| Library / Tipiṭaka / తిపిటక • Tipiṭaka / అఙ్గుత్తరనికాయ • Aṅguttaranikāya |
౭-౧౩. దుతియఝానసుత్తాదిసత్తకం
7-13. Dutiyajhānasuttādisattakaṃ
౨౫౭-౨౬౩. ‘‘పఞ్చిమే , భిక్ఖవే, ధమ్మే అప్పహాయ అభబ్బో దుతియం ఝానం…పే॰… అభబ్బో తతియం ఝానం… అభబ్బో చతుత్థం ఝానం… అభబ్బో సోతాపత్తిఫలం… అభబ్బో సకదాగామిఫలం… అభబ్బో అనాగామిఫలం… అభబ్బో అరహత్తం 1 సచ్ఛికాతుం. కతమే పఞ్చ? ఆవాసమచ్ఛరియం , కులమచ్ఛరియం, లాభమచ్ఛరియం, వణ్ణమచ్ఛరియం, ధమ్మమచ్ఛరియం – ఇమే ఖో, భిక్ఖవే, పఞ్చ ధమ్మే అప్పహాయ అభబ్బో అరహత్తం సచ్ఛికాతుం.
257-263. ‘‘Pañcime , bhikkhave, dhamme appahāya abhabbo dutiyaṃ jhānaṃ…pe… abhabbo tatiyaṃ jhānaṃ… abhabbo catutthaṃ jhānaṃ… abhabbo sotāpattiphalaṃ… abhabbo sakadāgāmiphalaṃ… abhabbo anāgāmiphalaṃ… abhabbo arahattaṃ 2 sacchikātuṃ. Katame pañca? Āvāsamacchariyaṃ , kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme appahāya abhabbo arahattaṃ sacchikātuṃ.
‘‘పఞ్చిమే, భిక్ఖవే, ధమ్మే పహాయ భబ్బో దుతియం ఝానం…పే॰… భబ్బో తతియం ఝానం… భబ్బో చతుత్థం ఝానం… భబ్బో సోతాపత్తిఫలం… భబ్బో సకదాగామిఫలం… భబ్బో అనాగామిఫలం… భబ్బో అరహత్తం సచ్ఛికాతుం. కతమే పఞ్చ? ఆవాసమచ్ఛరియం, కులమచ్ఛరియం, లాభమచ్ఛరియం, వణ్ణమచ్ఛరియం, ధమ్మమచ్ఛరియం – ఇమే ఖో, భిక్ఖవే, పఞ్చ ధమ్మే పహాయ భబ్బో అరహత్తం సచ్ఛికాతు’’న్తి. తేరసమం.
‘‘Pañcime, bhikkhave, dhamme pahāya bhabbo dutiyaṃ jhānaṃ…pe… bhabbo tatiyaṃ jhānaṃ… bhabbo catutthaṃ jhānaṃ… bhabbo sotāpattiphalaṃ… bhabbo sakadāgāmiphalaṃ… bhabbo anāgāmiphalaṃ… bhabbo arahattaṃ sacchikātuṃ. Katame pañca? Āvāsamacchariyaṃ, kulamacchariyaṃ, lābhamacchariyaṃ, vaṇṇamacchariyaṃ, dhammamacchariyaṃ – ime kho, bhikkhave, pañca dhamme pahāya bhabbo arahattaṃ sacchikātu’’nti. Terasamaṃ.
Footnotes:
Related texts:
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౦. పఠమదీఘచారికసుత్తాదివణ్ణనా • 1-10. Paṭhamadīghacārikasuttādivaṇṇanā
