| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
8-9-10. адтама-навама-д̣̇асамасигкаабад̣̇ам̣
8-9-10. Aṭṭhama-navama-dasamasikkhāpadaṃ
1210. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо сигкамаанааяа уммад̣̇д̣̇аабзнд̇иби баримад̣̇д̣̇аабзнд̇иби…бз… сааман̣зрияаа уммад̣̇д̣̇аабзнд̇иби баримад̣̇д̣̇аабзнд̇иби…бз… г̇ихинияаа уммад̣̇д̣̇аабзнд̇иби баримад̣̇д̣̇аабзнд̇иби. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо г̇ихинияаа уммад̣̇д̣̇аабзссанд̇иби баримад̣̇д̣̇аабзссанд̇иби, сзяяат̇ааби г̇ихинияо гаамабхог̇инияо’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – гат̇ан̃хи наама бхигкунияо г̇ихинияаа уммад̣̇д̣̇аабзссанд̇иби баримад̣̇д̣̇аабзссанд̇ибийд̇и…бз… сажжам̣ гира, бхигкавз, бхигкунияо г̇ихинияаа уммад̣̇д̣̇аабзнд̇иби баримад̣̇д̣̇аабзнд̇ибийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо г̇ихинияаа уммад̣̇д̣̇аабзссанд̇иби баримад̣̇д̣̇аабзссанд̇иби! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1210. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo sikkhamānāya ummaddāpentipi parimaddāpentipi…pe… sāmaṇeriyā ummaddāpentipi parimaddāpentipi…pe… gihiniyā ummaddāpentipi parimaddāpentipi. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘kathañhi nāma bhikkhuniyo gihiniyā ummaddāpessantipi parimaddāpessantipi, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – kathañhi nāma bhikkhuniyo gihiniyā ummaddāpessantipi parimaddāpessantipīti…pe… saccaṃ kira, bhikkhave, bhikkhuniyo gihiniyā ummaddāpentipi parimaddāpentipīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo gihiniyā ummaddāpessantipi parimaddāpessantipi! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1211. ‘‘яаа бана бхигкуний (сигкамаанааяа…бз… сааман̣зрияаа…бз…) г̇ихинияаа уммад̣̇д̣̇аабзяяа ваа баримад̣̇д̣̇аабзяяа ваа, баажид̇д̇ияа’’нд̇и.
1211.‘‘Yā pana bhikkhunī (sikkhamānāya…pe… sāmaṇeriyā…pe…) gihiniyā ummaddāpeyya vā parimaddāpeyya vā, pācittiya’’nti.
1212. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1212.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
сигкамаанаа наама д̣̇вз вассаани часу д̇хаммзсу сигкид̇асигкаа.
Sikkhamānā nāma dve vassāni chasu dhammesu sikkhitasikkhā.
сааман̣зрий наама д̣̇асасигкаабад̣̇игаа.
Sāmaṇerī nāma dasasikkhāpadikā.
г̇ихиний наама аг̇аариний вужжад̇и.
Gihinī nāma agārinī vuccati.
уммад̣̇д̣̇аабзяяа ваад̇и уммад̣̇д̣̇аабзд̇и, аабад̇д̇и баажид̇д̇ияасса.
Ummaddāpeyyavāti ummaddāpeti, āpatti pācittiyassa.
баримад̣̇д̣̇аабзяяа ваад̇и самб̣аахаабзд̇и, аабад̇д̇и баажид̇д̇ияасса.
Parimaddāpeyya vāti sambāhāpeti, āpatti pācittiyassa.
1213. анаабад̇д̇и г̇илаанааяа 1, аабад̣̇аасу, уммад̇д̇игааяа, аад̣̇игаммигааяаад̇и.
1213. Anāpatti gilānāya 2, āpadāsu, ummattikāya, ādikammikāyāti.
адтама навама д̣̇асамасигкаабад̣̇аани нидтид̇аани.
Aṭṭhama navama dasamasikkhāpadāni niṭṭhitāni.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 8-9-10. адтаманавамад̣̇асамасигкаабад̣̇аван̣н̣анаа • 8-9-10. Aṭṭhamanavamadasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 8-10. адтамаад̣̇исигкаабад̣̇ам̣ • 8-10. Aṭṭhamādisikkhāpadaṃ
