| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. อภยสุตฺตวณฺณนา
4. Abhayasuttavaṇṇanā
๑๘๔. จตุเตฺถ กิจฺฉาชีวิตการณเฎฺฐน โรโคว โรคาตโงฺก นามฯ ผุฎฺฐสฺสาติ เตน โรคาตเงฺกน สมนฺนาคตสฺสฯ อุรตฺตาฬิํ กนฺทตีติ อุรํ ตาเฬตฺวา โรทติฯ อกตกลฺยาโณติอาทีสุ กลฺยาณํ วุจฺจติ ปุญฺญกมฺมํ , ตํ อกตํ เอเตนาติ อกตกลฺยาโณฯ เสสปเทสุปิ เอเสว นโยฯ ปุญฺญกมฺมเมว หิ โกสลฺลสมฺภูตตฺตา กุสลํ, ภีตสฺส ปริตฺตายกตฺตา ภีรุตฺตาณนฺติ วุจฺจติฯ กตปาโปติอาทีสุ ปาปํ วุจฺจติ ลามกํ อกุสลกมฺมํฯ ลุทฺทนฺติ กกฺขฬกมฺมํฯ กิพฺพิสนฺติ สมลํ อปริสุทฺธกมฺมํฯ กงฺขี โหตีติ พุทฺธธมฺมสงฺฆคุเณสุ เจว สิกฺขาย จ ปุพฺพเนฺต จ อปรเนฺต จ ปุพฺพนฺตาปรเนฺต จ ปฎิจฺจสมุปฺปาเท จาติ อฎฺฐสุ ฐาเนสุ กงฺขาย สมนฺนาคโต โหติฯ วิจิกิจฺฉีติ วิจิกิจฺฉาย สมนฺนาคโต สาสนสทฺธเมฺม น นิฎฺฐํ คโต, อุคฺคหปริปุจฺฉาวเสน นิฎฺฐํ คนฺตุํ น สโกฺกติฯ อิมินา นเยน สพฺพตฺถ อโตฺถ เวทิตโพฺพฯ
184. Catutthe kicchājīvitakāraṇaṭṭhena rogova rogātaṅko nāma. Phuṭṭhassāti tena rogātaṅkena samannāgatassa. Urattāḷiṃ kandatīti uraṃ tāḷetvā rodati. Akatakalyāṇotiādīsu kalyāṇaṃ vuccati puññakammaṃ , taṃ akataṃ etenāti akatakalyāṇo. Sesapadesupi eseva nayo. Puññakammameva hi kosallasambhūtattā kusalaṃ, bhītassa parittāyakattā bhīruttāṇanti vuccati. Katapāpotiādīsu pāpaṃ vuccati lāmakaṃ akusalakammaṃ. Luddanti kakkhaḷakammaṃ. Kibbisanti samalaṃ aparisuddhakammaṃ. Kaṅkhī hotīti buddhadhammasaṅghaguṇesu ceva sikkhāya ca pubbante ca aparante ca pubbantāparante ca paṭiccasamuppāde cāti aṭṭhasu ṭhānesu kaṅkhāya samannāgato hoti. Vicikicchīti vicikicchāya samannāgato sāsanasaddhamme na niṭṭhaṃ gato, uggahaparipucchāvasena niṭṭhaṃ gantuṃ na sakkoti. Iminā nayena sabbattha attho veditabbo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. อภยสุตฺตํ • 4. Abhayasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๔. อภยสุตฺตวณฺณนา • 4. Abhayasuttavaṇṇanā
