| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
7. абхаяад̇т̇зраабад̣̇аанам̣
7. Abhayattheraapadānaṃ
195.
195.
‘‘бад̣̇умуд̇д̇аро наама ж̇ино, саб̣б̣ад̇хаммзсу жагкумаа;
‘‘Padumuttaro nāma jino, sabbadhammesu cakkhumā;
ид̇о сад̇асахассамхи, габбз уббаж̇ж̇и нааяаго.
Ito satasahassamhi, kappe uppajji nāyako.
196.
196.
‘‘саран̣аг̇аманз гин̃жи, нивзсзси д̇ат̇ааг̇ад̇о;
‘‘Saraṇagamane kiñci, nivesesi tathāgato;
гин̃жи сийлз нивзсзси, д̣̇асагаммабат̇уд̇д̇амз.
Kiñci sīle nivesesi, dasakammapathuttame.
197.
197.
‘‘д̣̇зд̇и гассажи со вийро, сааман̃н̃апаламуд̇д̇амам̣;
‘‘Deti kassaci so vīro, sāmaññaphalamuttamaṃ;
самаабад̇д̇ий д̇ат̇аа адта, д̇иссо виж̇ж̇аа баважчад̇и.
Samāpattī tathā aṭṭha, tisso vijjā pavacchati.
198.
198.
‘‘чал̣абхин̃н̃аасу яож̇зси, гин̃жи сад̇д̇ам̣ наруд̇д̇амо;
‘‘Chaḷabhiññāsu yojesi, kiñci sattaṃ naruttamo;
д̣̇зд̇и гассажи наат̇о со, жад̇ассо бадисамбхид̣̇аа.
Deti kassaci nātho so, catasso paṭisambhidā.
199.
199.
‘‘б̣од̇ханзяяам̣ баж̇ам̣ д̣̇исваа, асан̇кзяяамби яож̇анам̣ 1;
‘‘Bodhaneyyaṃ pajaṃ disvā, asaṅkheyyampi yojanaṃ 2;
кан̣зна убаг̇анд̇ваана, винзд̇и нарасаарат̇и.
Khaṇena upagantvāna, vineti narasārathi.
200.
200.
‘‘д̇ад̣̇аахам̣ хам̣савад̇ияам̣, ахосим̣ б̣раахман̣ад̇раж̇о;
‘‘Tadāhaṃ haṃsavatiyaṃ, ahosiṃ brāhmaṇatrajo;
баараг̇уу саб̣б̣авзд̣̇аанам̣, взяяаагаран̣асаммад̇о.
Pāragū sabbavedānaṃ, veyyākaraṇasammato.
201.
201.
‘‘нируд̇д̇ияаа жа гусало, нигхан̣д̣умхи висаарад̣̇о;
‘‘Niruttiyā ca kusalo, nighaṇḍumhi visārado;
бад̣̇аго гздубхавид̣̇уу, чанд̣̇овижид̇иговид̣̇о.
Padako keṭubhavidū, chandovicitikovido.
202.
202.
‘‘ж̇ан̇гхаавихаарам̣ вижарам̣, хам̣саараамамубзжжахам̣;
‘‘Jaṅghāvihāraṃ vicaraṃ, haṃsārāmamupeccahaṃ;
ад̣̇д̣̇асам̣ варад̣̇ам̣ 3 сздтам̣, махааж̇анабурагкад̇ам̣.
Addasaṃ varadaṃ 4 seṭṭhaṃ, mahājanapurakkhataṃ.
203.
203.
‘‘д̣̇зсзнд̇ам̣ вираж̇ам̣ д̇хаммам̣, бажжанийгамад̇ий ахам̣;
‘‘Desentaṃ virajaṃ dhammaṃ, paccanīkamatī ahaṃ;
убзд̇ваа д̇асса галяаан̣ам̣, суд̇ваана вималам̣ ахам̣ 5.
Upetvā tassa kalyāṇaṃ, sutvāna vimalaṃ ahaṃ 6.
204.
204.
‘‘б̣яаахад̇ам̣ бунаруд̇д̇ам̣ ваа, абад̇т̇ам̣ ваа нирад̇т̇агам̣;
‘‘Byāhataṃ punaruttaṃ vā, apatthaṃ vā niratthakaṃ;
наад̣̇д̣̇асам̣ д̇асса мунино, д̇ад̇о баб̣б̣аж̇ид̇о ахам̣.
Nāddasaṃ tassa munino, tato pabbajito ahaṃ.
205.
205.
‘‘нажирзнзва гаалзна, саб̣б̣асад̇д̇ависаарад̣̇о;
‘‘Nacireneva kālena, sabbasattavisārado;
нибун̣о б̣уд̣̇д̇хаважанз, ахосим̣ г̇ун̣исаммад̇о.
Nipuṇo buddhavacane, ahosiṃ guṇisammato.
206.
206.
‘‘д̇ад̣̇аа жад̇ассо г̇аат̇ааяо, г̇ант̇аяид̇ваа суб̣яан̃ж̇анаа;
‘‘Tadā catasso gāthāyo, ganthayitvā subyañjanā;
сант̇авид̇ваа д̇илогаг̇г̇ам̣, д̣̇зсаяиссам̣ д̣̇инз д̣̇инз.
Santhavitvā tilokaggaṃ, desayissaṃ dine dine.
207.
207.
‘‘вирад̇д̇оси махаавийро, сам̣саарз сабхаяз васам̣;
‘‘Virattosi mahāvīro, saṃsāre sabhaye vasaṃ;
гарун̣ааяа на ниб̣б̣ааяи, д̇ад̇о гаарун̣иго муни.
Karuṇāya na nibbāyi, tato kāruṇiko muni.
208.
208.
‘‘бут̇уж̇ж̇ано ваяо санд̇о, на гилзсавасо аху;
‘‘Puthujjano vayo santo, na kilesavaso ahu;
самбаж̇аано сад̇ияуд̇д̇о, д̇асмаа зсо ажинд̇ияо.
Sampajāno satiyutto, tasmā eso acintiyo.
209.
209.
‘‘д̣̇уб̣б̣алаани гилзсаани, яассаасаяаг̇ад̇аани мз;
‘‘Dubbalāni kilesāni, yassāsayagatāni me;
н̃аан̣аг̇г̇ибарид̣̇ад̣дхаани, на кийяим̣су д̇амаб̣бхуд̇ам̣.
Ñāṇaggiparidaḍḍhāni, na khīyiṃsu tamabbhutaṃ.
210.
210.
‘‘яо саб̣б̣алогасса г̇ару, лого 7 яасса д̇ат̇аа г̇ару;
‘‘Yo sabbalokassa garu, loko 8 yassa tathā garu;
д̇ат̇ааби логаажарияо, лого д̇ассаанувад̇д̇аго.
Tathāpi lokācariyo, loko tassānuvattako.
211.
211.
‘‘звамаад̣̇ийхи самб̣уд̣̇д̇хам̣, гид̇д̇аяам̣ д̇хаммад̣̇зсанам̣;
‘‘Evamādīhi sambuddhaṃ, kittayaṃ dhammadesanaṃ;
яааваж̇ийвам̣ гарид̇ваана, г̇ад̇о саг̇г̇ам̣ д̇ад̇о жуд̇о.
Yāvajīvaṃ karitvāna, gato saggaṃ tato cuto.
212.
212.
‘‘сад̇асахассид̇о габбз, яам̣ б̣уд̣̇д̇хамабхигид̇д̇аяим̣;
‘‘Satasahassito kappe, yaṃ buddhamabhikittayiṃ;
д̣̇уг̇г̇ад̇им̣ наабхиж̇аанаами, гид̇д̇анааяа ид̣̇ам̣ палам̣.
Duggatiṃ nābhijānāmi, kittanāya idaṃ phalaṃ.
213.
213.
‘‘д̣̇звалогз махаараж̇ж̇ам̣, баад̣̇зсим̣ ган̃жанаг̇гхияам̣ 9;
‘‘Devaloke mahārajjaṃ, pādesiṃ kañcanagghiyaṃ 10;
жаггавад̇д̇ий махаараж̇ж̇ам̣, б̣ахусонубхавим̣ ахам̣.
Cakkavattī mahārajjaṃ, bahusonubhaviṃ ahaṃ.
214.
214.
‘‘д̣̇увз бхавз баж̇ааяаами, д̣̇звад̇д̇з ат̇а маанусз;
‘‘Duve bhave pajāyāmi, devatte atha mānuse;
ан̃н̃ам̣ г̇ад̇им̣ на ж̇аанаами, гид̇д̇анааяа ид̣̇ам̣ палам̣.
Aññaṃ gatiṃ na jānāmi, kittanāya idaṃ phalaṃ.
215.
215.
‘‘д̣̇увз гулз баж̇ааяаами, кад̇д̇ияз ат̇а б̣раахман̣з;
‘‘Duve kule pajāyāmi, khattiye atha brāhmaṇe;
нийжз гулз на ж̇ааяаами, гид̇д̇анааяа ид̣̇ам̣ палам̣.
Nīce kule na jāyāmi, kittanāya idaṃ phalaṃ.
216.
216.
‘‘бажчимз жа бхавз д̣̇аани, г̇ириб̣б̣аж̇абуруд̇д̇амз;
‘‘Pacchime ca bhave dāni, giribbajapuruttame;
ран̃н̃охам̣ б̣имб̣исаарасса, буд̇д̇о наамзна жаабхаяо.
Raññohaṃ bimbisārassa, putto nāmena cābhayo.
217.
217.
‘‘баабамид̇д̇авасам̣ г̇анд̇ваа, ниг̇ан̣тзна вимохид̇о;
‘‘Pāpamittavasaṃ gantvā, nigaṇṭhena vimohito;
бзсид̇о наадабуд̇д̇зна, б̣уд̣̇д̇хасздтамубзжжахам̣.
Pesito nāṭaputtena, buddhaseṭṭhamupeccahaṃ.
218.
218.
‘‘бужчид̇ваа нибун̣ам̣ бан̃хам̣, суд̇ваа б̣яаагаран̣уд̇д̇амам̣;
‘‘Pucchitvā nipuṇaṃ pañhaṃ, sutvā byākaraṇuttamaṃ;
баб̣б̣аж̇ид̇ваана нажирам̣, арахад̇д̇амабаабун̣им̣.
Pabbajitvāna naciraṃ, arahattamapāpuṇiṃ.
219.
219.
‘‘гид̇д̇аяид̇ваа ж̇инаварам̣, гид̇д̇ид̇о хоми саб̣б̣ад̣̇аа;
‘‘Kittayitvā jinavaraṃ, kittito homi sabbadā;
суг̇анд̇хад̣̇зхавад̣̇ано, аасим̣ сукасамаббид̇о.
Sugandhadehavadano, āsiṃ sukhasamappito.
220.
220.
‘‘д̇игкахаасалахубан̃н̃о, махаабан̃н̃о д̇ат̇звахам̣;
‘‘Tikkhahāsalahupañño, mahāpañño tathevahaṃ;
вижид̇д̇абадибхаано жа, д̇асса гаммасса ваахасаа.
Vicittapaṭibhāno ca, tassa kammassa vāhasā.
221.
221.
‘‘абхид̇т̇авид̇ваа бад̣̇умуд̇д̇араахам̣, басаннажид̇д̇о асамам̣ саяамбхум̣;
‘‘Abhitthavitvā padumuttarāhaṃ, pasannacitto asamaṃ sayambhuṃ;
на г̇ажчи габбаани абааяабхуумим̣, сад̇ам̣ сахассаани б̣алзна д̇асса.
Na gacchi kappāni apāyabhūmiṃ, sataṃ sahassāni balena tassa.
222.
222.
‘‘гилзсаа жхаабид̇аа маяхам̣…бз… вихараами анаасаво.
‘‘Kilesā jhāpitā mayhaṃ…pe… viharāmi anāsavo.
223.
223.
‘‘свааг̇ад̇ам̣ вад̇а мз ааси…бз… гад̇ам̣ б̣уд̣̇д̇хасса саасанам̣.
‘‘Svāgataṃ vata me āsi…pe… kataṃ buddhassa sāsanaṃ.
224.
224.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа абхаяо т̇зро имаа г̇аат̇ааяо
Itthaṃ sudaṃ āyasmā abhayo thero imā gāthāyo
абхаасид̇т̇аад̇и.
Abhāsitthāti.
абхаяад̇т̇зрассаабад̣̇аанам̣ сад̇д̇амам̣.
Abhayattherassāpadānaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 7. абхаяад̇т̇зраабад̣̇аанаван̣н̣анаа • 7. Abhayattheraapadānavaṇṇanā
