| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
6. අභයසුත්‌තවණ්‌ණනා
6. Abhayasuttavaṇṇanā
237. ඡට්‌ඨෙ අඤ්‌ඤාණාය අදස්‌සනායාති අඤ්‌ඤාණත්‌ථාය අදස්‌සනත්‌ථාය. තග්‌ඝ භගවා නීවරණාති එකංසෙන භගවා නීවරණා. කායකිලමථොති කායදරථො. චිත්‌තකිලමථොති චිත්‌තදරථො. සොපි මෙ පටිප්‌පස්‌සද්‌ධොති තස්‌ස කිර සත්‌ථු සන්‌තිකෙ සීතලං උතුසප්‌පායට්‌ඨානං පවිසිත්‌වා නිසින්‌නස්‌ස කායදරථො පටිපස්‌සම්‌භි, තස්‌මිං පටිපස්‌සද්‌ධෙ තදන්‌වයෙනෙව චිත්‌තදරථොපි. අපිච මග්‌ගෙනෙවස්‌ස එතං උභයම්‌පි පස්‌සද්‌ධන්‌ති වෙදිතබ්‌බං.
237. Chaṭṭhe aññāṇāya adassanāyāti aññāṇatthāya adassanatthāya. Taggha bhagavā nīvaraṇāti ekaṃsena bhagavā nīvaraṇā. Kāyakilamathoti kāyadaratho. Cittakilamathoti cittadaratho. Sopi me paṭippassaddhoti tassa kira satthu santike sītalaṃ utusappāyaṭṭhānaṃ pavisitvā nisinnassa kāyadaratho paṭipassambhi, tasmiṃ paṭipassaddhe tadanvayeneva cittadarathopi. Apica maggenevassa etaṃ ubhayampi passaddhanti veditabbaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. අභයසුත්‌තං • 6. Abhayasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. අභයසුත්‌තවණ්‌ණනා • 6. Abhayasuttavaṇṇanā
