| Library / Tipiṭaka / திபிடக • Tipiṭaka / சூளவக்³க³பாளி • Cūḷavaggapāḷi |
அப்³பா⁴னாரஹமூலாயபடிகஸ்ஸனாதி³
Abbhānārahamūlāyapaṭikassanādi
131. ஸோ சிண்ணமானத்தோ அப்³பா⁴னாரஹோ அந்தரா ஏகங் ஆபத்திங் ஆபஜ்ஜி ஸஞ்சேதனிகங் ஸுக்கவிஸ்ஸட்டி²ங் பஞ்சாஹப்படிச்ச²ன்னங். ஸோ பி⁴க்கூ²னங் ஆரோசேஸி – ‘‘அஹங், ஆவுஸோ, ஏகங் ஆபத்திங் ஆபஜ்ஜிங் ஸஞ்சேதனிகங் ஸுக்கவிஸ்ஸட்டி²ங் பக்க²ப்படிச்ச²ன்னங்…பே॰… ஸோஹங் சிண்ணமானத்தோ அப்³பா⁴னாரஹோ அந்தரா ஏகங் ஆபத்திங் ஆபஜ்ஜிங் ஸஞ்சேதனிகங் ஸுக்கவிஸ்ஸட்டி²ங் பஞ்சாஹப்படிச்ச²ன்னங். கத²ங் நு கோ² மயா படிபஜ்ஜிதப்³ப³’’ந்தி? ப⁴க³வதோ ஏதமத்த²ங் ஆரோசேஸுங். ‘‘தேன ஹி, பி⁴க்க²வே, ஸங்கோ⁴ உதா³யிங் பி⁴க்கு²ங் அந்தரா ஏகிஸ்ஸா ஆபத்தியா ஸஞ்சேதனிகாய ஸுக்கவிஸ்ஸட்டி²யா பஞ்சாஹப்படிச்ச²ன்னாய மூலாய படிகஸ்ஸித்வா புரிமாய ஆபத்தியா ஸமோதா⁴னபரிவாஸங் த³த்வா சா²ரத்தங் மானத்தங் தே³து. ஏவஞ்ச பன, பி⁴க்க²வே, மூலாய படிகஸ்ஸிதப்³போ³…பே॰….
131. So ciṇṇamānatto abbhānāraho antarā ekaṃ āpattiṃ āpajji sañcetanikaṃ sukkavissaṭṭhiṃ pañcāhappaṭicchannaṃ. So bhikkhūnaṃ ārocesi – ‘‘ahaṃ, āvuso, ekaṃ āpattiṃ āpajjiṃ sañcetanikaṃ sukkavissaṭṭhiṃ pakkhappaṭicchannaṃ…pe… sohaṃ ciṇṇamānatto abbhānāraho antarā ekaṃ āpattiṃ āpajjiṃ sañcetanikaṃ sukkavissaṭṭhiṃ pañcāhappaṭicchannaṃ. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Tena hi, bhikkhave, saṅgho udāyiṃ bhikkhuṃ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassitvā purimāya āpattiyā samodhānaparivāsaṃ datvā chārattaṃ mānattaṃ detu. Evañca pana, bhikkhave, mūlāya paṭikassitabbo…pe….
‘‘ஏவஞ்ச பன, பி⁴க்க²வே, புரிமாய ஆபத்தியா ஸமோதா⁴னபரிவாஸோ தா³தப்³போ³…பே॰….
‘‘Evañca pana, bhikkhave, purimāya āpattiyā samodhānaparivāso dātabbo…pe….
‘‘ஏவஞ்ச பன, பி⁴க்க²வே, சா²ரத்தங் மானத்தங் தா³தப்³ப³ங்…பே॰… தே³தி…பே॰….
‘‘Evañca pana, bhikkhave, chārattaṃ mānattaṃ dātabbaṃ…pe… deti…pe….
‘‘தி³ன்னங் ஸங்கே⁴ன உதா³யிஸ்ஸ பி⁴க்கு²னோ அந்தரா ஏகிஸ்ஸா ஆபத்தியா ஸஞ்சேதனிகாய ஸுக்கவிஸ்ஸட்டி²யா பஞ்சாஹப்படிச்ச²ன்னாய சா²ரத்தங் மானத்தங். க²மதி ஸங்க⁴ஸ்ஸ, தஸ்மா துண்ஹீ, ஏவமேதங் தா⁴ரயாமீ’’தி.
‘‘Dinnaṃ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṃ mānattaṃ. Khamati saṅghassa, tasmā tuṇhī, evametaṃ dhārayāmī’’ti.
