| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
490. абхид̇хаммабхааж̇анийяз ‘арияо’д̇и авад̇ваа адтан̇г̇иго маг̇г̇од̇и вуд̇д̇ам̣. звам̣ авуд̇д̇зби аяам̣ арияо зва. яат̇аа хи муд̣̇д̇хаабхисид̇д̇асса ран̃н̃о муд̣̇д̇хаабхисид̇д̇ааяа д̣̇звияаа гужчисмим̣ ж̇аад̇о буд̇д̇о рааж̇абуд̇д̇од̇и авуд̇д̇зби рааж̇абуд̇д̇оязва ход̇и, звамаяамби арияод̇и авуд̇д̇зби арияо зваад̇и взд̣̇ид̇аб̣б̣о. сзсамид̇хааби сажжавибхан̇г̇з вуд̇д̇анаязнзва взд̣̇ид̇аб̣б̣ам̣.
490. Abhidhammabhājanīye ‘ariyo’ti avatvā aṭṭhaṅgiko maggoti vuttaṃ. Evaṃ avuttepi ayaṃ ariyo eva. Yathā hi muddhābhisittassa rañño muddhābhisittāya deviyā kucchismiṃ jāto putto rājaputtoti avuttepi rājaputtoyeva hoti, evamayampi ariyoti avuttepi ariyo evāti veditabbo. Sesamidhāpi saccavibhaṅge vuttanayeneva veditabbaṃ.
493. бан̃жан̇г̇игаваарзби адтан̇г̇игод̇и авуд̇д̇зби адтан̇г̇иго зва взд̣̇ид̇аб̣б̣о. логуд̇д̇арамаг̇г̇о хи бан̃жан̇г̇иго наама над̇т̇и. аяамзд̇т̇а аажарияаанам̣ самаанад̇т̇агат̇аа. вид̇ан̣д̣аваад̣̇ий банааха – ‘‘логуд̇д̇арамаг̇г̇о адтан̇г̇иго наама над̇т̇и, бан̃жан̇г̇игоязва ход̇ий’’д̇и. со ‘‘суд̇д̇ам̣ аахараахий’’д̇и вуд̇д̇о ад̣̇д̇хаа ан̃н̃ам̣ абассанд̇о имам̣ махаасал̣ааяад̇анад̇о суд̇д̇аббад̣̇зсам̣ аахариссад̇и ‘‘яаа д̇ат̇аабхууд̇асса д̣̇идти, саасса ход̇и саммаад̣̇идти. яо д̇ат̇аабхууд̇асса сан̇габбо, вааяаамо, сад̇и, яо д̇ат̇аабхууд̇асса самаад̇хи, сваасса ход̇и саммаасамаад̇хи. буб̣б̣зва ко банасса гааяагаммам̣ важийгаммам̣ ааж̇ийво субарисуд̣̇д̇хо ход̇ий’’д̇и.
493. Pañcaṅgikavārepi aṭṭhaṅgikoti avuttepi aṭṭhaṅgiko eva veditabbo. Lokuttaramaggo hi pañcaṅgiko nāma natthi. Ayamettha ācariyānaṃ samānatthakathā. Vitaṇḍavādī panāha – ‘‘lokuttaramaggo aṭṭhaṅgiko nāma natthi, pañcaṅgikoyeva hotī’’ti. So ‘‘suttaṃ āharāhī’’ti vutto addhā aññaṃ apassanto imaṃ mahāsaḷāyatanato suttappadesaṃ āharissati ‘‘yā tathābhūtassa diṭṭhi, sāssa hoti sammādiṭṭhi. Yo tathābhūtassa saṅkappo, vāyāmo, sati, yo tathābhūtassa samādhi, svāssa hoti sammāsamādhi. Pubbeva kho panassa kāyakammaṃ vacīkammaṃ ājīvo suparisuddho hotī’’ti.
д̇ад̇о ‘‘зд̇асса ананд̇арам̣ суд̇д̇абад̣̇ам̣ аахараа’’д̇и вад̇д̇аб̣б̣о. сажз аахарад̇и ижжзд̇ам̣ гусалам̣, но жз аахарад̇и саяам̣ аахарид̇ваа ‘‘звамассааяам̣ арияо адтан̇г̇иго маг̇г̇о бхааванаабаарибуурим̣ г̇ажчад̇ий’’д̇и (ма. ни. 3.431) ‘‘иминаа д̇з сад̇т̇усаасанзна ваад̣̇о бхинно; логуд̇д̇арамаг̇г̇о бан̃жан̇г̇иго наама над̇т̇и, адтан̇г̇игова ход̇ий’’д̇и вад̇д̇аб̣б̣о.
Tato ‘‘etassa anantaraṃ suttapadaṃ āharā’’ti vattabbo. Sace āharati iccetaṃ kusalaṃ, no ce āharati sayaṃ āharitvā ‘‘evamassāyaṃ ariyo aṭṭhaṅgiko maggo bhāvanāpāripūriṃ gacchatī’’ti (ma. ni. 3.431) ‘‘iminā te satthusāsanena vādo bhinno; lokuttaramaggo pañcaṅgiko nāma natthi, aṭṭhaṅgikova hotī’’ti vattabbo.
имаани бана д̇ийн̣и ан̇г̇аани буб̣б̣з барисуд̣̇д̇хаани вад̇д̇анд̇и, логуд̇д̇арамаг̇г̇агкан̣з барисуд̣̇д̇хад̇араани хонд̇и. ат̇а ‘бан̃жан̇г̇иго маг̇г̇о’д̇и ид̣̇ам̣ гимад̇т̇ам̣ г̇ахид̇анд̇и? ад̇ирзгагижжад̣̇ассанад̇т̇ам̣. яасмин̃хи самаяз мижчааваажам̣ баж̇ахад̇и, саммааваажам̣ буурзд̇и, д̇асмим̣ самаяз саммаагамманд̇асаммааааж̇ийваа над̇т̇и. имаани бан̃жагаараабаган̇г̇аанзва мижчааваажам̣ баж̇аханд̇и; саммааваажаа бана саяам̣ вирад̇ивасзна буурзд̇и. яасмим̣ самаяз мижчаагамманд̇ам̣ баж̇ахад̇и, саммаагамманд̇ам̣ буурзд̇и, д̇асмим̣ самаяз саммааваажаасаммааааж̇ийваа над̇т̇и. имаани бан̃жа гаараабаган̇г̇аанзва мижчаагамманд̇ам̣ баж̇аханд̇и; саммаагамманд̇о бана саяам̣ вирад̇ивасзна буурзд̇и. яасмим̣ самаяз мижчааааж̇ийвам̣ баж̇ахад̇и, саммааааж̇ийвам̣ буурзд̇и, д̇асмим̣ самаяз саммааваажаасаммаагамманд̇аа над̇т̇и. имаани бан̃жа гаараабаган̇г̇аанзва мижчааааж̇ийвам̣ баж̇аханд̇и; саммааааж̇ийво бана саяам̣ вирад̇ивасзна буурзд̇и. имам̣ зд̇зсам̣ бан̃жаннам̣ гаараабаган̇г̇аанам̣ гижжаад̇ирзгад̇ам̣ д̣̇ассзд̇ум̣ бан̃жан̇г̇иго маг̇г̇од̇и г̇ахид̇ам̣. логуд̇д̇арамаг̇г̇о бана адтан̇г̇игова ход̇и, бан̃жан̇г̇иго наама над̇т̇и.
Imāni pana tīṇi aṅgāni pubbe parisuddhāni vattanti, lokuttaramaggakkhaṇe parisuddhatarāni honti. Atha ‘pañcaṅgiko maggo’ti idaṃ kimatthaṃ gahitanti? Atirekakiccadassanatthaṃ. Yasmiñhi samaye micchāvācaṃ pajahati, sammāvācaṃ pūreti, tasmiṃ samaye sammākammantasammāājīvā natthi. Imāni pañcakārāpakaṅgāneva micchāvācaṃ pajahanti; sammāvācā pana sayaṃ virativasena pūreti. Yasmiṃ samaye micchākammantaṃ pajahati, sammākammantaṃ pūreti, tasmiṃ samaye sammāvācāsammāājīvā natthi. Imāni pañca kārāpakaṅgāneva micchākammantaṃ pajahanti; sammākammanto pana sayaṃ virativasena pūreti. Yasmiṃ samaye micchāājīvaṃ pajahati, sammāājīvaṃ pūreti, tasmiṃ samaye sammāvācāsammākammantā natthi. Imāni pañca kārāpakaṅgāneva micchāājīvaṃ pajahanti; sammāājīvo pana sayaṃ virativasena pūreti. Imaṃ etesaṃ pañcannaṃ kārāpakaṅgānaṃ kiccātirekataṃ dassetuṃ pañcaṅgiko maggoti gahitaṃ. Lokuttaramaggo pana aṭṭhaṅgikova hoti, pañcaṅgiko nāma natthi.
‘‘яад̣̇и саммааваажаад̣̇ийхи сад̣̇д̇хим̣ адтан̇г̇игод̇и вад̣̇ат̇а, жад̇ассо саммааваажаажзд̇анаа, д̇иссо саммаагамманд̇ажзд̇анаа, сад̇д̇а саммааааж̇ийважзд̇анаад̇и имамхаа жзд̇анааб̣ахуд̇д̇аа гат̇ам̣ мужжиссат̇а? д̇асмаа бан̃жан̇г̇игова логуд̇д̇арамаг̇г̇о’’д̇и. ‘‘жзд̇анааб̣ахуд̇д̇аа жа бамужжиссаама; адтан̇г̇игова логуд̇д̇арамаг̇г̇од̇и жа вагкаама’’. ‘‘д̇вам̣ д̇аава махаажад̇д̇аарийсагабхаан̣аго хоси, на хосий’’д̇и бужчид̇аб̣б̣о. сажз ‘‘на хомий’’д̇и вад̣̇ад̇и, ‘‘д̇вам̣ абхаан̣агад̇д̇аа на ж̇аанаасий’’д̇и вад̇д̇аб̣б̣о. сажз ‘‘бхаан̣агосмий’’д̇и вад̣̇ад̇и, ‘‘суд̇д̇ам̣ аахараа’’д̇и вад̇д̇аб̣б̣о. сажз суд̇д̇ам̣ аахарад̇и ижжзд̇ам̣ гусалам̣, но жз аахарад̇и саяам̣ убарибан̣н̣аасад̇о аахарид̇аб̣б̣ам̣ –
‘‘Yadi sammāvācādīhi saddhiṃ aṭṭhaṅgikoti vadatha, catasso sammāvācācetanā, tisso sammākammantacetanā, satta sammāājīvacetanāti imamhā cetanābahuttā kathaṃ muccissatha? Tasmā pañcaṅgikova lokuttaramaggo’’ti. ‘‘Cetanābahuttā ca pamuccissāma; aṭṭhaṅgikova lokuttaramaggoti ca vakkhāma’’. ‘‘Tvaṃ tāva mahācattārīsakabhāṇako hosi, na hosī’’ti pucchitabbo. Sace ‘‘na homī’’ti vadati, ‘‘tvaṃ abhāṇakattā na jānāsī’’ti vattabbo. Sace ‘‘bhāṇakosmī’’ti vadati, ‘‘suttaṃ āharā’’ti vattabbo. Sace suttaṃ āharati iccetaṃ kusalaṃ, no ce āharati sayaṃ uparipaṇṇāsato āharitabbaṃ –
‘‘гад̇амаа жа, бхигкавз, саммааваажаа? саммааваажам̣бахам̣, бхигкавз, д̣̇вааяам̣ вад̣̇аами – ад̇т̇и, бхигкавз, саммааваажаа саасаваа бун̃н̃абхааг̇ияаа убад̇хивзбаггаа; ад̇т̇и, бхигкавз, саммааваажаа арияаа анаасаваа логуд̇д̇араа маг̇г̇ан̇г̇аа.
‘‘Katamā ca, bhikkhave, sammāvācā? Sammāvācaṃpahaṃ, bhikkhave, dvāyaṃ vadāmi – atthi, bhikkhave, sammāvācā sāsavā puññabhāgiyā upadhivepakkā; atthi, bhikkhave, sammāvācā ariyā anāsavā lokuttarā maggaṅgā.
‘‘гад̇амаа жа, бхигкавз, саммааваажаа саасаваа бун̃н̃абхааг̇ияаа убад̇хивзбаггаа? мусааваад̣̇аа взраман̣ий, бисун̣ааяа ваажааяа взраман̣ий, парусааяа ваажааяа взраман̣ий, сампаббалаабаа взраман̣ий – аяам̣, бхигкавз, саммааваажаа саасаваа бун̃н̃абхааг̇ияаа убад̇хивзбаггаа.
‘‘Katamā ca, bhikkhave, sammāvācā sāsavā puññabhāgiyā upadhivepakkā? Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī – ayaṃ, bhikkhave, sammāvācā sāsavā puññabhāgiyā upadhivepakkā.
‘‘гад̇амаа жа, бхигкавз, саммааваажаа арияаа анаасаваа логуд̇д̇араа маг̇г̇ан̇г̇аа? яаа ко, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о жад̇уухи важийд̣̇ужжарид̇зхи аарад̇и вирад̇и бадивирад̇и взраман̣ий – аяам̣, бхигкавз, саммааваажаа арияаа анаасаваа логуд̇д̇араа маг̇г̇ан̇г̇аа…бз….
‘‘Katamā ca, bhikkhave, sammāvācā ariyā anāsavā lokuttarā maggaṅgā? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato catūhi vacīduccaritehi ārati virati paṭivirati veramaṇī – ayaṃ, bhikkhave, sammāvācā ariyā anāsavā lokuttarā maggaṅgā…pe….
‘‘гад̇амо жа, бхигкавз, саммаагамманд̇о? саммаагамманд̇ам̣бахам̣, бхигкавз, д̣̇ваяам̣ вад̣̇аами…бз… убад̇хивзбагго.
‘‘Katamo ca, bhikkhave, sammākammanto? Sammākammantaṃpahaṃ, bhikkhave, dvayaṃ vadāmi…pe… upadhivepakko.
‘‘гад̇амо жа, бхигкавз, саммаагамманд̇о арияо анаасаво логуд̇д̇аро…бз….
‘‘Katamo ca, bhikkhave, sammākammanto ariyo anāsavo lokuttaro…pe….
‘‘гад̇амо жа, бхигкавз, саммааааж̇ийво? саммааааж̇ийвам̣бахам̣, бхигкавз, д̣̇вааяам̣ вад̣̇аами…бз… убад̇хивзбагго.
‘‘Katamo ca, bhikkhave, sammāājīvo? Sammāājīvaṃpahaṃ, bhikkhave, dvāyaṃ vadāmi…pe… upadhivepakko.
‘‘гад̇амо жа, бхигкавз, саммааааж̇ийво арияо анаасаво логуд̇д̇аро маг̇г̇ан̇г̇о? яаа ко, бхигкавз, арияажид̇д̇асса анаасаважид̇д̇асса арияамаг̇г̇асаман̇г̇ино арияамаг̇г̇ам̣ бхааваяад̇о мижчааааж̇ийваа аарад̇и вирад̇и бадивирад̇и взраман̣ий – аяам̣, бхигкавз, саммааааж̇ийво арияо анаасаво логуд̇д̇аро маг̇г̇ан̇г̇о’’д̇и (ма. ни. 3.138 аад̣̇аяо).
‘‘Katamo ca, bhikkhave, sammāājīvo ariyo anāsavo lokuttaro maggaṅgo? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato micchāājīvā ārati virati paṭivirati veramaṇī – ayaṃ, bhikkhave, sammāājīvo ariyo anāsavo lokuttaro maggaṅgo’’ti (ma. ni. 3.138 ādayo).
звамзд̇т̇а жад̇уухи важийд̣̇ужжарид̇зхи, д̇ийхи гааяад̣̇ужжарид̇зхи, мижчааж̇ийвад̇о жаад̇и згзгаава вирад̇и арияаа анаасаваа логуд̇д̇араа маг̇г̇ан̇г̇аад̇и вуд̇д̇аа. ‘‘гуд̇о зд̇т̇а жзд̇анааб̣ахуд̇д̇ам̣? гуд̇о бан̃жан̇г̇иго маг̇г̇о? ид̣̇ам̣ д̇з суд̇д̇ам̣ агаамагасса логуд̇д̇арамаг̇г̇о адтан̇г̇игод̇и д̣̇ийбзд̇и’’. сажз зд̇д̇агзна саллагкзд̇и ижжзд̇ам̣ гусалам̣, но жз саллагкзд̇и ан̃н̃ааниби гааран̣аани аахарид̇ваа сан̃н̃аабзд̇аб̣б̣о. вуд̇д̇ан̃хзд̇ам̣ бхаг̇авад̇аа –
Evamettha catūhi vacīduccaritehi, tīhi kāyaduccaritehi, micchājīvato cāti ekekāva virati ariyā anāsavā lokuttarā maggaṅgāti vuttā. ‘‘Kuto ettha cetanābahuttaṃ? Kuto pañcaṅgiko maggo? Idaṃ te suttaṃ akāmakassa lokuttaramaggo aṭṭhaṅgikoti dīpeti’’. Sace ettakena sallakkheti iccetaṃ kusalaṃ, no ce sallakkheti aññānipi kāraṇāni āharitvā saññāpetabbo. Vuttañhetaṃ bhagavatā –
‘‘яасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о на убалаб̣бхад̇и, саман̣оби д̇ад̇т̇а на убалаб̣бхад̇и…бз… имасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇и; ид̇хзва , субхад̣̇д̣̇а, саман̣о…бз… сун̃н̃аа бараббаваад̣̇аа саман̣зхи ан̃н̃зхийд̇и (д̣̇ий. ни. 2.214).
‘‘Yasmiṃ kho, subhadda, dhammavinaye ariyo aṭṭhaṅgiko maggo na upalabbhati, samaṇopi tattha na upalabbhati…pe… imasmiṃ kho, subhadda, dhammavinaye ariyo aṭṭhaṅgiko maggo upalabbhati; idheva , subhadda, samaṇo…pe… suññā parappavādā samaṇehi aññehīti (dī. ni. 2.214).
ан̃н̃зсуби анзгзсу суд̇д̇асад̇зсу адтан̇г̇игова маг̇г̇о ааг̇ад̇о. гат̇аавад̇т̇уббагаран̣зби вуд̇д̇ам̣ –
Aññesupi anekesu suttasatesu aṭṭhaṅgikova maggo āgato. Kathāvatthuppakaraṇepi vuttaṃ –
‘‘маг̇г̇аанам̣ адтан̇г̇иго сздто, сажжаанам̣ жад̇уро бад̣̇аа;
‘‘Maggānaṃ aṭṭhaṅgiko seṭṭho, saccānaṃ caturo padā;
вирааг̇о сздто д̇хаммаанам̣, д̣̇вибад̣̇аанан̃жа жагкумаа’’д̇и (гат̇аа. 872) –
Virāgo seṭṭho dhammānaṃ, dvipadānañca cakkhumā’’ti (kathā. 872) –
‘‘ад̇т̇зва суд̇д̇анд̇од̇и’’? ‘‘ааманд̇аа’’‘‘д̇зна хи адтан̇г̇иго маг̇г̇о’’д̇и. сажз бана зд̇д̇агзнааби сан̃н̃ад̇д̇им̣ на г̇ажчад̇и, ‘‘г̇ажча, вихаарам̣ бависид̇ваа яааг̇ум̣ биваахий’’д̇и уяяож̇зд̇аб̣б̣о. уд̇д̇аримбана гааран̣ам̣ вагкад̇ийд̇и адтаанамзд̇ам̣. сзсамзд̇т̇а уд̇д̇аанад̇т̇амзва.
‘‘Attheva suttantoti’’? ‘‘Āmantā’’‘‘tena hi aṭṭhaṅgiko maggo’’ti. Sace pana ettakenāpi saññattiṃ na gacchati, ‘‘gaccha, vihāraṃ pavisitvā yāguṃ pivāhī’’ti uyyojetabbo. Uttarimpana kāraṇaṃ vakkhatīti aṭṭhānametaṃ. Sesamettha uttānatthameva.
наяаа банзд̇т̇а г̇ан̣зд̇аб̣б̣аа. адтан̇г̇игамаг̇г̇асмин̃хи згад̇о бужчид̇ваа згад̇о виссаж̇ж̇анз жад̇уусу маг̇г̇зсу жад̇д̇аари наяасахассаани вибхад̇д̇аани. бан̃жан̇г̇игамаг̇г̇з згад̇о бужчид̇ваа згад̇о виссаж̇ж̇анз жад̇д̇аари; баадиязггам̣ бужчид̇ваа баадиязггам̣ виссаж̇ж̇анз жад̇д̇аари жад̇д̇аарийд̇и бан̃жасу ан̇г̇зсу вийсад̇и. ид̇и буримаани адта имаани жа вийсад̇ийд̇и саб̣б̣ааниби маг̇г̇авибхан̇г̇з адтавийсад̇и наяасахассаани вибхад̇д̇аани. д̇аани жа ко ниб̣б̣ад̇д̇ид̇алогуд̇д̇араани гусалаанзва. вибаагз бана гусалад̇о д̇иг̇ун̣аа наяаа гаад̇аб̣б̣аад̇и.
Nayā panettha gaṇetabbā. Aṭṭhaṅgikamaggasmiñhi ekato pucchitvā ekato vissajjane catūsu maggesu cattāri nayasahassāni vibhattāni. Pañcaṅgikamagge ekato pucchitvā ekato vissajjane cattāri; pāṭiyekkaṃ pucchitvā pāṭiyekkaṃ vissajjane cattāri cattārīti pañcasu aṅgesu vīsati. Iti purimāni aṭṭha imāni ca vīsatīti sabbānipi maggavibhaṅge aṭṭhavīsati nayasahassāni vibhattāni. Tāni ca kho nibbattitalokuttarāni kusalāneva. Vipāke pana kusalato tiguṇā nayā kātabbāti.
абхид̇хаммабхааж̇анийяаван̣н̣анаа.
Abhidhammabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 11. маг̇г̇ан̇г̇авибхан̇г̇о • 11. Maggaṅgavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 11. маг̇г̇ан̇г̇авибхан̇г̇о • 11. Maggaṅgavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 11. маг̇г̇ан̇г̇авибхан̇г̇о • 11. Maggaṅgavibhaṅgo
