| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
408. абхид̇хаммабхааж̇анийяз саб̣б̣ааниби саммаббад̇хаанаани д̇хаммасан̇г̇ан̣ияам̣ вибхад̇д̇асса д̣̇зсанаанаяасса мукамад̇д̇амзва д̣̇ассзнд̇зна нид̣̇д̣̇идтаани. д̇ад̇т̇а наяабхзд̣̇о взд̣̇ид̇аб̣б̣о. гат̇ам̣? батамасаммаббад̇хаанз д̇аава сод̇аабад̇д̇имаг̇г̇з жхаанаабхинивзсз суд̣̇д̇хигабадибад̣̇аа, суд̣̇д̇хигасун̃н̃ад̇аа, сун̃н̃ад̇абадибад̣̇аа, суд̣̇д̇хигааббан̣ихид̇аа, аббан̣ихид̇абадибад̣̇аад̇и имзсу бан̃жасу таанзсу д̣̇виннам̣ д̣̇виннам̣ жад̇уггабан̃жаганаяаанам̣ васзна д̣̇аса наяаа хонд̇и. звам̣ сзсзсубийд̇и вийсад̇ияаа абхинивзсзсу д̣̇вз наяасад̇аани. д̇аани жад̇уухи ад̇хибад̇ийхи жад̇уг̇г̇ун̣ид̇аани адта. ид̇и суд̣̇д̇хигаани д̣̇вз саад̇хибад̇ийни адтаад̇и саб̣б̣амби наяасахассам̣ ход̇и. д̇ат̇аад̣̇уд̇ияасаммаббад̇хаанаад̣̇ийсу суд̣̇д̇хигасаммаббад̇хаанз жаад̇и сод̇аабад̇д̇имаг̇г̇з бан̃жанаяасахассаани. яат̇аа жа сод̇аабад̇д̇имаг̇г̇з, звам̣ сзсамаг̇г̇зсубийд̇и гусалавасзнзва вийсад̇и наяасахассаани. вибаагз бана саммаббад̇хаанзхи гад̇д̇аб̣б̣агижжам̣ над̇т̇ийд̇и вибаагавааро на г̇ахид̇од̇и. саммаббад̇хаанаани банзд̇т̇а ниб̣б̣ад̇д̇ид̇алогуд̇д̇араанзва гат̇ид̇аанийд̇и взд̣̇ид̇аб̣б̣аани.
408. Abhidhammabhājanīye sabbānipi sammappadhānāni dhammasaṅgaṇiyaṃ vibhattassa desanānayassa mukhamattameva dassentena niddiṭṭhāni. Tattha nayabhedo veditabbo. Kathaṃ? Paṭhamasammappadhāne tāva sotāpattimagge jhānābhinivese suddhikapaṭipadā, suddhikasuññatā, suññatapaṭipadā, suddhikaappaṇihitā, appaṇihitapaṭipadāti imesu pañcasu ṭhānesu dvinnaṃ dvinnaṃ catukkapañcakanayānaṃ vasena dasa nayā honti. Evaṃ sesesupīti vīsatiyā abhinivesesu dve nayasatāni. Tāni catūhi adhipatīhi catugguṇitāni aṭṭha. Iti suddhikāni dve sādhipatīni aṭṭhāti sabbampi nayasahassaṃ hoti. Tathādutiyasammappadhānādīsu suddhikasammappadhāne cāti sotāpattimagge pañcanayasahassāni. Yathā ca sotāpattimagge, evaṃ sesamaggesupīti kusalavaseneva vīsati nayasahassāni. Vipāke pana sammappadhānehi kattabbakiccaṃ natthīti vipākavāro na gahitoti. Sammappadhānāni panettha nibbattitalokuttarāneva kathitānīti veditabbāni.
абхид̇хаммабхааж̇анийяаван̣н̣анаа.
Abhidhammabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 8. саммаббад̇хаанавибхан̇г̇о • 8. Sammappadhānavibhaṅgo
