| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
374. абхид̇хаммабхааж̇анийяз логуд̇д̇арасад̇ибадтаанавасзна д̣̇зсанааяа аарад̣̇д̇хад̇д̇аа яат̇аа гааяаад̣̇иаарамман̣зсу логияасад̇ибадтаанзсу д̇анд̇и табид̇аа, звам̣ адтабзд̇ваа саб̣б̣ааниби гааяаанубассаад̣̇ийни сад̇ибадтаанаани д̇хаммасан̇г̇ан̣ияам̣ (д̇ха. са. 355 аад̣̇аяо) вибхад̇д̇асса д̣̇зсанаанаяасса мукамад̇д̇амзва д̣̇ассзнд̇зна нид̣̇д̣̇идтаани.
374. Abhidhammabhājanīye lokuttarasatipaṭṭhānavasena desanāya āraddhattā yathā kāyādiārammaṇesu lokiyasatipaṭṭhānesu tanti ṭhapitā, evaṃ aṭṭhapetvā sabbānipi kāyānupassādīni satipaṭṭhānāni dhammasaṅgaṇiyaṃ (dha. sa. 355 ādayo) vibhattassa desanānayassa mukhamattameva dassentena niddiṭṭhāni.
д̇ад̇т̇а наяабхзд̣̇о взд̣̇ид̇аб̣б̣о. гат̇ам̣? гааяаанубассанааяа д̇аава сод̇аабад̇д̇имаг̇г̇з жхаанаабхинивзсз суд̣̇д̇хигабадибад̣̇аа, суд̣̇д̇хигасун̃н̃ад̇аа, сун̃н̃ад̇абадибад̣̇аа, суд̣̇д̇хигааббан̣ихид̇ам̣, аббан̣ихид̇абадибад̣̇аад̇и имзсу бан̃жасу таанзсу д̣̇виннам̣ д̣̇виннам̣ жад̇уггабан̃жаганаяаанам̣ васзна д̣̇аса наяаа хонд̇и. звам̣ сзсзсубийд̇и вийсад̇ияаа абхинивзсзсу д̣̇вз наяасад̇аани. д̇аани жад̇уухи ад̇хибад̇ийхи жад̇уг̇ун̣ид̇аани адта. ид̇и суд̣̇д̇хигаани д̣̇вз саад̇хибад̇ийни адтаад̇и саб̣б̣амби наяасахассам̣ ход̇и. д̇ат̇аа взд̣̇анаанубассанаад̣̇ийсу суд̣̇д̇хигасад̇ибадтаанз жаад̇и сод̇аабад̇д̇имаг̇г̇з бан̃жа наяасахассаани. яат̇аа жа сод̇аабад̇д̇имаг̇г̇з, звам̣ сзсамаг̇г̇зсубийд̇и гусалз вийсад̇и наяасахассаани; сун̃н̃ад̇аабан̣ихид̇аанимид̇д̇аад̣̇ибхзд̣̇зсу бана д̇ад̇о д̇иг̇ун̣з вибаагз садти наяасахассаанийд̇и. звамзва сагижжасаад̇хагаанан̃жзва сам̣сид̣̇д̇хигагижжаанан̃жа гусалавибаагасад̇ибадтаанаанам̣ нид̣̇д̣̇зсавасзна д̣̇увид̇хо гааяаанубассанаад̣̇ивасзна жа суд̣̇д̇хигавасзна жа гусалз бан̃жаннам̣ вибаагз бан̃жаннанд̇и д̣̇асаннам̣ нид̣̇д̣̇зсаваараанам̣ васзна д̣̇асаббабхзд̣̇о асийд̇инаяасахассабад̇иман̣д̣ид̇о абхид̇хаммабхааж̇анийяанид̣̇д̣̇зсо.
Tattha nayabhedo veditabbo. Kathaṃ? Kāyānupassanāya tāva sotāpattimagge jhānābhinivese suddhikapaṭipadā, suddhikasuññatā, suññatapaṭipadā, suddhikaappaṇihitaṃ, appaṇihitapaṭipadāti imesu pañcasu ṭhānesu dvinnaṃ dvinnaṃ catukkapañcakanayānaṃ vasena dasa nayā honti. Evaṃ sesesupīti vīsatiyā abhinivesesu dve nayasatāni. Tāni catūhi adhipatīhi catuguṇitāni aṭṭha. Iti suddhikāni dve sādhipatīni aṭṭhāti sabbampi nayasahassaṃ hoti. Tathā vedanānupassanādīsu suddhikasatipaṭṭhāne cāti sotāpattimagge pañca nayasahassāni. Yathā ca sotāpattimagge, evaṃ sesamaggesupīti kusale vīsati nayasahassāni; suññatāpaṇihitānimittādibhedesu pana tato tiguṇe vipāke saṭṭhi nayasahassānīti. Evameva sakiccasādhakānañceva saṃsiddhikakiccānañca kusalavipākasatipaṭṭhānānaṃ niddesavasena duvidho kāyānupassanādivasena ca suddhikavasena ca kusale pañcannaṃ vipāke pañcannanti dasannaṃ niddesavārānaṃ vasena dasappabhedo asītinayasahassapatimaṇḍito abhidhammabhājanīyaniddeso.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 7. сад̇ибадтаанавибхан̇г̇о • 7. Satipaṭṭhānavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 7. сад̇ибадтаанавибхан̇г̇о • 7. Satipaṭṭhānavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 7. сад̇ибадтаанавибхан̇г̇о • 7. Satipaṭṭhānavibhaṅgo
