| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
5. инд̣̇рияавибхан̇г̇о
5. Indriyavibhaṅgo
1. абхид̇хаммабхааж̇анийяаван̣н̣анаа
1. Abhidhammabhājanīyavaṇṇanā
219. ид̣̇аани д̇ад̣̇ананд̇арз инд̣̇рияавибхан̇г̇з б̣аавийсад̇ийд̇и г̇ан̣анабарижчзд̣̇о. инд̣̇рияаанийд̇и барижчиннад̇хамманид̣̇ассанам̣. ид̣̇аани д̇аани саруубад̇о д̣̇ассзнд̇о жагкунд̣̇рияанд̇иаад̣̇имааха. д̇ад̇т̇а жагкуд̣̇ваарз инд̣̇адтам̣ гаарзд̇ийд̇и жагкунд̣̇рияам̣. сод̇агхаанаж̇ивхаагааяад̣̇ваарз инд̣̇адтам̣ гаарзд̇ийд̇и гааяинд̣̇рияам̣. виж̇аананалагкан̣з инд̣̇адтам̣ гаарзд̇ийд̇и манинд̣̇рияам̣. ид̇т̇ибхаавз инд̣̇адтам̣ гаарзд̇ийд̇и ид̇т̇инд̣̇рияам̣. бурисабхаавз инд̣̇адтам̣ гаарзд̇ийд̇и бурисинд̣̇рияам̣. анубааланалагкан̣з инд̣̇адтам̣ гаарзд̇ийд̇и ж̇ийвид̇инд̣̇рияам̣. сукалагкан̣з инд̣̇адтам̣ гаарзд̇ийд̇и сукинд̣̇рияам̣. д̣̇угкасоманасса д̣̇оманасса убзгкаалагкан̣з инд̣̇адтам̣ гаарзд̇ийд̇и убзгкинд̣̇рияам̣. ад̇химогкалагкан̣з инд̣̇адтам̣ гаарзд̇ийд̇и сад̣̇д̇хинд̣̇рияам̣. баг̇г̇ахалагкан̣з инд̣̇адтам̣ гаарзд̇ийд̇и вийрияинд̣̇рияам̣. убадтааналагкан̣з инд̣̇адтам̣ гаарзд̇ийд̇и сад̇инд̣̇рияам̣. авигкзбалагкан̣з инд̣̇адтам̣ гаарзд̇ийд̇и самаад̇хинд̣̇рияам̣. д̣̇ассаналагкан̣з инд̣̇адтам̣ гаарзд̇ийд̇и бан̃н̃инд̣̇рияам̣. анан̃н̃аад̇ан̃н̃ассаамийд̇и бавад̇д̇з ж̇аананалагкан̣з инд̣̇адтам̣ гаарзд̇ийд̇и анан̃н̃аад̇ан̃н̃ассаамийд̇инд̣̇рияам̣. н̃аад̇аанам̣язва д̇хаммаанам̣ буна ааж̇аананз инд̣̇адтам̣ гаарзд̇ийд̇и ан̃н̃инд̣̇рияам̣. ан̃н̃аад̇аавийбхаавз инд̣̇адтам̣ гаарзд̇ийд̇и ан̃н̃аад̇аавинд̣̇рияам̣.
219. Idāni tadanantare indriyavibhaṅge bāvīsatīti gaṇanaparicchedo. Indriyānīti paricchinnadhammanidassanaṃ. Idāni tāni sarūpato dassento cakkhundriyantiādimāha. Tattha cakkhudvāre indaṭṭhaṃ kāretīti cakkhundriyaṃ. Sotaghānajivhākāyadvāre indaṭṭhaṃ kāretīti kāyindriyaṃ. Vijānanalakkhaṇe indaṭṭhaṃ kāretīti manindriyaṃ. Itthibhāve indaṭṭhaṃ kāretīti itthindriyaṃ. Purisabhāve indaṭṭhaṃ kāretīti purisindriyaṃ. Anupālanalakkhaṇe indaṭṭhaṃ kāretīti jīvitindriyaṃ. Sukhalakkhaṇe indaṭṭhaṃ kāretīti sukhindriyaṃ. Dukkhasomanassa domanassa upekkhālakkhaṇe indaṭṭhaṃ kāretīti upekkhindriyaṃ. Adhimokkhalakkhaṇe indaṭṭhaṃ kāretīti saddhindriyaṃ. Paggahalakkhaṇe indaṭṭhaṃ kāretīti vīriyindriyaṃ. Upaṭṭhānalakkhaṇe indaṭṭhaṃ kāretīti satindriyaṃ. Avikkhepalakkhaṇe indaṭṭhaṃ kāretīti samādhindriyaṃ. Dassanalakkhaṇe indaṭṭhaṃ kāretīti paññindriyaṃ. Anaññātaññassāmīti pavatte jānanalakkhaṇe indaṭṭhaṃ kāretīti anaññātaññassāmītindriyaṃ. Ñātānaṃyeva dhammānaṃ puna ājānane indaṭṭhaṃ kāretīti aññindriyaṃ. Aññātāvībhāve indaṭṭhaṃ kāretīti aññātāvindriyaṃ.
ид̇ха суд̇д̇анд̇абхааж̇анийяам̣ наама на г̇ахид̇ам̣. гасмаа? суд̇д̇анд̇з имааяа бадибаадияаа б̣аавийсад̇ияаа инд̣̇рияаанам̣ анааг̇ад̇ад̇д̇аа. суд̇д̇анд̇асмин̃хи гад̇т̇ажи д̣̇вз инд̣̇рияаани гат̇ид̇аани, гад̇т̇ажи д̇ийн̣и, гад̇т̇ажи бан̃жа. звам̣ бана ниранд̇арам̣ д̣̇ваавийсад̇и ааг̇ад̇аани наама над̇т̇и. аяам̣ д̇аавзд̇т̇а адтагат̇аанаяо. аяам̣ бана абаро наяо – зд̇зсу хи
Idha suttantabhājanīyaṃ nāma na gahitaṃ. Kasmā? Suttante imāya paṭipāṭiyā bāvīsatiyā indriyānaṃ anāgatattā. Suttantasmiñhi katthaci dve indriyāni kathitāni, katthaci tīṇi, katthaci pañca. Evaṃ pana nirantaraṃ dvāvīsati āgatāni nāma natthi. Ayaṃ tāvettha aṭṭhakathānayo. Ayaṃ pana aparo nayo – etesu hi
ад̇т̇ад̇о лагкан̣аад̣̇ийхи, гамад̇о жа виж̇аанияаа;
Atthato lakkhaṇādīhi, kamato ca vijāniyā;
бхзд̣̇аабхзд̣̇аа д̇ат̇аа гижжаа, бхуумид̇о жа винижчаяам̣.
Bhedābhedā tathā kiccā, bhūmito ca vinicchayaṃ.
д̇ад̇т̇а жагкаад̣̇ийнам̣ д̇аава ‘‘жагкад̇ийд̇и жагкуу’’д̇иаад̣̇инаа наязна ад̇т̇о багаасид̇о. бажчимзсу бана д̇ийсу батамам̣ ‘буб̣б̣абхааг̇з анан̃н̃аад̇ам̣ амад̇ам̣ бад̣̇ам̣ жад̇усажжад̇хаммам̣ ваа ж̇ааниссаамий’д̇и звам̣ бадибаннасса уббаж̇ж̇анад̇о инд̣̇рияадтасамбхавад̇о жа анан̃н̃аад̇ан̃н̃ассаамийд̇инд̣̇рияанд̇и вуд̇д̇ам̣. д̣̇уд̇ияам̣ ааж̇аананад̇о жа инд̣̇рияадтасамбхавад̇о жа ан̃н̃инд̣̇рияам̣. д̇ад̇ияам̣ ан̃н̃аад̇аавино жад̇уусу сажжзсу нидтид̇ан̃аан̣агижжасса кийн̣аасавассзва уббаж̇ж̇анад̇о инд̣̇рияадтасамбхавад̇о жа ан̃н̃аад̇аавинд̣̇рияам̣.
Tattha cakkhādīnaṃ tāva ‘‘cakkhatīti cakkhū’’tiādinā nayena attho pakāsito. Pacchimesu pana tīsu paṭhamaṃ ‘pubbabhāge anaññātaṃ amataṃ padaṃ catusaccadhammaṃ vā jānissāmī’ti evaṃ paṭipannassa uppajjanato indriyaṭṭhasambhavato ca anaññātaññassāmītindriyanti vuttaṃ. Dutiyaṃ ājānanato ca indriyaṭṭhasambhavato ca aññindriyaṃ. Tatiyaṃ aññātāvino catūsu saccesu niṭṭhitañāṇakiccassa khīṇāsavasseva uppajjanato indriyaṭṭhasambhavato ca aññātāvindriyaṃ.
го банзса инд̣̇рияадто наамаад̇и? инд̣̇алин̇г̇адто инд̣̇рияадто, инд̣̇ад̣̇зсид̇адто инд̣̇рияадто, инд̣̇ад̣̇идтадто инд̣̇рияадто, инд̣̇асидтадто инд̣̇рияадто, инд̣̇аж̇удтадто инд̣̇рияадто. со саб̣б̣оби ид̇ха яат̇ааяог̇ам̣ яуж̇ж̇ад̇и. бхаг̇аваа хи саммаасамб̣уд̣̇д̇хо барамиссарияабхаавад̇о инд̣̇о. гусалаагусалан̃жа гаммам̣ гаммзсу гассажи иссарияаабхаавад̇о. д̇знзвзд̇т̇а гаммасан̃ж̇анид̇аани инд̣̇рияаани гусалаагусалагаммам̣ уллин̇г̇знд̇и. д̇зна жа сидтаанийд̇и инд̣̇алин̇г̇адтзна инд̣̇асидтадтзна жа инд̣̇рияаани. саб̣б̣аанзва банзд̇аани бхаг̇авад̇аа яат̇аабхууд̇ад̇о багаасид̇аани жа абхисамб̣уд̣̇д̇хаани жаад̇и инд̣̇ад̣̇зсид̇адтзна инд̣̇ад̣̇идтадтзна жа инд̣̇рияаани. д̇знзва бхаг̇авад̇аа мунинд̣̇зна гаанижи г̇ожараасзванааяа, гаанижи бхааванаасзванааяа сзвид̇аанийд̇и инд̣̇аж̇удтадтзнаби инд̣̇рияаани. абижа аад̇хибажжасан̇каад̇зна иссарияадтзнааби зд̇аани инд̣̇рияаани. жагкувин̃н̃аан̣аад̣̇иббавад̇д̇ияан̃хи жагкаад̣̇ийнам̣ сид̣̇д̇хамаад̇хибажжам̣; д̇асмим̣ д̇игкз д̇игкад̇д̇аа манд̣̇з жа манд̣̇ад̇д̇аад̇и. аяам̣ д̇аавзд̇т̇а ‘ад̇т̇ад̇о’ винижчаяо.
Ko panesa indriyaṭṭho nāmāti? Indaliṅgaṭṭho indriyaṭṭho, indadesitaṭṭho indriyaṭṭho, indadiṭṭhaṭṭho indriyaṭṭho, indasiṭṭhaṭṭho indriyaṭṭho, indajuṭṭhaṭṭho indriyaṭṭho. So sabbopi idha yathāyogaṃ yujjati. Bhagavā hi sammāsambuddho paramissariyabhāvato indo. Kusalākusalañca kammaṃ kammesu kassaci issariyābhāvato. Tenevettha kammasañjanitāni indriyāni kusalākusalakammaṃ ulliṅgenti. Tena ca siṭṭhānīti indaliṅgaṭṭhena indasiṭṭhaṭṭhena ca indriyāni. Sabbāneva panetāni bhagavatā yathābhūtato pakāsitāni ca abhisambuddhāni cāti indadesitaṭṭhena indadiṭṭhaṭṭhena ca indriyāni. Teneva bhagavatā munindena kānici gocarāsevanāya, kānici bhāvanāsevanāya sevitānīti indajuṭṭhaṭṭhenapi indriyāni. Apica ādhipaccasaṅkhātena issariyaṭṭhenāpi etāni indriyāni. Cakkhuviññāṇādippavattiyañhi cakkhādīnaṃ siddhamādhipaccaṃ; tasmiṃ tikkhe tikkhattā mande ca mandattāti. Ayaṃ tāvettha ‘atthato’ vinicchayo.
‘лагкан̣аад̣̇ийхий’д̇и лагкан̣арасабажжубадтаанабад̣̇адтаанзхиби жагкаад̣̇ийнам̣ винижчаяам̣ виж̇аанияаад̇и ад̇т̇о. д̇аани нзсам̣ лагкан̣аад̣̇ийни хздтаа вуд̇д̇анаяаанзва. бан̃н̃инд̣̇рияаад̣̇ийни хи жад̇д̇аари ад̇т̇ад̇о амохоязва. сзсаани д̇ад̇т̇а саруубзнзвааг̇ад̇аани.
‘Lakkhaṇādīhī’ti lakkhaṇarasapaccupaṭṭhānapadaṭṭhānehipi cakkhādīnaṃ vinicchayaṃ vijāniyāti attho. Tāni nesaṃ lakkhaṇādīni heṭṭhā vuttanayāneva. Paññindriyādīni hi cattāri atthato amohoyeva. Sesāni tattha sarūpenevāgatāni.
‘гамад̇о’д̇и аяамби д̣̇зсанааггамова. д̇ад̇т̇а аж̇жхад̇д̇ад̇хаммам̣ барин̃н̃ааяа арияабхуумибадилаабхо ход̇ийд̇и ад̇д̇абхаавабарияаабаннаани жагкунд̣̇рияаад̣̇ийни батамам̣ д̣̇зсид̇аани. со банад̇д̇абхааво яам̣ д̇хаммам̣ убаад̣̇ааяа ид̇т̇ийд̇и ваа бурисод̇и ваа сан̇кам̣ г̇ажчад̇и, аяам̣ сод̇и нид̣̇ассанад̇т̇ам̣ д̇ад̇о ид̇т̇инд̣̇рияам̣ бурисинд̣̇рияан̃жа . со д̣̇увид̇хоби ж̇ийвид̇инд̣̇рияабадиб̣ад̣̇д̇хавуд̇д̇ийд̇и н̃аабанад̇т̇ам̣ д̇ад̇о ж̇ийвид̇инд̣̇рияам̣. яаава д̇асса бавад̇д̇и д̇аава зд̇зсам̣ взд̣̇аяид̇аанам̣ анивад̇д̇и. яам̣ гин̃жи взд̣̇аяид̇ам̣ саб̣б̣ам̣ д̇ам̣ сукад̣̇угканд̇и н̃аабанад̇т̇ам̣ д̇ад̇о сукинд̣̇рияаад̣̇ийни. д̇ам̣нирод̇хад̇т̇ам̣ бана зд̇з д̇хаммаа бхаавзд̇аб̣б̣аад̇и бадибад̇д̇ид̣̇ассанад̇т̇ам̣ д̇ад̇о сад̣̇д̇хаад̣̇ийни. имааяа бадибад̇д̇ияаа зса д̇хаммо батамам̣ ад̇д̇ани баад̇убхавад̇ийд̇и бадибад̇д̇ияаа амогхабхаавад̣̇ассанад̇т̇ам̣ д̇ад̇о анан̃н̃аад̇ан̃н̃ассаамийд̇инд̣̇рияам̣. д̇ассзва палад̇д̇аа д̇ад̇о ананд̇арам̣ бхаавзд̇аб̣б̣ад̇д̇аа жа д̇ад̇о ан̃н̃инд̣̇рияам̣. ид̇о барам̣ бхааванааяа имасса ад̇хиг̇амо, ад̇хиг̇ад̇з жа банимасмим̣ над̇т̇и гин̃жи уд̇д̇ари гаран̣ийяанд̇и н̃аабанад̇т̇ам̣ анд̇з барамассаасабхууд̇ам̣ ан̃н̃аад̇аавинд̣̇рияам̣ д̣̇зсид̇анд̇и аяамзд̇т̇а гамо.
‘Kamato’ti ayampi desanākkamova. Tattha ajjhattadhammaṃ pariññāya ariyabhūmipaṭilābho hotīti attabhāvapariyāpannāni cakkhundriyādīni paṭhamaṃ desitāni. So panattabhāvo yaṃ dhammaṃ upādāya itthīti vā purisoti vā saṅkhaṃ gacchati, ayaṃ soti nidassanatthaṃ tato itthindriyaṃ purisindriyañca . So duvidhopi jīvitindriyapaṭibaddhavuttīti ñāpanatthaṃ tato jīvitindriyaṃ. Yāva tassa pavatti tāva etesaṃ vedayitānaṃ anivatti. Yaṃ kiñci vedayitaṃ sabbaṃ taṃ sukhadukkhanti ñāpanatthaṃ tato sukhindriyādīni. Taṃnirodhatthaṃ pana ete dhammā bhāvetabbāti paṭipattidassanatthaṃ tato saddhādīni. Imāya paṭipattiyā esa dhammo paṭhamaṃ attani pātubhavatīti paṭipattiyā amoghabhāvadassanatthaṃ tato anaññātaññassāmītindriyaṃ. Tasseva phalattā tato anantaraṃ bhāvetabbattā ca tato aññindriyaṃ. Ito paraṃ bhāvanāya imassa adhigamo, adhigate ca panimasmiṃ natthi kiñci uttari karaṇīyanti ñāpanatthaṃ ante paramassāsabhūtaṃ aññātāvindriyaṃ desitanti ayamettha kamo.
‘бхзд̣̇аабхзд̣̇аа’д̇и ж̇ийвид̇инд̣̇рияассзва жзд̇т̇а бхзд̣̇о. д̇ан̃хи руубаж̇ийвид̇инд̣̇рияам̣ аруубаж̇ийвид̇инд̣̇рияанд̇и д̣̇увид̇хам̣ ход̇и. сзсаанам̣ абхзд̣̇од̇и звамзд̇т̇а бхзд̣̇аабхзд̣̇ад̇о винижчаяам̣ виж̇аанияаа.
‘Bhedābhedā’ti jīvitindriyasseva cettha bhedo. Tañhi rūpajīvitindriyaṃ arūpajīvitindriyanti duvidhaṃ hoti. Sesānaṃ abhedoti evamettha bhedābhedato vinicchayaṃ vijāniyā.
‘гижжаа’д̇и гим̣ инд̣̇рияаанам̣ гижжанд̇и жз? жагкунд̣̇рияасса д̇аава ‘‘жагкааяад̇анам̣ жагкувин̃н̃аан̣ад̇хаад̇уяаа д̇ам̣самбаяуд̇д̇агаанан̃жа д̇хаммаанам̣ инд̣̇рияабажжаязна бажжаяо’’д̇и важанад̇о яам̣ д̇ам̣ инд̣̇рияабажжаяабхаавзна саад̇хзд̇аб̣б̣ам̣ ад̇д̇ано д̇игкаманд̣̇аад̣̇ибхаавзна жагкувин̃н̃аан̣аад̣̇ид̇хаммаанам̣ д̇игкаманд̣̇аад̣̇исан̇каад̇ам̣ ад̇д̇аагаараанувад̇д̇аабанам̣ ид̣̇ам̣ ‘гижжам̣’. звам̣ сод̇агхаанаж̇ивхаагааяаанам̣. манинд̣̇рияасса бана сахаж̇аад̇ад̇хаммаанам̣ ад̇д̇ано васавад̇д̇аабанам̣, ж̇ийвид̇инд̣̇рияасса сахаж̇аад̇ад̇хаммаанубааланам̣, ид̇т̇инд̣̇рияабурисинд̣̇рияаанам̣ ид̇т̇ибурисанимид̇д̇агуд̇д̇аагаббаагаараанувид̇хаанам̣, сукад̣̇угкасоманассад̣̇оманассинд̣̇рияаанам̣ сахаж̇аад̇ад̇хаммз абхибхавид̇ваа яат̇аасагам̣ ол̣ааригаагаараанубаабанам̣, убзгкинд̣̇рияасса санд̇абан̣ийд̇амаж̇жхад̇д̇аагаараанубаабанам̣, сад̣̇д̇хаад̣̇ийнам̣ бадибагкаабхибхаванам̣ самбаяуд̇д̇ад̇хаммаанан̃жа басаннаагаараад̣̇ибхаавасамбаабанам̣, анан̃н̃аад̇ан̃н̃ассаамийд̇инд̣̇рияасса сам̣яож̇анад̇д̇аяаббахаанан̃жзва самбаяуд̇д̇агаанан̃жа д̇аббахаанаабхимукабхаавагаран̣ам̣, ан̃н̃инд̣̇рияасса гаамарааг̇аб̣яаабаад̣̇аад̣̇ид̇анугаран̣абахаанан̃жзва сахаж̇аад̇аанан̃жа ад̇д̇ано васаанувад̇д̇аабанам̣, ан̃н̃аад̇аавинд̣̇рияасса саб̣б̣агижжзсу уссуггаббахаанан̃жзва амад̇аабхимукабхаавабажжаяад̇аа жа самбаяуд̇д̇аананд̇и звамзд̇т̇а гижжад̇о винижчаяам̣ виж̇аанияаа.
‘Kiccā’ti kiṃ indriyānaṃ kiccanti ce? Cakkhundriyassa tāva ‘‘cakkhāyatanaṃ cakkhuviññāṇadhātuyā taṃsampayuttakānañca dhammānaṃ indriyapaccayena paccayo’’ti vacanato yaṃ taṃ indriyapaccayabhāvena sādhetabbaṃ attano tikkhamandādibhāvena cakkhuviññāṇādidhammānaṃ tikkhamandādisaṅkhātaṃ attākārānuvattāpanaṃ idaṃ ‘kiccaṃ’. Evaṃ sotaghānajivhākāyānaṃ. Manindriyassa pana sahajātadhammānaṃ attano vasavattāpanaṃ, jīvitindriyassa sahajātadhammānupālanaṃ, itthindriyapurisindriyānaṃ itthipurisanimittakuttākappākārānuvidhānaṃ, sukhadukkhasomanassadomanassindriyānaṃ sahajātadhamme abhibhavitvā yathāsakaṃ oḷārikākārānupāpanaṃ, upekkhindriyassa santapaṇītamajjhattākārānupāpanaṃ, saddhādīnaṃ paṭipakkhābhibhavanaṃ sampayuttadhammānañca pasannākārādibhāvasampāpanaṃ, anaññātaññassāmītindriyassa saṃyojanattayappahānañceva sampayuttakānañca tappahānābhimukhabhāvakaraṇaṃ, aññindriyassa kāmarāgabyāpādāditanukaraṇapahānañceva sahajātānañca attano vasānuvattāpanaṃ, aññātāvindriyassa sabbakiccesu ussukkappahānañceva amatābhimukhabhāvapaccayatā ca sampayuttānanti evamettha kiccato vinicchayaṃ vijāniyā.
‘бхуумид̇о’д̇и жагкусод̇агхаанаж̇ивхаагааяаид̇т̇ибурисасукад̣̇угкад̣̇оманассинд̣̇рияаани жзд̇т̇а гаамааважараанзва . манинд̣̇рияаж̇ийвид̇инд̣̇рияаубзгкинд̣̇рияаани, сад̣̇д̇хаавийрияасад̇исамаад̇хибан̃н̃инд̣̇рияаани жа жад̇убхуумибарияаабаннаани. соманассинд̣̇рияам̣ гаамааважара-руубааважара-логуд̇д̇аравасзна бхуумид̇д̇аяабарияаабаннам̣. авасаанз д̇ийн̣и логуд̇д̇араанзваад̇и звам̣ бхуумид̇о винижчаяам̣ виж̇аанияаа. зван̃хи виж̇аананд̇о –
‘Bhūmito’ti cakkhusotaghānajivhākāyaitthipurisasukhadukkhadomanassindriyāni cettha kāmāvacarāneva . Manindriyajīvitindriyaupekkhindriyāni, saddhāvīriyasatisamādhipaññindriyāni ca catubhūmipariyāpannāni. Somanassindriyaṃ kāmāvacara-rūpāvacara-lokuttaravasena bhūmittayapariyāpannaṃ. Avasāne tīṇi lokuttarānevāti evaṃ bhūmito vinicchayaṃ vijāniyā. Evañhi vijānanto –
сам̣взг̇аб̣ахуло бхигку, тид̇о инд̣̇рияасам̣варз;
Saṃvegabahulo bhikkhu, ṭhito indriyasaṃvare;
инд̣̇рияаани барин̃н̃ааяа, д̣̇угкассанд̇ам̣ ниг̇ажчад̇ийд̇и.
Indriyāni pariññāya, dukkhassantaṃ nigacchatīti.
220. нид̣̇д̣̇зсаваарз ‘‘яам̣ жагку жад̇уннам̣ махаабхууд̇аана’’нд̇иаад̣̇и саб̣б̣ам̣ д̇хаммасан̇г̇ан̣ияам̣ бад̣̇абхааж̇анз (д̇ха. са. адта. 595 аад̣̇аяо) вуд̇д̇анаязнзва взд̣̇ид̇аб̣б̣ам̣. вийрияинд̣̇рияасамаад̇хинд̣̇рияанид̣̇д̣̇зсаад̣̇ийсу жа саммаавааяаамо мижчаавааяаамо саммаасамаад̇хи мижчаасамаад̇хийд̇иаад̣̇ийни на вуд̇д̇аани. гасмаа? саб̣б̣асан̇г̇аахагад̇д̇аа. саб̣б̣асан̇г̇аахагаани хи ид̇ха инд̣̇рияаани гат̇ид̇аани. звам̣ санд̇збзд̇т̇а д̣̇аса инд̣̇рияаани логияаани гаамааважараанзва, д̇ийн̣и логуд̇д̇араани, нава логияалогуд̇д̇арамиссагаанийд̇и.
220. Niddesavāre ‘‘yaṃ cakkhu catunnaṃ mahābhūtāna’’ntiādi sabbaṃ dhammasaṅgaṇiyaṃ padabhājane (dha. sa. aṭṭha. 595 ādayo) vuttanayeneva veditabbaṃ. Vīriyindriyasamādhindriyaniddesādīsu ca sammāvāyāmo micchāvāyāmo sammāsamādhi micchāsamādhītiādīni na vuttāni. Kasmā? Sabbasaṅgāhakattā. Sabbasaṅgāhakāni hi idha indriyāni kathitāni. Evaṃ santepettha dasa indriyāni lokiyāni kāmāvacarāneva, tīṇi lokuttarāni, nava lokiyalokuttaramissakānīti.
абхид̇хаммабхааж̇анийяаван̣н̣анаа.
Abhidhammabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 5. инд̣̇рияавибхан̇г̇о • 5. Indriyavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 5. инд̣̇рияавибхан̇г̇о • 5. Indriyavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 5. инд̣̇рияавибхан̇г̇о • 5. Indriyavibhaṅgo
