| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
2. அப்³ப⁴ந்தரமாதிகாவண்ணனா
2. Abbhantaramātikāvaṇṇanā
2. தத³த்தா²னீதி படிச்சஸமுப்பாத³த்தா²னி. படிச்ச ஸமுப்பஜ்ஜதி ஸங்கா²ராதி³கங் ஏதஸ்மாதி ஹி படிச்சஸமுப்பாதோ³, பச்சேகங் அவிஜ்ஜாதி³கோ பச்சயத⁴ம்மோ. ததா² ஹி வுத்தங் ஸங்கா²ரபிடகே ‘‘த்³வாத³ஸ பச்சயா, த்³வாத³ஸ படிச்சஸமுப்பாதா³’’தி. தேஸந்தி க²ந்தா⁴தீ³னங். ததா²த³ஸ்ஸிதானந்தி க³ணனுத்³தே³ஸவிபா⁴க³மத்தேன த³ஸ்ஸிதானங். கஸ்மா பனெத்த² படிச்சஸமுப்பாதோ³ த்³வாத³ஸபா⁴வேனேவ க³ஹிதோ, நனு தத்த² ப⁴வோ கம்மப⁴வாதி³பே⁴தே³ன, ஸோகாத³யோ ச ஸரூபதோயேவ இத⁴ பாளியங் க³ஹிதாதி சோத³னங் ஸந்தா⁴யாஹ ‘‘தத்தா²’’திஆதி³. தத்த² தத்தா²தி தஸ்மிங் ‘‘பஞ்சவீஸாதி⁴கேன பத³ஸதேனா’’தி ஏவங் வுத்தே அட்ட²கதா²வசனே. கம்மப⁴வஸ்ஸ பா⁴வனபா⁴வேன, உபபத்திப⁴வஸ்ஸ ப⁴வனபா⁴வேன. பத³த்த²தோ பன கம்மப⁴வோ ப⁴வதி ஏதஸ்மாதி ப⁴வோ, இதரோ ப⁴வதி, ப⁴வனங் வாதி. தன்னிதா³னது³க்க²பா⁴வேனாதி ஜராமரணனிதா³னது³க்க²பா⁴வேன.
2. Tadatthānīti paṭiccasamuppādatthāni. Paṭicca samuppajjati saṅkhārādikaṃ etasmāti hi paṭiccasamuppādo, paccekaṃ avijjādiko paccayadhammo. Tathā hi vuttaṃ saṅkhārapiṭake ‘‘dvādasa paccayā, dvādasa paṭiccasamuppādā’’ti. Tesanti khandhādīnaṃ. Tathādassitānanti gaṇanuddesavibhāgamattena dassitānaṃ. Kasmā panettha paṭiccasamuppādo dvādasabhāveneva gahito, nanu tattha bhavo kammabhavādibhedena, sokādayo ca sarūpatoyeva idha pāḷiyaṃ gahitāti codanaṃ sandhāyāha ‘‘tatthā’’tiādi. Tattha tatthāti tasmiṃ ‘‘pañcavīsādhikena padasatenā’’ti evaṃ vutte aṭṭhakathāvacane. Kammabhavassa bhāvanabhāvena, upapattibhavassa bhavanabhāvena. Padatthato pana kammabhavo bhavati etasmāti bhavo, itaro bhavati, bhavanaṃ vāti. Tannidānadukkhabhāvenāti jarāmaraṇanidānadukkhabhāvena.
‘‘ஸப்³பா³பி த⁴ம்மஸங்க³ணீ தா⁴துகதா²ய மாதிகா’’தி இத³ம்பி தா⁴துகதா²ய மாதிகாகித்தனமேவாதி ‘‘ஸப்³பா³பி…பே॰… மாதிகாதி அயங் தா⁴துகதா²மாதிகாதோ ப³ஹித்³தா⁴ வுத்தா’’தி வசனங் அஸம்பா⁴வெந்தோ ‘‘அத² வா’’திஆதி³மாஹ . பகரணந்தரக³தா வுத்தா தா⁴துகதா²ய மாதிகாபா⁴வேனாதி அத்தோ². காமஞ்செத்த² மாதிகாபா⁴வேன வுத்தா, பகரணந்தரக³தத்தா பன அஞ்ஞதோ க³ஹேதப்³ப³ரூபா இதோ ப³ஹிபூ⁴தா நாம ஹொந்தி, ஸரூபதோ க³ஹிதாவ பஞ்சக்க²ந்தா⁴திஆதி³கா அப்³ப⁴ந்தரா. தேனாஹ ‘‘ஸரூபதோ த³ஸ்ஸெத்வா ட²பிதத்தா’’தி. மாதிகாய அஸங்க³ஹிதத்தாதி மாதிகாய ஸரூபேன அஸங்க³ஹிதத்தா, ந அஞ்ஞதா². ந ஹி மாதிகாய அஸங்க³ஹிதோ கோசி பத³த்தோ² அத்தி². விகிண்ணபா⁴வேனாதி க²ந்த⁴விப⁴ங்கா³தீ³ஸு விஸுங் விஸுங் கிண்ணபா⁴வேன விஸடபா⁴வேன.
‘‘Sabbāpi dhammasaṅgaṇī dhātukathāya mātikā’’ti idampi dhātukathāya mātikākittanamevāti ‘‘sabbāpi…pe… mātikāti ayaṃ dhātukathāmātikāto bahiddhā vuttā’’ti vacanaṃ asambhāvento ‘‘atha vā’’tiādimāha . Pakaraṇantaragatā vuttā dhātukathāya mātikābhāvenāti attho. Kāmañcettha mātikābhāvena vuttā, pakaraṇantaragatattā pana aññato gahetabbarūpā ito bahibhūtā nāma honti, sarūpato gahitāva pañcakkhandhātiādikā abbhantarā. Tenāha ‘‘sarūpato dassetvā ṭhapitattā’’ti. Mātikāya asaṅgahitattāti mātikāya sarūpena asaṅgahitattā, na aññathā. Na hi mātikāya asaṅgahito koci padattho atthi. Vikiṇṇabhāvenāti khandhavibhaṅgādīsu visuṃ visuṃ kiṇṇabhāvena visaṭabhāvena.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 2. அப்³ப⁴ந்தரமாதிகா • 2. Abbhantaramātikā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 2. அப்³ப⁴ந்தரமாதிகாவண்ணனா • 2. Abbhantaramātikāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 2. அப்³ப⁴ந்தரமாதிகாவண்ணனா • 2. Abbhantaramātikāvaṇṇanā
