| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
абхибхааяад̇анагат̇ааван̣н̣анаа
Abhibhāyatanakathāvaṇṇanā
204. ан̃н̃амбийд̇и гзвалам̣ гасин̣ааяад̇анасан̇каад̇амзва ахуд̇ваа абхибхааяад̇анасан̇каад̇амби бавад̇д̇ад̇ийд̇и сад̇иби абхибхааяад̇анаанам̣ гасин̣ааяад̇анад̇д̇з гасин̣ааяад̇анабхаавад̇о ан̃н̃о абхибхааяад̇анабхааво гасин̣анимид̇д̇аабхибхаванагабхааванаанимид̇д̇анаанад̇д̇ад̇од̇и д̣̇ассзд̇и. д̇ад̇т̇а абхибхавад̇ийд̇и абхибху, баригаммам̣, н̃аан̣ам̣ ваа. абхибху ааяад̇анам̣ зд̇ассаад̇и абхибхааяад̇анам̣, жхаанам̣. абхибхавид̇аб̣б̣ам̣ ваа аарамман̣асан̇каад̇ам̣ ааяад̇анам̣ зд̇ассаад̇и абхибхааяад̇анам̣, жхаанам̣. аарамман̣аабхибхаванад̇о абхибху жа д̇ам̣ ааяад̇анан̃жа яог̇ино сукависзсаанам̣ ад̇хидтаанабхаавад̇о манааяад̇анад̇хаммааяад̇анабхаавад̇о жаад̇иби сасамбаяуд̇д̇ам̣ жхаанам̣ абхибхааяад̇анам̣. маг̇г̇аббадиб̣ад̣̇д̇хад̇ааяа д̇ад̣̇аа самаабад̇д̇ид̇о вудтид̇асса аабхог̇о буб̣б̣абхааг̇абхааванаавасзна жхаанагкан̣з бавад̇д̇ам̣ абхибхаванаагаарам̣ г̇ахзд̇ваа бавад̇д̇о вуд̇д̇од̇и д̣̇адтаб̣б̣о. ааг̇амзсу бана ‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани. аббамаан̣аани суван̣н̣ад̣̇уб̣б̣ан̣н̣аани. аж̇жхад̇д̇ам̣ аруубасан̃н̃ий зго…бз… барид̇д̇аани суван̣н̣ад̣̇уб̣б̣ан̣н̣аани. аббамаан̣аани суван̣н̣ад̣̇уб̣б̣ан̣н̣ааний’’д̇и (д̣̇ий. ни. 2.173; ма. ни. 2.249; а. ни. 8.65) имзсам̣ жад̇уннам̣ абхибхааяад̇анаанам̣ ааг̇ад̇ад̇д̇аа ааг̇амадтагат̇аасу (д̣̇ий. ни. адта. 2.173; ма. ни. адта. 2. 249-250; а. ни. адта. 3.8.65) ‘‘ван̣н̣авасзна аабхог̇з виж̇ж̇амаанзби барид̇д̇ааббамаан̣авасзнзва имаани абхибхааяад̇анаани д̣̇зсид̇ааний’’д̇и вуд̇д̇ам̣. барид̇д̇ааббамаан̣ад̇аа хи абхибхаванасса гааран̣ам̣ ван̣н̣аабхог̇з сад̇иби асад̇иби. д̇ад̇т̇а жа ван̣н̣аабхог̇арахид̇аани сахид̇аани жа саб̣б̣аани барид̇д̇аани ‘‘суван̣н̣ад̣̇уб̣б̣ан̣н̣ааний’’д̇и вуд̇д̇аани, д̇ат̇аа аббамаан̣аанийд̇и д̣̇адтаб̣б̣аани. ад̇т̇и хи зсо барияааяо барид̇д̇аани абхибхуяяа д̇аани жз гад̣̇аажи ван̣н̣авасзна аабхуж̇ид̇аани хонд̇и суван̣н̣ад̣̇уб̣б̣ан̣н̣аани абхибхуяяаад̇и. ид̇ха бана ниббарияааяад̣̇зсанад̇д̇аа ван̣н̣аабхог̇арахид̇аани висум̣ вуд̇д̇аани сахид̇аани жа. ад̇т̇и хи убхаяад̇т̇а абхибхаванависзсод̇и.
204. Aññampīti kevalaṃ kasiṇāyatanasaṅkhātameva ahutvā abhibhāyatanasaṅkhātampi pavattatīti satipi abhibhāyatanānaṃ kasiṇāyatanatte kasiṇāyatanabhāvato añño abhibhāyatanabhāvo kasiṇanimittābhibhavanakabhāvanānimittanānattatoti dasseti. Tattha abhibhavatīti abhibhu, parikammaṃ, ñāṇaṃ vā. Abhibhu āyatanaṃ etassāti abhibhāyatanaṃ, jhānaṃ. Abhibhavitabbaṃ vā ārammaṇasaṅkhātaṃ āyatanaṃ etassāti abhibhāyatanaṃ, jhānaṃ. Ārammaṇābhibhavanato abhibhu ca taṃ āyatanañca yogino sukhavisesānaṃ adhiṭṭhānabhāvato manāyatanadhammāyatanabhāvato cātipi sasampayuttaṃ jhānaṃ abhibhāyatanaṃ. Maggappaṭibaddhatāya tadā samāpattito vuṭṭhitassa ābhogo pubbabhāgabhāvanāvasena jhānakkhaṇe pavattaṃ abhibhavanākāraṃ gahetvā pavatto vuttoti daṭṭhabbo. Āgamesu pana ‘‘ajjhattaṃ rūpasaññī eko bahiddhā rūpāni passati parittāni suvaṇṇadubbaṇṇāni. Appamāṇāni suvaṇṇadubbaṇṇāni. Ajjhattaṃ arūpasaññī eko…pe… parittāni suvaṇṇadubbaṇṇāni. Appamāṇāni suvaṇṇadubbaṇṇānī’’ti (dī. ni. 2.173; ma. ni. 2.249; a. ni. 8.65) imesaṃ catunnaṃ abhibhāyatanānaṃ āgatattā āgamaṭṭhakathāsu (dī. ni. aṭṭha. 2.173; ma. ni. aṭṭha. 2. 249-250; a. ni. aṭṭha. 3.8.65) ‘‘vaṇṇavasena ābhoge vijjamānepi parittaappamāṇavaseneva imāni abhibhāyatanāni desitānī’’ti vuttaṃ. Parittaappamāṇatā hi abhibhavanassa kāraṇaṃ vaṇṇābhoge satipi asatipi. Tattha ca vaṇṇābhogarahitāni sahitāni ca sabbāni parittāni ‘‘suvaṇṇadubbaṇṇānī’’ti vuttāni, tathā appamāṇānīti daṭṭhabbāni. Atthi hi eso pariyāyo parittāni abhibhuyya tāni ce kadāci vaṇṇavasena ābhujitāni honti suvaṇṇadubbaṇṇāni abhibhuyyāti. Idha pana nippariyāyadesanattā vaṇṇābhogarahitāni visuṃ vuttāni sahitāni ca. Atthi hi ubhayattha abhibhavanavisesoti.
д̇ад̇т̇а жа барияааяад̣̇зсанад̇д̇аа вимогкаанамби абхибхаванабарияааяо ад̇т̇ийд̇и ‘‘аж̇жхад̇д̇ам̣ руубасан̃н̃ий’’д̇и абхибхааяад̇анад̣̇ваяам̣ вуд̇д̇ам̣, д̇ад̇ияажад̇уд̇т̇аабхибхааяад̇анзсу д̣̇уд̇ияавимогко ван̣н̣аабхибхааяад̇анзсу д̇ад̇ияавимогко жа абхибхаванаббавад̇д̇ид̇о сан̇г̇ахид̇о, ид̇ха бана ниббарияааяад̣̇зсанад̇д̇аа вимогкаабхибхааяад̇анаани асан̇гарад̇о д̣̇ассзд̇ум̣ вимогкз важ̇ж̇зд̇ваа абхибхааяад̇анаани гат̇ид̇аани. саб̣б̣аани жа вимогкагижжаани вимогкад̣̇зсанааяа вуд̇д̇аани, д̇ад̣̇зд̇ам̣ ‘‘аж̇жхад̇д̇ам̣ руубасан̃н̃ий’’д̇и ааг̇ад̇асса абхибхааяад̇анад̣̇ваяасса абхибхааяад̇анзсу аважанад̇о ‘‘руубий руубаани бассад̇ий’’д̇иаад̣̇ийнан̃жа саб̣б̣авимогкагижжасаад̇хааран̣аважанабхаавад̇о вавад̇т̇аанам̣ гад̇анд̇и вин̃н̃ааяад̇и.
Tattha ca pariyāyadesanattā vimokkhānampi abhibhavanapariyāyo atthīti ‘‘ajjhattaṃ rūpasaññī’’ti abhibhāyatanadvayaṃ vuttaṃ, tatiyacatutthaabhibhāyatanesu dutiyavimokkho vaṇṇābhibhāyatanesu tatiyavimokkho ca abhibhavanappavattito saṅgahito, idha pana nippariyāyadesanattā vimokkhābhibhāyatanāni asaṅkarato dassetuṃ vimokkhe vajjetvā abhibhāyatanāni kathitāni. Sabbāni ca vimokkhakiccāni vimokkhadesanāya vuttāni, tadetaṃ ‘‘ajjhattaṃ rūpasaññī’’ti āgatassa abhibhāyatanadvayassa abhibhāyatanesu avacanato ‘‘rūpī rūpāni passatī’’tiādīnañca sabbavimokkhakiccasādhāraṇavacanabhāvato vavatthānaṃ katanti viññāyati.
аж̇жхад̇д̇аруубаанам̣ анабхибхаванийяад̇од̇и ид̣̇ам̣ гад̇т̇ажиби ‘‘аж̇жхад̇д̇ам̣ руубаани бассад̇ий’’д̇и авад̇ваа саб̣б̣ад̇т̇а яам̣ вуд̇д̇ам̣ ‘‘б̣ахид̣̇д̇хаа руубаани бассад̇ий’’д̇и, д̇асса гааран̣аважанам̣. д̇зна яам̣ ан̃н̃ахзд̇угам̣, д̇ам̣ д̇зна хзд̇унаа вуд̇д̇ам̣. яам̣ бана д̣̇зсанаавилаасахзд̇угам̣ аж̇жхад̇д̇ам̣ аруубасан̃н̃ид̇ааяа зва ид̇ха важанам̣, на д̇асса ан̃н̃ам̣ гааран̣ам̣ маг̇г̇ид̇аб̣б̣анд̇и д̣̇ассзд̇и. аж̇жхад̇д̇аруубаанам̣ анабхибхаванийяад̇аа жа б̣ахид̣̇д̇хааруубаанам̣ вияа авибхууд̇ад̇д̇аа, д̣̇зсанаавилаасо жа яат̇аавуд̇д̇ававад̇т̇аанавасзна взд̣̇ид̇аб̣б̣о. суван̣н̣ад̣̇уб̣б̣ан̣н̣аанийд̇и зд̇знзва сид̣̇д̇хад̇д̇аа нийлаад̣̇иабхибхааяад̇анаани на вад̇д̇аб̣б̣аанийд̇и жз? на, нийлаад̣̇ийсу гад̇аад̇хигаараанам̣ нийлаад̣̇ибхаавассзва абхибхаванагааран̣ад̇д̇аа. на хи д̇зсам̣ барисуд̣̇д̇хаабарисуд̣̇д̇хаван̣н̣абарид̇д̇ад̇аа д̇ад̣̇аббамаан̣ад̇аа ваа абхибхаванагааран̣ам̣, ат̇а ко нийлаад̣̇ибхааво зваад̇и.
Ajjhattarūpānaṃ anabhibhavanīyatoti idaṃ katthacipi ‘‘ajjhattaṃ rūpāni passatī’’ti avatvā sabbattha yaṃ vuttaṃ ‘‘bahiddhā rūpāni passatī’’ti, tassa kāraṇavacanaṃ. Tena yaṃ aññahetukaṃ, taṃ tena hetunā vuttaṃ. Yaṃ pana desanāvilāsahetukaṃ ajjhattaṃ arūpasaññitāya eva idha vacanaṃ, na tassa aññaṃ kāraṇaṃ maggitabbanti dasseti. Ajjhattarūpānaṃ anabhibhavanīyatā ca bahiddhārūpānaṃ viya avibhūtattā, desanāvilāso ca yathāvuttavavatthānavasena veditabbo. Suvaṇṇadubbaṇṇānīti eteneva siddhattā nīlādiabhibhāyatanāni na vattabbānīti ce? Na, nīlādīsu katādhikārānaṃ nīlādibhāvasseva abhibhavanakāraṇattā. Na hi tesaṃ parisuddhāparisuddhavaṇṇaparittatā tadappamāṇatā vā abhibhavanakāraṇaṃ, atha kho nīlādibhāvo evāti.
абхибхааяад̇анагат̇ааван̣н̣анаа нидтид̇аа.
Abhibhāyatanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / абхибхааяад̇анагат̇аа • Abhibhāyatanakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / абхибхааяад̇анагат̇ааван̣н̣анаа • Abhibhāyatanakathāvaṇṇanā
