| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
4. аб̣бханд̇араваг̇г̇о
4. Abbhantaravaggo
[281] 1. аб̣бханд̇араж̇аад̇агаван̣н̣анаа
[281] 1. Abbhantarajātakavaṇṇanā
аб̣бханд̇аро наама д̣̇умод̇и ид̣̇ам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрасса б̣имб̣аад̣̇звийт̇зрияаа амб̣арасад̣̇аанам̣ аараб̣бха гат̇зси. саммаасамб̣уд̣̇д̇хз хи бавад̇д̇ид̇аварад̇хаммажаггз взсаалияам̣ гуудааг̇аарасаалааяам̣ вихаранд̇з махаабаж̇аабад̇ий г̇од̇амий бан̃жа саагияасад̇аани аад̣̇ааяа г̇анд̇ваа баб̣б̣аж̇ж̇ам̣ яаажид̇ваа баб̣б̣аж̇ж̇ан̃жзва убасамбад̣̇ан̃жа лабхи. абарабхааг̇з д̇аа бан̃жасад̇аа бхигкунияо нанд̣̇аговаад̣̇ам̣ (ма. ни. 3.398 аад̣̇аяо) суд̇ваа арахад̇д̇ам̣ баабун̣им̣су. сад̇т̇ари бана саавад̇т̇им̣ убаниссааяа вихаранд̇з раахуламаад̇аа б̣имб̣аад̣̇звий ‘‘саамиго мз баб̣б̣аж̇ид̇ваа саб̣б̣ан̃н̃уд̇ам̣ бад̇д̇о, буд̇д̇оби мз баб̣б̣аж̇ид̇ваа д̇ассзва санд̇игз васад̇и, ахам̣ аг̇аарамаж̇жхз гим̣гариссаами, ахамби баб̣б̣аж̇ид̇ваа саавад̇т̇им̣ г̇анд̇ваа саммаасамб̣уд̣̇д̇хан̃жа буд̇д̇ан̃жа ниб̣ад̣̇д̇хам̣ бассамаанаа вихариссаамий’’д̇и жинд̇зд̇ваа бхигкунубассаяам̣ г̇анд̇ваа баб̣б̣аж̇ид̇ваа аажарияубаж̇жхааяаахи сад̣̇д̇хим̣ саавад̇т̇им̣ г̇анд̇ваа сад̇т̇ааран̃жа бияабуд̇д̇ан̃жа бассамаанаа згасмим̣ бхигкунубассаяз ваасам̣ габбзси. раахуласааман̣зро ааг̇анд̇ваа маад̇арам̣ бассад̇и.
Abbhantaronāma dumoti idaṃ satthā jetavane viharanto sāriputtattherassa bimbādevītheriyā ambarasadānaṃ ārabbha kathesi. Sammāsambuddhe hi pavattitavaradhammacakke vesāliyaṃ kūṭāgārasālāyaṃ viharante mahāpajāpatī gotamī pañca sākiyasatāni ādāya gantvā pabbajjaṃ yācitvā pabbajjañceva upasampadañca labhi. Aparabhāge tā pañcasatā bhikkhuniyo nandakovādaṃ (ma. ni. 3.398 ādayo) sutvā arahattaṃ pāpuṇiṃsu. Satthari pana sāvatthiṃ upanissāya viharante rāhulamātā bimbādevī ‘‘sāmiko me pabbajitvā sabbaññutaṃ patto, puttopi me pabbajitvā tasseva santike vasati, ahaṃ agāramajjhe kiṃkarissāmi, ahampi pabbajitvā sāvatthiṃ gantvā sammāsambuddhañca puttañca nibaddhaṃ passamānā viharissāmī’’ti cintetvā bhikkhunupassayaṃ gantvā pabbajitvā ācariyupajjhāyāhi saddhiṃ sāvatthiṃ gantvā satthārañca piyaputtañca passamānā ekasmiṃ bhikkhunupassaye vāsaṃ kappesi. Rāhulasāmaṇero āgantvā mātaraṃ passati.
ат̇згад̣̇ивасам̣ т̇зрияаа уд̣̇араваад̇о губби. саа буд̇д̇з д̣̇адтум̣ ааг̇ад̇з д̇асса д̣̇ассанад̇т̇ааяа нигкамид̇ум̣ наасагки, ан̃н̃аава ааг̇анд̇ваа апаасугабхаавам̣ гат̇аяим̣су. со маад̇у санд̇игам̣ г̇анд̇ваа ‘‘гим̣ д̇з лад̣̇д̇хум̣ ваддад̇ий’’д̇и бужчи. ‘‘д̇аад̇а, аг̇аарамаж̇жхз мз сагкараяож̇ид̇з амб̣арасз бийд̇з уд̣̇араваад̇о вуубасаммад̇и, ид̣̇аани бин̣д̣ааяа жарид̇ваа ж̇ийвигам̣ габбзма, гуд̇о д̇ам̣ лабхиссаамаа’’д̇и. сааман̣зро ‘‘лабханд̇о аахариссаамий’’д̇и вад̇ваа нигками. д̇асса банааяасмад̇о убаж̇жхааяо д̇хаммасзнаабад̇и, аажарияо махаамог̇г̇аллаано, жуул̣абид̇аа аананд̣̇ад̇т̇зро, бид̇аа саммаасамб̣уд̣̇д̇ход̇и махаасамбад̇д̇и. звам̣ санд̇зби ан̃н̃асса санд̇игам̣ аг̇анд̇ваа убаж̇жхааяасса санд̇игам̣ г̇анд̇ваа ванд̣̇ид̇ваа д̣̇уммукаагааро худ̇ваа адтааси. ат̇а нам̣ т̇зро ‘‘гим̣ ну ко, раахула, д̣̇уммуко вияаасий’’д̇и ааха. ‘‘маад̇у мз, бханд̇з, т̇зрияаа уд̣̇араваад̇о губид̇о’’д̇и. ‘‘гим̣ лад̣̇д̇хум̣ ваддад̇ий’’д̇и? ‘‘сагкараяож̇ид̇зна гира амб̣арасзна паасу ход̇ий’’д̇и. ‘‘ход̇у лабхиссаами, маа жинд̇аяий’’д̇и.
Athekadivasaṃ theriyā udaravāto kuppi. Sā putte daṭṭhuṃ āgate tassa dassanatthāya nikkhamituṃ nāsakkhi, aññāva āgantvā aphāsukabhāvaṃ kathayiṃsu. So mātu santikaṃ gantvā ‘‘kiṃ te laddhuṃ vaṭṭatī’’ti pucchi. ‘‘Tāta, agāramajjhe me sakkharayojite ambarase pīte udaravāto vūpasammati, idāni piṇḍāya caritvā jīvikaṃ kappema, kuto taṃ labhissāmā’’ti. Sāmaṇero ‘‘labhanto āharissāmī’’ti vatvā nikkhami. Tassa panāyasmato upajjhāyo dhammasenāpati, ācariyo mahāmoggallāno, cūḷapitā ānandatthero, pitā sammāsambuddhoti mahāsampatti. Evaṃ santepi aññassa santikaṃ agantvā upajjhāyassa santikaṃ gantvā vanditvā dummukhākāro hutvā aṭṭhāsi. Atha naṃ thero ‘‘kiṃ nu kho, rāhula, dummukho viyāsī’’ti āha. ‘‘Mātu me, bhante, theriyā udaravāto kupito’’ti. ‘‘Kiṃ laddhuṃ vaṭṭatī’’ti? ‘‘Sakkharayojitena kira ambarasena phāsu hotī’’ti. ‘‘Hotu labhissāmi, mā cintayī’’ti.
со бунад̣̇ивасз д̇ам̣ аад̣̇ааяа саавад̇т̇им̣ бависид̇ваа сааман̣зрам̣ аасанасаалааяам̣ нисийд̣̇аабзд̇ваа рааж̇ад̣̇ваарам̣ аг̇амааси. госаларааж̇аа т̇зрам̣ д̣̇исваа нисийд̣̇аабзси, д̇ан̇кан̣ан̃н̃зва уяяаанабаало бин̣д̣ибаггаанам̣ мад̇хураамб̣аанам̣ згам̣ будам̣ аахари. рааж̇аа амб̣аанам̣ д̇ажам̣ абанзд̇ваа сагкарам̣ багкибид̇ваа саяамзва мад̣̇д̣̇ид̇ваа т̇зрасса бад̇д̇ам̣ буурзд̇ваа ад̣̇ааси. т̇зро рааж̇анивзсанаа нигкамид̇ваа аасанасаалам̣ г̇анд̇ваа сааман̣зрасса ад̣̇ааси ‘‘харид̇ваа маад̇у д̇з д̣̇зхий’’д̇и. со харид̇ваа ад̣̇ааси, т̇зрияаа барибхуд̇д̇амад̇д̇зва уд̣̇араваад̇о вуубасами. рааж̇ааби мануссам̣ бзсзси – ‘‘т̇зро ид̇ха нисийд̣̇ид̇ваа амб̣арасам̣ на барибхун̃ж̇и, г̇ажча гассажи д̣̇иннабхаавам̣ ж̇аанаахий’’д̇и. со т̇зрзна сад̣̇д̇хим̣язва г̇анд̇ваа д̇ам̣ бавад̇д̇им̣ н̃ад̇ваа ааг̇анд̇ваа ран̃н̃о гат̇зси. рааж̇аа жинд̇зси – ‘‘сажз сад̇т̇аа аг̇аарам̣ аж̇жхаавасисса, жаггавад̇д̇ирааж̇аа абхависса, раахуласааман̣зро барин̣ааяагарад̇анам̣, т̇зрий ид̇т̇ирад̇анам̣, сагалажаггаваал̣араж̇ж̇ам̣ зд̇зсан̃н̃зва абхависса. амхзхи зд̇з убадтаханд̇зхи жарид̇аб̣б̣ам̣ асса, ид̣̇аани баб̣б̣аж̇ид̇ваа амхз убаниссааяа васанд̇зсу зд̇зсу на яуд̇д̇ам̣ амхаагам̣ бамаж̇ж̇ид̇у’’нд̇и. со д̇ад̇о бадтааяа т̇зрияаа ниб̣ад̣̇д̇хам̣ амб̣арасам̣ д̣̇аабзси. т̇зрзна б̣имб̣аад̣̇звийт̇зрияаа амб̣арасасса д̣̇иннабхааво бхигкусан̇гхз баагадо ж̇аад̇о. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, саарибуд̇д̇ад̇т̇зро гира б̣имб̣аад̣̇звийт̇зрим̣ амб̣арасзна санд̇аббзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва раахуламаад̇аа саарибуд̇д̇зна амб̣арасзна санд̇аббид̇аа, буб̣б̣збзса зд̇ам̣ санд̇аббзсиязваа’’д̇и вад̇ваа ад̇ийд̇ам̣ аахари.
So punadivase taṃ ādāya sāvatthiṃ pavisitvā sāmaṇeraṃ āsanasālāyaṃ nisīdāpetvā rājadvāraṃ agamāsi. Kosalarājā theraṃ disvā nisīdāpesi, taṅkhaṇaññeva uyyānapālo piṇḍipakkānaṃ madhuraambānaṃ ekaṃ puṭaṃ āhari. Rājā ambānaṃ tacaṃ apanetvā sakkharaṃ pakkhipitvā sayameva madditvā therassa pattaṃ pūretvā adāsi. Thero rājanivesanā nikkhamitvā āsanasālaṃ gantvā sāmaṇerassa adāsi ‘‘haritvā mātu te dehī’’ti. So haritvā adāsi, theriyā paribhuttamatteva udaravāto vūpasami. Rājāpi manussaṃ pesesi – ‘‘thero idha nisīditvā ambarasaṃ na paribhuñji, gaccha kassaci dinnabhāvaṃ jānāhī’’ti. So therena saddhiṃyeva gantvā taṃ pavattiṃ ñatvā āgantvā rañño kathesi. Rājā cintesi – ‘‘sace satthā agāraṃ ajjhāvasissa, cakkavattirājā abhavissa, rāhulasāmaṇero pariṇāyakaratanaṃ, therī itthiratanaṃ, sakalacakkavāḷarajjaṃ etesaññeva abhavissa. Amhehi ete upaṭṭhahantehi caritabbaṃ assa, idāni pabbajitvā amhe upanissāya vasantesu etesu na yuttaṃ amhākaṃ pamajjitu’’nti. So tato paṭṭhāya theriyā nibaddhaṃ ambarasaṃ dāpesi. Therena bimbādevītheriyā ambarasassa dinnabhāvo bhikkhusaṅghe pākaṭo jāto. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, sāriputtatthero kira bimbādevītheriṃ ambarasena santappesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva rāhulamātā sāriputtena ambarasena santappitā, pubbepesa etaṃ santappesiyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасиг̇аамагз б̣раахман̣агулз ниб̣б̣ад̇д̇ид̇ваа ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа сан̣табид̇агхарааваасо маад̇аабид̇уунам̣ ажжаязна исибаб̣б̣аж̇ж̇ам̣ баб̣б̣аж̇ид̇ваа химаванд̇абад̣̇зсз абхин̃н̃аа жа самаабад̇д̇ияо жа ниб̣б̣ад̇д̇зд̇ваа исиг̇ан̣абаривуд̇о г̇ан̣асад̇т̇аа худ̇ваа д̣̇ийгхасса ад̣̇д̇хуно ажжаязна лон̣амб̣иласзванад̇т̇ааяа баб̣б̣ад̇абаад̣̇аа од̇арид̇ваа жааригам̣ жарамаано б̣аараан̣асим̣ бад̇ваа уяяаанз ваасам̣ габбзси. ат̇асса исиг̇ан̣асса сийлад̇зж̇зна саггасса бхаванам̣ гамби. сагго ааваж̇ж̇амаано д̇ам̣ гааран̣ам̣ н̃ад̇ваа ‘‘имзсам̣ д̇аабасаанам̣ аваасааяа барисаггиссаами, ат̇а д̇з бхиннааваасаа убад̣̇д̣̇уд̇аа жарамаанаа жид̇д̇згаг̇г̇ад̇ам̣ на лабхиссанд̇и, звам̣ мз паасугам̣ бхависсад̇ий’’д̇и жинд̇зд̇ваа ‘‘го ну ко убааяо’’д̇и виймам̣санд̇о имам̣ убааяам̣ ад̣̇д̣̇аса – маж̇жхимаяаамасамананд̇арз ран̃н̃о аг̇г̇амахзсияаа сириг̇аб̣бхам̣ бависид̇ваа аагаасз тад̇ваа ‘‘бхад̣̇д̣̇з, сажз д̇вам̣ аб̣бханд̇араамб̣абаггам̣ каад̣̇зяяааси, буд̇д̇ам̣ лабхиссаси, со жаггавад̇д̇ирааж̇аа бхависсад̇ий’’д̇и аажигкиссаами. рааж̇аа д̣̇звияаа гат̇ам̣ суд̇ваа амб̣абаггад̇т̇ааяа уяяаанам̣ бзсзссад̇и, ат̇аахам̣ амб̣аани анд̇арад̇хаабзссаами, ран̃н̃о уяяаанз амб̣аанам̣ абхаавам̣ аарожзссанд̇и , ‘‘гз д̇з каад̣̇анд̇ий’’д̇и вуд̇д̇з ‘‘д̇аабасаа каад̣̇анд̇ий’’д̇и вагканд̇и, д̇ам̣ суд̇ваа рааж̇аа д̇аабасз бот̇зд̇ваа нийхараабзссад̇и, звам̣ д̇з убад̣̇д̣̇уд̇аа бхависсанд̇ийд̇и.
Atīte bārāṇasiyaṃ brahmadatte rajjaṃ kārente bodhisatto kāsigāmake brāhmaṇakule nibbattitvā vayappatto takkasilāyaṃ sabbasippāni uggaṇhitvā saṇṭhapitagharāvāso mātāpitūnaṃ accayena isipabbajjaṃ pabbajitvā himavantapadese abhiññā ca samāpattiyo ca nibbattetvā isigaṇaparivuto gaṇasatthā hutvā dīghassa addhuno accayena loṇambilasevanatthāya pabbatapādā otaritvā cārikaṃ caramāno bārāṇasiṃ patvā uyyāne vāsaṃ kappesi. Athassa isigaṇassa sīlatejena sakkassa bhavanaṃ kampi. Sakko āvajjamāno taṃ kāraṇaṃ ñatvā ‘‘imesaṃ tāpasānaṃ avāsāya parisakkissāmi, atha te bhinnāvāsā upaddutā caramānā cittekaggataṃ na labhissanti, evaṃ me phāsukaṃ bhavissatī’’ti cintetvā ‘‘ko nu kho upāyo’’ti vīmaṃsanto imaṃ upāyaṃ addasa – majjhimayāmasamanantare rañño aggamahesiyā sirigabbhaṃ pavisitvā ākāse ṭhatvā ‘‘bhadde, sace tvaṃ abbhantaraambapakkaṃ khādeyyāsi, puttaṃ labhissasi, so cakkavattirājā bhavissatī’’ti ācikkhissāmi. Rājā deviyā kathaṃ sutvā ambapakkatthāya uyyānaṃ pesessati, athāhaṃ ambāni antaradhāpessāmi, rañño uyyāne ambānaṃ abhāvaṃ ārocessanti , ‘‘ke te khādantī’’ti vutte ‘‘tāpasā khādantī’’ti vakkhanti, taṃ sutvā rājā tāpase pothetvā nīharāpessati, evaṃ te upaddutā bhavissantīti.
со маж̇жхимаяаамасамананд̇арз сириг̇аб̣бхам̣ бависид̇ваа аагаасз тид̇о ад̇д̇ано д̣̇зварааж̇абхаавам̣ ж̇аанаабзд̇ваа д̇ааяа сад̣̇д̇хим̣ саллабанд̇о буримаа д̣̇вз г̇аат̇аа авожа –
So majjhimayāmasamanantare sirigabbhaṃ pavisitvā ākāse ṭhito attano devarājabhāvaṃ jānāpetvā tāya saddhiṃ sallapanto purimā dve gāthā avoca –
91.
91.
‘‘аб̣бханд̇аро наама д̣̇умо, яасса д̣̇иб̣яамид̣̇ам̣ палам̣;
‘‘Abbhantaro nāma dumo, yassa dibyamidaṃ phalaṃ;
бхуд̇ваа д̣̇охал̣иний наарий, жаггавад̇д̇им̣ виж̇ааяад̇и.
Bhutvā dohaḷinī nārī, cakkavattiṃ vijāyati.
92.
92.
‘‘д̇вамби бхад̣̇д̣̇з махзсийси, саа жааби бад̇ино бияаа;
‘‘Tvampi bhadde mahesīsi, sā cāpi patino piyā;
аахариссад̇и д̇з рааж̇аа, ид̣̇ам̣ аб̣бханд̇арам̣ пала’’нд̇и.
Āharissati te rājā, idaṃ abbhantaraṃ phala’’nti.
д̇ад̇т̇а аб̣бханд̇аро наама д̣̇умод̇и иминаа д̇аава г̇ааманиг̇амаж̇анабад̣̇абаб̣б̣ад̇аад̣̇ийнам̣ асугасса аб̣бханд̇арод̇и авад̇ваа гзвалам̣ згам̣ аб̣бханд̇арам̣ амб̣аругкам̣ гат̇зси. яасса д̣̇иб̣яамид̣̇ам̣ паланд̇и яасса амб̣аругкасса д̣̇звад̇аанам̣ барибхог̇аарахам̣ д̣̇иб̣яам̣ палам̣. ид̣̇анд̇и бана нибаад̇амад̇д̇амзва. д̣̇охал̣инийд̇и сан̃ж̇аад̇ад̣̇охал̣аа. д̇вамби, бхад̣̇д̣̇з, махзсийсийд̇и д̇вам̣, собханз махзсий, аси. адтагат̇ааяам̣ бана ‘‘махзсий жаа’’д̇иби баато. саа жааби бад̇ино бияаад̇и сол̣асаннам̣ д̣̇звийсахассаанам̣ аб̣бханд̇арз аг̇г̇амахзсий жааби бад̇ино жааби бияаад̇и ад̇т̇о. аахариссад̇и д̇з рааж̇аа, ид̣̇ам̣ аб̣бханд̇арам̣ паланд̇и д̇ассаа д̇з бияааяа аг̇г̇амахзсияаа ид̣̇ам̣ маяаа вуд̇д̇аббагаарам̣ палам̣ рааж̇аа аахараабзссад̇и, саа д̇вам̣ д̇ам̣ барибхун̃ж̇ид̇ваа жаггавад̇д̇иг̇аб̣бхам̣ лабхиссасийд̇и.
Tattha abbhantaro nāma dumoti iminā tāva gāmanigamajanapadapabbatādīnaṃ asukassa abbhantaroti avatvā kevalaṃ ekaṃ abbhantaraṃ ambarukkhaṃ kathesi. Yassa dibyamidaṃ phalanti yassa ambarukkhassa devatānaṃ paribhogārahaṃ dibyaṃ phalaṃ. Idanti pana nipātamattameva. Dohaḷinīti sañjātadohaḷā. Tvampi, bhadde, mahesīsīti tvaṃ, sobhane mahesī, asi. Aṭṭhakathāyaṃ pana ‘‘mahesī cā’’tipi pāṭho. Sā cāpi patino piyāti soḷasannaṃ devīsahassānaṃ abbhantare aggamahesī cāpi patino cāpi piyāti attho. Āharissati te rājā, idaṃ abbhantaraṃ phalanti tassā te piyāya aggamahesiyā idaṃ mayā vuttappakāraṃ phalaṃ rājā āharāpessati, sā tvaṃ taṃ paribhuñjitvā cakkavattigabbhaṃ labhissasīti.
звам̣ сагго д̣̇звияаа имаа д̣̇вз г̇аат̇аа вад̇ваа ‘‘д̇вам̣ аббамад̇д̇аа хохи, маа бабан̃жам̣ агааси, свз ран̃н̃о аарожзяяаасий’’д̇и д̇ам̣ анусаасид̇ваа ад̇д̇ано васанадтаанамзва г̇ад̇о. саа бунад̣̇ивасз г̇илаанаалаяам̣ д̣̇ассзд̇ваа барижааригаанам̣ сан̃н̃ам̣ д̣̇ад̇ваа нибаж̇ж̇и. рааж̇аа самуссид̇асзд̇ажчад̇д̇з сийхаасанз нисинно наадагаани бассанд̇о д̣̇звим̣ ад̣̇исваа ‘‘гахам̣, д̣̇звий’’д̇и барижааригз бужчи. ‘‘г̇илаанаа, д̣̇зваа’’д̇и. со д̇ассаа санд̇игам̣ г̇анд̇ваа саяанабассз нисийд̣̇ид̇ваа бидтим̣ баримаж̇ж̇анд̇о ‘‘гим̣ д̇з, бхад̣̇д̣̇з, апаасуга’’нд̇и бужчи. ‘‘махаарааж̇а ан̃н̃ам̣ апаасугам̣ наама над̇т̇и, д̣̇охал̣о мз уббанно’’д̇и. ‘‘гим̣ ижчаси, бхад̣̇д̣̇з’’д̇и? ‘‘аб̣бханд̇араамб̣апалам̣ д̣̇зваа’’д̇и. ‘‘аб̣бханд̇араамб̣о наама гахам̣ ад̇т̇ий’’д̇и? ‘‘наахам̣, д̣̇зва, аб̣бханд̇араамб̣ам̣ ж̇аанаами, д̇асса бана мз палам̣ лабхамаанааяа ж̇ийвид̇ам̣ ад̇т̇и, алабхамаанааяа над̇т̇ий’’д̇и. ‘‘д̇зна хи аахараабзссаами , маа жинд̇аяий’’д̇и рааж̇аа д̣̇звим̣ ассаасзд̇ваа удтааяа г̇анд̇ваа рааж̇абаллан̇гз нисинно амажжз баггосаабзд̇ваа ‘‘д̣̇звияаа аб̣бханд̇араамб̣з наама д̣̇охал̣о уббанно, гим̣ гаад̇аб̣б̣а’’нд̇и бужчи. ‘‘д̣̇зва д̣̇виннам̣ амб̣аанам̣ анд̇арз тид̇о амб̣о аб̣бханд̇араамб̣о наама, уяяаанам̣ бзсзд̇ваа аб̣бханд̇арз тид̇аамб̣ад̇о палам̣ аахараабзд̇ваа д̣̇звияаа д̣̇аабзт̇аа’’д̇и.
Evaṃ sakko deviyā imā dve gāthā vatvā ‘‘tvaṃ appamattā hohi, mā papañcaṃ akāsi, sve rañño āroceyyāsī’’ti taṃ anusāsitvā attano vasanaṭṭhānameva gato. Sā punadivase gilānālayaṃ dassetvā paricārikānaṃ saññaṃ datvā nipajji. Rājā samussitasetacchatte sīhāsane nisinno nāṭakāni passanto deviṃ adisvā ‘‘kahaṃ, devī’’ti paricārike pucchi. ‘‘Gilānā, devā’’ti. So tassā santikaṃ gantvā sayanapasse nisīditvā piṭṭhiṃ parimajjanto ‘‘kiṃ te, bhadde, aphāsuka’’nti pucchi. ‘‘Mahārāja aññaṃ aphāsukaṃ nāma natthi, dohaḷo me uppanno’’ti. ‘‘Kiṃ icchasi, bhadde’’ti? ‘‘Abbhantaraambaphalaṃ devā’’ti. ‘‘Abbhantaraambo nāma kahaṃ atthī’’ti? ‘‘Nāhaṃ, deva, abbhantaraambaṃ jānāmi, tassa pana me phalaṃ labhamānāya jīvitaṃ atthi, alabhamānāya natthī’’ti. ‘‘Tena hi āharāpessāmi , mā cintayī’’ti rājā deviṃ assāsetvā uṭṭhāya gantvā rājapallaṅke nisinno amacce pakkosāpetvā ‘‘deviyā abbhantaraambe nāma dohaḷo uppanno, kiṃ kātabba’’nti pucchi. ‘‘Deva dvinnaṃ ambānaṃ antare ṭhito ambo abbhantaraambo nāma, uyyānaṃ pesetvā abbhantare ṭhitaambato phalaṃ āharāpetvā deviyā dāpethā’’ti.
рааж̇аа ‘‘саад̇ху, зваруубам̣ амб̣ам̣ аахарат̇аа’’д̇и уяяаанам̣ бзсзси. сагго ад̇д̇ано аанубхаавзна уяяаанз амб̣аани каад̣̇ид̇асад̣̇исаани гад̇ваа анд̇арад̇хаабзси. амб̣ад̇т̇ааяа г̇ад̇аа мануссаа сагалауяяаанам̣ вижаранд̇аа згам̣ амб̣амби алабхид̇ваа г̇анд̇ваа уяяаанз амб̣аанам̣ абхаавам̣ ран̃н̃о гат̇аяим̣су. ‘‘гз амб̣аани каад̣̇анд̇ий’’д̇и? ‘‘д̇аабасаа, д̣̇зваа’’д̇и. ‘‘д̇аабасз уяяаанад̇о бот̇зд̇ваа нийхарат̇аа’’д̇и. мануссаа ‘‘саад̇хуу’’д̇и бадиссун̣ид̇ваа нийхарим̣су. саггасса манорат̇о мад̇т̇агам̣ баабун̣и. д̣̇звий амб̣апалад̇т̇ааяа ниб̣ад̣̇д̇хам̣ гад̇ваа нибаж̇ж̇иязва. рааж̇аа гад̇д̇аб̣б̣агижжам̣ абассанд̇о амажжз жа б̣раахман̣з жа саннибаад̇аабзд̇ваа ‘‘аб̣бханд̇араамб̣асса ад̇т̇ибхаавам̣ ж̇аанаат̇аа’’д̇и бужчи. б̣раахман̣аа аахам̣су – ‘‘д̣̇зва, аб̣бханд̇араамб̣о наама д̣̇звад̇аанам̣ барибхог̇о, ‘химаванд̇з ган̃жанаг̇ухааяа анд̇о ад̇т̇ий’д̇и аяам̣ но барамбарааг̇ад̇о ануссаво’’д̇и. ‘‘го бана д̇ад̇о амб̣ам̣ аахарид̇ум̣ сагкиссад̇ий’’д̇и? ‘‘на саггаа д̇ад̇т̇а мануссабхууд̇зна г̇анд̇ум̣, згам̣ сувабод̇агам̣ бзсзд̇ум̣ ваддад̇ий’’д̇и.
Rājā ‘‘sādhu, evarūpaṃ ambaṃ āharathā’’ti uyyānaṃ pesesi. Sakko attano ānubhāvena uyyāne ambāni khāditasadisāni katvā antaradhāpesi. Ambatthāya gatā manussā sakalauyyānaṃ vicarantā ekaṃ ambampi alabhitvā gantvā uyyāne ambānaṃ abhāvaṃ rañño kathayiṃsu. ‘‘Ke ambāni khādantī’’ti? ‘‘Tāpasā, devā’’ti. ‘‘Tāpase uyyānato pothetvā nīharathā’’ti. Manussā ‘‘sādhū’’ti paṭissuṇitvā nīhariṃsu. Sakkassa manoratho matthakaṃ pāpuṇi. Devī ambaphalatthāya nibaddhaṃ katvā nipajjiyeva. Rājā kattabbakiccaṃ apassanto amacce ca brāhmaṇe ca sannipātāpetvā ‘‘abbhantaraambassa atthibhāvaṃ jānāthā’’ti pucchi. Brāhmaṇā āhaṃsu – ‘‘deva, abbhantaraambo nāma devatānaṃ paribhogo, ‘himavante kañcanaguhāya anto atthī’ti ayaṃ no paramparāgato anussavo’’ti. ‘‘Ko pana tato ambaṃ āharituṃ sakkhissatī’’ti? ‘‘Na sakkā tattha manussabhūtena gantuṃ, ekaṃ suvapotakaṃ pesetuṃ vaṭṭatī’’ti.
д̇зна жа самаязна рааж̇агулз зго сувабод̇аго махаасарийро гумаарагаанам̣ яаанагажагганаабхимад̇д̇о т̇аамасамбанно бан̃н̃аваа убааяагусало. рааж̇аа д̇ам̣ аахараабзд̇ваа ‘‘д̇аад̇а сувабод̇ага, ахам̣ д̇ава б̣ахуубагааро, ган̃жанабан̃ж̇арз васаси, суван̣н̣ад̇аддагз мад̇хулааж̇з каад̣̇аси, сагкарабаанагам̣ биваси, д̇аяааби амхаагам̣ згам̣ гижжам̣ нид̇т̇арид̇ум̣ ваддад̇ий’’д̇и ааха. ‘‘гим̣, д̣̇зваа’’д̇и. ‘‘д̇аад̇а д̣̇звияаа аб̣бханд̇араамб̣з д̣̇охал̣о уббанно, со жа амб̣о химаванд̇з ган̃жанабаб̣б̣ад̇анд̇арз ад̇т̇и д̣̇звад̇аанам̣ барибхог̇о, на саггаа мануссабхууд̇зна д̇ад̇т̇а г̇анд̇ум̣, д̇аяаа д̇ад̇о амб̣апалам̣ аахарид̇ум̣ ваддад̇ий’’д̇и. ‘‘саад̇ху, д̣̇зва, аахариссаамий’’д̇и. ат̇а нам̣ рааж̇аа суван̣н̣ад̇аддагз мад̇хулааж̇з каад̣̇аабзд̇ваа сагкарабаанагам̣ бааязд̇ваа сад̇абаагад̇злзна д̇асса багканд̇араани магкзд̇ваа убхохи хад̇т̇зхи г̇ахзд̇ваа сийхабан̃ж̇арз тад̇ваа аагаасз виссаж̇ж̇зси. соби ран̃н̃о нибажжагаарам̣ д̣̇ассзд̇ваа аагаасз багканд̣̇анд̇о мануссабат̇ам̣ ад̇иггамма химаванд̇з батамз баб̣б̣ад̇анд̇арз васанд̇аанам̣ сугаанам̣ санд̇игам̣ г̇анд̇ваа аб̣бханд̇араамб̣о наама гад̇т̇а ад̇т̇и, гат̇зт̇а мз д̇ам̣ таана’’нд̇и бужчи. ‘‘маяам̣ на ж̇аанаама, д̣̇уд̇ияз баб̣б̣ад̇анд̇арз сугаа ж̇ааниссанд̇ий’’д̇и.
Tena ca samayena rājakule eko suvapotako mahāsarīro kumārakānaṃ yānakacakkanābhimatto thāmasampanno paññavā upāyakusalo. Rājā taṃ āharāpetvā ‘‘tāta suvapotaka, ahaṃ tava bahūpakāro, kañcanapañjare vasasi, suvaṇṇataṭṭake madhulāje khādasi, sakkharapānakaṃ pivasi, tayāpi amhākaṃ ekaṃ kiccaṃ nittharituṃ vaṭṭatī’’ti āha. ‘‘Kiṃ, devā’’ti. ‘‘Tāta deviyā abbhantaraambe dohaḷo uppanno, so ca ambo himavante kañcanapabbatantare atthi devatānaṃ paribhogo, na sakkā manussabhūtena tattha gantuṃ, tayā tato ambaphalaṃ āharituṃ vaṭṭatī’’ti. ‘‘Sādhu, deva, āharissāmī’’ti. Atha naṃ rājā suvaṇṇataṭṭake madhulāje khādāpetvā sakkharapānakaṃ pāyetvā satapākatelena tassa pakkhantarāni makkhetvā ubhohi hatthehi gahetvā sīhapañjare ṭhatvā ākāse vissajjesi. Sopi rañño nipaccakāraṃ dassetvā ākāse pakkhandanto manussapathaṃ atikkamma himavante paṭhame pabbatantare vasantānaṃ sukānaṃ santikaṃ gantvā abbhantaraambo nāma kattha atthi, kathetha me taṃ ṭhāna’’nti pucchi. ‘‘Mayaṃ na jānāma, dutiye pabbatantare sukā jānissantī’’ti.
со д̇зсам̣ важанам̣ суд̇ваа д̇ад̇о уббад̇ид̇ваа д̣̇уд̇ияам̣ баб̣б̣ад̇анд̇арам̣ аг̇амааси, д̇ат̇аа д̇ад̇ияам̣, жад̇уд̇т̇ам̣ , бан̃жамам̣, чадтам̣ аг̇амааси. д̇ад̇т̇аби нам̣ сугаа ‘‘на маяам̣ ж̇аанаама, сад̇д̇амабаб̣б̣ад̇анд̇арз сугаа ж̇ааниссанд̇ий’’д̇и аахам̣су. со д̇ад̇т̇аби г̇анд̇ваа ‘‘аб̣бханд̇араамб̣о наама гад̇т̇а ад̇т̇ий’’д̇и бужчи. ‘‘асугадтаанз наама ган̃жанабаб̣б̣ад̇анд̇арз’’д̇и аахам̣су. ‘‘ахам̣ д̇асса палад̇т̇ааяа ааг̇ад̇о, мам̣ д̇ад̇т̇а нзд̇ваа д̇ад̇о мз палам̣ д̣̇аабзт̇аа’’д̇и. сугаг̇ан̣аа аахам̣су – ‘‘самма, со взссаван̣амахаарааж̇асса барибхог̇о, на саггаа убасан̇гамид̇ум̣, сагаларугко муулад̇о бадтааяа сад̇д̇ахи лохаж̇аалзхи баригкид̇д̇о, сахассагумбхан̣д̣арагкасаа рагканд̇и, д̇зхи д̣̇идтасса ж̇ийвид̇ам̣ наама над̇т̇и, габбудтаанаг̇г̇иавийжимахаанираяасад̣̇исадтаанам̣, маа д̇ад̇т̇а бад̇т̇анам̣ гарий’’д̇и. ‘‘сажз д̇умхз на г̇ажчат̇а, маяхам̣ таанам̣ аажигкат̇аа’’д̇и. ‘‘д̇зна хи асугзна жа асугзна жа таанзна яаахий’’д̇и. со д̇зхи аажигкид̇авасзнзва судту маг̇г̇ам̣ убад̇хаарзд̇ваа д̇ам̣ таанам̣ г̇анд̇ваа д̣̇иваа ад̇д̇аанам̣ ад̣̇ассзд̇ваа маж̇жхимаяаамасамананд̇арз рагкасаанам̣ нид̣̇д̣̇оггаманасамаяз аб̣бханд̇араамб̣асса санд̇игам̣ г̇анд̇ваа згзна мууланд̇арзна сан̣игам̣ абхирухид̇ум̣ аарабхи. лохаж̇аалам̣ ‘‘гирий’’д̇и сад̣̇д̣̇амагааси .
So tesaṃ vacanaṃ sutvā tato uppatitvā dutiyaṃ pabbatantaraṃ agamāsi, tathā tatiyaṃ, catutthaṃ , pañcamaṃ, chaṭṭhaṃ agamāsi. Tatthapi naṃ sukā ‘‘na mayaṃ jānāma, sattamapabbatantare sukā jānissantī’’ti āhaṃsu. So tatthapi gantvā ‘‘abbhantaraambo nāma kattha atthī’’ti pucchi. ‘‘Asukaṭṭhāne nāma kañcanapabbatantare’’ti āhaṃsu. ‘‘Ahaṃ tassa phalatthāya āgato, maṃ tattha netvā tato me phalaṃ dāpethā’’ti. Sukagaṇā āhaṃsu – ‘‘samma, so vessavaṇamahārājassa paribhogo, na sakkā upasaṅkamituṃ, sakalarukkho mūlato paṭṭhāya sattahi lohajālehi parikkhitto, sahassakumbhaṇḍarakkhasā rakkhanti, tehi diṭṭhassa jīvitaṃ nāma natthi, kappuṭṭhānaggiavīcimahānirayasadisaṭṭhānaṃ, mā tattha patthanaṃ karī’’ti. ‘‘Sace tumhe na gacchatha, mayhaṃ ṭhānaṃ ācikkhathā’’ti. ‘‘Tena hi asukena ca asukena ca ṭhānena yāhī’’ti. So tehi ācikkhitavaseneva suṭṭhu maggaṃ upadhāretvā taṃ ṭhānaṃ gantvā divā attānaṃ adassetvā majjhimayāmasamanantare rakkhasānaṃ niddokkamanasamaye abbhantaraambassa santikaṃ gantvā ekena mūlantarena saṇikaṃ abhiruhituṃ ārabhi. Lohajālaṃ ‘‘kirī’’ti saddamakāsi .
рагкасаа баб̣уж̇жхид̇ваа сугабод̇агам̣ д̣̇исваа ‘‘амб̣ажорояа’’нд̇и г̇ахзд̇ваа гаммагаран̣ам̣ сам̣вид̣̇ахим̣су. зго ‘‘мукз багкибид̇ваа г̇илиссаами на’’нд̇и ааха, абаро ‘‘хад̇т̇зхи мад̣̇д̣̇ид̇ваа бун̃ж̇ид̇ваа виббагириссаами на’’нд̇и, абаро ‘‘д̣̇взд̇хаа паалзд̇ваа ан̇г̇аарзсу бажид̇ваа каад̣̇иссаамий’’д̇и. со д̇зсам̣ гаммагаран̣асам̣вид̇хаанам̣ суд̇вааби асанд̇асид̇ваава д̇з рагкасз ааманд̇зд̇ваа ‘‘амбхо рагкасаа, д̇умхз гасса мануссаа’’д̇и ааха. ‘‘взссаван̣амахаарааж̇ассаа’’д̇и. ‘‘амбхо, д̇умхзби згасса ран̃н̃ова мануссаа, ахамби ран̃н̃ова мануссо, б̣аараан̣асирааж̇аа мам̣ аб̣бханд̇араамб̣апалад̇т̇ааяа бзсзси, сваахам̣ д̇ад̇т̇зва ад̇д̇ано ран̃н̃о ж̇ийвид̇ам̣ д̣̇ад̇ваа ааг̇ад̇о. яо хи ад̇д̇ано маад̇аабид̇уунан̃жзва саамигасса жа ад̇т̇ааяа ж̇ийвид̇ам̣ барижжаж̇ад̇и, со д̣̇звалогзязва ниб̣б̣ад̇д̇ад̇и, д̇асмаа ахамби имамхаа д̇иражчаанаяонияаа жавид̇ваа д̣̇звалогз ниб̣б̣ад̇д̇иссаамий’’д̇и вад̇ваа д̇ад̇ияам̣ г̇аат̇амааха –
Rakkhasā pabujjhitvā sukapotakaṃ disvā ‘‘ambacoroya’’nti gahetvā kammakaraṇaṃ saṃvidahiṃsu. Eko ‘‘mukhe pakkhipitvā gilissāmi na’’nti āha, aparo ‘‘hatthehi madditvā puñjitvā vippakirissāmi na’’nti, aparo ‘‘dvedhā phāletvā aṅgāresu pacitvā khādissāmī’’ti. So tesaṃ kammakaraṇasaṃvidhānaṃ sutvāpi asantasitvāva te rakkhase āmantetvā ‘‘ambho rakkhasā, tumhe kassa manussā’’ti āha. ‘‘Vessavaṇamahārājassā’’ti. ‘‘Ambho, tumhepi ekassa raññova manussā, ahampi raññova manusso, bārāṇasirājā maṃ abbhantaraambaphalatthāya pesesi, svāhaṃ tattheva attano rañño jīvitaṃ datvā āgato. Yo hi attano mātāpitūnañceva sāmikassa ca atthāya jīvitaṃ pariccajati, so devalokeyeva nibbattati, tasmā ahampi imamhā tiracchānayoniyā cavitvā devaloke nibbattissāmī’’ti vatvā tatiyaṃ gāthamāha –
93.
93.
‘‘бхад̇д̇урад̇т̇з барагганд̇о, яам̣ таанамад̇хиг̇ажчад̇и;
‘‘Bhatturatthe parakkanto, yaṃ ṭhānamadhigacchati;
сууро ад̇д̇абарижжааг̇ий, лабхамаано бхаваамаха’’нд̇и.
Sūro attapariccāgī, labhamāno bhavāmaha’’nti.
д̇ад̇т̇а бхад̇д̇урад̇т̇зд̇и бхад̇д̇аа вужжанд̇и бхад̇д̇аад̣̇ийхи бхаран̣абосагаа бид̇аа маад̇аа саамиго жа, ид̇и д̇ивид̇хассабзд̇асса бхад̇д̇у ад̇т̇ааяа. барагганд̇од̇и бараггамам̣ гаронд̇о вааяаманд̇о. яам̣ таанамад̇хиг̇ажчад̇ийд̇и яам̣ сукагааран̣ам̣ яасам̣ ваа лаабхам̣ ваа саг̇г̇ам̣ ваа ад̇хиг̇ажчад̇и. суурод̇и абхийру виггамасамбанно. ад̇д̇абарижжааг̇ийд̇и гааяз жа ж̇ийвид̇з жа нирабзгко худ̇ваа д̇асса д̇ивид̇хассаби бхад̇д̇у ад̇т̇ааяа ад̇д̇аанам̣ барижжаж̇анд̇о. лабхамаано бхаваамаханд̇и яам̣ со зваруубо сууро д̣̇звасамбад̇д̇им̣ ваа мануссасамбад̇д̇им̣ ваа лабхад̇и, ахамби д̇ам̣ лабхамаано бхаваами, д̇асмаа хаасова мз зд̇т̇а, на д̇аасо, гим̣ мам̣ д̇умхз д̇аасзт̇аад̇и.
Tattha bhatturattheti bhattā vuccanti bhattādīhi bharaṇaposakā pitā mātā sāmiko ca, iti tividhassapetassa bhattu atthāya. Parakkantoti parakkamaṃ karonto vāyamanto. Yaṃ ṭhānamadhigacchatīti yaṃ sukhakāraṇaṃ yasaṃ vā lābhaṃ vā saggaṃ vā adhigacchati. Sūroti abhīru vikkamasampanno. Attapariccāgīti kāye ca jīvite ca nirapekkho hutvā tassa tividhassapi bhattu atthāya attānaṃ pariccajanto. Labhamāno bhavāmahanti yaṃ so evarūpo sūro devasampattiṃ vā manussasampattiṃ vā labhati, ahampi taṃ labhamāno bhavāmi, tasmā hāsova me ettha, na tāso, kiṃ maṃ tumhe tāsethāti.
звам̣ со имааяа г̇аат̇ааяа д̇зсам̣ д̇хаммам̣ д̣̇зсзси. д̇з д̇асса д̇хаммагат̇ам̣ суд̇ваа басаннажид̇д̇аа ‘‘д̇хаммиго зса, на саггаа маарзд̇ум̣, виссаж̇ж̇зма на’’нд̇и вад̇ваа сугабод̇агам̣ виссаж̇ж̇зд̇ваа ‘амбхо сугабод̇ага, муд̇д̇оси, амхаагам̣ хад̇т̇ад̇о сод̇т̇инаа г̇ажчаа’’д̇и аахам̣су. ‘‘маяхам̣ ааг̇аманам̣ маа д̇ужчам̣ гарот̇а, д̣̇зт̇а мз згам̣ амб̣апала’’нд̇и. ‘‘сугабод̇ага, д̇уяхам̣ згам̣ амб̣апалам̣ д̣̇аад̇ум̣ наама на бхааро, имасмим̣ бана ругкз амб̣аани ан̇гзд̇ваа г̇ахид̇аани, згасмим̣ палз асамзнд̇з амхаагам̣ ж̇ийвид̇ам̣ над̇т̇и. взссаван̣зна хи гуж̇жхид̇ваа сагим̣ ологид̇з д̇ад̇д̇агабаалз багкид̇д̇ад̇илаа вияа гумбхан̣д̣асахассам̣ бхиж̇ж̇ид̇ваа виббагирийяад̇и, д̇зна д̇з д̣̇аад̇ум̣ на саггома, лабханадтаанам̣ бана аажигкиссаамаа’’д̇и. ‘‘яо гожи д̣̇зд̇у, палзнзва мз ад̇т̇о, лабханадтаанам̣ аажигкат̇аа’’д̇и. ‘‘зд̇асса ган̃жанабаб̣б̣ад̇асса анд̇арз ж̇од̇ирасо наама д̇аабасо аг̇г̇им̣ ж̇ухамаано ган̃жанабад̇д̇ияаа наама бан̣н̣асаалааяам̣ васад̇и взссаван̣асса гулуубаго, взссаван̣о д̇асса ниб̣ад̣̇д̇хам̣ жад̇д̇аари амб̣апалаани бзсзд̇и, д̇асса санд̇игам̣ г̇ажчаа’’д̇и.
Evaṃ so imāya gāthāya tesaṃ dhammaṃ desesi. Te tassa dhammakathaṃ sutvā pasannacittā ‘‘dhammiko esa, na sakkā māretuṃ, vissajjema na’’nti vatvā sukapotakaṃ vissajjetvā ‘ambho sukapotaka, muttosi, amhākaṃ hatthato sotthinā gacchā’’ti āhaṃsu. ‘‘Mayhaṃ āgamanaṃ mā tucchaṃ karotha, detha me ekaṃ ambaphala’’nti. ‘‘Sukapotaka, tuyhaṃ ekaṃ ambaphalaṃ dātuṃ nāma na bhāro, imasmiṃ pana rukkhe ambāni aṅketvā gahitāni, ekasmiṃ phale asamente amhākaṃ jīvitaṃ natthi. Vessavaṇena hi kujjhitvā sakiṃ olokite tattakapāle pakkhittatilā viya kumbhaṇḍasahassaṃ bhijjitvā vippakirīyati, tena te dātuṃ na sakkoma, labhanaṭṭhānaṃ pana ācikkhissāmā’’ti. ‘‘Yo koci detu, phaleneva me attho, labhanaṭṭhānaṃ ācikkhathā’’ti. ‘‘Etassa kañcanapabbatassa antare jotiraso nāma tāpaso aggiṃ juhamāno kañcanapattiyā nāma paṇṇasālāyaṃ vasati vessavaṇassa kulūpako, vessavaṇo tassa nibaddhaṃ cattāri ambaphalāni peseti, tassa santikaṃ gacchā’’ti.
со ‘‘саад̇хуу’’д̇и самбадижчид̇ваа д̇аабасасса санд̇игам̣ г̇анд̇ваа ванд̣̇ид̇ваа згаманд̇ам̣ нисийд̣̇и. ат̇а нам̣ д̇аабасо ‘‘гуд̇о ааг̇ад̇осий’’д̇и бужчи. ‘‘б̣аараан̣асиран̃н̃о санд̇игаа’’д̇и. ‘‘гимад̇т̇ааяа ааг̇ад̇осий’’д̇и? ‘‘саами, амхаагам̣ ран̃н̃о д̣̇звияаа аб̣бханд̇араамб̣абаггз д̣̇охал̣о уббанно, д̇ад̣̇ад̇т̇ам̣ ааг̇ад̇омхи, рагкасаа бана мз саяам̣ амб̣абаггам̣ ад̣̇ад̇ваа д̇умхаагам̣ санд̇игам̣ бзсзсу’’нд̇и. ‘‘д̇зна хи нисийд̣̇а, лабхиссасий’’д̇и. ат̇асса взссаван̣о жад̇д̇аари палаани бзсзси. д̇аабасо д̇ад̇о д̣̇вз барибхун̃ж̇и, згам̣ сувабод̇агасса каад̣̇анад̇т̇ааяа ад̣̇ааси. д̇зна д̇асмим̣ каад̣̇ид̇з згам̣ палам̣ сиггааяа багкибид̇ваа сувабод̇агасса г̇ийвааяа бадимун̃жид̇ваа ‘‘ид̣̇аани г̇ажчаа’’д̇и сугабод̇агам̣ виссаж̇ж̇зси . со д̇ам̣ аахарид̇ваа д̣̇звияаа ад̣̇ааси. саа д̇ам̣ каад̣̇ид̇ваа д̣̇охал̣ам̣ бадиббассамбхзси, д̇ад̇онид̣̇аанам̣ банассаа буд̇д̇о наахоси.
So ‘‘sādhū’’ti sampaṭicchitvā tāpasassa santikaṃ gantvā vanditvā ekamantaṃ nisīdi. Atha naṃ tāpaso ‘‘kuto āgatosī’’ti pucchi. ‘‘Bārāṇasirañño santikā’’ti. ‘‘Kimatthāya āgatosī’’ti? ‘‘Sāmi, amhākaṃ rañño deviyā abbhantaraambapakke dohaḷo uppanno, tadatthaṃ āgatomhi, rakkhasā pana me sayaṃ ambapakkaṃ adatvā tumhākaṃ santikaṃ pesesu’’nti. ‘‘Tena hi nisīda, labhissasī’’ti. Athassa vessavaṇo cattāri phalāni pesesi. Tāpaso tato dve paribhuñji, ekaṃ suvapotakassa khādanatthāya adāsi. Tena tasmiṃ khādite ekaṃ phalaṃ sikkāya pakkhipitvā suvapotakassa gīvāya paṭimuñcitvā ‘‘idāni gacchā’’ti sukapotakaṃ vissajjesi . So taṃ āharitvā deviyā adāsi. Sā taṃ khāditvā dohaḷaṃ paṭippassambhesi, tatonidānaṃ panassā putto nāhosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̣̇звий раахуламаад̇аа ахоси, суго аананд̣̇о, амб̣абаггад̣̇ааяаго д̇аабасо саарибуд̇д̇о, уяяаанз нивуд̇т̇ад̇аабасо бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā devī rāhulamātā ahosi, suko ānando, ambapakkadāyako tāpaso sāriputto, uyyāne nivutthatāpaso pana ahameva ahosi’’nti.
аб̣бханд̇араж̇аад̇агаван̣н̣анаа батамаа.
Abbhantarajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 281. аб̣бханд̇араж̇аад̇агам̣ • 281. Abbhantarajātakaṃ
