| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੮. ਅਭੇਜ੍ਜਪਰਿਸਪਞ੍ਹੋ
8. Abhejjaparisapañho
੮. ‘‘ਭਨ੍ਤੇ ਨਾਗਸੇਨ, ਤੁਮ੍ਹੇ ਭਣਥ ‘ਤਥਾਗਤੋ ਅਭੇਜ੍ਜਪਰਿਸੋ’ਤਿ, ਪੁਨ ਚ ਭਣਥ ‘ਦੇવਦਤ੍ਤੇਨ ਏਕਪ੍ਪਹਾਰਂ ਪਞ੍ਚ ਭਿਕ੍ਖੁਸਤਾਨਿ ਭਿਨ੍ਨਾਨੀ’ਤਿ। ਯਦਿ, ਭਨ੍ਤੇ ਨਾਗਸੇਨ, ਤਥਾਗਤੋ ਅਭੇਜ੍ਜਪਰਿਸੋ, ਤੇਨ ਹਿ ਦੇવਦਤ੍ਤੇਨ ਏਕਪ੍ਪਹਾਰਂ ਪਞ੍ਚ ਭਿਕ੍ਖੁਸਤਾਨਿ ਭਿਨ੍ਨਾਨੀਤਿ ਯਂ વਚਨਂ, ਤਂ ਮਿਚ੍ਛਾ। ਯਦਿ ਦੇવਦਤ੍ਤੇਨ ਏਕਪ੍ਪਹਾਰਂ ਪਞ੍ਚ ਭਿਕ੍ਖੁਸਤਾਨਿ ਭਿਨ੍ਨਾਨਿ, ਤੇਨ ਹਿ ‘ਤਥਾਗਤੋ ਅਭੇਜ੍ਜਪਰਿਸੋ’ਤਿ ਤਮ੍ਪਿ વਚਨਂ ਮਿਚ੍ਛਾ। ਅਯਮ੍ਪਿ ਉਭਤੋ ਕੋਟਿਕੋ ਪਞ੍ਹੋ ਤવਾਨੁਪ੍ਪਤ੍ਤੋ, ਗਮ੍ਭੀਰੋ ਦੁਨ੍ਨਿવੇਠਿਯੋ, ਗਣ੍ਠਿਤੋਪਿ ਗਣ੍ਠਿਤਰੋ, ਏਤ੍ਥਾਯਂ ਜਨੋ ਆવਟੋ ਨਿવੁਤੋ ਓવੁਤੋ ਪਿਹਿਤੋ ਪਰਿਯੋਨਦ੍ਧੋ, ਏਤ੍ਥ ਤવ ਞਾਣਬਲਂ ਦਸ੍ਸੇਹਿ ਪਰવਾਦੇਸੂ’’ਤਿ।
8. ‘‘Bhante nāgasena, tumhe bhaṇatha ‘tathāgato abhejjapariso’ti, puna ca bhaṇatha ‘devadattena ekappahāraṃ pañca bhikkhusatāni bhinnānī’ti. Yadi, bhante nāgasena, tathāgato abhejjapariso, tena hi devadattena ekappahāraṃ pañca bhikkhusatāni bhinnānīti yaṃ vacanaṃ, taṃ micchā. Yadi devadattena ekappahāraṃ pañca bhikkhusatāni bhinnāni, tena hi ‘tathāgato abhejjapariso’ti tampi vacanaṃ micchā. Ayampi ubhato koṭiko pañho tavānuppatto, gambhīro dunniveṭhiyo, gaṇṭhitopi gaṇṭhitaro, etthāyaṃ jano āvaṭo nivuto ovuto pihito pariyonaddho, ettha tava ñāṇabalaṃ dassehi paravādesū’’ti.
‘‘ਅਭੇਜ੍ਜਪਰਿਸੋ, ਮਹਾਰਾਜ, ਤਥਾਗਤੋ, ਦੇવਦਤ੍ਤੇਨ ਚ ਏਕਪ੍ਪਹਾਰਂ ਪਞ੍ਚ ਭਿਕ੍ਖੁਸਤਾਨਿ ਭਿਨ੍ਨਾਨਿ, ਤਞ੍ਚ ਪਨ ਭੇਦਕਸ੍ਸ ਬਲੇਨ, ਭੇਦਕੇ વਿਜ੍ਜਮਾਨੇ ਨਤ੍ਥਿ, ਮਹਾਰਾਜ, ਅਭੇਜ੍ਜਂ ਨਾਮ। ਭੇਦਕੇ ਸਤਿ ਮਾਤਾਪਿ ਪੁਤ੍ਤੇਨ ਭਿਜ੍ਜਤਿ, ਪੁਤ੍ਤੋਪਿ ਮਾਤਰਾ ਭਿਜ੍ਜਤਿ, ਪਿਤਾਪਿ ਪੁਤ੍ਤੇਨ ਭਿਜ੍ਜਤਿ, ਪੁਤ੍ਤੋਪਿ ਪਿਤਰਾ ਭਿਜ੍ਜਤਿ, ਭਾਤਾਪਿ ਭਗਿਨਿਯਾ ਭਿਜ੍ਜਤਿ, ਭਗਿਨੀਪਿ ਭਾਤਰਾ ਭਿਜ੍ਜਤਿ, ਸਹਾਯੋਪਿ ਸਹਾਯੇਨ ਭਿਜ੍ਜਤਿ, ਨਾવਾਪਿ ਨਾਨਾਦਾਰੁਸਙ੍ਘਟਿਤਾ ਊਮਿવੇਗਸਮ੍ਪਹਾਰੇਨ ਭਿਜ੍ਜਤਿ, ਰੁਕ੍ਖੋਪਿ ਮਧੁਕਪ੍ਪਸਮ੍ਪਨ੍ਨਫਲੋ ਅਨਿਲਬਲવੇਗਾਭਿਹਤੋ ਭਿਜ੍ਜਤਿ, ਸੁવਣ੍ਣਮ੍ਪਿ ਜਾਤਿਮਨ੍ਤਂ 1 ਲੋਹੇਨ ਭਿਜ੍ਜਤਿ। ਅਪਿ ਚ, ਮਹਾਰਾਜ, ਨੇਸੋ ਅਧਿਪ੍ਪਾਯੋ વਿਞ੍ਞੂਨਂ, ਨੇਸਾ ਬੁਦ੍ਧਾਨਂ ਅਧਿਮੁਤ੍ਤਿ, ਨੇਸੋ ਪਣ੍ਡਿਤਾਨਂ ਛਨ੍ਦੋ ‘ਤਥਾਗਤੋ ਭੇਜ੍ਜਪਰਿਸੋ’ਤਿ। ਅਪਿ ਚੇਤ੍ਥ ਕਾਰਣਂ ਅਤ੍ਥਿ, ਯੇਨ ਕਾਰਣੇਨ ਤਥਾਗਤੋ વੁਚ੍ਚਤਿ ‘ਅਭੇਜ੍ਜਪਰਿਸੋ’ਤਿ। ਕਤਮਂ ਏਤ੍ਥ ਕਾਰਣਂ? ਤਥਾਗਤਸ੍ਸ, ਮਹਾਰਾਜ, ਕਤੇਨ ਅਦਾਨੇਨ વਾ ਅਪ੍ਪਿਯવਚਨੇਨ વਾ ਅਨਤ੍ਥਚਰਿਯਾਯ વਾ ਅਸਮਾਨਤ੍ਤਤਾਯ વਾ ਯਤੋ ਕੁਤੋਚਿ ਚਰਿਯਂ ਚਰਨ੍ਤਸ੍ਸਪਿ ਪਰਿਸਾ ਭਿਨ੍ਨਾਤਿ ਨ ਸੁਤਪੁਬ੍ਬਂ, ਤੇਨ ਕਾਰਣੇਨ ਤਥਾਗਤੋ વੁਚ੍ਚਤਿ ‘ਅਭੇਜ੍ਜਪਰਿਸੋ’ਤਿ। ਤਯਾਪੇਤਂ, ਮਹਾਰਾਜ, ਞਾਤਬ੍ਬਂ ‘ਅਤ੍ਥਿ ਕਿਞ੍ਚਿ ਨવਙ੍ਗੇ ਬੁਦ੍ਧવਚਨੇ ਸੁਤ੍ਤਾਗਤਂ, ਇਮਿਨਾ ਨਾਮ ਕਾਰਣੇਨ ਬੋਧਿਸਤ੍ਤਸ੍ਸ ਕਤੇਨ ਤਥਾਗਤਸ੍ਸ ਪਰਿਸਾ ਭਿਨ੍ਨਾ’ਤਿ? ‘‘ਨਤ੍ਥਿ ਭਨ੍ਤੇ, ਨੋ ਚੇਤਂ ਲੋਕੇ ਦਿਸ੍ਸਤਿ ਨੋਪਿ ਸੁਯ੍ਯਤਿ। ਸਾਧੁ, ਭਨ੍ਤੇ ਨਾਗਸੇਨ, ਏવਮੇਤਂ ਤਥਾ ਸਮ੍ਪਟਿਚ੍ਛਾਮੀ’’ਤਿ।
‘‘Abhejjapariso, mahārāja, tathāgato, devadattena ca ekappahāraṃ pañca bhikkhusatāni bhinnāni, tañca pana bhedakassa balena, bhedake vijjamāne natthi, mahārāja, abhejjaṃ nāma. Bhedake sati mātāpi puttena bhijjati, puttopi mātarā bhijjati, pitāpi puttena bhijjati, puttopi pitarā bhijjati, bhātāpi bhaginiyā bhijjati, bhaginīpi bhātarā bhijjati, sahāyopi sahāyena bhijjati, nāvāpi nānādārusaṅghaṭitā ūmivegasampahārena bhijjati, rukkhopi madhukappasampannaphalo anilabalavegābhihato bhijjati, suvaṇṇampi jātimantaṃ 2 lohena bhijjati. Api ca, mahārāja, neso adhippāyo viññūnaṃ, nesā buddhānaṃ adhimutti, neso paṇḍitānaṃ chando ‘tathāgato bhejjapariso’ti. Api cettha kāraṇaṃ atthi, yena kāraṇena tathāgato vuccati ‘abhejjapariso’ti. Katamaṃ ettha kāraṇaṃ? Tathāgatassa, mahārāja, katena adānena vā appiyavacanena vā anatthacariyāya vā asamānattatāya vā yato kutoci cariyaṃ carantassapi parisā bhinnāti na sutapubbaṃ, tena kāraṇena tathāgato vuccati ‘abhejjapariso’ti. Tayāpetaṃ, mahārāja, ñātabbaṃ ‘atthi kiñci navaṅge buddhavacane suttāgataṃ, iminā nāma kāraṇena bodhisattassa katena tathāgatassa parisā bhinnā’ti? ‘‘Natthi bhante, no cetaṃ loke dissati nopi suyyati. Sādhu, bhante nāgasena, evametaṃ tathā sampaṭicchāmī’’ti.
ਅਭੇਜ੍ਜਪਰਿਸਪਞ੍ਹੋ ਅਟ੍ਠਮੋ।
Abhejjaparisapañho aṭṭhamo.
ਅਭੇਜ੍ਜવਗ੍ਗੋ ਦੁਤਿਯੋ।
Abhejjavaggo dutiyo.
ਇਮਸ੍ਮਿਂ વਗ੍ਗੇ ਅਟ੍ਠ ਪਞ੍ਹਾ।
Imasmiṃ vagge aṭṭha pañhā.
Footnotes:
