| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੮-੯-੧੦. ਅਟ੍ਠਮ-ਨવਮ-ਦਸਮਸਿਕ੍ਖਾਪਦਂ
8-9-10. Aṭṭhama-navama-dasamasikkhāpadaṃ
੧੨੧੦. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੁਨਿਯੋ ਸਿਕ੍ਖਮਾਨਾਯ ਉਮ੍ਮਦ੍ਦਾਪੇਨ੍ਤਿਪਿ ਪਰਿਮਦ੍ਦਾਪੇਨ੍ਤਿਪਿ…ਪੇ॰… ਸਾਮਣੇਰਿਯਾ ਉਮ੍ਮਦ੍ਦਾਪੇਨ੍ਤਿਪਿ ਪਰਿਮਦ੍ਦਾਪੇਨ੍ਤਿਪਿ…ਪੇ॰… ਗਿਹਿਨਿਯਾ ਉਮ੍ਮਦ੍ਦਾਪੇਨ੍ਤਿਪਿ ਪਰਿਮਦ੍ਦਾਪੇਨ੍ਤਿਪਿ। ਮਨੁਸ੍ਸਾ વਿਹਾਰਚਾਰਿਕਂ ਆਹਿਣ੍ਡਨ੍ਤਾ ਪਸ੍ਸਿਤ੍વਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੁਨਿਯੋ ਗਿਹਿਨਿਯਾ ਉਮ੍ਮਦ੍ਦਾਪੇਸ੍ਸਨ੍ਤਿਪਿ ਪਰਿਮਦ੍ਦਾਪੇਸ੍ਸਨ੍ਤਿਪਿ, ਸੇਯ੍ਯਥਾਪਿ ਗਿਹਿਨਿਯੋ ਕਾਮਭੋਗਿਨਿਯੋ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੁਨਿਯੋ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ વਿਪਾਚੇਨ੍ਤਾਨਂ। ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ਕਥਞ੍ਹਿ ਨਾਮ ਭਿਕ੍ਖੁਨਿਯੋ ਗਿਹਿਨਿਯਾ ਉਮ੍ਮਦ੍ਦਾਪੇਸ੍ਸਨ੍ਤਿਪਿ ਪਰਿਮਦ੍ਦਾਪੇਸ੍ਸਨ੍ਤਿਪੀਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਭਿਕ੍ਖੁਨਿਯੋ ਗਿਹਿਨਿਯਾ ਉਮ੍ਮਦ੍ਦਾਪੇਨ੍ਤਿਪਿ ਪਰਿਮਦ੍ਦਾਪੇਨ੍ਤਿਪੀਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਭਿਕ੍ਖੁਨਿਯੋ ਗਿਹਿਨਿਯਾ ਉਮ੍ਮਦ੍ਦਾਪੇਸ੍ਸਨ੍ਤਿਪਿ ਪਰਿਮਦ੍ਦਾਪੇਸ੍ਸਨ੍ਤਿਪਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
1210. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo sikkhamānāya ummaddāpentipi parimaddāpentipi…pe… sāmaṇeriyā ummaddāpentipi parimaddāpentipi…pe… gihiniyā ummaddāpentipi parimaddāpentipi. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘kathañhi nāma bhikkhuniyo gihiniyā ummaddāpessantipi parimaddāpessantipi, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – kathañhi nāma bhikkhuniyo gihiniyā ummaddāpessantipi parimaddāpessantipīti…pe… saccaṃ kira, bhikkhave, bhikkhuniyo gihiniyā ummaddāpentipi parimaddāpentipīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo gihiniyā ummaddāpessantipi parimaddāpessantipi! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
੧੨੧੧. ‘‘ਯਾ ਪਨ ਭਿਕ੍ਖੁਨੀ (ਸਿਕ੍ਖਮਾਨਾਯ…ਪੇ॰… ਸਾਮਣੇਰਿਯਾ…ਪੇ॰…) ਗਿਹਿਨਿਯਾ ਉਮ੍ਮਦ੍ਦਾਪੇਯ੍ਯ વਾ ਪਰਿਮਦ੍ਦਾਪੇਯ੍ਯ વਾ, ਪਾਚਿਤ੍ਤਿਯ’’ਨ੍ਤਿ।
1211.‘‘Yā pana bhikkhunī (sikkhamānāya…pe… sāmaṇeriyā…pe…) gihiniyā ummaddāpeyya vā parimaddāpeyya vā, pācittiya’’nti.
੧੨੧੨. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
1212.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਸਿਕ੍ਖਮਾਨਾ ਨਾਮ ਦ੍વੇ વਸ੍ਸਾਨਿ ਛਸੁ ਧਮ੍ਮੇਸੁ ਸਿਕ੍ਖਿਤਸਿਕ੍ਖਾ।
Sikkhamānā nāma dve vassāni chasu dhammesu sikkhitasikkhā.
ਸਾਮਣੇਰੀ ਨਾਮ ਦਸਸਿਕ੍ਖਾਪਦਿਕਾ।
Sāmaṇerī nāma dasasikkhāpadikā.
ਗਿਹਿਨੀ ਨਾਮ ਅਗਾਰਿਨੀ વੁਚ੍ਚਤਿ।
Gihinī nāma agārinī vuccati.
ਉਮ੍ਮਦ੍ਦਾਪੇਯ੍ਯ વਾਤਿ ਉਮ੍ਮਦ੍ਦਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Ummaddāpeyyavāti ummaddāpeti, āpatti pācittiyassa.
ਪਰਿਮਦ੍ਦਾਪੇਯ੍ਯ વਾਤਿ ਸਮ੍ਬਾਹਾਪੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ।
Parimaddāpeyya vāti sambāhāpeti, āpatti pācittiyassa.
੧੨੧੩. ਅਨਾਪਤ੍ਤਿ ਗਿਲਾਨਾਯ 1, ਆਪਦਾਸੁ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ।
1213. Anāpatti gilānāya 2, āpadāsu, ummattikāya, ādikammikāyāti.
ਅਟ੍ਠਮ ਨવਮ ਦਸਮਸਿਕ੍ਖਾਪਦਾਨਿ ਨਿਟ੍ਠਿਤਾਨਿ।
Aṭṭhama navama dasamasikkhāpadāni niṭṭhitāni.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੮-੯-੧੦. ਅਟ੍ਠਮਨવਮਦਸਮਸਿਕ੍ਖਾਪਦવਣ੍ਣਨਾ • 8-9-10. Aṭṭhamanavamadasamasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੮-੧੦. ਅਟ੍ਠਮਾਦਿਸਿਕ੍ਖਾਪਦਂ • 8-10. Aṭṭhamādisikkhāpadaṃ
