| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
13. абхибхууд̇ад̇т̇зраг̇аат̇ааван̣н̣анаа
13. Abhibhūtattheragāthāvaṇṇanā
сун̣аат̇а н̃аад̇аяо саб̣б̣зд̇и ааяасмад̇о абхибхууд̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о взссабхусса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о д̇аад̣̇исзна галяаан̣амид̇д̇асанниссаязна саасанз абхиббасанно ахоси. со сад̇т̇ари бариниб̣б̣уд̇з д̇асса д̇хаад̇ум̣ г̇ахзд̇ум̣ махааж̇анз уссаахам̣ гаронд̇з саяам̣ саб̣б̣абатамам̣ г̇анд̇ход̣̇агзна жид̇агам̣ ниб̣б̣аабзси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з взтабуранаг̇арз рааж̇агулз ниб̣б̣ад̇д̇ид̇ваа абхибхууд̇од̇и лад̣̇д̇ханаамо бид̇у ажжаязна раж̇ж̇ам̣ гаарзд̇и. д̇асмин̃жа самаяз бхаг̇аваа ж̇анабад̣̇ажааригам̣ жаранд̇о анубуб̣б̣зна д̇ам̣ наг̇арам̣ баабун̣и. д̇ад̇о со рааж̇аа ‘‘бхаг̇аваа гира мама наг̇арам̣ ануббад̇д̇о’’д̇и суд̇ваа сад̇т̇у санд̇игам̣ г̇анд̇ваа д̇хаммам̣ суд̇ваа д̣̇уд̇ияад̣̇ивасз махаад̣̇аанам̣ бавад̇д̇зси. бхаг̇аваа бхуд̇д̇аавий д̇асса ран̃н̃о аж̇жхаасаяаануруубам̣ анумод̣̇анам̣ гаронд̇оязва вид̇т̇аарад̇о д̇хаммам̣ д̣̇зсзси. со д̇хаммам̣ суд̇ваа лад̣̇д̇хаббасаад̣̇о раж̇ж̇ам̣ бахааяа баб̣б̣аж̇ид̇ваа арахад̇д̇ам̣ сажчаагааси. д̇зна вуд̇д̇ам̣ абад̣̇аанз (аба. т̇зра 2.47.11-15) –
Suṇāthañātayo sabbeti āyasmato abhibhūtattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto vessabhussa bhagavato kāle kulagehe nibbattitvā viññutaṃ patto tādisena kalyāṇamittasannissayena sāsane abhippasanno ahosi. So satthari parinibbute tassa dhātuṃ gahetuṃ mahājane ussāhaṃ karonte sayaṃ sabbapaṭhamaṃ gandhodakena citakaṃ nibbāpesi. So tena puññakammena devamanussesu saṃsaranto imasmiṃ buddhuppāde veṭhapuranagare rājakule nibbattitvā abhibhūtoti laddhanāmo pitu accayena rajjaṃ kāreti. Tasmiñca samaye bhagavā janapadacārikaṃ caranto anupubbena taṃ nagaraṃ pāpuṇi. Tato so rājā ‘‘bhagavā kira mama nagaraṃ anuppatto’’ti sutvā satthu santikaṃ gantvā dhammaṃ sutvā dutiyadivase mahādānaṃ pavattesi. Bhagavā bhuttāvī tassa rañño ajjhāsayānurūpaṃ anumodanaṃ karontoyeva vitthārato dhammaṃ desesi. So dhammaṃ sutvā laddhappasādo rajjaṃ pahāya pabbajitvā arahattaṃ sacchākāsi. Tena vuttaṃ apadāne (apa. thera 2.47.11-15) –
‘‘д̣̇аяхамаанз сарийрамхи, взссабхусса махзсино;
‘‘Dayhamāne sarīramhi, vessabhussa mahesino;
г̇анд̇ход̣̇агам̣ г̇ахзд̇ваана, жид̇ам̣ ниб̣б̣аабаяим̣ ахам̣.
Gandhodakaṃ gahetvāna, citaṃ nibbāpayiṃ ahaṃ.
‘‘згад̇им̣сз ид̇о габбз, жид̇ам̣ ниб̣б̣аабаяим̣ ахам̣;
‘‘Ekatiṃse ito kappe, citaṃ nibbāpayiṃ ahaṃ;
д̣̇уг̇г̇ад̇им̣ наабхиж̇аанаами, г̇анд̇ход̣̇агассид̣̇ам̣ палам̣.
Duggatiṃ nābhijānāmi, gandhodakassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа вимуд̇д̇исукзна вихаранд̇з д̇асмим̣ д̇асса н̃аад̇агаа амажжаа баарисаж̇ж̇аа нааг̇араа ж̇аанабад̣̇аад̇и саб̣б̣з самааг̇анд̇ваа, ‘‘бханд̇з, гасмаа д̇вам̣ амхз анаат̇з гад̇ваа баб̣б̣аж̇ид̇о’’д̇и барид̣̇звим̣су. т̇зро д̇з н̃аад̇ибамукз мануссз барид̣̇званд̇з д̣̇исваа д̇зсам̣ ад̇д̇ано баб̣б̣аж̇ж̇агааран̣авибхааванамукзна д̇хаммам̣ гат̇знд̇о –
Arahattaṃ pana patvā vimuttisukhena viharante tasmiṃ tassa ñātakā amaccā pārisajjā nāgarā jānapadāti sabbe samāgantvā, ‘‘bhante, kasmā tvaṃ amhe anāthe katvā pabbajito’’ti parideviṃsu. Thero te ñātipamukhe manusse paridevante disvā tesaṃ attano pabbajjakāraṇavibhāvanamukhena dhammaṃ kathento –
255.
255.
‘‘сун̣аат̇а н̃аад̇аяо саб̣б̣з, яааванд̇зд̇т̇а самааг̇ад̇аа;
‘‘Suṇātha ñātayo sabbe, yāvantettha samāgatā;
д̇хаммам̣ во д̣̇зсаяиссаами, д̣̇угкаа ж̇аад̇и бунаббунам̣.
Dhammaṃ vo desayissāmi, dukkhā jāti punappunaṃ.
256.
256.
‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз;
‘‘Ārambhatha nikkamatha, yuñjatha buddhasāsane;
д̇хунаат̇а мажжуно сзнам̣, нал̣ааг̇аарам̣ва гун̃ж̇аро.
Dhunātha maccuno senaṃ, naḷāgāraṃva kuñjaro.
257.
257.
‘‘яо имасмим̣ д̇хаммавинаяз, аббамад̇д̇о вихассад̇и;
‘‘Yo imasmiṃ dhammavinaye, appamatto vihassati;
бахааяа ж̇аад̇исам̣саарам̣, д̣̇угкассанд̇ам̣ гариссад̇ий’’д̇и. – д̇иссо г̇аат̇аа абхааси;
Pahāya jātisaṃsāraṃ, dukkhassantaṃ karissatī’’ti. – tisso gāthā abhāsi;
д̇ад̇т̇а сун̣аат̇аад̇и нисаамзт̇а, ид̣̇аани маяаа вужжамаанам̣ охид̇асод̇аа сод̇ад̣̇ваараанусаарзна убад̇хаарзт̇аад̇и ад̇т̇о. н̃аад̇аяод̇и н̃аад̇ий бамукз гад̇ваа д̇зсам̣ саб̣б̣зсам̣ аалабанам̣, д̇знааха ‘‘саб̣б̣з яааванд̇зд̇т̇а самааг̇ад̇аа’’д̇и, яааванд̇о яад̇д̇агаа зд̇т̇а самааг̇амз, зд̇иссам̣ ваа мама баб̣б̣аж̇ж̇ааяа самааг̇ад̇аад̇и ад̇т̇о.
Tattha suṇāthāti nisāmetha, idāni mayā vuccamānaṃ ohitasotā sotadvārānusārena upadhārethāti attho. Ñātayoti ñātī pamukhe katvā tesaṃ sabbesaṃ ālapanaṃ, tenāha ‘‘sabbe yāvantettha samāgatā’’ti, yāvanto yattakā ettha samāgame, etissaṃ vā mama pabbajjāya samāgatāti attho.
ид̣̇аани яам̣ санд̇хааяа ‘‘сун̣аат̇аа’’д̇и саванаан̣ад̇д̇игаважанам̣ гад̇ам̣, д̇ам̣ ‘‘д̇хаммам̣ во д̣̇зсаяиссаамий’’д̇и бадиж̇аанид̇ваа ‘‘д̣̇угкаа ж̇аад̇и бунаббуна’’нд̇иаад̣̇инаа д̣̇зсзд̇ум̣ аарабхи. д̇ад̇т̇а д̣̇угкаа ж̇аад̇и бунаббунанд̇и ж̇аад̇и наамзсаа г̇аб̣бхогганд̇имуулагаад̣̇ибхзд̣̇асса ж̇араад̣̇ибхзд̣̇асса жа анзгавихид̇асса д̣̇угкасса ад̇хидтаанабхаавад̇о д̣̇угкаа. саа бунаббунам̣ бавад̇д̇амаанаа ад̇ивияа д̣̇угкаа.
Idāni yaṃ sandhāya ‘‘suṇāthā’’ti savanāṇattikavacanaṃ kataṃ, taṃ ‘‘dhammaṃ vo desayissāmī’’ti paṭijānitvā ‘‘dukkhā jāti punappuna’’ntiādinā desetuṃ ārabhi. Tattha dukkhā jāti punappunanti jāti nāmesā gabbhokkantimūlakādibhedassa jarādibhedassa ca anekavihitassa dukkhassa adhiṭṭhānabhāvato dukkhā. Sā punappunaṃ pavattamānā ativiya dukkhā.
д̇ассаа бана ж̇аад̇ияаа самад̇иггаманад̇т̇ам̣ уссаахо гаран̣ийяод̇и д̣̇ассзнд̇о ааха ‘‘аарамбхат̇аа’’д̇иаад̣̇и. д̇ад̇т̇а аарамбхат̇аад̇и аарамбхад̇хаад̇усан̇каад̇ам̣ вийрияам̣ гарот̇а. ниггамат̇аад̇и госаж̇ж̇абагкад̇о нигканд̇ад̇д̇аа ниггамад̇хаад̇усан̇каад̇ам̣ д̇ад̣̇уд̇д̇арим̣ вийрияам̣ гарот̇а. яун̃ж̇ат̇а б̣уд̣̇д̇хасаасанзд̇и яасмаа сийласам̣варо инд̣̇риязсу г̇уд̇д̇ад̣̇ваарад̇аа бхож̇анз мад̇д̇ан̃н̃уд̇аа сад̇исамбаж̇ан̃н̃анд̇и имзсу д̇хаммзсу бад̇идтид̇аанам̣ ж̇ааг̇арияаануяог̇авасзна аарамбханиггамад̇хаад̇уяо самбаж̇ж̇анд̇и, д̇асмаа д̇ат̇аабхууд̇аа самат̇авибассанаасан̇каад̇з ад̇хисийласигкаад̣̇исан̇каад̇з ваа бхаг̇авад̇о саасанз яуд̇д̇аббаяуд̇д̇аа хот̇а. д̇хунаат̇а мажжуно сзнам̣, нал̣ааг̇аарам̣ва гун̃ж̇арод̇и звам̣ бадибаж̇ж̇анд̇аа жа д̇зд̇хаад̇уиссарасса мажжурааж̇асса васам̣ сад̇д̇з нзд̇ийд̇и д̇асса сзнаасан̇каад̇ам̣ аб̣алам̣ д̣̇уб̣б̣алам̣ яат̇аа наама т̇аамаб̣алуубабанно гун̃ж̇аро нал̣зхи гад̇ам̣ аг̇аарам̣ кан̣знзва вид̣̇д̇хам̣сзд̇и, звамзва гилзсаг̇ан̣ам̣ д̇хунаат̇а вид̇хамат̇а вид̣̇д̇хам̣сзт̇аад̇и ад̇т̇о.
Tassā pana jātiyā samatikkamanatthaṃ ussāho karaṇīyoti dassento āha ‘‘ārambhathā’’tiādi. Tattha ārambhathāti ārambhadhātusaṅkhātaṃ vīriyaṃ karotha. Nikkamathāti kosajjapakkhato nikkhantattā nikkamadhātusaṅkhātaṃ taduttariṃ vīriyaṃ karotha. Yuñjatha buddhasāsaneti yasmā sīlasaṃvaro indriyesu guttadvāratā bhojane mattaññutā satisampajaññanti imesu dhammesu patiṭṭhitānaṃ jāgariyānuyogavasena ārambhanikkamadhātuyo sampajjanti, tasmā tathābhūtā samathavipassanāsaṅkhāte adhisīlasikkhādisaṅkhāte vā bhagavato sāsane yuttappayuttā hotha. Dhunātha maccuno senaṃ, naḷāgāraṃva kuñjaroti evaṃ paṭipajjantā ca tedhātuissarassa maccurājassa vasaṃ satte netīti tassa senāsaṅkhātaṃ abalaṃ dubbalaṃ yathā nāma thāmabalūpapanno kuñjaro naḷehi kataṃ agāraṃ khaṇeneva viddhaṃseti, evameva kilesagaṇaṃ dhunātha vidhamatha viddhaṃsethāti attho.
звам̣ бана б̣уд̣̇д̇хасаасанз уссаахам̣ гаронд̇асса згам̣сиго ж̇аад̇ид̣̇угкасса самад̇иггамод̇и д̣̇ассзнд̇о ‘‘яо имасми’’нд̇иаад̣̇инаа д̇ад̇ияам̣ г̇аат̇амааха. д̇ам̣ сувин̃н̃зяяамзва.
Evaṃ pana buddhasāsane ussāhaṃ karontassa ekaṃsiko jātidukkhassa samatikkamoti dassento ‘‘yo imasmi’’ntiādinā tatiyaṃ gāthamāha. Taṃ suviññeyyameva.
абхибхууд̇ад̇т̇зраг̇аат̇ааван̣н̣анаа нидтид̇аа.
Abhibhūtattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 13. абхибхууд̇ад̇т̇зраг̇аат̇аа • 13. Abhibhūtattheragāthā
