| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
9. абхаяаат̇зрийг̇аат̇ааван̣н̣анаа
9. Abhayātherīgāthāvaṇṇanā
абхаяз бхид̣̇уро гааяод̇иаад̣̇игаа абхаяад̇т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇ий сикисса бхаг̇авад̇о гаалз кад̇д̇ияамахаасаалагулз ниб̣б̣ад̇д̇ид̇ваа вин̃н̃уд̇ам̣ бад̇ваа арун̣аран̃н̃о аг̇г̇амахзсий ахоси. рааж̇аа д̇ассаа згад̣̇ивасам̣ г̇анд̇хасамбаннаани сад̇д̇а уббалаани ад̣̇ааси. саа д̇аани г̇ахзд̇ваа ‘‘гим̣ мз имзхи бил̣анд̇ханд̇зхи. яам̣нуунаахам̣ имзхи бхаг̇аванд̇ам̣ бууж̇зссаамий’’д̇и жинд̇зд̇ваа нисийд̣̇и. бхаг̇аваа жа бхигкаажааравзлааяам̣ рааж̇анивзсанам̣ баависи . саа бхаг̇аванд̇ам̣ д̣̇исваа басаннамаанасаа бажжуг̇г̇анд̇ваа д̇зхи бубпзхи бууж̇зд̇ваа бан̃жабад̇идтид̇зна ванд̣̇и. саа д̇зна бун̃н̃агаммзна д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з уж̇ж̇знияам̣ гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа абхаяамаад̇усахааяигаа худ̇ваа д̇ааяа баб̣б̣аж̇ид̇ааяа д̇ассаа синзхзна саяамби баб̣б̣аж̇ид̇ваа д̇ааяа сад̣̇д̇хим̣ рааж̇аг̇ахз васамаанаа згад̣̇ивасам̣ асубхад̣̇ассанад̇т̇ам̣ сийд̇аванам̣ аг̇амааси. сад̇т̇аа г̇анд̇хагудияам̣ нисиннова д̇ассаа анубхууд̇абуб̣б̣ам̣ аарамман̣ам̣ бурад̇о гад̇ваа д̇ассаа уд̣̇д̇хумаад̇агаад̣̇ибхаавам̣ багаасзси. д̇ам̣ д̣̇исваа сам̣взг̇амаанасаа адтааси. сад̇т̇аа обхаасам̣ парид̇ваа бурад̇о нисиннам̣ вияа ад̇д̇аанам̣ д̣̇ассзд̇ваа –
Abhaye bhiduro kāyotiādikā abhayattheriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ puññaṃ upacinantī sikhissa bhagavato kāle khattiyamahāsālakule nibbattitvā viññutaṃ patvā aruṇarañño aggamahesī ahosi. Rājā tassā ekadivasaṃ gandhasampannāni satta uppalāni adāsi. Sā tāni gahetvā ‘‘kiṃ me imehi piḷandhantehi. Yaṃnūnāhaṃ imehi bhagavantaṃ pūjessāmī’’ti cintetvā nisīdi. Bhagavā ca bhikkhācāravelāyaṃ rājanivesanaṃ pāvisi . Sā bhagavantaṃ disvā pasannamānasā paccuggantvā tehi pupphehi pūjetvā pañcapatiṭṭhitena vandi. Sā tena puññakammena devamanussesu saṃsarantī imasmiṃ buddhuppāde ujjeniyaṃ kulagehe nibbattitvā viññutaṃ patvā abhayamātusahāyikā hutvā tāya pabbajitāya tassā sinehena sayampi pabbajitvā tāya saddhiṃ rājagahe vasamānā ekadivasaṃ asubhadassanatthaṃ sītavanaṃ agamāsi. Satthā gandhakuṭiyaṃ nisinnova tassā anubhūtapubbaṃ ārammaṇaṃ purato katvā tassā uddhumātakādibhāvaṃ pakāsesi. Taṃ disvā saṃvegamānasā aṭṭhāsi. Satthā obhāsaṃ pharitvā purato nisinnaṃ viya attānaṃ dassetvā –
35.
35.
‘‘абхаяз бхид̣̇уро гааяо, яад̇т̇а сад̇д̇аа бут̇уж̇ж̇анаа;
‘‘Abhaye bhiduro kāyo, yattha sattā puthujjanā;
нигкибиссаамимам̣ д̣̇зхам̣, самбаж̇аанаа сад̇иймад̇ий.
Nikkhipissāmimaṃ dehaṃ, sampajānā satīmatī.
36.
36.
‘‘б̣ахуухи д̣̇угкад̇хаммзхи, аббамаад̣̇арад̇ааяа мз;
‘‘Bahūhi dukkhadhammehi, appamādaratāya me;
д̇ан̣хагкаяо ануббад̇д̇о, гад̇ам̣ б̣уд̣̇д̇хасса саасана’’нд̇и. –
Taṇhakkhayo anuppatto, kataṃ buddhassa sāsana’’nti. –
имаа г̇аат̇аа абхааси. саа г̇аат̇аабарияосаанз арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.1.71-90) –
Imā gāthā abhāsi. Sā gāthāpariyosāne arahattaṃ pāpuṇi. Tena vuttaṃ apadāne (apa. therī 2.1.71-90) –
‘‘наг̇арз арун̣авад̇ияаа, арун̣о наама кад̇д̇ияо;
‘‘Nagare aruṇavatiyā, aruṇo nāma khattiyo;
д̇асса ран̃н̃о ахум̣ бхарияаа, ваарид̇ам̣ ваараяаамахам̣.
Tassa rañño ahuṃ bhariyā, vāritaṃ vārayāmahaṃ.
‘‘сад̇д̇амаалам̣ г̇ахзд̇ваана, уббалаа д̣̇зваг̇анд̇хигаа;
‘‘Sattamālaṃ gahetvāna, uppalā devagandhikā;
нисаж̇ж̇а баасаад̣̇аварз, звам̣ жинд̇зси д̇аавад̣̇з.
Nisajja pāsādavare, evaṃ cintesi tāvade.
‘‘гим̣ мз имаахи маалаахи, сирасааробид̇аахи мз;
‘‘Kiṃ me imāhi mālāhi, sirasāropitāhi me;
варам̣ мз б̣уд̣̇д̇хасздтасса, н̃аан̣амхи абхиробид̇ам̣.
Varaṃ me buddhaseṭṭhassa, ñāṇamhi abhiropitaṃ.
‘‘самб̣уд̣̇д̇хам̣ бадимаанзнд̇ий, д̣̇ваараасаннз нисийд̣̇ахам̣;
‘‘Sambuddhaṃ paṭimānentī, dvārāsanne nisīdahaṃ;
яад̣̇аа зхид̇и самб̣уд̣̇д̇хо, бууж̇аяиссам̣ махаамуним̣.
Yadā ehiti sambuddho, pūjayissaṃ mahāmuniṃ.
‘‘гагуд̇хо виласанд̇ова, миг̇арааж̇аава гзсарий;
‘‘Kakudho vilasantova, migarājāva kesarī;
бхигкусан̇гхзна сахид̇о, ааг̇ажчи вийт̇ияаа ж̇ино.
Bhikkhusaṅghena sahito, āgacchi vīthiyā jino.
‘‘б̣уд̣̇д̇хасса рам̣сим̣ д̣̇исваана, хадтаа сам̣виг̇г̇амаанасаа;
‘‘Buddhassa raṃsiṃ disvāna, haṭṭhā saṃviggamānasā;
д̣̇ваарам̣ аваабурид̇ваана, б̣уд̣̇д̇хасздтамабууж̇аяим̣.
Dvāraṃ avāpuritvāna, buddhaseṭṭhamapūjayiṃ.
‘‘сад̇д̇а уббалабубпаани, баригин̣н̣аани амб̣арз;
‘‘Satta uppalapupphāni, parikiṇṇāni ambare;
чад̣̇им̣ гаронд̇о б̣уд̣̇д̇хасса, мад̇т̇агз д̇хаараяанд̇и д̇з.
Chadiṃ karonto buddhassa, matthake dhārayanti te.
‘‘уд̣̇аг̇г̇ажид̇д̇аа суманаа, взд̣̇аж̇аад̇аа гад̇ан̃ж̇алий;
‘‘Udaggacittā sumanā, vedajātā katañjalī;
д̇ад̇т̇а жид̇д̇ам̣ басаад̣̇зд̇ваа, д̇аавад̇им̣самаг̇ажчахам̣.
Tattha cittaṃ pasādetvā, tāvatiṃsamagacchahaṃ.
‘‘махаанзласса чаад̣̇анам̣, д̇хаарзнд̇и мама муд̣̇д̇хани;
‘‘Mahānelassa chādanaṃ, dhārenti mama muddhani;
д̣̇иб̣б̣аг̇анд̇хам̣ бавааяаами, сад̇д̇уббалассид̣̇ам̣ палам̣.
Dibbagandhaṃ pavāyāmi, sattuppalassidaṃ phalaṃ.
‘‘гад̣̇аажи нийяамаанааяа, н̃аад̇исан̇гхзна мз д̇ад̣̇аа;
‘‘Kadāci nīyamānāya, ñātisaṅghena me tadā;
яаавад̇аа барисаа маяхам̣, махаанзлам̣ д̇харийяад̇и.
Yāvatā parisā mayhaṃ, mahānelaṃ dharīyati.
‘‘сад̇д̇ад̇и д̣̇зварааж̇уунам̣, махзсид̇д̇амагаараяим̣;
‘‘Sattati devarājūnaṃ, mahesittamakārayiṃ;
саб̣б̣ад̇т̇а иссараа худ̇ваа, сам̣сараами бхаваабхавз.
Sabbattha issarā hutvā, saṃsarāmi bhavābhave.
‘‘д̇зсадти жаггавад̇д̇ийнам̣, махзсид̇д̇амагаараяим̣;
‘‘Tesaṭṭhi cakkavattīnaṃ, mahesittamakārayiṃ;
саб̣б̣з маманувад̇д̇анд̇и, аад̣̇зяяаважанаа ахум̣.
Sabbe mamanuvattanti, ādeyyavacanā ahuṃ.
‘‘уббалассзва мз ван̣н̣о, г̇анд̇хо жзва бавааяад̇и;
‘‘Uppalasseva me vaṇṇo, gandho ceva pavāyati;
д̣̇уб̣б̣ан̣н̣ияам̣ на ж̇аанаами, б̣уд̣̇д̇хабууж̇ааяид̣̇ам̣ палам̣.
Dubbaṇṇiyaṃ na jānāmi, buddhapūjāyidaṃ phalaṃ.
‘‘ид̣̇д̇хибаад̣̇зсу гусалаа, б̣ож̇жхан̇г̇абхааванаарад̇аа;
‘‘Iddhipādesu kusalā, bojjhaṅgabhāvanāratā;
абхин̃н̃аабаарамиббад̇д̇аа, б̣уд̣̇д̇хабууж̇ааяид̣̇ам̣ палам̣.
Abhiññāpāramippattā, buddhapūjāyidaṃ phalaṃ.
‘‘сад̇ибадтаанагусалаа, самаад̇хижхаанаг̇ожараа;
‘‘Satipaṭṭhānakusalā, samādhijhānagocarā;
саммаббад̇хаанамануяуд̇д̇аа, б̣уд̣̇д̇хабууж̇ааяид̣̇ам̣ палам̣.
Sammappadhānamanuyuttā, buddhapūjāyidaṃ phalaṃ.
‘‘вийрияам̣ мз д̇хурад̇хораяхам̣, яог̇агкзмаад̇хивааханам̣;
‘‘Vīriyaṃ me dhuradhorayhaṃ, yogakkhemādhivāhanaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘згад̇им̣сз ид̇о габбз, яам̣ бубпамабхибууж̇аяим̣;
‘‘Ekatiṃse ito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и. (аба. т̇зрий 2.1.71-90);
‘‘Kilesā jhāpitā mayhaṃ…pe… kataṃ buddhassa sāsana’’nti. (apa. therī 2.1.71-90);
арахад̇д̇ам̣ бана бад̇ваа уд̣̇аанзнд̇ий д̇аа зва г̇аат̇аа баривад̇д̇ид̇ваа абхааси.
Arahattaṃ pana patvā udānentī tā eva gāthā parivattitvā abhāsi.
д̇ад̇т̇а абхаязд̇и ад̇д̇аанамзва аалабад̇и. бхид̣̇урод̇и бхиж̇ж̇анасабхааво, анижжод̇и ад̇т̇о. яад̇т̇а сад̇д̇аа бут̇уж̇ж̇анаад̇и яасмим̣ кан̣зна бхиж̇ж̇анасийлз асужид̣̇уг̇г̇анд̇хаж̇зг̇ужчабадиггууласабхаавз гааяз имз анд̇хабут̇уж̇ж̇анаа сад̇д̇аа лаг̇г̇аа лаг̇г̇ид̇аа. нигкибиссаамимам̣ д̣̇зханд̇и ахам̣ бана имам̣ д̣̇зхам̣ бууд̇игааяам̣ буна анаад̣̇аанзна нирабзгкаа кибиссаами чад̣д̣зссаами. д̇ад̇т̇а гааран̣амааха ‘‘самбаж̇аанаа сад̇иймад̇ий’’д̇и.
Tattha abhayeti attānameva ālapati. Bhiduroti bhijjanasabhāvo, aniccoti attho. Yattha sattā puthujjanāti yasmiṃ khaṇena bhijjanasīle asuciduggandhajegucchapaṭikkūlasabhāve kāye ime andhaputhujjanā sattā laggā laggitā. Nikkhipissāmimaṃ dehanti ahaṃ pana imaṃ dehaṃ pūtikāyaṃ puna anādānena nirapekkhā khipissāmi chaḍḍessāmi. Tattha kāraṇamāha ‘‘sampajānā satīmatī’’ti.
б̣ахуухи д̣̇угкад̇хаммзхийд̇и ж̇аад̇иж̇араад̣̇ийхи анзгзхи д̣̇угкад̇хаммзхи пудтааяаад̇и ад̇хиббааяо. аббамаад̣̇арад̇ааяаад̇и д̇ааяа зва д̣̇угкод̇ин̣н̣ад̇ааяа бадилад̣̇д̇хасам̣взг̇ад̇д̇аа сад̇иавиббаваасасан̇каад̇з аббамаад̣̇з рад̇ааяа. сзсам̣ вуд̇д̇анаяамзва. зд̇т̇а жа сад̇т̇аараа д̣̇зсид̇анияаамзна –
Bahūhi dukkhadhammehīti jātijarādīhi anekehi dukkhadhammehi phuṭṭhāyāti adhippāyo. Appamādaratāyāti tāya eva dukkhotiṇṇatāya paṭiladdhasaṃvegattā satiavippavāsasaṅkhāte appamāde ratāya. Sesaṃ vuttanayameva. Ettha ca satthārā desitaniyāmena –
‘‘нигкибаахи имам̣ д̣̇зхам̣, аббамаад̣̇арад̇ааяа д̇з;
‘‘Nikkhipāhi imaṃ dehaṃ, appamādaratāya te;
д̇ан̣хагкаяам̣ баабун̣аахи, гарохи б̣уд̣̇д̇хасаасана’’нд̇и. –
Taṇhakkhayaṃ pāpuṇāhi, karohi buddhasāsana’’nti. –
баато , т̇зрияаа вуд̇д̇анияаамзнзва бана сам̣г̇ийд̇им̣ ааробид̇ад̇д̇аа. аббамаад̣̇арад̇ааяа д̇зд̇и аббамаад̣̇арад̇ааяа д̇аяаа бхавид̇аб̣б̣анд̇и ад̇т̇о.
Pāṭho , theriyā vuttaniyāmeneva pana saṃgītiṃ āropitattā. Appamādaratāya teti appamādaratāya tayā bhavitabbanti attho.
абхаяаат̇зрийг̇аат̇ааван̣н̣анаа нидтид̇аа.
Abhayātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 9. абхаяаат̇зрийг̇аат̇аа • 9. Abhayātherīgāthā
