| Library / Tipiṭaka / තිපිටක • Tipiṭaka / අපදාන-අට්‌ඨකථා • Apadāna-aṭṭhakathā |
7. අභයත්‌ථෙරඅපදානවණ්‌ණනා
7. Abhayattheraapadānavaṇṇanā
සත්‌තමාපදානෙ පදුමුත්‌තරො නාම ජිනොතිආදිකං ආයස්‌මතො අභයත්‌ථෙරස්‌ස අපදානං. අයම්‌පි පුරිමජිනවරෙසු කතාධිකාරො තත්‌ථ තත්‌ථ භවෙ විපට්‌ටූපනිස්‌සයානි පුඤ්‌ඤානි උපචිනන්‌තො පදුමුත්‌තරස්‌ස භගවතො කාලෙ හංසවතීනගරෙ බ්‍රාහ්‌මණකුලෙ නිබ්‌බත්‌තො. සො වුද්‌ධිමන්‌වාය වෙදඞ්‌ගපාරගො සකපරසමයකුසලො එකදිවසං සත්‌ථු ධම්‌මදෙසනං සුත්‌වා පසන්‌නමානසො භගවන්‌තං ගාථාහි ථොමෙසි. සො තත්‌ථ යාවතායුකං ඨත්‌වා පුඤ්‌ඤානි කත්‌වා තතො චුතො දෙවලොකෙ නිබ්‌බත්‌තො අපරාපරං සුගතීසුයෙවං සංසරන්‌තො ඉමස්‌මිං බුද්‌ධුප්‌පාදෙ රාජගහෙ බිම්‌බිසාරරඤ්‌ඤො පුත්‌තො හුත්‌වා නිබ්‌බත්‌ති, අභයොත්‌වෙවස්‌ස නාමං කරිංසු. සො වයප්‌පත්‌තො නිගණ්‌ඨෙහි සද්‌ධිං විස්‌සාසිකො හුත්‌වා චරන්‌තො එකදිවසං නිගණ්‌ඨෙන නාටපුත්‌තෙන සත්‌ථු වාදාරොපනත්‌ථාය පෙසිතො නිපුණපඤ්‌හං පුච්‌ඡිත්‌වා නිපුණබ්‍යාකරණං සුත්‌වා පසන්‌නො සත්‌ථු සන්‌තිකෙ පබ්‌බජිත්‌වා කම්‌මට්‌ඨානානුරූපං ඤාණං පෙසෙත්‌වා නචිරස්‌සෙව අරහත්‌තං පාපුණි.
Sattamāpadāne padumuttaro nāma jinotiādikaṃ āyasmato abhayattherassa apadānaṃ. Ayampi purimajinavaresu katādhikāro tattha tattha bhave vipaṭṭūpanissayāni puññāni upacinanto padumuttarassa bhagavato kāle haṃsavatīnagare brāhmaṇakule nibbatto. So vuddhimanvāya vedaṅgapārago sakaparasamayakusalo ekadivasaṃ satthu dhammadesanaṃ sutvā pasannamānaso bhagavantaṃ gāthāhi thomesi. So tattha yāvatāyukaṃ ṭhatvā puññāni katvā tato cuto devaloke nibbatto aparāparaṃ sugatīsuyevaṃ saṃsaranto imasmiṃ buddhuppāde rājagahe bimbisārarañño putto hutvā nibbatti, abhayotvevassa nāmaṃ kariṃsu. So vayappatto nigaṇṭhehi saddhiṃ vissāsiko hutvā caranto ekadivasaṃ nigaṇṭhena nāṭaputtena satthu vādāropanatthāya pesito nipuṇapañhaṃ pucchitvā nipuṇabyākaraṇaṃ sutvā pasanno satthu santike pabbajitvā kammaṭṭhānānurūpaṃ ñāṇaṃ pesetvā nacirasseva arahattaṃ pāpuṇi.
195. සො අරහත්‌තං පත්‌වා අත්‌තනො පුබ්‌බකම්‌මං සරිත්‌වා සොමනස්‌සජාතො පුබ්‌බචරිතාපදානං පකාසෙන්‌තො පදුමුත්‌තරො නාම ජිනොතිආදිමාහ. තං සබ්‌බං සුවිඤ්‌ඤෙය්‍යමෙවාති.
195. So arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ suviññeyyamevāti.
අභයත්‌ථෙරඅපදානවණ්‌ණනා සමත්‌තා.
Abhayattheraapadānavaṇṇanā samattā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / අපදානපාළි • Apadānapāḷi / 7. අභයත්‌ථෙරඅපදානං • 7. Abhayattheraapadānaṃ
