| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
7-9. අනත්‌තඡන්‌දාදිසුත්‌තං
7-9. Anattachandādisuttaṃ
174-176. ‘‘යො , භික්‌ඛවෙ, අනත්‌තා, තත්‍ර වො ඡන්‌දො පහාතබ්‌බො, රාගො පහාතබ්‌බො, ඡන්‌දරාගො පහාතබ්‌බො. කො ච, භික්‌ඛවෙ, අනත්‌තා? චක්‌ඛු, භික්‌ඛවෙ, අනත්‌තා; තත්‍ර වො ඡන්‌දො පහාතබ්‌බො, රාගො පහාතබ්‌බො, ඡන්‌දරාගො පහාතබ්‌බො…පෙ.… ජිව්‌හා අනත්‌තා; තත්‍ර වො ඡන්‌දො පහාතබ්‌බො, රාගො පහාතබ්‌බො, ඡන්‌දරාගො පහාතබ්‌බො…පෙ.… මනො අනත්‌තා; තත්‍ර වො ඡන්‌දො පහාතබ්‌බො, රාගො පහාතබ්‌බො, ඡන්‌දරාගො පහාතබ්‌බො. යො, භික්‌ඛවෙ, අනත්‌තා තත්‍ර වො ඡන්‌දො පහාතබ්‌බො, රාගො පහාතබ්‌බො, ඡන්‌දරාගො පහාතබ්‌බො’’ති.
174-176. ‘‘Yo , bhikkhave, anattā, tatra vo chando pahātabbo, rāgo pahātabbo, chandarāgo pahātabbo. Ko ca, bhikkhave, anattā? Cakkhu, bhikkhave, anattā; tatra vo chando pahātabbo, rāgo pahātabbo, chandarāgo pahātabbo…pe… jivhā anattā; tatra vo chando pahātabbo, rāgo pahātabbo, chandarāgo pahātabbo…pe… mano anattā; tatra vo chando pahātabbo, rāgo pahātabbo, chandarāgo pahātabbo. Yo, bhikkhave, anattā tatra vo chando pahātabbo, rāgo pahātabbo, chandarāgo pahātabbo’’ti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-60. අජ්‌ඣත්‌තඅනිච්‌චඡන්‌දසුත්‌තාදිවණ්‌ණනා • 1-60. Ajjhattaaniccachandasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-60. අජ්‌ඣත්‌තඅනිච්‌චඡන්‌දසුත්‌තාදිවණ්‌ණනා • 1-60. Ajjhattaaniccachandasuttādivaṇṇanā
