| Library / Tipiṭaka / திபிடக • Tipiṭaka / ஸம்மோஹவினோத³னீ-அட்ட²கதா² • Sammohavinodanī-aṭṭhakathā |
2. அபி⁴த⁴ம்மபா⁴ஜனீயவண்ணனா
2. Abhidhammabhājanīyavaṇṇanā
472. அபி⁴த⁴ம்மபா⁴ஜனீயே ஸத்தபி பொ³ஜ்ஜ²ங்கே³ ஏகதோ புச்சி²த்வா விஸ்ஸஜ்ஜனஸ்ஸ ச பாடியேக்கங் புச்சி²த்வா விஸ்ஸஜ்ஜனஸ்ஸ ச வஸேன த்³வே நயா. தேஸங் அத்த²வண்ணனா ஹெட்டா² வுத்தனயேனேவ வேதி³தப்³பா³.
472. Abhidhammabhājanīye sattapi bojjhaṅge ekato pucchitvā vissajjanassa ca pāṭiyekkaṃ pucchitvā vissajjanassa ca vasena dve nayā. Tesaṃ atthavaṇṇanā heṭṭhā vuttanayeneva veditabbā.
உபெக்கா²ஸம்பொ³ஜ்ஜ²ங்க³னித்³தே³ஸே பன உபெக்க²னவஸேன உபெக்கா². உபெக்க²னாகாரோ உபெக்க²னா. உபெக்கி²தப்³ப³யுத்தே ஸமப்பவத்தே த⁴ம்மே இக்க²தி, ந சோதே³தீதி உபெக்கா². புக்³க³லங் உபெக்கா²பேதீதி உபெக்க²னா . பொ³ஜ்ஜ²ங்க³பா⁴வப்பத்தியா லோகியஉபெக்க²னாய அதி⁴கா உபெக்க²னா அஜ்ஜு²பெக்க²னா. அப்³யாபாராபஜ்ஜனேன மஜ்ஜ²த்தபா⁴வோ மஜ்ஜ²த்ததா. ஸா பன சித்தஸ்ஸ, ந ஸத்தஸ்ஸாதி தீ³பேதுங் மஜ்ஜ²த்ததா சித்தஸ்ஸாதி வுத்தந்தி. அயமெத்த² அனுபுப்³ப³பத³வண்ணனா.
Upekkhāsambojjhaṅganiddese pana upekkhanavasena upekkhā. Upekkhanākāro upekkhanā. Upekkhitabbayutte samappavatte dhamme ikkhati, na codetīti upekkhā. Puggalaṃ upekkhāpetīti upekkhanā . Bojjhaṅgabhāvappattiyā lokiyaupekkhanāya adhikā upekkhanā ajjhupekkhanā. Abyāpārāpajjanena majjhattabhāvo majjhattatā. Sā pana cittassa, na sattassāti dīpetuṃ majjhattatā cittassāti vuttanti. Ayamettha anupubbapadavaṇṇanā.
நயா பனெத்த² க³ணேதப்³பா³ – ஸத்தன்னம்பி ஹி பொ³ஜ்ஜ²ங்கா³னங் ஏகதோ புச்சி²த்வா விஸ்ஸஜ்ஜனே ஏகேகமக்³கே³ நயஸஹஸ்ஸங் நயஸஹஸ்ஸந்தி சத்தாரி நயஸஹஸ்ஸானி விப⁴த்தானி. பாடியேக்கங் புச்சி²த்வா விஸ்ஸஜ்ஜனே ஏகேகபொ³ஜ்ஜ²ங்க³வஸேன சத்தாரி சத்தாரீதி ஸத்த சதுக்கா அட்ட²வீஸதி. தானி புரிமேஹி சதூஹி ஸத்³தி⁴ங் த்³வத்திங்ஸாதி ஸப்³பா³னிபி அபி⁴த⁴ம்மபா⁴ஜனீயே த்³வத்திங்ஸ நயஸஹஸ்ஸானி விப⁴த்தானி குஸலானேவ. யஸ்மா பன ப²லக்க²ணேபி பொ³ஜ்ஜ²ங்கா³ லப்³ப⁴ந்தி, குஸலஹேதுகானி ச ஸாமஞ்ஞப²லானி, தஸ்மா தேஸுபி பொ³ஜ்ஜ²ங்க³த³ஸ்ஸனத்த²ங் குஸலனித்³தே³ஸபுப்³ப³ங்க³மாய ஏவ தந்தியா விபாகனயோ ஆரத்³தோ⁴. ஸோபி ஏகதோ புச்சி²த்வா விஸ்ஸஜ்ஜனஸ்ஸ ச, பாடியேக்கங் புச்சி²த்வா விஸ்ஸஜ்ஜனஸ்ஸ ச வஸேன து³விதோ⁴ ஹோதி. ஸேஸமெத்த² ஹெட்டா² வுத்தனயேனேவ வேதி³தப்³ப³ங். விபாகே பன குஸலதோ திகு³ணா நயா காதப்³பா³தி.
Nayā panettha gaṇetabbā – sattannampi hi bojjhaṅgānaṃ ekato pucchitvā vissajjane ekekamagge nayasahassaṃ nayasahassanti cattāri nayasahassāni vibhattāni. Pāṭiyekkaṃ pucchitvā vissajjane ekekabojjhaṅgavasena cattāri cattārīti satta catukkā aṭṭhavīsati. Tāni purimehi catūhi saddhiṃ dvattiṃsāti sabbānipi abhidhammabhājanīye dvattiṃsa nayasahassāni vibhattāni kusalāneva. Yasmā pana phalakkhaṇepi bojjhaṅgā labbhanti, kusalahetukāni ca sāmaññaphalāni, tasmā tesupi bojjhaṅgadassanatthaṃ kusalaniddesapubbaṅgamāya eva tantiyā vipākanayo āraddho. Sopi ekato pucchitvā vissajjanassa ca, pāṭiyekkaṃ pucchitvā vissajjanassa ca vasena duvidho hoti. Sesamettha heṭṭhā vuttanayeneva veditabbaṃ. Vipāke pana kusalato tiguṇā nayā kātabbāti.
அபி⁴த⁴ம்மபா⁴ஜனீயவண்ணனா.
Abhidhammabhājanīyavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / விப⁴ங்க³பாளி • Vibhaṅgapāḷi / 10. பொ³ஜ்ஜ²ங்க³விப⁴ங்கோ³ • 10. Bojjhaṅgavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-மூலடீகா • Vibhaṅga-mūlaṭīkā / 10. பொ³ஜ்ஜ²ங்க³விப⁴ங்கோ³ • 10. Bojjhaṅgavibhaṅgo
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / விப⁴ங்க³-அனுடீகா • Vibhaṅga-anuṭīkā / 10. பொ³ஜ்ஜ²ங்க³விப⁴ங்கோ³ • 10. Bojjhaṅgavibhaṅgo
