| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
7. அப⁴யத்தே²ரஅபதா³னவண்ணனா
7. Abhayattheraapadānavaṇṇanā
ஸத்தமாபதா³னே பது³முத்தரோ நாம ஜினோதிஆதி³கங் ஆயஸ்மதோ அப⁴யத்தே²ரஸ்ஸ அபதா³னங். அயம்பி புரிமஜினவரேஸு கதாதி⁴காரோ தத்த² தத்த² ப⁴வே விபட்டூபனிஸ்ஸயானி புஞ்ஞானி உபசினந்தோ பது³முத்தரஸ்ஸ ப⁴க³வதோ காலே ஹங்ஸவதீனக³ரே ப்³ராஹ்மணகுலே நிப்³ப³த்தோ. ஸோ வுத்³தி⁴மன்வாய வேத³ங்க³பாரகோ³ ஸகபரஸமயகுஸலோ ஏகதி³வஸங் ஸத்து² த⁴ம்மதே³ஸனங் ஸுத்வா பஸன்னமானஸோ ப⁴க³வந்தங் கா³தா²ஹி தோ²மேஸி. ஸோ தத்த² யாவதாயுகங் ட²த்வா புஞ்ஞானி கத்வா ததோ சுதோ தே³வலோகே நிப்³ப³த்தோ அபராபரங் ஸுக³தீஸுயேவங் ஸங்ஸரந்தோ இமஸ்மிங் பு³த்³து⁴ப்பாதே³ ராஜக³ஹே பி³ம்பி³ஸாரரஞ்ஞோ புத்தோ ஹுத்வா நிப்³ப³த்தி, அப⁴யோத்வேவஸ்ஸ நாமங் கரிங்ஸு. ஸோ வயப்பத்தோ நிக³ண்டே²ஹி ஸத்³தி⁴ங் விஸ்ஸாஸிகோ ஹுத்வா சரந்தோ ஏகதி³வஸங் நிக³ண்டே²ன நாடபுத்தேன ஸத்து² வாதா³ரோபனத்தா²ய பேஸிதோ நிபுணபஞ்ஹங் புச்சி²த்வா நிபுணப்³யாகரணங் ஸுத்வா பஸன்னோ ஸத்து² ஸந்திகே பப்³ப³ஜித்வா கம்மட்டா²னானுரூபங் ஞாணங் பேஸெத்வா நசிரஸ்ஸேவ அரஹத்தங் பாபுணி.
Sattamāpadāne padumuttaro nāma jinotiādikaṃ āyasmato abhayattherassa apadānaṃ. Ayampi purimajinavaresu katādhikāro tattha tattha bhave vipaṭṭūpanissayāni puññāni upacinanto padumuttarassa bhagavato kāle haṃsavatīnagare brāhmaṇakule nibbatto. So vuddhimanvāya vedaṅgapārago sakaparasamayakusalo ekadivasaṃ satthu dhammadesanaṃ sutvā pasannamānaso bhagavantaṃ gāthāhi thomesi. So tattha yāvatāyukaṃ ṭhatvā puññāni katvā tato cuto devaloke nibbatto aparāparaṃ sugatīsuyevaṃ saṃsaranto imasmiṃ buddhuppāde rājagahe bimbisārarañño putto hutvā nibbatti, abhayotvevassa nāmaṃ kariṃsu. So vayappatto nigaṇṭhehi saddhiṃ vissāsiko hutvā caranto ekadivasaṃ nigaṇṭhena nāṭaputtena satthu vādāropanatthāya pesito nipuṇapañhaṃ pucchitvā nipuṇabyākaraṇaṃ sutvā pasanno satthu santike pabbajitvā kammaṭṭhānānurūpaṃ ñāṇaṃ pesetvā nacirasseva arahattaṃ pāpuṇi.
195. ஸோ அரஹத்தங் பத்வா அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ பது³முத்தரோ நாம ஜினோதிஆதி³மாஹ. தங் ஸப்³ப³ங் ஸுவிஞ்ஞெய்யமேவாதி.
195. So arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ suviññeyyamevāti.
அப⁴யத்தே²ரஅபதா³னவண்ணனா ஸமத்தா.
Abhayattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 7. அப⁴யத்தே²ரஅபதா³னங் • 7. Abhayattheraapadānaṃ
