| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. абхаяарааж̇агумаарасуд̇д̇ам̣
8. Abhayarājakumārasuttaṃ
83. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко абхаяо рааж̇агумааро язна ниг̇ан̣то наадабуд̇д̇о д̇знубасан̇гами; убасан̇гамид̇ваа ниг̇ан̣там̣ наадабуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко абхаяам̣ рааж̇агумаарам̣ ниг̇ан̣то наадабуд̇д̇о зд̇ад̣̇авожа – ‘‘зхи д̇вам̣, рааж̇агумаара, саман̣асса г̇од̇амасса ваад̣̇ам̣ ааробзхи. звам̣ д̇з галяаан̣о гид̇д̇исад̣̇д̣̇о аб̣бхуг̇г̇ажчиссад̇и – ‘абхаязна рааж̇агумаарзна саман̣асса г̇од̇амасса звам̣ махид̣̇д̇хигасса звам̣ махаанубхаавасса ваад̣̇о ааробид̇о’’’д̇и. ‘‘яат̇аа гат̇ам̣ банаахам̣, бханд̇з, саман̣асса г̇од̇амасса звам̣ махид̣̇д̇хигасса звам̣ махаанубхаавасса ваад̣̇ам̣ ааробзссаамий’’д̇и? ‘‘зхи д̇вам̣, рааж̇агумаара, язна саман̣о г̇од̇амо д̇знубасан̇гама; убасан̇гамид̇ваа саман̣ам̣ г̇од̇амам̣ звам̣ вад̣̇зхи – ‘бхаасзяяа ну ко, бханд̇з, д̇ат̇ааг̇ад̇о д̇ам̣ ваажам̣ яаа саа ваажаа барзсам̣ аббияаа аманаабаа’д̇и? сажз д̇з саман̣о г̇од̇амо звам̣ будто звам̣ б̣яаагарод̇и – ‘бхаасзяяа, рааж̇агумаара, д̇ат̇ааг̇ад̇о д̇ам̣ ваажам̣ яаа саа ваажаа барзсам̣ аббияаа аманаабаа’д̇и, д̇амзнам̣ д̇вам̣ звам̣ вад̣̇зяяааси – ‘ат̇а гин̃жарахи д̇з, бханд̇з, бут̇уж̇ж̇анзна наанаагаран̣ам̣? бут̇уж̇ж̇аноби хи д̇ам̣ ваажам̣ бхаасзяяа яаа саа ваажаа барзсам̣ аббияаа аманаабаа’д̇и. сажз бана д̇з саман̣о г̇од̇амо звам̣ будто звам̣ б̣яаагарод̇и – ‘на, рааж̇агумаара, д̇ат̇ааг̇ад̇о д̇ам̣ ваажам̣ бхаасзяяа яаа саа ваажаа барзсам̣ аббияаа аманаабаа’д̇и, д̇амзнам̣ д̇вам̣ звам̣ вад̣̇зяяааси – ‘ат̇а гин̃жарахи д̇з, бханд̇з, д̣̇звад̣̇ад̇д̇о б̣яаагад̇о – ‘‘аабааяиго д̣̇звад̣̇ад̇д̇о, нзраяиго д̣̇звад̣̇ад̇д̇о, габбадто д̣̇звад̣̇ад̇д̇о, ад̇згижчо д̣̇звад̣̇ад̇д̇о’’д̇и? д̇ааяа жа бана д̇з ваажааяа д̣̇звад̣̇ад̇д̇о губид̇о ахоси анад̇д̇амано’д̇и. имам̣ ко д̇з, рааж̇агумаара, саман̣о г̇од̇амо убхад̇огодигам̣ бан̃хам̣ будто самаано нзва сагкид̇и уг̇г̇илид̇ум̣ на сагкид̇и ог̇илид̇ум̣. сзяяат̇ааби наама бурисасса аяосин̇гхаадагам̣ ган̣тз вилаг̇г̇ам̣, со нзва саггун̣зяяа уг̇г̇илид̇ум̣ на саггун̣зяяа ог̇илид̇ум̣; звамзва ко д̇з, рааж̇агумаара, саман̣о г̇од̇амо имам̣ убхад̇огодигам̣ бан̃хам̣ будто самаано нзва сагкид̇и уг̇г̇илид̇ум̣ на сагкид̇и ог̇илид̇у’’нд̇и. ‘‘звам̣, бханд̇з’’д̇и ко абхаяо рааж̇агумааро ниг̇ан̣тасса наадабуд̇д̇асса бадиссуд̇ваа удтааяаасанаа ниг̇ан̣там̣ наадабуд̇д̇ам̣ абхиваад̣̇зд̇ваа бад̣̇агкин̣ам̣ гад̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и.
83. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho abhayo rājakumāro yena nigaṇṭho nāṭaputto tenupasaṅkami; upasaṅkamitvā nigaṇṭhaṃ nāṭaputtaṃ abhivādetvā ekamantaṃ nisīdi. Ekamantaṃ nisinnaṃ kho abhayaṃ rājakumāraṃ nigaṇṭho nāṭaputto etadavoca – ‘‘ehi tvaṃ, rājakumāra, samaṇassa gotamassa vādaṃ āropehi. Evaṃ te kalyāṇo kittisaddo abbhuggacchissati – ‘abhayena rājakumārena samaṇassa gotamassa evaṃ mahiddhikassa evaṃ mahānubhāvassa vādo āropito’’’ti. ‘‘Yathā kathaṃ panāhaṃ, bhante, samaṇassa gotamassa evaṃ mahiddhikassa evaṃ mahānubhāvassa vādaṃ āropessāmī’’ti? ‘‘Ehi tvaṃ, rājakumāra, yena samaṇo gotamo tenupasaṅkama; upasaṅkamitvā samaṇaṃ gotamaṃ evaṃ vadehi – ‘bhāseyya nu kho, bhante, tathāgato taṃ vācaṃ yā sā vācā paresaṃ appiyā amanāpā’ti? Sace te samaṇo gotamo evaṃ puṭṭho evaṃ byākaroti – ‘bhāseyya, rājakumāra, tathāgato taṃ vācaṃ yā sā vācā paresaṃ appiyā amanāpā’ti, tamenaṃ tvaṃ evaṃ vadeyyāsi – ‘atha kiñcarahi te, bhante, puthujjanena nānākaraṇaṃ? Puthujjanopi hi taṃ vācaṃ bhāseyya yā sā vācā paresaṃ appiyā amanāpā’ti. Sace pana te samaṇo gotamo evaṃ puṭṭho evaṃ byākaroti – ‘na, rājakumāra, tathāgato taṃ vācaṃ bhāseyya yā sā vācā paresaṃ appiyā amanāpā’ti, tamenaṃ tvaṃ evaṃ vadeyyāsi – ‘atha kiñcarahi te, bhante, devadatto byākato – ‘‘āpāyiko devadatto, nerayiko devadatto, kappaṭṭho devadatto, atekiccho devadatto’’ti? Tāya ca pana te vācāya devadatto kupito ahosi anattamano’ti. Imaṃ kho te, rājakumāra, samaṇo gotamo ubhatokoṭikaṃ pañhaṃ puṭṭho samāno neva sakkhiti uggilituṃ na sakkhiti ogilituṃ. Seyyathāpi nāma purisassa ayosiṅghāṭakaṃ kaṇṭhe vilaggaṃ, so neva sakkuṇeyya uggilituṃ na sakkuṇeyya ogilituṃ; evameva kho te, rājakumāra, samaṇo gotamo imaṃ ubhatokoṭikaṃ pañhaṃ puṭṭho samāno neva sakkhiti uggilituṃ na sakkhiti ogilitu’’nti. ‘‘Evaṃ, bhante’’ti kho abhayo rājakumāro nigaṇṭhassa nāṭaputtassa paṭissutvā uṭṭhāyāsanā nigaṇṭhaṃ nāṭaputtaṃ abhivādetvā padakkhiṇaṃ katvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi.
84. згаманд̇ам̣ нисиннасса ко абхаяасса рааж̇агумаарасса суурияам̣ 1 уллогзд̇ваа зд̇ад̣̇ахоси – ‘‘агаало ко аж̇ж̇а бхаг̇авад̇о ваад̣̇ам̣ ааробзд̇ум̣ . свз д̣̇аанаахам̣ сагз нивзсанз бхаг̇авад̇о ваад̣̇ам̣ ааробзссаамий’’д̇и бхаг̇аванд̇ам̣ зд̇ад̣̇авожа – ‘‘ад̇хиваасзд̇у мз, бханд̇з, бхаг̇аваа сваад̇анааяа ад̇д̇ажад̇уд̇т̇о бхад̇д̇а’’нд̇и. ад̇хиваасзси бхаг̇аваа д̇ун̣хийбхаавзна. ат̇а ко абхаяо рааж̇агумааро бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко бхаг̇аваа д̇ассаа рад̇д̇ияаа ажжаязна буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна абхаяасса рааж̇агумаарасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко абхаяо рааж̇агумааро бхаг̇аванд̇ам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко абхаяо рааж̇агумааро бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и.
84. Ekamantaṃ nisinnassa kho abhayassa rājakumārassa sūriyaṃ 2 ulloketvā etadahosi – ‘‘akālo kho ajja bhagavato vādaṃ āropetuṃ . Sve dānāhaṃ sake nivesane bhagavato vādaṃ āropessāmī’’ti bhagavantaṃ etadavoca – ‘‘adhivāsetu me, bhante, bhagavā svātanāya attacatuttho bhatta’’nti. Adhivāsesi bhagavā tuṇhībhāvena. Atha kho abhayo rājakumāro bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho bhagavā tassā rattiyā accayena pubbaṇhasamayaṃ nivāsetvā pattacīvaramādāya yena abhayassa rājakumārassa nivesanaṃ tenupasaṅkami; upasaṅkamitvā paññatte āsane nisīdi. Atha kho abhayo rājakumāro bhagavantaṃ paṇītena khādanīyena bhojanīyena sahatthā santappesi sampavāresi. Atha kho abhayo rājakumāro bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi.
85. згаманд̇ам̣ нисинно ко абхаяо рааж̇агумааро бхаг̇аванд̇ам̣ зд̇ад̣̇авожа – ‘‘бхаасзяяа ну ко, бханд̇з, д̇ат̇ааг̇ад̇о д̇ам̣ ваажам̣ яаа саа ваажаа барзсам̣ аббияаа аманаабаа’’д̇и? ‘‘на квзд̇т̇а, рааж̇агумаара, згам̣сзнаа’’д̇и. ‘‘зд̇т̇а, бханд̇з, анассум̣ ниг̇ан̣таа’’д̇и. ‘‘гим̣ бана д̇вам̣, рааж̇агумаара, звам̣ вад̣̇зси – ‘зд̇т̇а , бханд̇з, анассум̣ ниг̇ан̣таа’’’д̇и? ‘‘ид̇хаахам̣, бханд̇з, язна ниг̇ан̣то наадабуд̇д̇о д̇знубасан̇гами; убасан̇гамид̇ваа ниг̇ан̣там̣ наадабуд̇д̇ам̣ абхиваад̣̇зд̇ваа згаманд̇ам̣ нисийд̣̇им̣. згаманд̇ам̣ нисиннам̣ ко мам̣, бханд̇з, ниг̇ан̣то наадабуд̇д̇о зд̇ад̣̇авожа – ‘зхи д̇вам̣, рааж̇агумаара, саман̣асса г̇од̇амасса ваад̣̇ам̣ ааробзхи. звам̣ д̇з галяаан̣о гид̇д̇исад̣̇д̣̇о аб̣бхуг̇г̇ажчиссад̇и – абхаязна рааж̇агумаарзна саман̣асса г̇од̇амасса звам̣ махид̣̇д̇хигасса звам̣ махаанубхаавасса ваад̣̇о ааробид̇о’д̇и. звам̣ вуд̇д̇з, ахам̣, бханд̇з, ниг̇ан̣там̣ наадабуд̇д̇ам̣ зд̇ад̣̇авожам̣ – ‘яат̇аа гат̇ам̣ банаахам̣ , бханд̇з, саман̣асса г̇од̇амасса звам̣ махид̣̇д̇хигасса звам̣ махаанубхаавасса ваад̣̇ам̣ ааробзссаамий’д̇и? ‘зхи д̇вам̣, рааж̇агумаара, язна саман̣о г̇од̇амо д̇знубасан̇гама; убасан̇гамид̇ваа саман̣ам̣ г̇од̇амам̣ звам̣ вад̣̇зхи – бхаасзяяа ну ко, бханд̇з, д̇ат̇ааг̇ад̇о д̇ам̣ ваажам̣ яаа саа ваажаа барзсам̣ аббияаа аманаабаад̇и? сажз д̇з саман̣о г̇од̇амо звам̣ будто звам̣ б̣яаагарод̇и – бхаасзяяа, рааж̇агумаара, д̇ат̇ааг̇ад̇о д̇ам̣ ваажам̣ яаа саа ваажаа барзсам̣ аббияаа аманаабаад̇и, д̇амзнам̣ д̇вам̣ звам̣ вад̣̇зяяааси – ат̇а гин̃жарахи д̇з, бханд̇з, бут̇уж̇ж̇анзна наанаагаран̣ам̣? бут̇уж̇ж̇аноби хи д̇ам̣ ваажам̣ бхаасзяяа яаа саа ваажаа барзсам̣ аббияаа аманаабаад̇и. сажз бана д̇з саман̣о г̇од̇амо звам̣ будто звам̣ б̣яаагарод̇и – на, рааж̇агумаара, д̇ат̇ааг̇ад̇о д̇ам̣ ваажам̣ бхаасзяяа яаа саа ваажаа барзсам̣ аббияаа аманаабаад̇и, д̇амзнам̣ д̇вам̣ звам̣ вад̣̇зяяааси – ат̇а гин̃жарахи д̇з, бханд̇з, д̣̇звад̣̇ад̇д̇о б̣яаагад̇о – аабааяиго д̣̇звад̣̇ад̇д̇о, нзраяиго д̣̇звад̣̇ад̇д̇о, габбадто д̣̇звад̣̇ад̇д̇о, ад̇згижчо д̣̇звад̣̇ад̇д̇од̇и? д̇ааяа жа бана д̇з ваажааяа д̣̇звад̣̇ад̇д̇о губид̇о ахоси анад̇д̇аманод̇и. имам̣ ко д̇з, рааж̇агумаара, саман̣о г̇од̇амо убхад̇огодигам̣ бан̃хам̣ будто самаано нзва сагкид̇и уг̇г̇илид̇ум̣ на сагкид̇и ог̇илид̇ум̣. сзяяат̇ааби наама бурисасса аяосин̇гхаадагам̣ ган̣тз вилаг̇г̇ам̣, со нзва саггун̣зяяа уг̇г̇илид̇ум̣ на саггун̣зяяа ог̇илид̇ум̣; звамзва ко д̇з, рааж̇агумаара, саман̣о г̇од̇амо имам̣ убхад̇огодигам̣ бан̃хам̣ будто самаано нзва сагкид̇и уг̇г̇илид̇ум̣ на сагкид̇и ог̇илид̇у’’’нд̇и.
85. Ekamantaṃ nisinno kho abhayo rājakumāro bhagavantaṃ etadavoca – ‘‘bhāseyya nu kho, bhante, tathāgato taṃ vācaṃ yā sā vācā paresaṃ appiyā amanāpā’’ti? ‘‘Na khvettha, rājakumāra, ekaṃsenā’’ti. ‘‘Ettha, bhante, anassuṃ nigaṇṭhā’’ti. ‘‘Kiṃ pana tvaṃ, rājakumāra, evaṃ vadesi – ‘ettha , bhante, anassuṃ nigaṇṭhā’’’ti? ‘‘Idhāhaṃ, bhante, yena nigaṇṭho nāṭaputto tenupasaṅkami; upasaṅkamitvā nigaṇṭhaṃ nāṭaputtaṃ abhivādetvā ekamantaṃ nisīdiṃ. Ekamantaṃ nisinnaṃ kho maṃ, bhante, nigaṇṭho nāṭaputto etadavoca – ‘ehi tvaṃ, rājakumāra, samaṇassa gotamassa vādaṃ āropehi. Evaṃ te kalyāṇo kittisaddo abbhuggacchissati – abhayena rājakumārena samaṇassa gotamassa evaṃ mahiddhikassa evaṃ mahānubhāvassa vādo āropito’ti. Evaṃ vutte, ahaṃ, bhante, nigaṇṭhaṃ nāṭaputtaṃ etadavocaṃ – ‘yathā kathaṃ panāhaṃ , bhante, samaṇassa gotamassa evaṃ mahiddhikassa evaṃ mahānubhāvassa vādaṃ āropessāmī’ti? ‘Ehi tvaṃ, rājakumāra, yena samaṇo gotamo tenupasaṅkama; upasaṅkamitvā samaṇaṃ gotamaṃ evaṃ vadehi – bhāseyya nu kho, bhante, tathāgato taṃ vācaṃ yā sā vācā paresaṃ appiyā amanāpāti? Sace te samaṇo gotamo evaṃ puṭṭho evaṃ byākaroti – bhāseyya, rājakumāra, tathāgato taṃ vācaṃ yā sā vācā paresaṃ appiyā amanāpāti, tamenaṃ tvaṃ evaṃ vadeyyāsi – atha kiñcarahi te, bhante, puthujjanena nānākaraṇaṃ? Puthujjanopi hi taṃ vācaṃ bhāseyya yā sā vācā paresaṃ appiyā amanāpāti. Sace pana te samaṇo gotamo evaṃ puṭṭho evaṃ byākaroti – na, rājakumāra, tathāgato taṃ vācaṃ bhāseyya yā sā vācā paresaṃ appiyā amanāpāti, tamenaṃ tvaṃ evaṃ vadeyyāsi – atha kiñcarahi te, bhante, devadatto byākato – āpāyiko devadatto, nerayiko devadatto, kappaṭṭho devadatto, atekiccho devadattoti? Tāya ca pana te vācāya devadatto kupito ahosi anattamanoti. Imaṃ kho te, rājakumāra, samaṇo gotamo ubhatokoṭikaṃ pañhaṃ puṭṭho samāno neva sakkhiti uggilituṃ na sakkhiti ogilituṃ. Seyyathāpi nāma purisassa ayosiṅghāṭakaṃ kaṇṭhe vilaggaṃ, so neva sakkuṇeyya uggilituṃ na sakkuṇeyya ogilituṃ; evameva kho te, rājakumāra, samaṇo gotamo imaṃ ubhatokoṭikaṃ pañhaṃ puṭṭho samāno neva sakkhiti uggilituṃ na sakkhiti ogilitu’’’nti.
86. д̇зна ко бана самаязна д̣̇ахаро гумааро манд̣̇о уд̇д̇аанасзяяаго абхаяасса рааж̇агумаарасса ан̇гз нисинно ход̇и. ат̇а ко бхаг̇аваа абхаяам̣ рааж̇агумаарам̣ зд̇ад̣̇авожа – ‘‘д̇ам̣ гим̣ ман̃н̃аси, рааж̇агумаара, сажааяам̣ гумааро д̇уяхам̣ ваа бамаад̣̇аманвааяа д̇хаад̇ияаа ваа бамаад̣̇аманвааяа гадтам̣ ваа гаталам̣ 3 ваа мукз аахарзяяа, гинд̇и нам̣ гарзяяаасий’’д̇и? ‘‘аахарзяяассаахам̣, бханд̇з. сажз, бханд̇з, на саггун̣зяяам̣ аад̣̇игзнзва аахад̇д̇ум̣ 4, ваамзна хад̇т̇зна сийсам̣ бариг̇г̇ахзд̇ваа 5 д̣̇агкин̣зна хад̇т̇зна ван̇ган̇г̇улим̣ гарид̇ваа салохид̇амби аахарзяяам̣. д̇ам̣ гисса хзд̇у? ад̇т̇и мз, бханд̇з, гумаарз анугамбаа’’д̇и. ‘‘звамзва ко, рааж̇агумаара, яам̣ д̇ат̇ааг̇ад̇о ваажам̣ ж̇аанаад̇и абхууд̇ам̣ ад̇ажчам̣ анад̇т̇асам̣хид̇ам̣ саа жа барзсам̣ аббияаа аманаабаа, на д̇ам̣ д̇ат̇ааг̇ад̇о ваажам̣ бхаасад̇и. яамби д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ анад̇т̇асам̣хид̇ам̣ саа жа барзсам̣ аббияаа аманаабаа, д̇амби д̇ат̇ааг̇ад̇о ваажам̣ на бхаасад̇и. яан̃жа ко д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ ад̇т̇асам̣хид̇ам̣ саа жа барзсам̣ аббияаа аманаабаа, д̇ад̇ра гаалан̃н̃уу д̇ат̇ааг̇ад̇о ход̇и д̇ассаа ваажааяа взяяаагаран̣ааяа. яам̣ д̇ат̇ааг̇ад̇о ваажам̣ ж̇аанаад̇и абхууд̇ам̣ ад̇ажчам̣ анад̇т̇асам̣хид̇ам̣ саа жа барзсам̣ бияаа манаабаа, на д̇ам̣ д̇ат̇ааг̇ад̇о ваажам̣ бхаасад̇и. яамби д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ анад̇т̇асам̣хид̇ам̣ саа жа барзсам̣ бияаа манаабаа д̇амби д̇ат̇ааг̇ад̇о ваажам̣ на бхаасад̇и. яан̃жа д̇ат̇ааг̇ад̇о ваажам̣ ж̇аанаад̇и бхууд̇ам̣ д̇ажчам̣ ад̇т̇асам̣хид̇ам̣ саа жа барзсам̣ бияаа манаабаа, д̇ад̇ра гаалан̃н̃уу д̇ат̇ааг̇ад̇о ход̇и д̇ассаа ваажааяа взяяаагаран̣ааяа. д̇ам̣ гисса хзд̇у? ад̇т̇и, рааж̇агумаара, д̇ат̇ааг̇ад̇асса сад̇д̇зсу анугамбаа’’д̇и.
86. Tena kho pana samayena daharo kumāro mando uttānaseyyako abhayassa rājakumārassa aṅke nisinno hoti. Atha kho bhagavā abhayaṃ rājakumāraṃ etadavoca – ‘‘taṃ kiṃ maññasi, rājakumāra, sacāyaṃ kumāro tuyhaṃ vā pamādamanvāya dhātiyā vā pamādamanvāya kaṭṭhaṃ vā kaṭhalaṃ 6 vā mukhe āhareyya, kinti naṃ kareyyāsī’’ti? ‘‘Āhareyyassāhaṃ, bhante. Sace, bhante, na sakkuṇeyyaṃ ādikeneva āhattuṃ 7, vāmena hatthena sīsaṃ pariggahetvā 8 dakkhiṇena hatthena vaṅkaṅguliṃ karitvā salohitampi āhareyyaṃ. Taṃ kissa hetu? Atthi me, bhante, kumāre anukampā’’ti. ‘‘Evameva kho, rājakumāra, yaṃ tathāgato vācaṃ jānāti abhūtaṃ atacchaṃ anatthasaṃhitaṃ sā ca paresaṃ appiyā amanāpā, na taṃ tathāgato vācaṃ bhāsati. Yampi tathāgato vācaṃ jānāti bhūtaṃ tacchaṃ anatthasaṃhitaṃ sā ca paresaṃ appiyā amanāpā, tampi tathāgato vācaṃ na bhāsati. Yañca kho tathāgato vācaṃ jānāti bhūtaṃ tacchaṃ atthasaṃhitaṃ sā ca paresaṃ appiyā amanāpā, tatra kālaññū tathāgato hoti tassā vācāya veyyākaraṇāya. Yaṃ tathāgato vācaṃ jānāti abhūtaṃ atacchaṃ anatthasaṃhitaṃ sā ca paresaṃ piyā manāpā, na taṃ tathāgato vācaṃ bhāsati. Yampi tathāgato vācaṃ jānāti bhūtaṃ tacchaṃ anatthasaṃhitaṃ sā ca paresaṃ piyā manāpā tampi tathāgato vācaṃ na bhāsati. Yañca tathāgato vācaṃ jānāti bhūtaṃ tacchaṃ atthasaṃhitaṃ sā ca paresaṃ piyā manāpā, tatra kālaññū tathāgato hoti tassā vācāya veyyākaraṇāya. Taṃ kissa hetu? Atthi, rājakumāra, tathāgatassa sattesu anukampā’’ti.
87. ‘‘язмз, бханд̇з, кад̇д̇ияабан̣д̣ид̇ааби б̣раахман̣абан̣д̣ид̇ааби г̇ахабад̇ибан̣д̣ид̇ааби саман̣абан̣д̣ид̇ааби бан̃хам̣ абхисан̇карид̇ваа д̇ат̇ааг̇ад̇ам̣ убасан̇гамид̇ваа бужчанд̇и, буб̣б̣зва ну ко, зд̇ам̣, бханд̇з , бхаг̇авад̇о жзд̇асо баривид̇аггид̇ам̣ ход̇и ‘яз мам̣ убасан̇гамид̇ваа звам̣ бужчиссанд̇и д̇зсаахам̣ звам̣ будто звам̣ б̣яаагариссаамий’д̇и, уд̣̇ааху таанасовзд̇ам̣ д̇ат̇ааг̇ад̇ам̣ бадибхаад̇ий’’д̇и?
87. ‘‘Yeme, bhante, khattiyapaṇḍitāpi brāhmaṇapaṇḍitāpi gahapatipaṇḍitāpi samaṇapaṇḍitāpi pañhaṃ abhisaṅkharitvā tathāgataṃ upasaṅkamitvā pucchanti, pubbeva nu kho, etaṃ, bhante , bhagavato cetaso parivitakkitaṃ hoti ‘ye maṃ upasaṅkamitvā evaṃ pucchissanti tesāhaṃ evaṃ puṭṭho evaṃ byākarissāmī’ti, udāhu ṭhānasovetaṃ tathāgataṃ paṭibhātī’’ti?
‘‘д̇зна хи, рааж̇агумаара, д̇ан̃н̃звзд̇т̇а бадибужчиссаами, яат̇аа д̇з камзяяа д̇ат̇аа нам̣ б̣яаагарзяяааси. д̇ам̣ гим̣ ман̃н̃аси, рааж̇агумаара, гусало д̇вам̣ рат̇асса ан̇г̇абажжан̇г̇аана’’нд̇и?
‘‘Tena hi, rājakumāra, taññevettha paṭipucchissāmi, yathā te khameyya tathā naṃ byākareyyāsi. Taṃ kiṃ maññasi, rājakumāra, kusalo tvaṃ rathassa aṅgapaccaṅgāna’’nti?
‘‘звам̣, бханд̇з, гусало ахам̣ рат̇асса ан̇г̇абажжан̇г̇аана’’нд̇и.
‘‘Evaṃ, bhante, kusalo ahaṃ rathassa aṅgapaccaṅgāna’’nti.
‘‘д̇ам̣ гим̣ ман̃н̃аси, рааж̇агумаара, яз д̇ам̣ убасан̇гамид̇ваа звам̣ бужчзяяум̣ – ‘гим̣ наамид̣̇ам̣ рат̇асса ан̇г̇абажжан̇г̇а’нд̇и? буб̣б̣зва ну ко д̇з зд̇ам̣ жзд̇асо баривид̇аггид̇ам̣ асса ‘яз мам̣ убасан̇гамид̇ваа звам̣ бужчиссанд̇и д̇зсаахам̣ звам̣ будто звам̣ б̣яаагариссаамий’д̇и, уд̣̇ааху таанасовзд̇ам̣ бадибхаасзяяаа’’д̇и?
‘‘Taṃ kiṃ maññasi, rājakumāra, ye taṃ upasaṅkamitvā evaṃ puccheyyuṃ – ‘kiṃ nāmidaṃ rathassa aṅgapaccaṅga’nti? Pubbeva nu kho te etaṃ cetaso parivitakkitaṃ assa ‘ye maṃ upasaṅkamitvā evaṃ pucchissanti tesāhaṃ evaṃ puṭṭho evaṃ byākarissāmī’ti, udāhu ṭhānasovetaṃ paṭibhāseyyā’’ti?
‘‘ахан̃хи, бханд̇з, рат̇иго сан̃н̃аад̇о гусало рат̇асса ан̇г̇абажжан̇г̇аанам̣. саб̣б̣аани мз рат̇асса ан̇г̇абажжан̇г̇аани сувид̣̇ид̇аани. таанасовзд̇ам̣ мам̣ бадибхаасзяяаа’’д̇и .
‘‘Ahañhi, bhante, rathiko saññāto kusalo rathassa aṅgapaccaṅgānaṃ. Sabbāni me rathassa aṅgapaccaṅgāni suviditāni. Ṭhānasovetaṃ maṃ paṭibhāseyyā’’ti .
‘‘звамзва ко, рааж̇агумаара, яз д̇з кад̇д̇ияабан̣д̣ид̇ааби б̣раахман̣абан̣д̣ид̇ааби г̇ахабад̇ибан̣д̣ид̇ааби саман̣абан̣д̣ид̇ааби бан̃хам̣ абхисан̇карид̇ваа д̇ат̇ааг̇ад̇ам̣ убасан̇гамид̇ваа бужчанд̇и, таанасовзд̇ам̣ д̇ат̇ааг̇ад̇ам̣ бадибхаад̇и. д̇ам̣ гисса хзд̇у? саа хи, рааж̇агумаара, д̇ат̇ааг̇ад̇асса д̇хаммад̇хаад̇у суббадивид̣̇д̇хаа яассаа д̇хаммад̇хаад̇уяаа суббадивид̣̇д̇хад̇д̇аа таанасовзд̇ам̣ д̇ат̇ааг̇ад̇ам̣ бадибхаад̇ий’’д̇и.
‘‘Evameva kho, rājakumāra, ye te khattiyapaṇḍitāpi brāhmaṇapaṇḍitāpi gahapatipaṇḍitāpi samaṇapaṇḍitāpi pañhaṃ abhisaṅkharitvā tathāgataṃ upasaṅkamitvā pucchanti, ṭhānasovetaṃ tathāgataṃ paṭibhāti. Taṃ kissa hetu? Sā hi, rājakumāra, tathāgatassa dhammadhātu suppaṭividdhā yassā dhammadhātuyā suppaṭividdhattā ṭhānasovetaṃ tathāgataṃ paṭibhātī’’ti.
звам̣ вуд̇д̇з, абхаяо рааж̇агумааро бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з, абхигганд̇ам̣, бханд̇з…бз… аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, abhayo rājakumāro bhagavantaṃ etadavoca – ‘‘abhikkantaṃ, bhante, abhikkantaṃ, bhante…pe… ajjatagge pāṇupetaṃ saraṇaṃ gata’’nti.
абхаяарааж̇агумаарасуд̇д̇ам̣ нидтид̇ам̣ адтамам̣.
Abhayarājakumārasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. абхаяарааж̇агумаарасуд̇д̇аван̣н̣анаа • 8. Abhayarājakumārasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. абхаяарааж̇агумаарасуд̇д̇аван̣н̣анаа • 8. Abhayarājakumārasuttavaṇṇanā
