| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
32. ид̣̇аани абхид̇хаммабхааж̇анийяам̣ ход̇и. д̇ад̇т̇а руубагканд̇ханид̣̇д̣̇зсо хздтаа руубаган̣д̣з вид̇т̇аарид̇анаязнзва взд̣̇ид̇аб̣б̣о.
32. Idāni abhidhammabhājanīyaṃ hoti. Tattha rūpakkhandhaniddeso heṭṭhā rūpakaṇḍe vitthāritanayeneva veditabbo.
34. взд̣̇анаагканд̇ханид̣̇д̣̇зсз згавид̇хзнаад̇и згагодтаасзна. пассасамбаяуд̇д̇од̇и пассзна самбаяуд̇д̇о. саб̣б̣ааби жад̇убхуумигавзд̣̇анаа. сахзд̇угад̣̇угз сахзд̇угаа жад̇убхуумигавзд̣̇анаа, ахзд̇угаа гаамааважараава. иминаа убааязна гусалабад̣̇аад̣̇ийхи вуд̇д̇аа взд̣̇анаа ж̇аанид̇аб̣б̣аа. абижааяам̣ взд̣̇анаагканд̇хо згавид̇хзна пассасамбаяуд̇д̇ад̇о д̣̇ассид̇о, д̣̇увид̇хзна сахзд̇угаахзд̇угад̇о, д̇ивид̇хзна ж̇аад̇ид̇о , жад̇уб̣б̣ид̇хзна бхууманд̇арад̇о, бан̃жавид̇хзна инд̣̇рияад̇о. д̇ад̇т̇а сукинд̣̇рияад̣̇угкинд̣̇рияаани гааяаббасаад̣̇авад̇т̇угаани гаамааважараанзва. соманассинд̣̇рияам̣ чадтавад̇т̇угам̣ ваа авад̇т̇угам̣ ваа д̇збхуумагам̣ . д̣̇оманассинд̣̇рияам̣ чадтавад̇т̇угам̣ гаамааважарам̣. убзгкинд̣̇рияам̣ жагкаад̣̇ижад̇уббасаад̣̇авад̇т̇угам̣ чадтавад̇т̇угам̣ авад̇т̇уган̃жа жад̇убхуумагам̣. чаб̣б̣ид̇хзна вад̇т̇уд̇о д̣̇ассид̇о. д̇ад̇т̇а буримаа бан̃жа взд̣̇анаа бан̃жаббасаад̣̇авад̇т̇угаа гаамааважараава чадтаа авад̇т̇угаа ваа савад̇т̇угаа ваа жад̇убхуумигаа.
34. Vedanākkhandhaniddese ekavidhenāti ekakoṭṭhāsena. Phassasampayuttoti phassena sampayutto. Sabbāpi catubhūmikavedanā. Sahetukaduke sahetukā catubhūmikavedanā, ahetukā kāmāvacarāva. Iminā upāyena kusalapadādīhi vuttā vedanā jānitabbā. Apicāyaṃ vedanākkhandho ekavidhena phassasampayuttato dassito, duvidhena sahetukāhetukato, tividhena jātito , catubbidhena bhūmantarato, pañcavidhena indriyato. Tattha sukhindriyadukkhindriyāni kāyappasādavatthukāni kāmāvacarāneva. Somanassindriyaṃ chaṭṭhavatthukaṃ vā avatthukaṃ vā tebhūmakaṃ . Domanassindriyaṃ chaṭṭhavatthukaṃ kāmāvacaraṃ. Upekkhindriyaṃ cakkhādicatuppasādavatthukaṃ chaṭṭhavatthukaṃ avatthukañca catubhūmakaṃ. Chabbidhena vatthuto dassito. Tattha purimā pañca vedanā pañcappasādavatthukā kāmāvacarāva chaṭṭhā avatthukā vā savatthukā vā catubhūmikā.
сад̇д̇авид̇хзна д̇ад̇т̇а маносампассаж̇аа бхзд̣̇ад̇о д̣̇ассид̇аа, адтавид̇хзна д̇ад̇т̇а гааяасампассаж̇аа бхзд̣̇ад̇о, нававид̇хзна сад̇д̇авид̇хабхзд̣̇з мановин̃н̃аан̣ад̇хаад̇усампассаж̇аа бхзд̣̇ад̇о, д̣̇асавид̇хзна адтавид̇хабхзд̣̇з мановин̃н̃аан̣ад̇хаад̇усампассаж̇аа бхзд̣̇ад̇о. зд̇зсу хи сад̇д̇авид̇хабхзд̣̇з маносампассаж̇аа манод̇хаад̇усампассаж̇аа, мановин̃н̃аан̣ад̇хаад̇усампассаж̇аад̇и д̣̇вид̇хаа бхиннаа. адтавид̇хабхзд̣̇з д̇ааяа сад̣̇д̇хим̣ гааяасампассаж̇ааби сукаа д̣̇угкаад̇и д̣̇вид̇хаа бхиннаа. нававид̇хабхзд̣̇з сад̇д̇авид̇хз вуд̇д̇аа мановин̃н̃аан̣ад̇хаад̇усампассаж̇аа гусалаад̣̇ивасзна д̇ид̇хаа бхиннаа. д̣̇асавид̇хабхзд̣̇з адтавид̇хз вуд̇д̇аа мановин̃н̃аан̣ад̇хаад̇усампассаж̇аа гусалаад̣̇ивасзнзва д̇ид̇хаа бхиннаа.
Sattavidhena tattha manosamphassajā bhedato dassitā, aṭṭhavidhena tattha kāyasamphassajā bhedato, navavidhena sattavidhabhede manoviññāṇadhātusamphassajā bhedato, dasavidhena aṭṭhavidhabhede manoviññāṇadhātusamphassajā bhedato. Etesu hi sattavidhabhede manosamphassajā manodhātusamphassajā, manoviññāṇadhātusamphassajāti dvidhā bhinnā. Aṭṭhavidhabhede tāya saddhiṃ kāyasamphassajāpi sukhā dukkhāti dvidhā bhinnā. Navavidhabhede sattavidhe vuttā manoviññāṇadhātusamphassajā kusalādivasena tidhā bhinnā. Dasavidhabhede aṭṭhavidhe vuttā manoviññāṇadhātusamphassajā kusalādivaseneva tidhā bhinnā.
гусалад̇д̇иго жзд̇т̇а гзвалам̣ бууран̣ад̇т̇амзва вуд̇д̇о. сад̇д̇авид̇хаадтавид̇ханававид̇хабхзд̣̇зсу бана наяам̣ д̣̇аад̇ум̣ яуд̇д̇адтаанз наяо д̣̇инно. абхид̇хамман̃хи бад̇ваа д̇ат̇ааг̇ад̇зна наяам̣ д̣̇аад̇ум̣ яуд̇д̇адтаанз наяо ад̣̇инно наама над̇т̇и. аяам̣ д̇аава д̣̇угамуулагз зго вааро.
Kusalattiko cettha kevalaṃ pūraṇatthameva vutto. Sattavidhaaṭṭhavidhanavavidhabhedesu pana nayaṃ dātuṃ yuttaṭṭhāne nayo dinno. Abhidhammañhi patvā tathāgatena nayaṃ dātuṃ yuttaṭṭhāne nayo adinno nāma natthi. Ayaṃ tāva dukamūlake eko vāro.
сад̇т̇аа хи имасмим̣ абхид̇хаммабхааж̇анийяз взд̣̇анаагканд̇хам̣ бхааж̇знд̇о д̇игз г̇ахзд̇ваа д̣̇угзсу багкиби, д̣̇угз г̇ахзд̇ваа д̇игзсу багкиби, д̇игз жа д̣̇угз жа убхад̇овад̣дхананийхаарзна аахари; сад̇д̇авид̇хзна, жад̇увийсад̇ивид̇хзна, д̇им̣савид̇хзна, б̣ахувид̇хзнаад̇и саб̣б̣ат̇ааби б̣ахувид̇хзна взд̣̇анаагканд̇хам̣ д̣̇ассзси. гасмаа? буг̇г̇алаж̇жхаасаязна жзва д̣̇зсанаавилаасзна жа. д̇хаммам̣ сод̇ум̣ нисиннад̣̇звабарисааяа хи яз д̣̇звабуд̇д̇аа д̇игз аад̣̇ааяа д̣̇угзсу багкибид̇ваа гат̇ияамаанам̣ бадивиж̇жхид̇ум̣ саггонд̇и, д̇зсам̣ саббааяавасзна д̇ат̇аа гад̇ваа д̣̇зсзси. яз ид̇арзхи аагаарзхи гат̇ияамаанам̣ бадивиж̇жхид̇ум̣ саггонд̇и, д̇зсам̣ д̇зхаагаарзхи д̣̇зсзсийд̇и. аяамзд̇т̇а ‘буг̇г̇алаж̇жхаасаяо’. саммаасамб̣уд̣̇д̇хо бана ад̇д̇ано махаависаяад̇ааяа д̇игз ваа д̣̇угзсу багкибид̇ваа, д̣̇угз ваа д̇игзсу убхад̇овад̣дханзна ваа, сад̇д̇авид̇хаад̣̇инаязна ваа, яат̇аа яат̇аа ижчад̇и д̇ат̇аа д̇ат̇аа д̣̇зсзд̇ум̣ саггод̇и. д̇асмааби имзхаагаарзхи д̣̇зсзсийд̇и аяамасса ‘д̣̇зсанаавилаасо’.
Satthā hi imasmiṃ abhidhammabhājanīye vedanākkhandhaṃ bhājento tike gahetvā dukesu pakkhipi, duke gahetvā tikesu pakkhipi, tike ca duke ca ubhatovaḍḍhananīhārena āhari; sattavidhena, catuvīsatividhena, tiṃsavidhena, bahuvidhenāti sabbathāpi bahuvidhena vedanākkhandhaṃ dassesi. Kasmā? Puggalajjhāsayena ceva desanāvilāsena ca. Dhammaṃ sotuṃ nisinnadevaparisāya hi ye devaputtā tike ādāya dukesu pakkhipitvā kathiyamānaṃ paṭivijjhituṃ sakkonti, tesaṃ sappāyavasena tathā katvā desesi. Ye itarehi ākārehi kathiyamānaṃ paṭivijjhituṃ sakkonti, tesaṃ tehākārehi desesīti. Ayamettha ‘puggalajjhāsayo’. Sammāsambuddho pana attano mahāvisayatāya tike vā dukesu pakkhipitvā, duke vā tikesu ubhatovaḍḍhanena vā, sattavidhādinayena vā, yathā yathā icchati tathā tathā desetuṃ sakkoti. Tasmāpi imehākārehi desesīti ayamassa ‘desanāvilāso’.
д̇ад̇т̇а д̇игз аад̣̇ааяа д̣̇угзсу багкибид̇ваа д̣̇зсид̇авааро д̣̇угамуулаго наама. д̣̇угз аад̣̇ааяа д̇игзсу багкибид̇ваа д̣̇зсид̇авааро д̇игамуулаго наама. д̇игз жа д̣̇угз жа убхад̇о вад̣дхзд̇ваа д̣̇зсид̇авааро убхад̇овад̣дхид̇аго наама. авасаанз сад̇д̇авид̇хзнаад̇иаад̣̇ивааро б̣ахувид̇хавааро наамаад̇и имз д̇аава жад̇д̇ааро махааваараа.
Tattha tike ādāya dukesu pakkhipitvā desitavāro dukamūlako nāma. Duke ādāya tikesu pakkhipitvā desitavāro tikamūlako nāma. Tike ca duke ca ubhato vaḍḍhetvā desitavāro ubhatovaḍḍhitako nāma. Avasāne sattavidhenātiādivāro bahuvidhavāro nāmāti ime tāva cattāro mahāvārā.
д̇ад̇т̇а д̣̇угамуулагз д̣̇угзсу лаб̣бхамаанзна згзгзна д̣̇угзна сад̣̇д̇хим̣ д̇игзсу алаб̣бхамаанз взд̣̇анаад̇д̇игабийд̇ид̇д̇игасанид̣̇ассанад̇д̇игз абанзд̇ваа, сзсз лаб̣бхамаанагз згуунавийсад̇и д̇игз яож̇зд̇ваа, д̣̇уд̇ияад̣̇угабатамад̇д̇игаяож̇анаваараад̣̇ийни нававаарасад̇аани бан̃н̃аасан̃жа ваараа хонд̇и. д̇з саб̣б̣зби баал̣ияам̣ сам̣кибид̇ваа д̇ад̇т̇а д̇ад̇т̇а д̣̇ассзд̇аб̣б̣аяуд̇д̇агам̣ д̣̇ассзд̇ваа вуд̇д̇аа. асаммуяханд̇зна бана вид̇т̇аарад̇о взд̣̇ид̇аб̣б̣аа.
Tattha dukamūlake dukesu labbhamānena ekekena dukena saddhiṃ tikesu alabbhamāne vedanāttikapītittikasanidassanattike apanetvā, sese labbhamānake ekūnavīsati tike yojetvā, dutiyadukapaṭhamattikayojanavārādīni navavārasatāni paññāsañca vārā honti. Te sabbepi pāḷiyaṃ saṃkhipitvā tattha tattha dassetabbayuttakaṃ dassetvā vuttā. Asammuyhantena pana vitthārato veditabbā.
д̇игамуулагзби д̇игзсу лаб̣бхамаанзна згзгзна д̇игзна сад̣̇д̇хим̣ д̣̇угзсу алаб̣бхамаанз батамад̣̇угаад̣̇аяо д̣̇угз абанзд̇ваа, сзсз лаб̣бхамаанагз сахзд̇угад̣̇угаад̣̇аяо бан̃н̃ааса д̣̇угз яож̇зд̇ваа, батамад̇д̇игад̣̇уд̇ияад̣̇угаяож̇анаваараад̣̇ийни нававаарасад̇аани бан̃н̃аасан̃жа ваараа хонд̇и. д̇зби саб̣б̣з баал̣ияам̣ сан̇кибид̇ваа д̇ад̇т̇а д̇ад̇т̇а д̣̇ассзд̇аб̣б̣аяуд̇д̇агам̣ д̣̇ассзд̇ваа вуд̇д̇аа. асаммуяханд̇зна бана вид̇т̇аарад̇о взд̣̇ид̇аб̣б̣аа.
Tikamūlakepi tikesu labbhamānena ekekena tikena saddhiṃ dukesu alabbhamāne paṭhamadukādayo duke apanetvā, sese labbhamānake sahetukadukādayo paññāsa duke yojetvā, paṭhamattikadutiyadukayojanavārādīni navavārasatāni paññāsañca vārā honti. Tepi sabbe pāḷiyaṃ saṅkhipitvā tattha tattha dassetabbayuttakaṃ dassetvā vuttā. Asammuyhantena pana vitthārato veditabbā.
убхад̇овад̣дхид̇агз д̣̇увид̇хабхзд̣̇з д̣̇уд̇ияад̣̇угам̣ д̇ивид̇хабхзд̣̇з жа батамад̇игам̣ аад̣̇им̣ гад̇ваа лаб̣бхамаанзхи згуунавийсад̇ияаа д̣̇угзхи лаб̣бхамаанз згуунавийсад̇ид̇игз яож̇зд̇ваа д̣̇уд̇ияад̣̇угабатамад̇игаяож̇анаваараад̣̇аяо згуунавийсад̇иваараа вуд̇д̇аа. зса д̣̇угад̇игаанам̣ васзна убхад̇овад̣дхид̇ад̇д̇аа убхад̇овад̣дхид̇аго наама д̇ад̇ияо махаавааро.
Ubhatovaḍḍhitake duvidhabhede dutiyadukaṃ tividhabhede ca paṭhamatikaṃ ādiṃ katvā labbhamānehi ekūnavīsatiyā dukehi labbhamāne ekūnavīsatitike yojetvā dutiyadukapaṭhamatikayojanavārādayo ekūnavīsativārā vuttā. Esa dukatikānaṃ vasena ubhatovaḍḍhitattā ubhatovaḍḍhitako nāma tatiyo mahāvāro.
б̣ахувид̇хаваарасса сад̇д̇авид̇ханид̣̇д̣̇зсз аад̣̇ид̇о бадтааяа лаб̣бхамаанзсу згуунавийсад̇ияаа д̇игзсу згзгзна сад̣̇д̇хим̣ жад̇ассо бхуумияо яож̇зд̇ваа згуунавийсад̇и сад̇д̇авид̇хаваараа вуд̇д̇аа. жад̇увийсад̇ивид̇ханид̣̇д̣̇зсзби д̇зсам̣язва д̇игаанам̣ васзна згуунавийсад̇иваараа вуд̇д̇аа. д̇ат̇аа б̣ахувид̇хаваарз жаад̇и . д̇им̣савид̇хавааро згоязваад̇и саб̣б̣зби адтабан̃н̃ааса ваараа хонд̇и. аяам̣ д̇аавзд̇т̇а ваарабарижчзд̣̇авасзна баал̣иван̣н̣анаа.
Bahuvidhavārassa sattavidhaniddese ādito paṭṭhāya labbhamānesu ekūnavīsatiyā tikesu ekekena saddhiṃ catasso bhūmiyo yojetvā ekūnavīsati sattavidhavārā vuttā. Catuvīsatividhaniddesepi tesaṃyeva tikānaṃ vasena ekūnavīsativārā vuttā. Tathā bahuvidhavāre cāti . Tiṃsavidhavāro ekoyevāti sabbepi aṭṭhapaññāsa vārā honti. Ayaṃ tāvettha vāraparicchedavasena pāḷivaṇṇanā.
ид̣̇аани ад̇т̇аван̣н̣анаа ход̇и. д̇ад̇т̇а сад̇д̇авид̇ханид̣̇д̣̇зсо д̇аава уд̇д̇аанад̇т̇оязва. жад̇увийсад̇ивид̇ханид̣̇д̣̇зсз жагкусампассабажжаяаа взд̣̇анаагканд̇хо ад̇т̇и гусалод̇и гаамааважараадтагусалажид̇д̇авасзна взд̣̇ид̇аб̣б̣о. ад̇т̇и агусалод̇и д̣̇ваад̣̇асаагусалажид̇д̇авасзна взд̣̇ид̇аб̣б̣о. ад̇т̇и аб̣яаагад̇од̇и д̇иссо манод̇хаад̇уяо, д̇иссо ахзд̇угамановин̃н̃аан̣ад̇хаад̇уяо, адта махаавибаагаани, д̣̇аса гаамааважарагирияаад̇и жад̇увийсад̇ияаа жид̇д̇аанам̣ васзна взд̣̇ид̇аб̣б̣о.
Idāni atthavaṇṇanā hoti. Tattha sattavidhaniddeso tāva uttānatthoyeva. Catuvīsatividhaniddese cakkhusamphassapaccayā vedanākkhandho atthi kusaloti kāmāvacaraaṭṭhakusalacittavasena veditabbo. Atthi akusaloti dvādasaakusalacittavasena veditabbo. Atthi abyākatoti tisso manodhātuyo, tisso ahetukamanoviññāṇadhātuyo, aṭṭha mahāvipākāni, dasa kāmāvacarakiriyāti catuvīsatiyā cittānaṃ vasena veditabbo.
д̇ад̇т̇а адта гусалаани д̣̇ваад̣̇аса агусалаани жа ж̇аванавасзна лаб̣бханд̇и. гирияаманод̇хаад̇у ааваж̇ж̇анавасзна лаб̣бхад̇и. д̣̇вз вибаагаманод̇хаад̇уяо самбадижчанавасзна, д̇иссо вибаагамановин̃н̃аан̣ад̇хаад̇уяо санд̇ийран̣ад̇ад̣̇аарамман̣авасзна, гирияаахзд̇угамановин̃н̃аан̣ад̇хаад̇у водтаб̣б̣анавасзна, адта махаавибаагажид̇д̇аани д̇ад̣̇аарамман̣авасзна, нава гирияажид̇д̇аани ж̇аванавасзна лаб̣бханд̇и. сод̇агхаанаж̇ивхаагааяад̣̇ваарзсуби зсзва наяо.
Tattha aṭṭha kusalāni dvādasa akusalāni ca javanavasena labbhanti. Kiriyamanodhātu āvajjanavasena labbhati. Dve vipākamanodhātuyo sampaṭicchanavasena, tisso vipākamanoviññāṇadhātuyo santīraṇatadārammaṇavasena, kiriyāhetukamanoviññāṇadhātu voṭṭhabbanavasena, aṭṭha mahāvipākacittāni tadārammaṇavasena, nava kiriyacittāni javanavasena labbhanti. Sotaghānajivhākāyadvāresupi eseva nayo.
манод̣̇ваарз бана ад̇т̇и гусалод̇и жад̇убхуумагагусалавасзна гат̇ид̇ам̣, ад̇т̇и агусалод̇и д̣̇ваад̣̇асаагусалавасзна. ад̇т̇и аб̣яаагад̇од̇и згаад̣̇асаннам̣ гаамааважаравибаагаанам̣, д̣̇асаннам̣ гирияаанам̣ , наваннам̣ руубааважарааруубааважарагирияаанам̣, жад̇уннам̣ сааман̃н̃апалаананд̇и жад̇уд̇д̇им̣сажид̇д̇уббаад̣̇авасзна гат̇ид̇ам̣. д̇ад̇т̇а жад̇убхуумагагусалан̃жзва агусалан̃жа ж̇аванавасзна лаб̣бхад̇и. гирияад̇о ахзд̇угамановин̃н̃аан̣ад̇хаад̇у ааваж̇ж̇анавасзна, згаад̣̇аса вибаагажид̇д̇аани д̇ад̣̇аарамман̣авасзна, д̇збхуумагагирияаа жзва сааман̃н̃апалаани жа ж̇аванавасзнзва лаб̣бханд̇и. д̇аани сад̇д̇авид̇хаад̣̇ийсу яад̇т̇а гад̇т̇ажи тад̇ваа гат̇зд̇ум̣ вадданд̇и. д̇им̣савид̇хз бана тад̇ваа д̣̇ийбияамаанаани сукад̣̇ийбанаани хонд̇ийд̇и д̇им̣савид̇хасмим̣язва тад̇ваа д̣̇ийбаяим̣су.
Manodvāre pana atthi kusaloti catubhūmakakusalavasena kathitaṃ, atthi akusaloti dvādasaakusalavasena. Atthi abyākatoti ekādasannaṃ kāmāvacaravipākānaṃ, dasannaṃ kiriyānaṃ , navannaṃ rūpāvacarārūpāvacarakiriyānaṃ, catunnaṃ sāmaññaphalānanti catuttiṃsacittuppādavasena kathitaṃ. Tattha catubhūmakakusalañceva akusalañca javanavasena labbhati. Kiriyato ahetukamanoviññāṇadhātu āvajjanavasena, ekādasa vipākacittāni tadārammaṇavasena, tebhūmakakiriyā ceva sāmaññaphalāni ca javanavaseneva labbhanti. Tāni sattavidhādīsu yattha katthaci ṭhatvā kathetuṃ vaṭṭanti. Tiṃsavidhe pana ṭhatvā dīpiyamānāni sukhadīpanāni hontīti tiṃsavidhasmiṃyeva ṭhatvā dīpayiṃsu.
зд̇аани хи саб̣б̣ааниби жид̇д̇аани жагкуд̣̇ваарз убаниссаяагодияаа, самад̇иггамавасзна, бхааванаавасзнаад̇и д̇ийхаагаарзхи лаб̣бханд̇и. д̇ат̇аа сод̇ад̣̇ваараманод̣̇ваарзсуби. гхаанаж̇ивхаагааяад̣̇ваарзсу бана самад̇иггамавасзна, бхааванаавасзнаад̇и д̣̇вийхзваагаарзхи лаб̣бханд̇ийд̇и взд̣̇ид̇аб̣б̣аани. гат̇ам̣? ид̇ха бхигку вихааражааригам̣ жарамаано гасин̣аман̣д̣алам̣ д̣̇исваа ‘гим̣ наамзд̇а’нд̇и бужчид̇ваа ‘гасин̣аман̣д̣ала’нд̇и вуд̇д̇з буна ‘гим̣ иминаа гаронд̇ий’д̇и бужчад̇и. ат̇асса аажигканд̇и – ‘звам̣ бхаавзд̇ваа жхаанаани уббаад̣̇зд̇ваа, самаабад̇д̇ибад̣̇адтаанам̣ вибассанам̣ вад̣дхзд̇ваа, арахад̇д̇ам̣ баабун̣анд̇ий’д̇и. аж̇жхаасаяасамбанно гулабуд̇д̇о ‘бхаарияам̣ зд̇а’нд̇и асаллагкзд̇ваа ‘маяааби зса г̇ун̣о ниб̣б̣ад̇д̇зд̇ум̣ ваддад̇и, на ко бана саггаа зса нибаж̇ж̇ид̇ваа нид̣̇д̣̇ааяанд̇зна ниб̣б̣ад̇д̇зд̇ум̣, аад̣̇ид̇ова вийрияам̣ гаад̇ум̣ сийлам̣ сод̇хзд̇ум̣ ваддад̇ий’д̇и жинд̇зд̇ваа сийлам̣ сод̇хзд̇и. д̇ад̇о сийлз бад̇идтааяа д̣̇аса балиб̣од̇хз убажчинд̣̇ид̇ваа, д̇ижийварабарамзна санд̇осзна санд̇удто, аажарияубаж̇жхааяаанам̣ вад̇д̇абадивад̇д̇ам̣ гад̇ваа, гаммадтаанам̣ уг̇г̇ан̣хид̇ваа, гасин̣абаригаммам̣ гад̇ваа, самаабад̇д̇ияо уббаад̣̇зд̇ваа, самаабад̇д̇ибад̣̇адтаанам̣ вибассанам̣ вад̣дхзд̇ваа, арахад̇д̇ам̣ баабун̣аад̇и. д̇ад̇т̇а саб̣б̣ааби баригаммавзд̣̇анаа гаамааважараа, адтасамаабад̇д̇ивзд̣̇анаа руубааважарааруубааважараа, маг̇г̇апалавзд̣̇анаа логуд̇д̇араад̇и звам̣ жагкувин̃н̃аан̣ам̣ жад̇убхуумигавзд̣̇анааниб̣б̣ад̇д̇ияаа б̣алавабажжаяо ход̇ийд̇и жад̇убхуумигавзд̣̇анаа жагкусампассабажжаяаа наама ж̇аад̇аа. звам̣ д̇аава ‘убаниссаяавасзна’ лаб̣бханд̇и.
Etāni hi sabbānipi cittāni cakkhudvāre upanissayakoṭiyā, samatikkamavasena, bhāvanāvasenāti tīhākārehi labbhanti. Tathā sotadvāramanodvāresupi. Ghānajivhākāyadvāresu pana samatikkamavasena, bhāvanāvasenāti dvīhevākārehi labbhantīti veditabbāni. Kathaṃ? Idha bhikkhu vihāracārikaṃ caramāno kasiṇamaṇḍalaṃ disvā ‘kiṃ nāmeta’nti pucchitvā ‘kasiṇamaṇḍala’nti vutte puna ‘kiṃ iminā karontī’ti pucchati. Athassa ācikkhanti – ‘evaṃ bhāvetvā jhānāni uppādetvā, samāpattipadaṭṭhānaṃ vipassanaṃ vaḍḍhetvā, arahattaṃ pāpuṇantī’ti. Ajjhāsayasampanno kulaputto ‘bhāriyaṃ eta’nti asallakkhetvā ‘mayāpi esa guṇo nibbattetuṃ vaṭṭati, na kho pana sakkā esa nipajjitvā niddāyantena nibbattetuṃ, āditova vīriyaṃ kātuṃ sīlaṃ sodhetuṃ vaṭṭatī’ti cintetvā sīlaṃ sodheti. Tato sīle patiṭṭhāya dasa palibodhe upacchinditvā, ticīvaraparamena santosena santuṭṭho, ācariyupajjhāyānaṃ vattapaṭivattaṃ katvā, kammaṭṭhānaṃ uggaṇhitvā, kasiṇaparikammaṃ katvā, samāpattiyo uppādetvā, samāpattipadaṭṭhānaṃ vipassanaṃ vaḍḍhetvā, arahattaṃ pāpuṇāti. Tattha sabbāpi parikammavedanā kāmāvacarā, aṭṭhasamāpattivedanā rūpāvacarārūpāvacarā, maggaphalavedanā lokuttarāti evaṃ cakkhuviññāṇaṃ catubhūmikavedanānibbattiyā balavapaccayo hotīti catubhūmikavedanā cakkhusamphassapaccayā nāma jātā. Evaṃ tāva ‘upanissayavasena’ labbhanti.
жагкуд̣̇ваарз бана руубз аабаат̇аг̇ад̇з ‘идтз мз аарамман̣з рааг̇о уббанно, анидтз бадигхо, асамабзгканааяа мохо, виниб̣анд̇хасса бана мз маано уббанно, бараамадтасса д̣̇идти, вигкзбаг̇ад̇асса уд̣̇д̇хажжам̣, асаннидтааг̇ад̇асса вижигижчаа, т̇аамаг̇ад̇асса анусаяо уббанно’д̇и бариг̇г̇ахз тид̇о гулабуд̇д̇о ад̇д̇ано гилзсуббад̇д̇им̣ н̃ад̇ваа ‘имз мз гилзсаа вад̣дхамаанаа анаяаб̣яасанааяа сам̣вад̇д̇иссанд̇и, ханд̣̇а нз ниг̇г̇ан̣хаамий’д̇и жинд̇зд̇ваа ‘на ко бана саггаа нибаж̇ж̇ид̇ваа нид̣̇д̣̇ааяанд̇зна гилзсз ниг̇г̇ан̣хид̇ум̣; аад̣̇ид̇ова вийрияам̣ гаад̇ум̣ ваддад̇и сийлам̣ сод̇хзд̇у’нд̇и хздтаа вуд̇д̇анаязнзва бадибаж̇ж̇ид̇ваа арахад̇д̇ам̣ баабун̣аад̇и. д̇ад̇т̇а саб̣б̣ааби баригаммавзд̣̇анаа гаамааважараа, адтасамаабад̇д̇ивзд̣̇анаа руубааважарааруубааважараа, маг̇г̇апалавзд̣̇анаа логуд̇д̇араад̇и звам̣ руубаарамман̣з уббаннам̣ гилзсам̣ самад̇иггамид̇ваа г̇ад̇аад̇и жад̇убхуумигавзд̣̇анаа жагкусампассабажжаяаа наама ж̇аад̇аа. звам̣ ‘самад̇иггамавасзна’ лаб̣бханд̇и.
Cakkhudvāre pana rūpe āpāthagate ‘iṭṭhe me ārammaṇe rāgo uppanno, aniṭṭhe paṭigho, asamapekkhanāya moho, vinibandhassa pana me māno uppanno, parāmaṭṭhassa diṭṭhi, vikkhepagatassa uddhaccaṃ, asanniṭṭhāgatassa vicikicchā, thāmagatassa anusayo uppanno’ti pariggahe ṭhito kulaputto attano kilesuppattiṃ ñatvā ‘ime me kilesā vaḍḍhamānā anayabyasanāya saṃvattissanti, handa ne niggaṇhāmī’ti cintetvā ‘na kho pana sakkā nipajjitvā niddāyantena kilese niggaṇhituṃ; āditova vīriyaṃ kātuṃ vaṭṭati sīlaṃ sodhetu’nti heṭṭhā vuttanayeneva paṭipajjitvā arahattaṃ pāpuṇāti. Tattha sabbāpi parikammavedanā kāmāvacarā, aṭṭhasamāpattivedanā rūpāvacarārūpāvacarā, maggaphalavedanā lokuttarāti evaṃ rūpārammaṇe uppannaṃ kilesaṃ samatikkamitvā gatāti catubhūmikavedanā cakkhusamphassapaccayā nāma jātā. Evaṃ ‘samatikkamavasena’ labbhanti.
жагкуд̣̇ваарз бана руубз аабаат̇аг̇ад̇з зго звам̣ бариг̇г̇ахам̣ бадтабзд̇и – ‘ид̣̇ам̣ руубам̣ гим̣ ниссид̇а’нд̇и? д̇ад̇о нам̣ ‘бхууд̇аниссид̇а’нд̇и н̃ад̇ваа жад̇д̇аари махаабхууд̇аани убаад̣̇ааруубан̃жа руубанд̇и бариг̇г̇ан̣хаад̇и, д̇ад̣̇аарамман̣з д̇хаммз аруубанд̇и бариг̇г̇ан̣хаад̇и. д̇ад̇о саббажжаяам̣ наамаруубам̣ бариг̇ан̣хид̇ваа д̇ийн̣и лагкан̣аани ааробзд̇ваа вибассанаабадибаадияаа сан̇каарз саммасид̇ваа арахад̇д̇ам̣ баабун̣аад̇и. д̇ад̇т̇а саб̣б̣ааби баригаммавзд̣̇анаа гаамааважараа, адтасамаабад̇д̇ивзд̣̇анаа руубааважарааруубааважараа, маг̇г̇апалавзд̣̇анаа логуд̇д̇араад̇и звам̣ руубаарамман̣ам̣ саммасид̇ваа ниб̣б̣ад̇д̇ид̇аад̇и аяам̣ взд̣̇анаа жагкусампассабажжаяаа наама ж̇аад̇аа. звам̣ ‘бхааванаавасзна’ лаб̣бханд̇и.
Cakkhudvāre pana rūpe āpāthagate eko evaṃ pariggahaṃ paṭṭhapeti – ‘idaṃ rūpaṃ kiṃ nissita’nti? Tato naṃ ‘bhūtanissita’nti ñatvā cattāri mahābhūtāni upādārūpañca rūpanti pariggaṇhāti, tadārammaṇe dhamme arūpanti pariggaṇhāti. Tato sappaccayaṃ nāmarūpaṃ parigaṇhitvā tīṇi lakkhaṇāni āropetvā vipassanāpaṭipāṭiyā saṅkhāre sammasitvā arahattaṃ pāpuṇāti. Tattha sabbāpi parikammavedanā kāmāvacarā, aṭṭhasamāpattivedanā rūpāvacarārūpāvacarā, maggaphalavedanā lokuttarāti evaṃ rūpārammaṇaṃ sammasitvā nibbattitāti ayaṃ vedanā cakkhusamphassapaccayā nāma jātā. Evaṃ ‘bhāvanāvasena’ labbhanti.
абаро бхигку сун̣аад̇и – ‘гасин̣абаригаммам̣ гира гад̇ваа самаабад̇д̇ияо уббаад̣̇зд̇ваа самаабад̇д̇ибад̣̇адтаанам̣ вибассанам̣ вад̣дхзд̇ваа арахад̇д̇ам̣ баабун̣анд̇ий’д̇и. аж̇жхаасаяасамбанно гулабуд̇д̇о ‘бхаарияам̣ зд̇а’нд̇и асаллагкзд̇ваа ‘маяааби зса г̇ун̣о ниб̣б̣ад̇д̇зд̇ум̣ ваддад̇ий’д̇и буриманаязнзва бадибаж̇ж̇ид̇ваа арахад̇д̇ам̣ баабун̣аад̇и. д̇ад̇т̇а саб̣б̣ааби баригаммавзд̣̇анаа гаамааважараа, адтасамаабад̇д̇ивзд̣̇анаа руубааважарааруубааважараа, маг̇г̇апалавзд̣̇анаа логуд̇д̇араад̇и звам̣ сод̇авин̃н̃аан̣ам̣ жад̇убхуумигавзд̣̇анаа ниб̣б̣ад̇д̇ияаа б̣алавабажжаяо ход̇ийд̇и жад̇убхуумигавзд̣̇анаа сод̇асампассабажжаяаа наама ж̇аад̇аа. звам̣ д̇аава ‘убаниссаяавасзна’ лаб̣бханд̇и.
Aparo bhikkhu suṇāti – ‘kasiṇaparikammaṃ kira katvā samāpattiyo uppādetvā samāpattipadaṭṭhānaṃ vipassanaṃ vaḍḍhetvā arahattaṃ pāpuṇantī’ti. Ajjhāsayasampanno kulaputto ‘bhāriyaṃ eta’nti asallakkhetvā ‘mayāpi esa guṇo nibbattetuṃ vaṭṭatī’ti purimanayeneva paṭipajjitvā arahattaṃ pāpuṇāti. Tattha sabbāpi parikammavedanā kāmāvacarā, aṭṭhasamāpattivedanā rūpāvacarārūpāvacarā, maggaphalavedanā lokuttarāti evaṃ sotaviññāṇaṃ catubhūmikavedanā nibbattiyā balavapaccayo hotīti catubhūmikavedanā sotasamphassapaccayā nāma jātā. Evaṃ tāva ‘upanissayavasena’ labbhanti.
сод̇ад̣̇ваарз бана сад̣̇д̣̇з аабаат̇аг̇ад̇зд̇и саб̣б̣ам̣ жагкуд̣̇ваарз вуд̇д̇анаязнзва взд̣̇ид̇аб̣б̣ам̣. звам̣ сад̣̇д̣̇аарамман̣з уббаннам̣ гилзсам̣ самад̇иггамид̇ваа г̇ад̇аад̇и жад̇убхуумигавзд̣̇анаа сод̇асампассабажжаяаа наама ж̇аад̇аа. звам̣ ‘самад̇иггамавасзна’ лаб̣бханд̇и.
Sotadvāre pana sadde āpāthagateti sabbaṃ cakkhudvāre vuttanayeneva veditabbaṃ. Evaṃ saddārammaṇe uppannaṃ kilesaṃ samatikkamitvā gatāti catubhūmikavedanā sotasamphassapaccayā nāma jātā. Evaṃ ‘samatikkamavasena’ labbhanti.
сод̇ад̣̇ваарз бана сад̣̇д̣̇з аабаат̇аг̇ад̇з зго звам̣ бариг̇г̇ахам̣ бадтабзд̇и – аяам̣ сад̣̇д̣̇о гим̣ ниссид̇од̇и саб̣б̣ам̣ жагкуд̣̇ваарз вуд̇д̇анаязнзва взд̣̇ид̇аб̣б̣ам̣. звам̣ сад̣̇д̣̇аарамман̣ам̣ саммасид̇ваа ниб̣б̣ад̇д̇ид̇аад̇и аяам̣ взд̣̇анаа сод̇асампассабажжаяаа наама ж̇аад̇аа. звам̣ ‘бхааванаавасзна’ лаб̣бханд̇и.
Sotadvāre pana sadde āpāthagate eko evaṃ pariggahaṃ paṭṭhapeti – ayaṃ saddo kiṃ nissitoti sabbaṃ cakkhudvāre vuttanayeneva veditabbaṃ. Evaṃ saddārammaṇaṃ sammasitvā nibbattitāti ayaṃ vedanā sotasamphassapaccayā nāma jātā. Evaṃ ‘bhāvanāvasena’ labbhanti.
гхаанаж̇ивхаагааяад̣̇ваарзсу бана г̇анд̇хаарамман̣аад̣̇ийсу аабаат̇аг̇ад̇зсу ‘идтз мз аарамман̣з рааг̇о уббанно’д̇и саб̣б̣ам̣ жагкуд̣̇ваарз вуд̇д̇анаязнзва взд̣̇ид̇аб̣б̣ам̣. звам̣ г̇анд̇хаарамман̣аад̣̇ийсу уббаннам̣ гилзсам̣ самад̇иггамид̇ваа г̇ад̇аад̇и жад̇убхуумигавзд̣̇анаа гхаанаж̇ивхаагааяасампассабажжаяаа наама ж̇аад̇аа. звам̣ д̇ийсу д̣̇ваарзсу ‘самад̇иггамавасзна’ лаб̣бханд̇и.
Ghānajivhākāyadvāresu pana gandhārammaṇādīsu āpāthagatesu ‘iṭṭhe me ārammaṇe rāgo uppanno’ti sabbaṃ cakkhudvāre vuttanayeneva veditabbaṃ. Evaṃ gandhārammaṇādīsu uppannaṃ kilesaṃ samatikkamitvā gatāti catubhūmikavedanā ghānajivhākāyasamphassapaccayā nāma jātā. Evaṃ tīsu dvāresu ‘samatikkamavasena’ labbhanti.
гхаанад̣̇ваараад̣̇ийсу бана г̇анд̇хаад̣̇ийсу аабаат̇аг̇ад̇зсу зго звам̣ бариг̇г̇ахам̣ бадтабзд̇и – ‘аяам̣ г̇анд̇хо, аяам̣ расо, ид̣̇ам̣ подтаб̣б̣ам̣ гим̣ ниссид̇а’нд̇и саб̣б̣ам̣ жагкуд̣̇ваарз вуд̇д̇анаязнзва взд̣̇ид̇аб̣б̣ам̣. звам̣ г̇анд̇хаарамман̣аад̣̇ийни саммасид̇ваа ниб̣б̣ад̇д̇ид̇аад̇и аяам̣ взд̣̇анаа гхаанаж̇ивхаагааяасампассабажжаяаа наама ж̇аад̇аа. звам̣ ‘бхааванаавасзна’ лаб̣бханд̇и.
Ghānadvārādīsu pana gandhādīsu āpāthagatesu eko evaṃ pariggahaṃ paṭṭhapeti – ‘ayaṃ gandho, ayaṃ raso, idaṃ phoṭṭhabbaṃ kiṃ nissita’nti sabbaṃ cakkhudvāre vuttanayeneva veditabbaṃ. Evaṃ gandhārammaṇādīni sammasitvā nibbattitāti ayaṃ vedanā ghānajivhākāyasamphassapaccayā nāma jātā. Evaṃ ‘bhāvanāvasena’ labbhanti.
манод̣̇ваарз бана д̇ийхиби аагаарзхи лаб̣бханд̇и. згажжо хи ж̇аад̇им̣ бхаяад̇о бассад̇и, ж̇арам̣ б̣яаад̇хим̣ маран̣ам̣ бхаяад̇о бассад̇и, бхаяад̇о д̣̇исваа ‘ж̇аад̇иж̇арааб̣яаад̇химаран̣зхи мужжид̇ум̣ ваддад̇и, на ко бана саггаа нибаж̇ж̇ид̇ваа нид̣̇д̣̇ааяанд̇зна ж̇аад̇иаад̣̇ийхи мужжид̇ум̣, аад̣̇ид̇ова вийрияам̣ гаад̇ум̣ сийлам̣ сод̇хзд̇ум̣ ваддад̇ий’д̇и жинд̇зд̇ваа жагкуд̣̇ваарз вуд̇д̇анаязнзва бадибаж̇ж̇ид̇ваа арахад̇д̇ам̣ баабун̣аад̇и. д̇ад̇т̇а саб̣б̣ааби баригаммавзд̣̇анаа гаамааважараа, адтасамаабад̇д̇ивзд̣̇анаа руубааважарааруубааважараа, маг̇г̇апалавзд̣̇анаа логуд̇д̇араад̇и звам̣ ж̇аад̇иж̇арааб̣яаад̇химаран̣ам̣ жад̇убхуумигавзд̣̇анааниб̣б̣ад̇д̇ияаа б̣алавабажжаяо ход̇ийд̇и жад̇убхуумигавзд̣̇анаа маносампассабажжаяаа наама ж̇аад̇аа. звам̣ д̇аава ‘убаниссаяавасзна’ лаб̣бханд̇и.
Manodvāre pana tīhipi ākārehi labbhanti. Ekacco hi jātiṃ bhayato passati, jaraṃ byādhiṃ maraṇaṃ bhayato passati, bhayato disvā ‘jātijarābyādhimaraṇehi muccituṃ vaṭṭati, na kho pana sakkā nipajjitvā niddāyantena jātiādīhi muccituṃ, āditova vīriyaṃ kātuṃ sīlaṃ sodhetuṃ vaṭṭatī’ti cintetvā cakkhudvāre vuttanayeneva paṭipajjitvā arahattaṃ pāpuṇāti. Tattha sabbāpi parikammavedanā kāmāvacarā, aṭṭhasamāpattivedanā rūpāvacarārūpāvacarā, maggaphalavedanā lokuttarāti evaṃ jātijarābyādhimaraṇaṃ catubhūmikavedanānibbattiyā balavapaccayo hotīti catubhūmikavedanā manosamphassapaccayā nāma jātā. Evaṃ tāva ‘upanissayavasena’ labbhanti.
манод̣̇ваарз бана д̇хаммаарамман̣з аабаат̇аг̇ад̇зд̇и саб̣б̣ам̣ жагкуд̣̇ваарз вуд̇д̇анаязнзва взд̣̇ид̇аб̣б̣ам̣. звам̣ д̇хаммаарамман̣з уббаннам̣ гилзсам̣ самад̇иггамид̇ваа г̇ад̇аад̇и жад̇убхуумигавзд̣̇анаа маносампассабажжаяаа наама ж̇аад̇аа. звам̣ ‘самад̇иггамавасзна’ лаб̣бханд̇и.
Manodvāre pana dhammārammaṇe āpāthagateti sabbaṃ cakkhudvāre vuttanayeneva veditabbaṃ. Evaṃ dhammārammaṇe uppannaṃ kilesaṃ samatikkamitvā gatāti catubhūmikavedanā manosamphassapaccayā nāma jātā. Evaṃ ‘samatikkamavasena’ labbhanti.
манод̣̇ваарз бана д̇хаммаарамман̣з аабаат̇аг̇ад̇з зго звам̣ бариг̇г̇ахам̣ бадтабзд̇и – ‘зд̇ам̣ д̇хаммаарамман̣ам̣ гим̣ ниссид̇а’нд̇и? ‘вад̇т̇униссид̇а’нд̇и. ‘вад̇т̇у гим̣ ниссид̇а’нд̇и? ‘махаабхууд̇аани ниссид̇а’нд̇и. со жад̇д̇аари махаабхууд̇аани убаад̣̇ааруубан̃жа руубанд̇и бариг̇г̇ан̣хаад̇и, д̇ад̣̇аарамман̣з д̇хаммз аруубанд̇и бариг̇г̇ан̣хаад̇и. д̇ад̇о саббажжаяам̣ наамаруубам̣ бариг̇г̇ан̣хид̇ваа д̇ийн̣и лагкан̣аани ааробзд̇ваа вибассанаабадибаадияаа сан̇каарз саммасид̇ваа арахад̇д̇ам̣ баабун̣аад̇и. д̇ад̇т̇а саб̣б̣ааби баригаммавзд̣̇анаа гаамааважараа, адтасамаабад̇д̇ивзд̣̇анаа руубааважарааруубааважараа, маг̇г̇апалавзд̣̇анаа логуд̇д̇араад̇и звам̣ д̇хаммаарамман̣ам̣ саммасид̇ваа ниб̣б̣ад̇д̇ид̇аад̇и аяам̣ взд̣̇анаа маносампассабажжаяаа наама ж̇аад̇аа. звам̣ ‘бхааванаавасзна’ лаб̣бханд̇и. яаа банзд̇аа саб̣б̣зсамби жад̇увийсад̇ивид̇хаад̣̇ийнам̣ ваараанам̣ барияосаанзсу жагкусампассаж̇аа взд̣̇анаа…бз… маносампассаж̇аа взд̣̇анаад̇и ча ча взд̣̇анаа вуд̇д̇аа, д̇аа самбаяуд̇д̇абажжаяавасзна вуд̇д̇аад̇и.
Manodvāre pana dhammārammaṇe āpāthagate eko evaṃ pariggahaṃ paṭṭhapeti – ‘etaṃ dhammārammaṇaṃ kiṃ nissita’nti? ‘Vatthunissita’nti. ‘Vatthu kiṃ nissita’nti? ‘Mahābhūtāni nissita’nti. So cattāri mahābhūtāni upādārūpañca rūpanti pariggaṇhāti, tadārammaṇe dhamme arūpanti pariggaṇhāti. Tato sappaccayaṃ nāmarūpaṃ pariggaṇhitvā tīṇi lakkhaṇāni āropetvā vipassanāpaṭipāṭiyā saṅkhāre sammasitvā arahattaṃ pāpuṇāti. Tattha sabbāpi parikammavedanā kāmāvacarā, aṭṭhasamāpattivedanā rūpāvacarārūpāvacarā, maggaphalavedanā lokuttarāti evaṃ dhammārammaṇaṃ sammasitvā nibbattitāti ayaṃ vedanā manosamphassapaccayā nāma jātā. Evaṃ ‘bhāvanāvasena’ labbhanti. Yā panetā sabbesampi catuvīsatividhādīnaṃ vārānaṃ pariyosānesu cakkhusamphassajā vedanā…pe… manosamphassajā vedanāti cha cha vedanā vuttā, tā sampayuttapaccayavasena vuttāti.
аяам̣ взд̣̇анаагканд̇ханид̣̇д̣̇зсо.
Ayaṃ vedanākkhandhaniddeso.
сан̃н̃аагканд̇хаад̣̇аяоби иминаа убааязна взд̣̇ид̇аб̣б̣аа. гзвалан̃хи сан̃н̃аагканд̇ханид̣̇д̣̇зсз д̇игзсу взд̣̇анаад̇д̇игабийд̇ид̇д̇игааби лаб̣бханд̇и, д̣̇угзсу жа сукасахаг̇ад̇ад̣̇угаад̣̇аяоби. сан̇каарагканд̇ханид̣̇д̣̇зсз пассассааби сан̇каарагканд̇хабарияаабаннад̇д̇аа пассасамбаяуд̇д̇од̇и авад̇ваа жид̇д̇асамбаяуд̇д̇од̇и вуд̇д̇ам̣. д̣̇угзсу жзд̇т̇а хзд̇уд̣̇угаад̣̇аяоби лаб̣бханд̇и. д̇игаа сан̃н̃аагканд̇хасад̣̇исаа зва . вин̃н̃аан̣агканд̇ханид̣̇д̣̇зсз жагкусампассаж̇аад̣̇ибхаавам̣ авад̇ваа жагкувин̃н̃аан̣анд̇иаад̣̇и вуд̇д̇ам̣. на хи саггаа вин̃н̃аан̣ам̣ маносампассаж̇анд̇и нид̣̇д̣̇исид̇ум̣. сзсамзд̇т̇а сан̃н̃аагканд̇хз вуд̇д̇асад̣̇исамзва. имзсам̣ бана д̇ин̣н̣амби канд̇хаанам̣ нид̣̇д̣̇зсзязва взд̣̇анаагканд̇ханид̣̇д̣̇зсад̇о ад̇ирзгад̇игад̣̇угаа лад̣̇д̇хаа. д̇зсам̣ васзна ваараббабхзд̣̇о взд̣̇ид̇аб̣б̣од̇и.
Saññākkhandhādayopi iminā upāyena veditabbā. Kevalañhi saññākkhandhaniddese tikesu vedanāttikapītittikāpi labbhanti, dukesu ca sukhasahagatadukādayopi. Saṅkhārakkhandhaniddese phassassāpi saṅkhārakkhandhapariyāpannattā phassasampayuttoti avatvā cittasampayuttoti vuttaṃ. Dukesu cettha hetudukādayopi labbhanti. Tikā saññākkhandhasadisā eva . Viññāṇakkhandhaniddese cakkhusamphassajādibhāvaṃ avatvā cakkhuviññāṇantiādi vuttaṃ. Na hi sakkā viññāṇaṃ manosamphassajanti niddisituṃ. Sesamettha saññākkhandhe vuttasadisameva. Imesaṃ pana tiṇṇampi khandhānaṃ niddeseyeva vedanākkhandhaniddesato atirekatikadukā laddhā. Tesaṃ vasena vārappabhedo veditabboti.
абхид̇хаммабхааж̇анийяаван̣н̣анаа.
Abhidhammabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 1. канд̇хавибхан̇г̇о • 1. Khandhavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 1. канд̇хавибхан̇г̇о • 1. Khandhavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 1. канд̇хавибхан̇г̇о • 1. Khandhavibhaṅgo
