| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4. அப⁴யஸுத்தவண்ணனா
4. Abhayasuttavaṇṇanā
184. சதுத்தே² ஸோசதீதி சித்தே உப்பன்னப³லவஸோகேன ஸோசதி, சித்தஸந்தாபேன அந்தோ நிஜ்ஜா²யதீதி அத்தோ². கிலமதீதி தஸ்ஸேவ ஸோகஸ்ஸ வஸேன காயே ச உப்பன்னது³க்கே²ன கிலமதி. பரிதே³வதீதி ஸோகுத்³தே³ஹகவஸேன தங் தங் விப்பலபந்தோ வாசாய பரிதே³வதி. உரத்தாளிந்தி உரத்தாளங், உரங் தாளெத்வாதி அத்தோ². தேனாஹ ‘‘உரங் தாளெத்வா’’தி. கங்கா²விசிகிச்சா²தி எத்த² ‘‘ஏகமேவித³ங் பஞ்சமங் நீவரணங். கிங் நு கோ² இத³’’ந்தி ஆரம்மணங் கங்க²னதோ கங்கா², ‘‘இத³மேவ வர’’ந்தி நிச்சே²துங் அஸமத்த²பா⁴வதோ ‘‘விசிகிச்சா²’’தி வுச்சதி – ‘‘த⁴ம்மஸபா⁴வங் விசினந்தோ கிச்ச²தி, விக³தா சிகிச்சா²’’தி வா கத்வா.
184. Catutthe socatīti citte uppannabalavasokena socati, cittasantāpena anto nijjhāyatīti attho. Kilamatīti tasseva sokassa vasena kāye ca uppannadukkhena kilamati. Paridevatīti sokuddehakavasena taṃ taṃ vippalapanto vācāya paridevati. Urattāḷinti urattāḷaṃ, uraṃ tāḷetvāti attho. Tenāha ‘‘uraṃ tāḷetvā’’ti. Kaṅkhāvicikicchāti ettha ‘‘ekamevidaṃ pañcamaṃ nīvaraṇaṃ. Kiṃ nu kho ida’’nti ārammaṇaṃ kaṅkhanato kaṅkhā, ‘‘idameva vara’’nti nicchetuṃ asamatthabhāvato ‘‘vicikicchā’’ti vuccati – ‘‘dhammasabhāvaṃ vicinanto kicchati, vigatā cikicchā’’ti vā katvā.
அப⁴யஸுத்தவண்ணனா நிட்டி²தா.
Abhayasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. அப⁴யஸுத்தங் • 4. Abhayasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. அப⁴யஸுத்தவண்ணனா • 4. Abhayasuttavaṇṇanā
