| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
8. абхаяарааж̇агумаарасуд̇д̇аван̣н̣анаа
8. Abhayarājakumārasuttavaṇṇanā
83. звам̣ мз суд̇анд̇и абхаяасуд̇д̇ам̣. д̇ад̇т̇а абхаяод̇и д̇асса наамам̣. рааж̇агумаарод̇и б̣имб̣исаарасса орасабуд̇д̇о. ваад̣̇ам̣ ааробзхийд̇и д̣̇осам̣ ааробзхи. нзраяигод̇и нираяз ниб̣б̣ад̇д̇аго. габбадтод̇и габбадтид̇иго. ад̇згижчод̇и б̣уд̣̇д̇хасахассзнааби д̇игижчид̇ум̣ на саггаа. уг̇г̇илид̇унд̇и д̣̇вз анд̇з можзд̇ваа гат̇зд̇ум̣ асаггонд̇о уг̇г̇илид̇ум̣ б̣ахи нийхарид̇ум̣ на сагкид̇и. ог̇илид̇унд̇и бужчааяа д̣̇осам̣ д̣̇ад̇ваа хаарзд̇ум̣ асаггонд̇о ог̇илид̇ум̣ анд̇о бавзсзд̇ум̣ на сагкид̇и.
83.Evaṃme sutanti abhayasuttaṃ. Tattha abhayoti tassa nāmaṃ. Rājakumāroti bimbisārassa orasaputto. Vādaṃ āropehīti dosaṃ āropehi. Nerayikoti niraye nibbattako. Kappaṭṭhoti kappaṭṭhitiko. Atekicchoti buddhasahassenāpi tikicchituṃ na sakkā. Uggilitunti dve ante mocetvā kathetuṃ asakkonto uggilituṃ bahi nīharituṃ na sakkhiti. Ogilitunti pucchāya dosaṃ datvā hāretuṃ asakkonto ogilituṃ anto pavesetuṃ na sakkhiti.
звам̣, бханд̇зд̇и ниг̇ан̣то гира жинд̇зси – ‘‘саман̣о г̇од̇амо маяхам̣ саавагз бхинд̣̇ид̇ваа г̇ан̣хаад̇и, ханд̣̇аахам̣ згам̣ бан̃хам̣ абхисан̇кароми, яам̣ будто саман̣о г̇од̇амо уггудиго худ̇ваа нисинно удтаад̇ум̣ на сагкиссад̇ий’’д̇и. со абхаяасса г̇зхаа нийхадабхад̇д̇о синид̣̇д̇хабхож̇анам̣ бхун̃ж̇анд̇о б̣ахуу бан̃хз абхисан̇карид̇ваа – ‘‘зд̇т̇а саман̣о г̇од̇амо имам̣ наама д̣̇осам̣ д̣̇ассзссад̇и, зд̇т̇а имам̣ наамаа’’д̇и саб̣б̣з бахааяа жаад̇умаасамад̇т̇агз имам̣ бан̃хам̣ ад̣̇д̣̇аса. ат̇асса зд̇ад̣̇ахоси – ‘‘имасса бан̃хасса бужчааяа ваа виссаж̇ж̇анз ваа на саггаа д̣̇осо д̣̇аад̇ум̣, оваддигасааро аяам̣, го ну ко имам̣ г̇ахзд̇ваа саман̣асса г̇од̇амасса ваад̣̇ам̣ ааробзссад̇ий’’д̇и. д̇ад̇о ‘‘абхаяо рааж̇агумааро бан̣д̣ид̇о, со сагкиссад̇ийд̇и д̇ам̣ уг̇г̇ан̣хаабзмий’’д̇и нидтам̣ г̇анд̇ваа уг̇г̇ан̣хаабзси. со ваад̣̇аж̇жхаасаяад̇ааяа д̇асса важанам̣ самбадижчанд̇о ‘‘звам̣, бханд̇з,’’д̇и ааха.
Evaṃ, bhanteti nigaṇṭho kira cintesi – ‘‘samaṇo gotamo mayhaṃ sāvake bhinditvā gaṇhāti, handāhaṃ ekaṃ pañhaṃ abhisaṅkharomi, yaṃ puṭṭho samaṇo gotamo ukkuṭiko hutvā nisinno uṭṭhātuṃ na sakkhissatī’’ti. So abhayassa gehā nīhaṭabhatto siniddhabhojanaṃ bhuñjanto bahū pañhe abhisaṅkharitvā – ‘‘ettha samaṇo gotamo imaṃ nāma dosaṃ dassessati, ettha imaṃ nāmā’’ti sabbe pahāya cātumāsamatthake imaṃ pañhaṃ addasa. Athassa etadahosi – ‘‘imassa pañhassa pucchāya vā vissajjane vā na sakkā doso dātuṃ, ovaṭṭikasāro ayaṃ, ko nu kho imaṃ gahetvā samaṇassa gotamassa vādaṃ āropessatī’’ti. Tato ‘‘abhayo rājakumāro paṇḍito, so sakkhissatīti taṃ uggaṇhāpemī’’ti niṭṭhaṃ gantvā uggaṇhāpesi. So vādajjhāsayatāya tassa vacanaṃ sampaṭicchanto ‘‘evaṃ, bhante,’’ti āha.
84. агаало ко аж̇ж̇аад̇и аяам̣ бан̃хо жад̇уухи маасзхи абхисан̇кад̇о, д̇ад̇т̇а ид̣̇ам̣ г̇ахзд̇ваа ид̣̇ам̣ виссаж̇ж̇ияамаанз д̣̇ивасабхааг̇о наббахоссад̇ийд̇и ман̃н̃анд̇о звам̣ жинд̇зси. со д̣̇аанийд̇и свз д̣̇аани. ад̇д̇ажад̇уд̇т̇од̇и гасмаа б̣ахуухи сад̣̇д̇хим̣ на ниманд̇зси? звам̣ гирасса ахоси – ‘‘б̣ахуусу нисиннзсу т̇огам̣ д̣̇ад̇ваа вад̣̇анд̇асса ан̃н̃ам̣ суд̇д̇ам̣ ан̃н̃ам̣ гааран̣ам̣ ан̃н̃ам̣ д̇ат̇ааруубам̣ вад̇т̇ум̣ аахарид̇ваа д̣̇ассзссад̇и, звам̣ санд̇з галахо ваа голаахаламзва ваа бхависсад̇и. ат̇ааби згагам̣язва ниманд̇зссаами, звамби мз г̇арахаа уббаж̇ж̇иссад̇и ‘яаавамажчарий вааяам̣ абхаяо, бхаг̇аванд̇ам̣ д̣̇ивасз д̣̇ивасз бхигкуунам̣ сад̇знаби сахассзнаби сад̣̇д̇хим̣ жаранд̇ам̣ д̣̇исвааби згагам̣язва ниманд̇зсий’’’д̇и. ‘‘звам̣ бана д̣̇осо на бхависсад̇ий’’д̇и абарзхи д̇ийхи сад̣̇д̇хим̣ ад̇д̇ажад̇уд̇т̇ам̣ ниманд̇зси.
84.Akālokho ajjāti ayaṃ pañho catūhi māsehi abhisaṅkhato, tattha idaṃ gahetvā idaṃ vissajjiyamāne divasabhāgo nappahossatīti maññanto evaṃ cintesi. So dānīti sve dāni. Attacatutthoti kasmā bahūhi saddhiṃ na nimantesi? Evaṃ kirassa ahosi – ‘‘bahūsu nisinnesu thokaṃ datvā vadantassa aññaṃ suttaṃ aññaṃ kāraṇaṃ aññaṃ tathārūpaṃ vatthuṃ āharitvā dassessati, evaṃ sante kalaho vā kolāhalameva vā bhavissati. Athāpi ekakaṃyeva nimantessāmi, evampi me garahā uppajjissati ‘yāvamaccharī vāyaṃ abhayo, bhagavantaṃ divase divase bhikkhūnaṃ satenapi sahassenapi saddhiṃ carantaṃ disvāpi ekakaṃyeva nimantesī’’’ti. ‘‘Evaṃ pana doso na bhavissatī’’ti aparehi tīhi saddhiṃ attacatutthaṃ nimantesi.
85. на квзд̇т̇а, рааж̇агумаара, згам̣сзнаад̇и на ко, рааж̇агумаара, зд̇т̇а бан̃хз згам̣сзна виссаж̇ж̇анам̣ ход̇и. зваруубан̃хи ваажам̣ д̇ат̇ааг̇ад̇о бхаасзяяааби на бхаасзяяааби. бхаасид̇абажжаязна ад̇т̇ам̣ бассанд̇о бхаасзяяа, абассанд̇о на бхаасзяяаад̇и ад̇т̇о. ид̇и бхаг̇аваа махааниг̇ан̣тзна жад̇уухи маасзхи абхисан̇кад̇ам̣ бан̃хам̣ асанибаад̇зна баб̣б̣ад̇агуудам̣ вияа згаважанзнзва сам̣жун̣н̣зси. анассум̣ ниг̇ан̣таад̇и надтаа ниг̇ан̣таа.
85.Na khvettha, rājakumāra, ekaṃsenāti na kho, rājakumāra, ettha pañhe ekaṃsena vissajjanaṃ hoti. Evarūpañhi vācaṃ tathāgato bhāseyyāpi na bhāseyyāpi. Bhāsitapaccayena atthaṃ passanto bhāseyya, apassanto na bhāseyyāti attho. Iti bhagavā mahānigaṇṭhena catūhi māsehi abhisaṅkhataṃ pañhaṃ asanipātena pabbatakūṭaṃ viya ekavacaneneva saṃcuṇṇesi. Anassuṃ nigaṇṭhāti naṭṭhā nigaṇṭhā.
86. ан̇гз нисинно ход̇ийд̇и ууруусу нисинно ход̇и. лзсаваад̣̇ино хи ваад̣̇ам̣ бадтабзнд̇аа гин̃жид̣̇зва палам̣ ваа бубпам̣ ваа бод̇т̇агам̣ ваа г̇ахзд̇ваа нисийд̣̇анд̇и. д̇з ад̇д̇ано ж̇аяз сад̇и барам̣ аж̇жход̇т̇аранд̇и, барасса ж̇аяз сад̇и палам̣ каад̣̇анд̇аа вияа бубпам̣ гхааяанд̇аа вияа бод̇т̇агам̣ ваажзнд̇аа вияа вигкзбам̣ д̣̇ассзнд̇и. аяам̣ бана жинд̇зси – ‘‘саммаасамб̣уд̣̇д̇хо зса осадасан̇г̇аамо бараваад̣̇амад̣̇д̣̇ано. сажз мз ж̇аяо бхависсад̇и, ижжзд̇ам̣ гусалам̣. но жз бхависсад̇и, д̣̇аарагам̣ виж̇жхид̇ваа род̣̇аабзссаами. д̇ад̇о бассат̇а, бхо, аяам̣ д̣̇аараго род̣̇ад̇и, удтахат̇а д̇аава, бажчааби ж̇ааниссаамаа’’д̇и д̇асмаа д̣̇аарагам̣ г̇ахзд̇ваа нисийд̣̇и. бхаг̇аваа бана рааж̇агумаарад̇о сахассаг̇ун̣знаби сад̇асахассаг̇ун̣знаби ваад̣̇ийварад̇аро, ‘‘имамзвасса д̣̇аарагам̣ убамам̣ гад̇ваа ваад̣̇ам̣ бхинд̣̇иссаамий’’д̇и жинд̇зд̇ваа ‘‘д̇ам̣ гим̣ ман̃н̃аси рааж̇агумаараа’’д̇иаад̣̇имааха.
86.Aṅke nisinno hotīti ūrūsu nisinno hoti. Lesavādino hi vādaṃ paṭṭhapentā kiñcideva phalaṃ vā pupphaṃ vā potthakaṃ vā gahetvā nisīdanti. Te attano jaye sati paraṃ ajjhottharanti, parassa jaye sati phalaṃ khādantā viya pupphaṃ ghāyantā viya potthakaṃ vācentā viya vikkhepaṃ dassenti. Ayaṃ pana cintesi – ‘‘sammāsambuddho esa osaṭasaṅgāmo paravādamaddano. Sace me jayo bhavissati, iccetaṃ kusalaṃ. No ce bhavissati, dārakaṃ vijjhitvā rodāpessāmi. Tato passatha, bho, ayaṃ dārako rodati, uṭṭhahatha tāva, pacchāpi jānissāmā’’ti tasmā dārakaṃ gahetvā nisīdi. Bhagavā pana rājakumārato sahassaguṇenapi satasahassaguṇenapi vādīvarataro, ‘‘imamevassa dārakaṃ upamaṃ katvā vādaṃ bhindissāmī’’ti cintetvā ‘‘taṃ kiṃ maññasi rājakumārā’’tiādimāha.
д̇ад̇т̇а мукз аахарзяяаад̇и мукз табзяяа. аахарзяяассааханд̇и абанзяяам̣ асса ахам̣. аад̣̇игзнзваад̇и батамабаяог̇знзва. абхууд̇анд̇и абхууд̇ад̇т̇ам̣. ад̇ажчанд̇и на д̇ажчам̣. анад̇т̇асам̣хид̇анд̇и на ад̇т̇асам̣хид̇ам̣ на вад̣дхиниссид̇ам̣. аббияаа аманаабаад̇и нзва бияаа на манаабаа. иминаа наязнзва саб̣б̣ад̇т̇а ад̇т̇о д̣̇адтаб̣б̣о.
Tattha mukhe āhareyyāti mukhe ṭhapeyya. Āhareyyassāhanti apaneyyaṃ assa ahaṃ. Ādikenevāti paṭhamapayogeneva. Abhūtanti abhūtatthaṃ. Atacchanti na tacchaṃ. Anatthasaṃhitanti na atthasaṃhitaṃ na vaḍḍhinissitaṃ. Appiyā amanāpāti neva piyā na manāpā. Iminā nayeneva sabbattha attho daṭṭhabbo.
д̇ад̇т̇а аббияабагкз батамаваажаа ажорам̣язва жород̇и, ад̣̇аасам̣язва д̣̇аасод̇и, ад̣̇уббаяуд̇д̇ам̣язва д̣̇уббаяуд̇д̇од̇и бавад̇д̇аа. на д̇ам̣ д̇ат̇ааг̇ад̇о бхаасад̇и. д̣̇уд̇ияаваажаа жорам̣язва жоро аяанд̇иаад̣̇ивасзна бавад̇д̇аа. д̇амби д̇ат̇ааг̇ад̇о на бхаасад̇и. д̇ад̇ияаваажаа ‘‘ид̣̇аани агад̇абун̃н̃ад̇ааяа д̣̇уг̇г̇ад̇о д̣̇уб̣б̣ан̣н̣о аббзсагко , ид̇ха тад̇вааби буна бун̃н̃ам̣ на гароси, д̣̇уд̇ияажид̇д̇аваарз гат̇ам̣ жад̇уухи абааязхи на мужжиссасий’’д̇и звам̣ махааж̇анасса ад̇т̇абурзгкаарзна д̇хаммабурзгкаарзна анусаасанийбурзгкаарзна жа вад̇д̇аб̣б̣аваажаа. д̇ад̇ра гаалан̃н̃уу д̇ат̇ааг̇ад̇од̇и д̇асмим̣ д̇ад̇ияаб̣яаагаран̣з д̇ассаа ваажааяа б̣яаагаран̣ад̇т̇ааяа д̇ат̇ааг̇ад̇о гаалан̃н̃уу ход̇и, махааж̇анасса аад̣̇аанагаалам̣ г̇ахан̣агаалам̣ ж̇аанид̇ваава б̣яаагарод̇ийд̇и ад̇т̇о.
Tattha appiyapakkhe paṭhamavācā acoraṃyeva coroti, adāsaṃyeva dāsoti, aduppayuttaṃyeva duppayuttoti pavattā. Na taṃ tathāgato bhāsati. Dutiyavācā coraṃyeva coro ayantiādivasena pavattā. Tampi tathāgato na bhāsati. Tatiyavācā ‘‘idāni akatapuññatāya duggato dubbaṇṇo appesakkho , idha ṭhatvāpi puna puññaṃ na karosi, dutiyacittavāre kathaṃ catūhi apāyehi na muccissasī’’ti evaṃ mahājanassa atthapurekkhārena dhammapurekkhārena anusāsanīpurekkhārena ca vattabbavācā. Tatra kālaññū tathāgatoti tasmiṃ tatiyabyākaraṇe tassā vācāya byākaraṇatthāya tathāgato kālaññū hoti, mahājanassa ādānakālaṃ gahaṇakālaṃ jānitvāva byākarotīti attho.
бияабагкз батамаваажаа адтаанияагат̇аа наама. саа звам̣ взд̣̇ид̇аб̣б̣аа – звам̣ гира г̇аамаваасимахаллагам̣ наг̇арам̣ ааг̇анд̇ваа баанааг̇аарз биванд̇ам̣ ван̃жзд̇угаамаа самб̣ахулаа д̇худ̇д̇аа бийд̇адтаанз тад̇ваа д̇зна сад̣̇д̇хим̣ сурам̣ биванд̇аа ‘‘имасса ниваасанабаавуран̣амби хад̇т̇з бхан̣д̣агамби саб̣б̣ам̣ г̇ан̣хиссаамаа’’д̇и жинд̇зд̇ваа гад̇игам̣ агам̣су – ‘‘згзгам̣ ад̇д̇абажжагкагат̇ам̣ гат̇зма, яо ‘абхууд̇а’нд̇и гат̇зси, гат̇ид̇ам̣ ваа на сад̣̇д̣̇ахад̇и, д̇ам̣ д̣̇аасам̣ гад̇ваа г̇ан̣хиссаамаа’’д̇и. д̇амби махаллагам̣ бужчим̣су ‘‘д̇умхаагамби д̇аад̇а ружжад̇ий’’д̇и. звам̣ ход̇у д̇аад̇аад̇и.
Piyapakkhe paṭhamavācā aṭṭhāniyakathā nāma. Sā evaṃ veditabbā – evaṃ kira gāmavāsimahallakaṃ nagaraṃ āgantvā pānāgāre pivantaṃ vañcetukāmā sambahulā dhuttā pītaṭṭhāne ṭhatvā tena saddhiṃ suraṃ pivantā ‘‘imassa nivāsanapāvuraṇampi hatthe bhaṇḍakampi sabbaṃ gaṇhissāmā’’ti cintetvā katikaṃ akaṃsu – ‘‘ekekaṃ attapaccakkhakathaṃ kathema, yo ‘abhūta’nti kathesi, kathitaṃ vā na saddahati, taṃ dāsaṃ katvā gaṇhissāmā’’ti. Tampi mahallakaṃ pucchiṃsu ‘‘tumhākampi tāta ruccatī’’ti. Evaṃ hotu tātāti.
зго д̇худ̇д̇о ааха – маяхам̣, бхо маад̇у, маяи гужчиг̇ад̇з габидтапалад̣̇охало ахоси. саа ан̃н̃ам̣ габидтахаарагам̣ алаб̣бхамаанаа мам̣язва бзсзси. ахам̣ г̇анд̇ваа ругкам̣ абхирухид̇ум̣ асаггонд̇о ад̇д̇анаава ад̇д̇аанам̣ баад̣̇з г̇ахзд̇ваа муг̇г̇арам̣ вияа ругкасса убари кибим̣; ат̇а саакад̇о саакам̣ вижаранд̇о палаани г̇ахзд̇ваа од̇арид̇ум̣ асаггонд̇о гхарам̣ г̇анд̇ваа ниссзн̣им̣ аахарид̇ваа оруяха маад̇у санд̇игам̣ г̇анд̇ваа палаани маад̇уяаа ад̣̇аасим̣; д̇аани бана маханд̇аани хонд̇и жаадиббамаан̣аани. д̇ад̇о мз маад̇араа згаасанз нисиннааяа самасадтипалаани каад̣̇ид̇аани. маяаа згужчан̇г̇зна аанийд̇апалзсу сзсагаани гуласанд̇агз г̇аамз куд̣̇д̣̇агамахаллагаанам̣ ахзсум̣. амхаагам̣ гхарам̣ сол̣асахад̇т̇ам̣, сзсабаригкаарабхан̣д̣агам̣ абанзд̇ваа габидтапалзхзва яаава чад̣̇анам̣ буурид̇ам̣. д̇ад̇о ад̇ирзгаани г̇ахзд̇ваа г̇зхад̣̇ваарз раасим̣ агам̣су. со асийд̇ихад̇т̇уб̣б̣зд̇хо баб̣б̣ад̇о вияа ахоси. гим̣ ийд̣̇исам̣, бхо саггаа, сад̣̇д̣̇ахид̇унд̇и?
Eko dhutto āha – mayhaṃ, bho mātu, mayi kucchigate kapiṭṭhaphaladohalo ahosi. Sā aññaṃ kapiṭṭhahārakaṃ alabbhamānā maṃyeva pesesi. Ahaṃ gantvā rukkhaṃ abhiruhituṃ asakkonto attanāva attānaṃ pāde gahetvā muggaraṃ viya rukkhassa upari khipiṃ; atha sākhato sākhaṃ vicaranto phalāni gahetvā otarituṃ asakkonto gharaṃ gantvā nisseṇiṃ āharitvā oruyha mātu santikaṃ gantvā phalāni mātuyā adāsiṃ; tāni pana mahantāni honti cāṭippamāṇāni. Tato me mātarā ekāsane nisinnāya samasaṭṭhiphalāni khāditāni. Mayā ekucchaṅgena ānītaphalesu sesakāni kulasantake gāme khuddakamahallakānaṃ ahesuṃ. Amhākaṃ gharaṃ soḷasahatthaṃ, sesaparikkhārabhaṇḍakaṃ apanetvā kapiṭṭhaphaleheva yāva chadanaṃ pūritaṃ. Tato atirekāni gahetvā gehadvāre rāsiṃ akaṃsu. So asītihatthubbedho pabbato viya ahosi. Kiṃ īdisaṃ, bho sakkā, saddahitunti?
г̇аамигамахаллаго д̇ун̣хий нисийд̣̇ид̇ваа саб̣б̣зсам̣ гат̇аабарияосаанз бужчид̇о ааха – ‘‘звам̣ бхависсад̇и д̇аад̇аа, маханд̇ам̣ радтам̣, радтамаханд̇ад̇ааяа саггаа сад̣̇д̣̇ахид̇у’’нд̇и. яат̇аа жа д̇зна, звам̣ сзсзхиби д̇ат̇ааруубаасу ниггааран̣агат̇аасу гат̇ид̇аасу ааха – маяхамби д̇аад̇аа сун̣аат̇а, на д̇умхаагам̣язва гулаани, амхаагамби гулам̣ махаагулам̣, амхаагам̣ бана авасзсакзд̇д̇зхи габбаасакзд̇д̇ам̣ маханд̇ад̇арам̣ . д̇асса анзгагарийсасад̇асса габбаасакзд̇д̇асса маж̇жхз зго габбаасаругко махаа асийд̇ихад̇т̇уб̣б̣зд̇хо ахоси. д̇асса бан̃жа саакаа, д̇аасу авасзсасаакаа палам̣ на г̇ан̣хим̣су, баажийнасаакааяа згамзва махаажаадимад̇д̇ам̣ палам̣ ахоси. д̇асса ча ам̣сияо, часу ам̣сийсу ча габбаасабин̣д̣ияо бубпид̇аа. ахам̣ массум̣ гаарзд̇ваа нхаад̇авилид̇д̇о кзд̇д̇ам̣ г̇анд̇ваа д̇аа габбаасабин̣д̣ияо бубпид̇аа д̣̇исваа тид̇агова хад̇т̇ам̣ басаарзд̇ваа г̇ан̣хим̣. д̇аа габбаасабин̣д̣ияо т̇аамасамбаннаа ча д̣̇аасаа ахзсум̣. д̇з саб̣б̣з мам̣ згагам̣ охааяа балаад̇аа. зд̇д̇агз ад̣̇д̇хаанз д̇з на бассаами, аж̇ж̇а д̣̇идтаа, д̇умхз д̇з ча ж̇анаа. д̇вам̣ нанд̣̇о наама, д̇вам̣ бун̣н̣о наама, д̇вам̣ вад̣дхамаано наама, д̇вам̣ жид̇д̇о наама д̇вам̣ ман̇г̇ало наама, д̇вам̣ бодтияо наамаад̇и вад̇ваа удтааяа нисиннагзязва жуул̣аасу г̇ахзд̇ваа адтааси. д̇з ‘‘на маяам̣ д̣̇аасаа’’д̇иби вад̇д̇ум̣ наасагким̣су. ат̇а нз гад̣дханд̇о винижчаяам̣ нзд̇ваа лагкан̣ам̣ ааробзд̇ваа яааваж̇ийвам̣ д̣̇аасз гад̇ваа барибхун̃ж̇и. зваруубим̣ гат̇ам̣ д̇ат̇ааг̇ад̇о на бхаасад̇и.
Gāmikamahallako tuṇhī nisīditvā sabbesaṃ kathāpariyosāne pucchito āha – ‘‘evaṃ bhavissati tātā, mahantaṃ raṭṭhaṃ, raṭṭhamahantatāya sakkā saddahitu’’nti. Yathā ca tena, evaṃ sesehipi tathārūpāsu nikkāraṇakathāsu kathitāsu āha – mayhampi tātā suṇātha, na tumhākaṃyeva kulāni, amhākampi kulaṃ mahākulaṃ, amhākaṃ pana avasesakhettehi kappāsakhettaṃ mahantataraṃ . Tassa anekakarīsasatassa kappāsakhettassa majjhe eko kappāsarukkho mahā asītihatthubbedho ahosi. Tassa pañca sākhā, tāsu avasesasākhā phalaṃ na gaṇhiṃsu, pācīnasākhāya ekameva mahācāṭimattaṃ phalaṃ ahosi. Tassa cha aṃsiyo, chasu aṃsīsu cha kappāsapiṇḍiyo pupphitā. Ahaṃ massuṃ kāretvā nhātavilitto khettaṃ gantvā tā kappāsapiṇḍiyo pupphitā disvā ṭhitakova hatthaṃ pasāretvā gaṇhiṃ. Tā kappāsapiṇḍiyo thāmasampannā cha dāsā ahesuṃ. Te sabbe maṃ ekakaṃ ohāya palātā. Ettake addhāne te na passāmi, ajja diṭṭhā, tumhe te cha janā. Tvaṃ nando nāma, tvaṃ puṇṇo nāma, tvaṃ vaḍḍhamāno nāma, tvaṃ citto nāma tvaṃ maṅgalo nāma, tvaṃ poṭṭhiyo nāmāti vatvā uṭṭhāya nisinnakeyeva cūḷāsu gahetvā aṭṭhāsi. Te ‘‘na mayaṃ dāsā’’tipi vattuṃ nāsakkhiṃsu. Atha ne kaḍḍhanto vinicchayaṃ netvā lakkhaṇaṃ āropetvā yāvajīvaṃ dāse katvā paribhuñji. Evarūpiṃ kathaṃ tathāgato na bhāsati.
д̣̇уд̇ияаваажаа аамисахзд̇ужаадугамяад̇аад̣̇ивасзна наанаббагаараа барзсам̣ т̇оманаваажаа жзва, жорагат̇ам̣ рааж̇агат̇анд̇и аад̣̇инаяаббавад̇д̇аа д̇иражчаанагат̇аа жа. д̇амби д̇ат̇ааг̇ад̇о на бхаасад̇и. д̇ад̇ияаваажаа арияасажжасанниссид̇агат̇аа, яам̣ вассасад̇амби сун̣анд̇аа бан̣д̣ид̇аа нзва д̇ид̇д̇им̣ г̇ажчанд̇и. ид̇и д̇ат̇ааг̇ад̇о нзва саб̣б̣амби аббияаваажам̣ бхаасад̇и на бияаваажам̣. д̇ад̇ияам̣ д̇ад̇ияамзва бана бхаасид̇аб̣б̣агаалам̣ анад̇иггамид̇ваа бхаасад̇и. д̇ад̇т̇а д̇ад̇ияам̣ аббияаваажам̣ санд̇хааяа хздтаа д̣̇ахарагумаараубамаа ааг̇ад̇аад̇и взд̣̇ид̇аб̣б̣ам̣.
Dutiyavācā āmisahetucāṭukamyatādivasena nānappakārā paresaṃ thomanavācā ceva, corakathaṃ rājakathanti ādinayappavattā tiracchānakathā ca. Tampi tathāgato na bhāsati. Tatiyavācā ariyasaccasannissitakathā, yaṃ vassasatampi suṇantā paṇḍitā neva tittiṃ gacchanti. Iti tathāgato neva sabbampi appiyavācaṃ bhāsati na piyavācaṃ. Tatiyaṃ tatiyameva pana bhāsitabbakālaṃ anatikkamitvā bhāsati. Tattha tatiyaṃ appiyavācaṃ sandhāya heṭṭhā daharakumāraupamā āgatāti veditabbaṃ.
87. уд̣̇ааху таанасовзд̇анд̇и уд̣̇ааху таануббад̇д̇иган̃аан̣зна д̇ан̇кан̣ам̣язва д̇ам̣ д̇ат̇ааг̇ад̇асса убадтаад̇ийд̇и бужчад̇и. сан̃н̃аад̇од̇и н̃аад̇о бан̃н̃аад̇о баагадо. д̇хаммад̇хаад̇ууд̇и д̇хаммасабхааво. саб̣б̣ан̃н̃уд̇ан̃н̃аан̣ассзд̇ам̣ ад̇хиважанам̣ . д̇ам̣ бхаг̇авад̇аа суббадивид̣̇д̇хам̣, хад̇т̇аг̇ад̇ам̣ бхаг̇авад̇о. д̇асмаа со яам̣ яам̣ ижчад̇и, д̇ам̣ д̇ам̣ саб̣б̣ам̣ таанасова бадибхаад̇ийд̇и. сзсам̣ саб̣б̣ад̇т̇а уд̇д̇аанамзва. аяам̣ бана д̇хаммад̣̇зсанаа нзяяабуг̇г̇алавасзна баринидтид̇аад̇и.
87.Udāhu ṭhānasovetanti udāhu ṭhānuppattikañāṇena taṅkhaṇaṃyeva taṃ tathāgatassa upaṭṭhātīti pucchati. Saññātoti ñāto paññāto pākaṭo. Dhammadhātūti dhammasabhāvo. Sabbaññutaññāṇassetaṃ adhivacanaṃ . Taṃ bhagavatā suppaṭividdhaṃ, hatthagataṃ bhagavato. Tasmā so yaṃ yaṃ icchati, taṃ taṃ sabbaṃ ṭhānasova paṭibhātīti. Sesaṃ sabbattha uttānameva. Ayaṃ pana dhammadesanā neyyapuggalavasena pariniṭṭhitāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
абхаяарааж̇агумаарасуд̇д̇аван̣н̣анаа нидтид̇аа.
Abhayarājakumārasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. абхаяарааж̇агумаарасуд̇д̇ам̣ • 8. Abhayarājakumārasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. абхаяарааж̇агумаарасуд̇д̇аван̣н̣анаа • 8. Abhayarājakumārasuttavaṇṇanā
