੍ਤਤਿਮੋ।
Sabbaññutañāṇaniddeso tesattatimo.
ਞਾਣਕਥਾ ਨਿਟ੍ਠਿਤਾ।
Ñāṇakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੭੨-੭੩. ਸਬ੍ਬਞ੍ਞੁਤਞ੍ਞਾਣਨਿਦ੍ਦੇਸવਣ੍ਣਨਾ • 72-73. Sabbaññutaññāṇaniddesavaṇṇanā
