| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
2. அப்³ப⁴ந்தரமாதிகாவண்ணனா
2. Abbhantaramātikāvaṇṇanā
2. ‘‘பஞ்சக்க²ந்தா⁴’’திஆதீ³ஹி ரூபக்க²ந்தா⁴தி³பதா³னி த³ஸ்ஸிதானி, படிச்சஸமுப்பாத³வசனேன ச யேஸு த்³வாத³ஸஸு அங்கே³ஸு பச்சேகங் படிச்சஸமுப்பாத³ஸத்³தோ³ வத்ததி, தத³த்தா²னி த்³வாத³ஸ பதா³னி த³ஸ்ஸிதானீதி தேஸங் ததா²த³ஸ்ஸிதானங் ஸரூபேனேவ த³ஸ்ஸிதானங் ப²ஸ்ஸாதீ³னஞ்ச பதா³னங் வஸேன ஆஹ ‘‘பஞ்சவீஸாதி⁴கேன பத³ஸதேனா’’தி. தத்த² கம்முபபத்திகாமப⁴வாதீ³னங் இத⁴ விப⁴த்தானங் பா⁴வனப⁴வனபா⁴வேன ப⁴வே விய ஸோகாதீ³னங் ஜராமரணஸ்ஸ விய அனிட்ட²த்தா தன்னிதா³னது³க்க²பா⁴வேன ச ஜராமரணே அந்தோக³த⁴தாய படிச்சஸமுப்பாத³ஸ்ஸ த்³வாத³ஸபத³தா த³ட்ட²ப்³பா³. எத்த² ச பாளியங் பி⁴ந்தி³த்வா அவிஸ்ஸஜ்ஜிதானம்பி ஸதிபட்டா²னாதீ³னங் பி⁴ந்தி³த்வா க³ஹணங் கரொந்தோ தேஸங் பி⁴ந்தி³த்வாபி விஸ்ஸஜ்ஜிதப்³ப³தங் த³ஸ்ஸேதீதி வேதி³தப்³ப³ங்.
2. ‘‘Pañcakkhandhā’’tiādīhi rūpakkhandhādipadāni dassitāni, paṭiccasamuppādavacanena ca yesu dvādasasu aṅgesu paccekaṃ paṭiccasamuppādasaddo vattati, tadatthāni dvādasa padāni dassitānīti tesaṃ tathādassitānaṃ sarūpeneva dassitānaṃ phassādīnañca padānaṃ vasena āha ‘‘pañcavīsādhikena padasatenā’’ti. Tattha kammupapattikāmabhavādīnaṃ idha vibhattānaṃ bhāvanabhavanabhāvena bhave viya sokādīnaṃ jarāmaraṇassa viya aniṭṭhattā tannidānadukkhabhāvena ca jarāmaraṇe antogadhatāya paṭiccasamuppādassa dvādasapadatā daṭṭhabbā. Ettha ca pāḷiyaṃ bhinditvā avissajjitānampi satipaṭṭhānādīnaṃ bhinditvā gahaṇaṃ karonto tesaṃ bhinditvāpi vissajjitabbataṃ dassetīti veditabbaṃ.
நயமாதிகாதி³கா லக்க²ணமாதிகந்தா மாதிகா பகரணந்தராஸாதா⁴ரணதாய தா⁴துகதா²ய மாதிகா நாம, தஸ்ஸா அப்³ப⁴ந்தரே வுத்தோ விப⁴ஜிதப்³பா³னங் உத்³தே³ஸோ அப்³ப⁴ந்தரமாதிகா நாமாதி இமமத்த²ங் பகாஸெந்தோ ‘‘அயஞ்ஹீ’’திஆதி³மாஹ. தத்த² ஏவங் அவத்வாதி யதா² ‘‘ஸப்³பா³பி…பே॰… மாதிகா’’தி அயங் தா⁴துகதா²மாதிகதோ ப³ஹித்³தா⁴ வுத்தா, ஏவங் அவத்வாதி அத்தோ². தா⁴துகதா²ய அப்³ப⁴ந்தரேயேவாதி ச தா⁴துகதா²மாதிகாய அப்³ப⁴ந்தரேயேவாதி அத்தோ² த³ட்ட²ப்³போ³. ததா³வேணிகமாதிகாஅப்³ப⁴ந்தரே ஹி ட²பிதா தஸ்ஸாயேவ அப்³ப⁴ந்தரே ட²பிதாதி வுத்தா . அத² வா ஏவங் அவத்வாதி யதா² ‘‘ஸப்³பா³பி…பே॰… மாதிகா’’தி ஏதேன வசனேன தா⁴துகதா²தோ ப³ஹிபூ⁴தா குஸலாதி³அரணந்தா மாதிகா பகரணந்தரக³தா வுத்தா, ஏவங் அவத்வாதி அத்தோ². தா⁴துகதா²ய அப்³ப⁴ந்தரேயேவாதி ச இமஸ்ஸ பகரணஸ்ஸ அப்³ப⁴ந்தரே ஏவ ஸரூபதோ த³ஸ்ஸெத்வா ட²பிதத்தாதி அத்தோ². ஸப்³ப³ஸ்ஸ அபி⁴த⁴ம்மஸ்ஸ மாதிகாய அஸங்க³ஹிதத்தா விகிண்ணபா⁴வேன பகிண்ணகதா வேதி³தப்³பா³.
Nayamātikādikā lakkhaṇamātikantā mātikā pakaraṇantarāsādhāraṇatāya dhātukathāya mātikā nāma, tassā abbhantare vutto vibhajitabbānaṃ uddeso abbhantaramātikā nāmāti imamatthaṃ pakāsento ‘‘ayañhī’’tiādimāha. Tattha evaṃ avatvāti yathā ‘‘sabbāpi…pe… mātikā’’ti ayaṃ dhātukathāmātikato bahiddhā vuttā, evaṃ avatvāti attho. Dhātukathāya abbhantareyevāti ca dhātukathāmātikāya abbhantareyevāti attho daṭṭhabbo. Tadāveṇikamātikāabbhantare hi ṭhapitā tassāyeva abbhantare ṭhapitāti vuttā . Atha vā evaṃ avatvāti yathā ‘‘sabbāpi…pe… mātikā’’ti etena vacanena dhātukathāto bahibhūtā kusalādiaraṇantā mātikā pakaraṇantaragatā vuttā, evaṃ avatvāti attho. Dhātukathāya abbhantareyevāti ca imassa pakaraṇassa abbhantare eva sarūpato dassetvā ṭhapitattāti attho. Sabbassa abhidhammassa mātikāya asaṅgahitattā vikiṇṇabhāvena pakiṇṇakatā veditabbā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 2. அப்³ப⁴ந்தரமாதிகா • 2. Abbhantaramātikā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 2. அப்³ப⁴ந்தரமாதிகாவண்ணனா • 2. Abbhantaramātikāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 2. அப்³ப⁴ந்தரமாதிகாவண்ணனா • 2. Abbhantaramātikāvaṇṇanā
