| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
5. аб̣бхаанаарахавад̇д̇ам̣
5. Abbhānārahavattaṃ
95. д̇зна ко бана самаязна аб̣бхаанаарахаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣ бажжудтаанам̣…бз… нахаанз бидтибаригаммам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аб̣бхаанаарахаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣ бажжудтаанам̣…бз… нахаанз бидтибаригамма’’нд̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣.
95. Tena kho pana samayena abbhānārahā bhikkhū sādiyanti pakatattānaṃ bhikkhūnaṃ abhivādanaṃ paccuṭṭhānaṃ…pe… nahāne piṭṭhiparikammaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma abbhānārahā bhikkhū sādiyissanti pakatattānaṃ bhikkhūnaṃ abhivādanaṃ paccuṭṭhānaṃ…pe… nahāne piṭṭhiparikamma’’nti! Atha kho te bhikkhū bhagavato etamatthaṃ ārocesuṃ.
ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, аб̣бхаанаарахаа бхигкуу саад̣̇ияанд̇и багад̇ад̇д̇аанам̣ бхигкуунам̣ абхиваад̣̇анам̣ бажжудтаанам̣…бз… нахаанз бидтибаригамманд̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣…бз… гат̇ан̃хи наама, бхигкавз, аб̣бхаанаарахаа бхигкуу саад̣̇ияиссанд̇и багад̇ад̇д̇аанам̣ бхигкуунам̣ абхиваад̣̇анам̣ бажжудтаанам̣…бз… нахаанз бидтибаригаммам̣ ! нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, аб̣бхаанаарахзна бхигкунаа саад̣̇ид̇аб̣б̣ам̣ багад̇ад̇д̇аанам̣ бхигкуунам̣ абхиваад̣̇анам̣ бажжубадтаанам̣…бз… нахаанз бидтибаригаммам̣. яо саад̣̇иязяяа, аабад̇д̇и д̣̇уггадасса. ануж̇аанаами, бхигкавз, аб̣бхаанаарахаанам̣ бхигкуунам̣ мит̇у яат̇аавуд̣дхам̣ абхиваад̣̇анам̣ бажжудтаанам̣…бз… нахаанз бидтибаригаммам̣. ануж̇аанаами, бхигкавз, аб̣бхаанаарахаанам̣ бхигкуунам̣ бан̃жа яат̇аавуд̣дхам̣ – убосат̇ам̣, бавааран̣ам̣, вассигасаадигам̣, он̣ож̇анам̣, бхад̇д̇ам̣. д̇зна хи, бхигкавз, аб̣бхаанаарахаанам̣ бхигкуунам̣ вад̇д̇ам̣ бан̃н̃аабзссаами яат̇аа аб̣бхаанаарахзхи бхигкуухи вад̇д̇ид̇аб̣б̣ам̣.
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, abbhānārahā bhikkhū sādiyanti pakatattānaṃ bhikkhūnaṃ abhivādanaṃ paccuṭṭhānaṃ…pe… nahāne piṭṭhiparikammanti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ…pe… kathañhi nāma, bhikkhave, abbhānārahā bhikkhū sādiyissanti pakatattānaṃ bhikkhūnaṃ abhivādanaṃ paccuṭṭhānaṃ…pe… nahāne piṭṭhiparikammaṃ ! Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – ‘‘na, bhikkhave, abbhānārahena bhikkhunā sāditabbaṃ pakatattānaṃ bhikkhūnaṃ abhivādanaṃ paccupaṭṭhānaṃ…pe… nahāne piṭṭhiparikammaṃ. Yo sādiyeyya, āpatti dukkaṭassa. Anujānāmi, bhikkhave, abbhānārahānaṃ bhikkhūnaṃ mithu yathāvuḍḍhaṃ abhivādanaṃ paccuṭṭhānaṃ…pe… nahāne piṭṭhiparikammaṃ. Anujānāmi, bhikkhave, abbhānārahānaṃ bhikkhūnaṃ pañca yathāvuḍḍhaṃ – uposathaṃ, pavāraṇaṃ, vassikasāṭikaṃ, oṇojanaṃ, bhattaṃ. Tena hi, bhikkhave, abbhānārahānaṃ bhikkhūnaṃ vattaṃ paññāpessāmi yathā abbhānārahehi bhikkhūhi vattitabbaṃ.
96. ‘‘аб̣бхаанаарахзна, бхигкавз, бхигкунаа саммаа вад̇д̇ид̇аб̣б̣ам̣. д̇ад̇рааяам̣ саммаавад̇д̇анаа –
96. ‘‘Abbhānārahena, bhikkhave, bhikkhunā sammā vattitabbaṃ. Tatrāyaṃ sammāvattanā –
на убасамбаад̣̇зд̇аб̣б̣ам̣…бз… (яат̇аа хздтаа, д̇ат̇аа вид̇т̇аарзд̇аб̣б̣ам̣,) на бхигкуухи самбаяож̇зд̇аб̣б̣ам̣.
Na upasampādetabbaṃ…pe… (yathā heṭṭhā, tathā vitthāretabbaṃ,) na bhikkhūhi sampayojetabbaṃ.
‘‘на, бхигкавз, аб̣бхаанаарахзна бхигкунаа багад̇ад̇д̇асса бхигкуно бурад̇о г̇анд̇аб̣б̣ам̣, на бурад̇о нисийд̣̇ид̇аб̣б̣ам̣. яо ход̇и сан̇гхасса аасанабарияанд̇о сзяяаабарияанд̇о вихаарабарияанд̇о со д̇асса бад̣̇аад̇аб̣б̣о. д̇зна жа со саад̣̇ид̇аб̣б̣о.
‘‘Na, bhikkhave, abbhānārahena bhikkhunā pakatattassa bhikkhuno purato gantabbaṃ, na purato nisīditabbaṃ. Yo hoti saṅghassa āsanapariyanto seyyāpariyanto vihārapariyanto so tassa padātabbo. Tena ca so sāditabbo.
‘‘на , бхигкавз, аб̣бхаанаарахзна бхигкунаа багад̇ад̇д̇зна бхигкунаа бурзсаман̣зна ваа бажчаасаман̣зна ваа гулаани убасан̇гамид̇аб̣б̣аани; на ааран̃н̃иган̇г̇ам̣ самаад̣̇аад̇аб̣б̣ам̣; на бин̣д̣абаад̇иган̇г̇ам̣ самаад̣̇аад̇аб̣б̣ам̣; на жа д̇аббажжаяаа бин̣д̣абаад̇о нийхараабзд̇аб̣б̣о – маа мам̣ ж̇ааним̣сууд̇и.
‘‘Na , bhikkhave, abbhānārahena bhikkhunā pakatattena bhikkhunā puresamaṇena vā pacchāsamaṇena vā kulāni upasaṅkamitabbāni; na āraññikaṅgaṃ samādātabbaṃ; na piṇḍapātikaṅgaṃ samādātabbaṃ; na ca tappaccayā piṇḍapāto nīharāpetabbo – mā maṃ jāniṃsūti.
‘‘на, бхигкавз, аб̣бхаанаарахзна бхигкунаа сабхигкугаа ааваасаа абхигкуго ааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа.
‘‘Na, bhikkhave, abbhānārahena bhikkhunā sabhikkhukā āvāsā abhikkhuko āvāso gantabbo, aññatra pakatattena, aññatra antarāyā.
‘‘на, бхигкавз, аб̣бхаанаарахзна бхигкунаа сабхигкугаа ааваасаа абхигкуго анааваасо г̇анд̇аб̣б̣о, ан̃н̃ад̇ра багад̇ад̇д̇зна, ан̃н̃ад̇ра анд̇арааяаа…бз…. (яат̇аа хздтаа, д̇ат̇аа вид̇т̇аарзд̇аб̣б̣аа.)
‘‘Na, bhikkhave, abbhānārahena bhikkhunā sabhikkhukā āvāsā abhikkhuko anāvāso gantabbo, aññatra pakatattena, aññatra antarāyā…pe…. (Yathā heṭṭhā, tathā vitthāretabbā.)
‘‘г̇анд̇аб̣б̣о , бхигкавз, аб̣бхаанаарахзна бхигкунаа сабхигкугаа ааваасаа…бз… анааваасаа…бз… ааваасаа ваа анааваасаа ваа сабхигкуго ааваасо…бз… сабхигкуго анааваасо…бз… сабхигкуго ааваасо ваа анааваасо ваа, яад̇т̇ассу бхигкуу самаанасам̣ваасагаа, яам̣ ж̇ан̃н̃аа саггоми аж̇ж̇зва г̇анд̇унд̇и.
‘‘Gantabbo , bhikkhave, abbhānārahena bhikkhunā sabhikkhukā āvāsā…pe… anāvāsā…pe… āvāsā vā anāvāsā vā sabhikkhuko āvāso…pe… sabhikkhuko anāvāso…pe… sabhikkhuko āvāso vā anāvāso vā, yatthassu bhikkhū samānasaṃvāsakā, yaṃ jaññā sakkomi ajjeva gantunti.
‘‘на, бхигкавз, аб̣бхаанаарахзна бхигкунаа багад̇ад̇д̇зна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣, на згажчаннз ааваасз ваа анааваасз ваа вад̇т̇аб̣б̣ам̣; багад̇ад̇д̇ам̣ бхигкум̣ д̣̇исваа аасанаа вудтаад̇аб̣б̣ам̣, багад̇ад̇д̇о бхигку аасанзна ниманд̇зд̇аб̣б̣о; на багад̇ад̇д̇зна бхигкунаа сад̣̇д̇хим̣ згаасанз нисийд̣̇ид̇аб̣б̣ам̣, на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣, на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣ам̣.
‘‘Na, bhikkhave, abbhānārahena bhikkhunā pakatattena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ, na ekacchanne āvāse vā anāvāse vā vatthabbaṃ; pakatattaṃ bhikkhuṃ disvā āsanā vuṭṭhātabbaṃ, pakatatto bhikkhu āsanena nimantetabbo; na pakatattena bhikkhunā saddhiṃ ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ, na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
‘‘на, бхигкавз, аб̣бхаанаарахзна бхигкунаа баариваасигзна бхигкунаа сад̣̇д̇хим̣…бз… муулааяабадигассанаарахзна бхигкунаа сад̣̇д̇хим̣…бз… маанад̇д̇аарахзна бхигкунаа сад̣̇д̇хим̣…бз… маанад̇д̇ажааригзна бхигкунаа сад̣̇д̇хим̣…бз… аб̣бхаанаарахзна вуд̣дхад̇арзна бхигкунаа сад̣̇д̇хим̣ згажчаннз ааваасз вад̇т̇аб̣б̣ам̣, на згажчаннз анааваасз вад̇т̇аб̣б̣ам̣; на згажчаннз ааваасз ваа анааваасз ваа вад̇т̇аб̣б̣ам̣; на згаасанз нисийд̣̇ид̇аб̣б̣ам̣, на нийжз аасанз нисиннз ужжз аасанз нисийд̣̇ид̇аб̣б̣ам̣, на чамааяам̣ нисиннз аасанз нисийд̣̇ид̇аб̣б̣ам̣; на згажан̇гамз жан̇гамид̇аб̣б̣ам̣ , на нийжз жан̇гамз жан̇гаманд̇з ужжз жан̇гамз жан̇гамид̇аб̣б̣ам̣, на чамааяам̣ жан̇гаманд̇з жан̇гамз жан̇гамид̇аб̣б̣ам̣.
‘‘Na, bhikkhave, abbhānārahena bhikkhunā pārivāsikena bhikkhunā saddhiṃ…pe… mūlāyapaṭikassanārahena bhikkhunā saddhiṃ…pe… mānattārahena bhikkhunā saddhiṃ…pe… mānattacārikena bhikkhunā saddhiṃ…pe… abbhānārahena vuḍḍhatarena bhikkhunā saddhiṃ ekacchanne āvāse vatthabbaṃ, na ekacchanne anāvāse vatthabbaṃ; na ekacchanne āvāse vā anāvāse vā vatthabbaṃ; na ekāsane nisīditabbaṃ, na nīce āsane nisinne ucce āsane nisīditabbaṃ, na chamāyaṃ nisinne āsane nisīditabbaṃ; na ekacaṅkame caṅkamitabbaṃ , na nīce caṅkame caṅkamante ucce caṅkame caṅkamitabbaṃ, na chamāyaṃ caṅkamante caṅkame caṅkamitabbaṃ.
1 ‘‘аб̣бхаанаарахажад̇уд̇т̇о жз, бхигкавз, бариваасам̣ д̣̇ад̣̇зяяа, муулааяа бадигассзяяа, маанад̇д̇ам̣ д̣̇ад̣̇зяяа, д̇ам̣вийсо аб̣бхзяяа, агаммам̣, на жа гаран̣ийяа’’нд̇и.
2 ‘‘Abbhānārahacatuttho ce, bhikkhave, parivāsaṃ dadeyya, mūlāya paṭikasseyya, mānattaṃ dadeyya, taṃvīso abbheyya, akammaṃ, na ca karaṇīya’’nti.
аб̣бхаанаарахавад̇д̇ам̣ нидтид̇ам̣.
Abbhānārahavattaṃ niṭṭhitaṃ.
баариваасигагканд̇хаго д̣̇уд̇ияо.
Pārivāsikakkhandhako dutiyo.
имамхи канд̇хагз вад̇т̇уу бан̃жа.
Imamhi khandhake vatthū pañca.
д̇ассуд̣̇д̣̇аанам̣ –
Tassuddānaṃ –
баариваасигаа саад̣̇знд̇и, багад̇ад̇д̇аана бхигкунам̣;
Pārivāsikā sādenti, pakatattāna bhikkhunaṃ;
абхиваад̣̇анам̣ бажжудтаанам̣, ан̃ж̇алин̃жа саамийжияам̣.
Abhivādanaṃ paccuṭṭhānaṃ, añjaliñca sāmīciyaṃ.
аасанам̣ сзяяаабхихаарам̣, баад̣̇о бийтам̣ гат̇алигам̣;
Āsanaṃ seyyābhihāraṃ, pādo pīṭhaṃ kathalikaṃ;
бад̇д̇ам̣ нахаанз баригаммам̣, уж̇жхааяанд̇и жа бзсалаа.
Pattaṃ nahāne parikammaṃ, ujjhāyanti ca pesalā.
д̣̇уггадам̣ саад̣̇ияанд̇асса, мит̇у бан̃жа яат̇аавуд̣дхам̣ 3;
Dukkaṭaṃ sādiyantassa, mithu pañca yathāvuḍḍhaṃ 4;
убосат̇ам̣ бавааран̣ам̣, вассигон̣ож̇абхож̇анам̣.
Uposathaṃ pavāraṇaṃ, vassikoṇojabhojanaṃ.
саммаа жа вад̇д̇анаа д̇ад̇т̇а, багад̇ад̇д̇асса г̇ажчанд̇ам̣;
Sammā ca vattanā tattha, pakatattassa gacchantaṃ;
ааран̃н̃абин̣д̣анийхааро, ааг̇анд̇угз убосат̇з;
Āraññapiṇḍanīhāro, āgantuke uposathe;
бавааран̣ааяа д̣̇ууд̇зна, г̇анд̇аб̣б̣о жа сабхигкуго.
Pavāraṇāya dūtena, gantabbo ca sabhikkhuko.
згажчаннз жа вудтаанам̣, д̇ат̇зва жа ниманд̇аяз;
Ekacchanne ca vuṭṭhānaṃ, tatheva ca nimantaye;
аасанз нийжз жан̇гамз, чамааяам̣ жан̇гамзна жа.
Āsane nīce caṅkame, chamāyaṃ caṅkamena ca.
вуд̣дхад̇арзна агаммам̣, рад̇д̇ижчзд̣̇аа жа сод̇ханаа;
Vuḍḍhatarena akammaṃ, ratticchedā ca sodhanā;
нигкибанам̣ самаад̣̇аанам̣, вад̇д̇ам̣ва баариваасигз 7.
Nikkhipanaṃ samādānaṃ, vattaṃva pārivāsike 8.
муулааяа маанад̇д̇аарахаа, д̇ат̇аа маанад̇д̇ажааригаа;
Mūlāya mānattārahā, tathā mānattacārikā;
аб̣бхаанаарахз наяо жааби, самбхзд̣̇ам̣ наяад̇о 9 буна.
Abbhānārahe nayo cāpi, sambhedaṃ nayato 10 puna.
баариваасигзсу д̇аяо, жад̇у маанад̇д̇ажааригз;
Pārivāsikesu tayo, catu mānattacārike;
на самзнд̇и рад̇д̇ижчзд̣̇зсу 11, маанад̇д̇зсу жа д̣̇зваси;
Na samenti ratticchedesu 12, mānattesu ca devasi;
д̣̇вз гаммаа сад̣̇исаа сзсаа, д̇аяо гаммаа самаасамаад̇и 13.
Dve kammā sadisā sesā, tayo kammā samāsamāti 14.
баариваасигагканд̇хагам̣ нидтид̇ам̣.
Pārivāsikakkhandhakaṃ niṭṭhitaṃ.
Footnotes:
