| Library / Tipiṭaka / ཏིཔིཊཀ • Tipiṭaka / ཙཱུལ༹ཝགྒཔཱལི༹ • Cūḷavaggapāḷi |
ཨབྦྷཱནཱརཧམཱུལཱཡཔཊིཀསྶནཱདི
Abbhānārahamūlāyapaṭikassanādi
༡༣༡. སོ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫི སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ། སོ བྷིཀྑཱུནཾ ཨཱརོཙེསི – ‘‘ཨཧཾ, ཨཱཝུསོ, ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཀྑཔྤཊིཙྪནྣཾ…པེ॰… སོཧཾ ཙིཎྞམཱནཏྟོ ཨབྦྷཱནཱརཧོ ཨནྟརཱ ཨེཀཾ ཨཱཔཏྟིཾ ཨཱཔཛྫིཾ སཉྩེཏནིཀཾ སུཀྐཝིསྶཊྛིཾ པཉྩཱཧཔྤཊིཙྪནྣཾ། ཀཐཾ ནུ ཁོ མཡཱ པཊིཔཛྫིཏབྦ’’ནྟི? བྷགཝཏོ ཨེཏམཏྠཾ ཨཱརོཙེསུཾ། ‘‘ཏེན ཧི, བྷིཀྑཝེ, སངྒྷོ ཨུདཱཡིཾ བྷིཀྑུཾ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ མཱུལཱཡ པཊིཀསྶིཏྭཱ པུརིམཱཡ ཨཱཔཏྟིཡཱ སམོདྷཱནཔརིཝཱསཾ དཏྭཱ ཚཱརཏྟཾ མཱནཏྟཾ དེཏུ། ཨེཝཉྩ པན, བྷིཀྑཝེ, མཱུལཱཡ པཊིཀསྶིཏབྦོ…པེ॰…།
131. So ciṇṇamānatto abbhānāraho antarā ekaṃ āpattiṃ āpajji sañcetanikaṃ sukkavissaṭṭhiṃ pañcāhappaṭicchannaṃ. So bhikkhūnaṃ ārocesi – ‘‘ahaṃ, āvuso, ekaṃ āpattiṃ āpajjiṃ sañcetanikaṃ sukkavissaṭṭhiṃ pakkhappaṭicchannaṃ…pe… sohaṃ ciṇṇamānatto abbhānāraho antarā ekaṃ āpattiṃ āpajjiṃ sañcetanikaṃ sukkavissaṭṭhiṃ pañcāhappaṭicchannaṃ. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. ‘‘Tena hi, bhikkhave, saṅgho udāyiṃ bhikkhuṃ antarā ekissā āpattiyā sañcetanikāya sukkavissaṭṭhiyā pañcāhappaṭicchannāya mūlāya paṭikassitvā purimāya āpattiyā samodhānaparivāsaṃ datvā chārattaṃ mānattaṃ detu. Evañca pana, bhikkhave, mūlāya paṭikassitabbo…pe….
‘‘ཨེཝཉྩ པན, བྷིཀྑཝེ, པུརིམཱཡ ཨཱཔཏྟིཡཱ སམོདྷཱནཔརིཝཱསོ དཱཏབྦོ…པེ॰…།
‘‘Evañca pana, bhikkhave, purimāya āpattiyā samodhānaparivāso dātabbo…pe….
‘‘ཨེཝཉྩ པན, བྷིཀྑཝེ, ཚཱརཏྟཾ མཱནཏྟཾ དཱཏབྦཾ…པེ॰… དེཏི…པེ॰…།
‘‘Evañca pana, bhikkhave, chārattaṃ mānattaṃ dātabbaṃ…pe… deti…pe….
‘‘དིནྣཾ སངྒྷེན ཨུདཱཡིསྶ བྷིཀྑུནོ ཨནྟརཱ ཨེཀིསྶཱ ཨཱཔཏྟིཡཱ སཉྩེཏནིཀཱཡ སུཀྐཝིསྶཊྛིཡཱ པཉྩཱཧཔྤཊིཙྪནྣཱཡ ཚཱརཏྟཾ མཱནཏྟཾ། ཁམཏི སངྒྷསྶ, ཏསྨཱ ཏུཎྷཱི, ཨེཝམེཏཾ དྷཱརཡཱམཱི’’ཏི།
‘‘Dinnaṃ saṅghena udāyissa bhikkhuno antarā ekissā āpattiyā sañcetanikāya sukkavissaṭṭhiyā pañcāhappaṭicchannāya chārattaṃ mānattaṃ. Khamati saṅghassa, tasmā tuṇhī, evametaṃ dhārayāmī’’ti.
