| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
1. б̣уд̣̇д̇хаваг̇г̇о
1. Buddhavaggo
аб̣бханд̇аранид̣̇аанаван̣н̣анаа
Abbhantaranidānavaṇṇanā
5.
5.
‘‘ат̇а б̣уд̣̇д̇хаабад̣̇аанаани, сун̣аат̇а суд̣̇д̇хамаанасаа;
‘‘Atha buddhāpadānāni, suṇātha suddhamānasā;
д̇им̣сабаарамисамбун̣н̣аа, д̇хаммарааж̇аа асан̇кияаа’’д̇и. –
Tiṃsapāramisampuṇṇā, dhammarājā asaṅkhiyā’’ti. –
зд̇т̇а ат̇аад̇и ад̇хигааранд̇аруубад̣̇ассанад̇т̇з нибаад̇абад̣̇ам̣, вибхад̇д̇ияуд̇д̇ааяуд̇д̇анибаад̇ад̣̇ваязсу вибхад̇д̇ияуд̇д̇анибаад̇абад̣̇ам̣. ат̇а ваа –
Ettha athāti adhikārantarūpadassanatthe nipātapadaṃ, vibhattiyuttāyuttanipātadvayesu vibhattiyuttanipātapadaṃ. Atha vā –
‘‘ад̇хигаарз ман̇г̇алз жзва, нибпаннад̇т̇звад̇хааран̣з;
‘‘Adhikāre maṅgale ceva, nipphannatthevadhāraṇe;
ананд̇арзбаг̇аманз, ат̇а-сад̣̇д̣̇о бавад̇д̇ад̇и’’.
Anantarepagamane, atha-saddo pavattati’’.
д̇ат̇аа хи –
Tathā hi –
‘‘ад̇хигижжам̣ ад̇хидтаанам̣, ад̇хиад̇т̇ам̣ вибхаасад̇и;
‘‘Adhikiccaṃ adhiṭṭhānaṃ, adhiatthaṃ vibhāsati;
сздтаж̇здтагабхаавзна, ад̇хигааро вид̇хийяад̇з’’д̇и. –
Seṭṭhajeṭṭhakabhāvena, adhikāro vidhīyate’’ti. –
вуд̇д̇ад̇д̇аа б̣уд̣̇д̇хаанам̣ самад̇д̇им̣сабаарамид̇хаммаанам̣ ад̇хигижжад̇о, сздтаж̇здтад̇о ад̇хигаарадтзна ат̇а-сад̣̇д̣̇зна яуд̇д̇амабад̣̇аанаанийд̇и. д̇ивид̇хаб̣од̇хисад̇д̇аанам̣ бууж̇ааман̇г̇аласабхаавад̇о ‘‘бууж̇аа жа бууж̇анзяяаанам̣, зд̇ам̣ ман̇г̇аламуд̇д̇ама’’нд̇и важанад̇о (ку. баа. 5.3; су. ни. 262) ман̇г̇аладтзна ат̇а-сад̣̇д̣̇зна яуд̇д̇амабад̣̇аанаанийд̇и . б̣уд̣̇д̇хаад̣̇ийнам̣ бхаг̇аванд̇аанам̣ самбад̇д̇игижжасса арахад̇д̇амаг̇г̇зна нибпаннад̇о нибпаннадтзна ат̇а-сад̣̇д̣̇зна яуд̇д̇амабад̣̇аанаанийд̇и . б̣уд̣̇д̇хаад̣̇ийнам̣ арахад̇д̇амаг̇г̇аад̣̇игусалад̇о ан̃н̃агусалаанам̣ абхаавад̇о авад̇хааран̣адтзна нивааран̣адтзна ат̇а-сад̣̇д̣̇зна яуд̇д̇амабад̣̇аанаанийд̇и. куд̣̇д̣̇агабаатасан̇г̇ахаананд̇арам̣ сан̇г̇ахид̇анд̇и ананд̇арадтзна ат̇а-сад̣̇д̣̇зна яуд̇д̇амабад̣̇аанаанийд̇и. ид̇о куд̣̇д̣̇агабаатад̇о бадтааяаад̇и абаг̇аманадтзна ат̇а-сад̣̇д̣̇зна яуд̇д̇амабад̣̇аанаанийд̇и.
Vuttattā buddhānaṃ samattiṃsapāramidhammānaṃ adhikiccato, seṭṭhajeṭṭhato adhikāraṭṭhena atha-saddena yuttamapadānānīti. Tividhabodhisattānaṃ pūjāmaṅgalasabhāvato ‘‘pūjā ca pūjaneyyānaṃ, etaṃ maṅgalamuttama’’nti vacanato (khu. pā. 5.3; su. ni. 262) maṅgalaṭṭhena atha-saddena yuttamapadānānīti . Buddhādīnaṃ bhagavantānaṃ sampattikiccassa arahattamaggena nipphannato nipphannaṭṭhena atha-saddena yuttamapadānānīti . Buddhādīnaṃ arahattamaggādikusalato aññakusalānaṃ abhāvato avadhāraṇaṭṭhena nivāraṇaṭṭhena atha-saddena yuttamapadānānīti. Khuddakapāṭhasaṅgahānantaraṃ saṅgahitanti anantaraṭṭhena atha-saddena yuttamapadānānīti. Ito khuddakapāṭhato paṭṭhāyāti apagamanaṭṭhena atha-saddena yuttamapadānānīti.
б̣уд̣̇д̇ход̇и зд̇т̇а б̣уж̇жхид̇аа сажжаанийд̇и б̣уд̣̇д̇хо, б̣од̇хзд̇аа баж̇ааяаад̇и б̣уд̣̇д̇хо, саб̣б̣ан̃н̃уд̇ааяа б̣уд̣̇д̇хо, саб̣б̣ад̣̇ассаавид̇ааяа б̣уд̣̇д̇хо, анан̃н̃анзяяад̇ааяа б̣уд̣̇д̇хо, висавид̇ааяа б̣уд̣̇д̇хо, кийн̣аасавасан̇каад̇зна б̣уд̣̇д̇хо, нирубаггилзсасан̇каад̇зна б̣уд̣̇д̇хо, баб̣б̣аж̇ж̇аасан̇каад̇зна б̣уд̣̇д̇хо, ад̣̇уд̇ияадтзна б̣уд̣̇д̇хо, д̇ан̣хаабахаанадтзна б̣уд̣̇д̇хо, згааяанамаг̇г̇ам̣ г̇ад̇од̇и б̣уд̣̇д̇хо, зго ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и б̣уд̣̇д̇хо, аб̣уд̣̇д̇хивихад̇ад̇д̇аа б̣уд̣̇д̇хибадилаабхаа б̣уд̣̇д̇хо, б̣уд̣̇д̇хи б̣уд̣̇д̇хам̣ б̣од̇ход̇и анад̇т̇анд̇арамзд̇ам̣. яат̇аа нийлаад̣̇иван̣н̣аяог̇ад̇о бадо ‘‘нийло бадо, рад̇д̇о бадо’’д̇и вужжад̇и, звам̣ б̣уд̣̇д̇хаг̇ун̣аяог̇ад̇о б̣уд̣̇д̇хо. ат̇а ваа ‘‘б̣од̇хи’’вужжад̇и жад̇уусу маг̇г̇зсу н̃аан̣ам̣, д̇зна н̃аан̣зна сагалад̣̇ияад̣дхасахассагилзсаариг̇ан̣з кзбзд̇ваа ниб̣б̣аанаад̇хиг̇аманад̇о н̃аан̣ам̣ ‘‘б̣од̇хий’’д̇и вужжад̇и. д̇зна самбаяуд̇д̇о саман̇г̇ийбуг̇г̇ало б̣уд̣̇д̇хо. д̇знзва н̃аан̣зна бажжзгаб̣уд̣̇д̇хоби саб̣б̣агилзсз кзбзд̇ваа ниб̣б̣аанамад̇хиг̇ажчад̇и. б̣уд̣̇д̇хаанам̣ бана жад̇уусу асан̇кязяязсу габбасад̇асахассзсу жа баарамияо буурзд̇ваа б̣од̇хин̃аан̣ассаад̇хиг̇ад̇ад̇д̇аа жа инд̣̇рияабаробарияад̇д̇ан̃аан̣амахаагарун̣аасамаабад̇д̇ин̃аан̣аяамагабаадихийран̃аан̣асаб̣б̣ан̃н̃уд̇ан̃н̃аан̣а- анааваран̣ааасаяаанусаяаад̣̇иасаад̇хааран̣ан̃аан̣аанам̣ самад̇хиг̇ад̇ад̇д̇аа жа згааяаби д̇хаммад̣̇зсанааяа асан̇кязяяаасад̇д̇анигааяз д̇хаммаамад̇ам̣ бааязд̇ваа ниб̣б̣аанасса баабанад̇о жа д̇ад̣̇зва н̃аан̣ам̣ б̣уд̣̇д̇хаанамзваад̇хигабхаавад̇о д̇зсамзва самб̣уд̣̇д̇хаанам̣ абад̣̇аанам̣ гааран̣ам̣ б̣уд̣̇д̇хаабад̣̇аанам̣. д̇ан̃хи д̣̇увид̇хам̣ гусалаагусалавасзна. бажжзгаб̣уд̣̇д̇хаа бана на д̇ат̇аа гаад̇ум̣ самад̇т̇аа, аннаад̣̇ибажжаяад̣̇ааяагаанам̣ сан̇г̇ахам̣ гаронд̇ааби –
Buddhoti ettha bujjhitā saccānīti buddho, bodhetā pajāyāti buddho, sabbaññutāya buddho, sabbadassāvitāya buddho, anaññaneyyatāya buddho, visavitāya buddho, khīṇāsavasaṅkhātena buddho, nirupakkilesasaṅkhātena buddho, pabbajjāsaṅkhātena buddho, adutiyaṭṭhena buddho, taṇhāpahānaṭṭhena buddho, ekāyanamaggaṃ gatoti buddho, eko anuttaraṃ sammāsambodhiṃ abhisambuddhoti buddho, abuddhivihatattā buddhipaṭilābhā buddho, buddhi buddhaṃ bodhoti anatthantarametaṃ. Yathā nīlādivaṇṇayogato paṭo ‘‘nīlo paṭo, ratto paṭo’’ti vuccati, evaṃ buddhaguṇayogato buddho. Atha vā ‘‘bodhi’’vuccati catūsu maggesu ñāṇaṃ, tena ñāṇena sakaladiyaḍḍhasahassakilesārigaṇe khepetvā nibbānādhigamanato ñāṇaṃ ‘‘bodhī’’ti vuccati. Tena sampayutto samaṅgīpuggalo buddho. Teneva ñāṇena paccekabuddhopi sabbakilese khepetvā nibbānamadhigacchati. Buddhānaṃ pana catūsu asaṅkhyeyyesu kappasatasahassesu ca pāramiyo pūretvā bodhiñāṇassādhigatattā ca indriyaparopariyattañāṇamahākaruṇāsamāpattiñāṇayamakapāṭihīrañāṇasabbaññutaññāṇa- anāvaraṇaāsayānusayādiasādhāraṇañāṇānaṃ samadhigatattā ca ekāyapi dhammadesanāya asaṅkhyeyyāsattanikāye dhammāmataṃ pāyetvā nibbānassa pāpanato ca tadeva ñāṇaṃ buddhānamevādhikabhāvato tesameva sambuddhānaṃ apadānaṃ kāraṇaṃ buddhāpadānaṃ. Tañhi duvidhaṃ kusalākusalavasena. Paccekabuddhā pana na tathā kātuṃ samatthā, annādipaccayadāyakānaṃ saṅgahaṃ karontāpi –
‘‘ижчид̇ам̣ бад̇т̇ид̇ам̣ д̇уяхам̣, киббамзва самиж̇жхад̇у;
‘‘Icchitaṃ patthitaṃ tuyhaṃ, khippameva samijjhatu;
буурзнд̇у жид̇д̇асан̇габбаа, жанд̣̇о баннарасо яат̇аа.
Pūrentu cittasaṅkappā, cando pannaraso yathā.
‘‘ижчид̇ам̣ бад̇т̇ид̇ам̣ д̇уяхам̣, киббамзва самиж̇жхад̇у;
‘‘Icchitaṃ patthitaṃ tuyhaṃ, khippameva samijjhatu;
буурзнд̇у жид̇д̇асан̇габбаа, ман̣и ж̇од̇ирасо яат̇аа’’д̇и. (д̣̇ий. ни. адта. 2.95 буб̣б̣уубаниссаяасамбад̇д̇игат̇аа; а. ни. адта. 1.1.192; д̇ха. ба. адта. 1.саамаавад̇ийвад̇т̇у) –
Pūrentu cittasaṅkappā, maṇi jotiraso yathā’’ti. (dī. ni. aṭṭha. 2.95 pubbūpanissayasampattikathā; a. ni. aṭṭha. 1.1.192; dha. pa. aṭṭha. 1.sāmāvatīvatthu) –
имаахи д̣̇вийхиязва г̇аат̇аахи д̇хаммам̣ д̣̇зсзнд̇и. д̣̇зсзнд̇ааби асан̇кязяяасад̇д̇анигааяз б̣од̇хзд̇ум̣ на саггун̣анд̇и, д̇асмаа на саб̣б̣ан̃н̃уб̣уд̣̇д̇хасад̣̇исаа худ̇ваа баадизггам̣ висум̣ б̣уд̣̇д̇хаад̇и бажжзгаб̣уд̣̇д̇хаа. д̇зсам̣ абад̣̇аанам̣ гааран̣ам̣ бажжзгаб̣уд̣̇д̇хаабад̣̇аанам̣.
Imāhi dvīhiyeva gāthāhi dhammaṃ desenti. Desentāpi asaṅkhyeyyasattanikāye bodhetuṃ na sakkuṇanti, tasmā na sabbaññubuddhasadisā hutvā pāṭiekkaṃ visuṃ buddhāti paccekabuddhā. Tesaṃ apadānaṃ kāraṇaṃ paccekabuddhāpadānaṃ.
жирам̣ тид̇аад̇и т̇зраа. ат̇а ваа т̇ирад̇арасийлаажаарамад̣̇д̣̇аваад̣̇иг̇ун̣зхи яуд̇д̇аад̇и т̇зраа. ат̇а ваа т̇ираварасийласамаад̇хибан̃н̃аавимуд̇д̇ивимуд̇д̇ин̃аан̣ад̣̇ассанаг̇ун̣зхи яуд̇д̇аад̇и т̇зраа. ат̇а ваа т̇ирад̇арасан̇каад̇абан̣ийд̇аануд̇д̇арасанд̇иниб̣б̣аанамад̇хиг̇ад̇аад̇и т̇зраа, т̇зраанам̣ абад̣̇аанаани т̇зраабад̣̇аанаани. д̇ат̇аа д̇аад̣̇иг̇ун̣зхи яуд̇д̇аад̇и т̇зрий, т̇зрийнам̣ абад̣̇аанаани т̇зрийбад̣̇аанаани. д̇зсу б̣уд̣̇д̇хаабад̣̇аанз бан̃жзва абад̣̇аанаани, бан̃жзва суд̇д̇анд̇аа. д̇знааху бораан̣аа –
Ciraṃ ṭhitāti therā. Atha vā thiratarasīlācāramaddavādiguṇehi yuttāti therā. Atha vā thiravarasīlasamādhipaññāvimuttivimuttiñāṇadassanaguṇehi yuttāti therā. Atha vā thiratarasaṅkhātapaṇītānuttarasantinibbānamadhigatāti therā, therānaṃ apadānāni therāpadānāni. Tathā tādiguṇehi yuttāti therī, therīnaṃ apadānāni therīpadānāni. Tesu buddhāpadāne pañceva apadānāni, pañceva suttantā. Tenāhu porāṇā –
‘‘бан̃жзва абад̣̇аанаани, бан̃жа суд̇д̇аани яасса жа;
‘‘Pañceva apadānāni, pañca suttāni yassa ca;
ид̣̇ам̣ б̣уд̣̇д̇хаабад̣̇аананд̇и, батамам̣ ануломад̇о’’д̇и.
Idaṃ buddhāpadānanti, paṭhamaṃ anulomato’’ti.
бажжзгаб̣уд̣̇д̇хаабад̣̇аанзби бан̃жзва абад̣̇аанаани, бан̃жзва суд̇д̇анд̇аа. д̇знааху бораан̣аа –
Paccekabuddhāpadānepi pañceva apadānāni, pañceva suttantā. Tenāhu porāṇā –
‘‘бан̃жзва абад̣̇аанаани, бан̃жа суд̇д̇аани яасса жа;
‘‘Pañceva apadānāni, pañca suttāni yassa ca;
ид̣̇ам̣ бажжзгаб̣уд̣̇д̇хаабад̣̇аананд̇и, д̣̇уд̇ияам̣ ануломад̇о’’д̇и.
Idaṃ paccekabuddhāpadānanti, dutiyaṃ anulomato’’ti.
т̇зраабад̣̇аанзсу д̣̇асаад̇хигабан̃жасад̇аабад̣̇аанаани, ваг̇г̇ад̇о згабан̃н̃ааса ваг̇г̇аа. д̇знааху бораан̣аа –
Therāpadānesu dasādhikapañcasatāpadānāni, vaggato ekapaññāsa vaggā. Tenāhu porāṇā –
‘‘бан̃жасад̇ад̣̇асабад̣̇аанаани, згабан̃н̃ааса ваг̇г̇ад̇о;
‘‘Pañcasatadasapadānāni, ekapaññāsa vaggato;
ид̣̇ам̣ т̇зраабад̣̇аананд̇и, д̇ад̇ияам̣ ануломад̇о’’д̇и.
Idaṃ therāpadānanti, tatiyaṃ anulomato’’ti.
т̇зрийабад̣̇аанзсу жад̇д̇аалийсам̣ абад̣̇аанаани, ваг̇г̇ад̇о жад̇уро ваг̇г̇аа. д̇знааху бораан̣аа –
Therīapadānesu cattālīsaṃ apadānāni, vaggato caturo vaggā. Tenāhu porāṇā –
‘‘жад̇д̇аалийсам̣бад̣̇аанаани, жад̇уваг̇г̇аани яасса жа;
‘‘Cattālīsaṃpadānāni, catuvaggāni yassa ca;
ид̣̇ам̣ т̇зрийбад̣̇аананд̇и, жад̇уд̇т̇ам̣ ануломад̇о’’д̇и.
Idaṃ therīpadānanti, catutthaṃ anulomato’’ti.
абад̣̇аананд̇и зд̇т̇а абад̣̇аана-сад̣̇д̣̇о гааран̣аг̇ахан̣аабаг̇аманабадибаадиаггосанаад̣̇ийсу д̣̇иссад̇и. д̇ат̇аа хи зса ‘‘кад̇д̇ияаанам̣ абад̣̇аанам̣, б̣раахман̣аанам̣ абад̣̇аана’’нд̇иаад̣̇ийсу гааран̣з д̣̇иссад̇и, кад̇д̇ияаанам̣ гааран̣ам̣ б̣раахман̣аанам̣ гааран̣анд̇и ад̇т̇о. ‘‘убаасагаанам̣ абад̣̇аана’’нд̇иаад̣̇ийсу г̇ахан̣з д̣̇иссад̇и, сам̣судту г̇ахан̣анд̇и ад̇т̇о. ‘‘ваан̣иж̇аанам̣ абад̣̇аанам̣, суд̣̇д̣̇аанам̣ абад̣̇аана’’нд̇иаад̣̇ийсу абаг̇аманз д̣̇иссад̇и, д̇ад̇о д̇ад̇о д̇зсам̣ абаг̇амананд̇и ад̇т̇о. ‘‘бин̣д̣абаад̇иго бхигку сабад̣̇аанажааравасзна бин̣д̣ааяа жарад̇ий’’д̇иаад̣̇ийсу бадибаадияаа д̣̇иссад̇и, гхарабадибаадияаа жарад̇ийд̇и ад̇т̇о. ‘‘абаг̇ад̇аа имз сааман̃н̃аа, абаг̇ад̇аа имз б̣рахман̃н̃аад̇и абад̣̇аанзд̇ий’’д̇иаад̣̇ийсу аггосанз д̣̇иссад̇и, аггосад̇и барибхаасад̇ийд̇и ад̇т̇о. ид̇ха бана гааран̣з д̣̇иссад̇и. д̇асмаа б̣уд̣̇д̇хаанам̣ абад̣̇аанаани б̣уд̣̇д̇хаабад̣̇аани, б̣уд̣̇д̇хагааран̣аанийд̇и ад̇т̇о. г̇ан̇г̇ааваалугуубамаанам̣ анзгзсам̣ б̣уд̣̇д̇хаанам̣ д̣̇аанабаарамид̇аад̣̇исамад̇д̇им̣сабаарамид̇аа гааран̣анд̇и д̣̇адтаб̣б̣ам̣. ат̇а ад̇хигаараад̣̇ийсу яуд̇д̇аабад̣̇аанаани суд̣̇д̇хамаанасаа сун̣аат̇аад̇и самб̣анд̇хо.
Apadānanti ettha apadāna-saddo kāraṇagahaṇaapagamanapaṭipāṭiakkosanādīsu dissati. Tathā hi esa ‘‘khattiyānaṃ apadānaṃ, brāhmaṇānaṃ apadāna’’ntiādīsu kāraṇe dissati, khattiyānaṃ kāraṇaṃ brāhmaṇānaṃ kāraṇanti attho. ‘‘Upāsakānaṃ apadāna’’ntiādīsu gahaṇe dissati, saṃsuṭṭhu gahaṇanti attho. ‘‘Vāṇijānaṃ apadānaṃ, suddānaṃ apadāna’’ntiādīsu apagamane dissati, tato tato tesaṃ apagamananti attho. ‘‘Piṇḍapātiko bhikkhu sapadānacāravasena piṇḍāya caratī’’tiādīsu paṭipāṭiyā dissati, gharapaṭipāṭiyā caratīti attho. ‘‘Apagatā ime sāmaññā, apagatā ime brahmaññāti apadānetī’’tiādīsu akkosane dissati, akkosati paribhāsatīti attho. Idha pana kāraṇe dissati. Tasmā buddhānaṃ apadānāni buddhāpadāni, buddhakāraṇānīti attho. Gaṅgāvālukūpamānaṃ anekesaṃ buddhānaṃ dānapāramitādisamattiṃsapāramitā kāraṇanti daṭṭhabbaṃ. Atha adhikārādīsu yuttaapadānāni suddhamānasā suṇāthāti sambandho.
д̇ад̇т̇а суд̣̇д̇хамаанасаад̇и арахад̇д̇амаг̇г̇ан̃аан̣зна д̣̇ияад̣дхагилзсасахассам̣ кзбзд̇ваа тид̇ад̇д̇аа суд̣̇д̇хамаанасаа барисуд̣̇д̇хажид̇д̇аа суд̣̇д̇хахад̣̇аяаа бан̃жасад̇аа кийн̣аасаваа имасмим̣ д̇хаммасабхааяз саннисиннаа сун̣аат̇а, охид̇асод̇аа манаси гарот̇аад̇и ад̇т̇о.
Tattha suddhamānasāti arahattamaggañāṇena diyaḍḍhakilesasahassaṃ khepetvā ṭhitattā suddhamānasā parisuddhacittā suddhahadayā pañcasatā khīṇāsavā imasmiṃ dhammasabhāye sannisinnā suṇātha, ohitasotā manasi karothāti attho.
зд̇т̇а бана ‘‘абад̣̇аанааний’’д̇и авад̇ваа бажжзгаб̣уд̣̇д̇хаабад̣̇аанат̇зраабад̣̇аанат̇зрийабад̣̇аанзсу виж̇ж̇амаанзсуби ‘‘ат̇а б̣уд̣̇д̇хаабад̣̇аанааний’’д̇и важанам̣ канд̇хаяамагаааяад̇анад̇хаад̇усажжасан̇каараанусаяаяамагзсу виж̇ж̇амаанзсуби бад̇хаанавасзна аад̣̇ивасзна жа ‘‘муулаяамага’’нд̇и важанам̣ вияа, д̇зрасасан̇гхаад̣̇исзсад̣̇взанияад̇ад̇им̣саниссаг̇г̇иязсу виж̇ж̇амаанзсуби бад̇хаанавасзна аад̣̇ивасзна жа ‘‘баарааж̇игаган̣д̣о’’д̇и важанам̣ вияа жа ид̇хааби бад̇хаанавасзна аад̣̇ивасзна жа вуд̇д̇анд̇и д̣̇адтаб̣б̣ам̣.
Ettha pana ‘‘apadānānī’’ti avatvā paccekabuddhāpadānatherāpadānatherīapadānesu vijjamānesupi ‘‘atha buddhāpadānānī’’ti vacanaṃ khandhayamakaāyatanadhātusaccasaṅkhāraanusayayamakesu vijjamānesupi padhānavasena ādivasena ca ‘‘mūlayamaka’’nti vacanaṃ viya, terasasaṅghādisesadveaniyatatiṃsanissaggiyesu vijjamānesupi padhānavasena ādivasena ca ‘‘pārājikakaṇḍo’’ti vacanaṃ viya ca idhāpi padhānavasena ādivasena ca vuttanti daṭṭhabbaṃ.
‘‘саммаасамб̣уд̣̇д̇хаабад̣̇аанааний’’д̇и вад̇д̇аб̣б̣з ‘‘ван̣н̣ааг̇амо…бз… бан̃жавид̇хам̣ нируд̇д̇а’’нд̇и нируд̇д̇инаязна ваа ‘‘д̇зсу вуд̣̇д̇хилобааг̇амавигааравибарийд̇аад̣̇зсаа жаа’’д̇и суд̇д̇зна ваа д̇ад̇ияад̇т̇аваажагасса саммаад̇инибаад̇абад̣̇асса, саяам̣сад̣̇д̣̇ад̇т̇аваажагасса са-нд̇иубасаг̇г̇абад̣̇асса жа лобам̣ гад̇ваа гид̇анд̇аваажийб̣уд̣̇д̇хасад̣̇д̣̇амзва г̇ахзд̇ваа г̇аат̇ааб̣анд̇хасукад̇т̇ам̣ ‘‘б̣уд̣̇д̇хаабад̣̇аанааний’’д̇и вуд̇д̇ам̣. д̇асмаа саммаасамб̣уд̣̇д̇хаабад̣̇аанаанийд̇и ад̇т̇о.
‘‘Sammāsambuddhāpadānānī’’ti vattabbe ‘‘vaṇṇāgamo…pe… pañcavidhaṃ nirutta’’nti niruttinayena vā ‘‘tesu vuddhilopāgamavikāraviparītādesā cā’’ti suttena vā tatiyatthavācakassa sammātinipātapadassa, sayaṃsaddatthavācakassa sa-ntiupasaggapadassa ca lopaṃ katvā kitantavācībuddhasaddameva gahetvā gāthābandhasukhatthaṃ ‘‘buddhāpadānānī’’ti vuttaṃ. Tasmā sammāsambuddhāpadānānīti attho.
ид̇и висуд̣̇д̇хаж̇анавилаасинияаа абад̣̇аана-адтагат̇ааяа
Iti visuddhajanavilāsiniyā apadāna-aṭṭhakathāya
аб̣бханд̇аранид̣̇аанаван̣н̣анаа нидтид̇аа.
Abbhantaranidānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. б̣уд̣̇д̇хаабад̣̇аанам̣ • 1. Buddhaapadānaṃ
