| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫৫. অব্ভৰলাহকসুত্তং
55. Abbhavalāhakasuttaṃ
৬০৪. সাৰত্থিনিদানং। একমন্তং নিসিন্নো খো সো ভিক্খু ভগৰন্তং এতদৰোচ – ‘‘কো নু খো, ভন্তে, হেতু, কো পচ্চযো, যেনেকদা অব্ভং হোতী’’তি? ‘‘সন্তি, ভিক্খু, অব্ভৰলাহকা নাম দেৰা। তেসং যদা এৰং হোতি – ‘যংনূন মযং সকায রতিযা ৰসেয্যামা’তি, তেসং তং চেতোপণিধিমন্ৰায অব্ভং হোতি। অযং খো, ভিক্খু, হেতু, অযং পচ্চযো, যেনেকদা অব্ভং হোতী’’তি। পঞ্চপঞ্ঞাসমং।
604. Sāvatthinidānaṃ. Ekamantaṃ nisinno kho so bhikkhu bhagavantaṃ etadavoca – ‘‘ko nu kho, bhante, hetu, ko paccayo, yenekadā abbhaṃ hotī’’ti? ‘‘Santi, bhikkhu, abbhavalāhakā nāma devā. Tesaṃ yadā evaṃ hoti – ‘yaṃnūna mayaṃ sakāya ratiyā vaseyyāmā’ti, tesaṃ taṃ cetopaṇidhimanvāya abbhaṃ hoti. Ayaṃ kho, bhikkhu, hetu, ayaṃ paccayo, yenekadā abbhaṃ hotī’’ti. Pañcapaññāsamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১১. ৰলাহকসংযুত্তৰণ্ণনা • 11. Valāhakasaṃyuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১১. ৰলাহকসংযুত্তৰণ্ণনা • 11. Valāhakasaṃyuttavaṇṇanā
