| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
14. сигкаабад̣̇авибхан̇г̇о
14. Sikkhāpadavibhaṅgo
1. абхид̇хаммабхааж̇анийяаван̣н̣анаа
1. Abhidhammabhājanīyavaṇṇanā
703. ид̣̇аани д̇ад̣̇ананд̇арз сигкаабад̣̇авибхан̇г̇з бан̃жаад̇и г̇ан̣анабарижчзд̣̇о. сигкаабад̣̇аанийд̇и сигкид̇аб̣б̣абад̣̇аани; сигкаагодтаасаад̇и ад̇т̇о. абижа убари ааг̇ад̇аа саб̣б̣зби гусалаа д̇хаммаа сигкид̇аб̣б̣ад̇о сигкаа. бан̃жасу бана сийлан̇г̇зсу яам̣гин̃жи ан̇г̇ам̣ д̇аасам̣ сигкаанам̣ бад̇идтаанадтзна бад̣̇анд̇и сигкаанам̣ бад̣̇ад̇д̇аа сигкаабад̣̇аани. баан̣аад̇ибаад̇аад̇и баан̣асса ад̇ибаад̇аа гхаад̇анаа мааран̣аад̇и ад̇т̇о. взраман̣ийд̇и вирад̇и. ад̣̇иннаад̣̇аанаад̇и ад̣̇иннасса аад̣̇аанаа; барабариг̇г̇ахид̇асса харан̣аад̇и ад̇т̇о. гаамзсууд̇и вад̇т̇угаамзсу. мижчаажаараад̇и гилзсагаамавасзна лаамагаажаараа. мусааваад̣̇аад̇и абхууд̇аваад̣̇ад̇о. сураамзраяамаж̇ж̇абамаад̣̇адтаанаад̇и зд̇т̇а сураад̇и бидтасураа, буувасураа, од̣̇анасураа, гин̣н̣абагкид̇д̇аа, самбхаарасам̣яуд̇д̇аад̇и бан̃жа сураа. мзраяанд̇и бубпаасаво, палаасаво, г̇ул̣аасаво, мад̇хваасаво, самбхаарасам̣яуд̇д̇од̇и бан̃жа аасаваа. д̇ад̣̇убхаяамби мад̣̇анийяадтзна маж̇ж̇ам̣. яааяа жзд̇анааяа д̇ам̣ биванд̇и, саа бамаад̣̇агааран̣ад̇д̇аа бамаад̣̇адтаанам̣; д̇асмаа сураамзраяамаж̇ж̇абамаад̣̇адтаанаа. аяам̣ д̇аавзд̇т̇а маад̇игаанигкзбасса ад̇т̇о.
703. Idāni tadanantare sikkhāpadavibhaṅge pañcāti gaṇanaparicchedo. Sikkhāpadānīti sikkhitabbapadāni; sikkhākoṭṭhāsāti attho. Apica upari āgatā sabbepi kusalā dhammā sikkhitabbato sikkhā. Pañcasu pana sīlaṅgesu yaṃkiñci aṅgaṃ tāsaṃ sikkhānaṃ patiṭṭhānaṭṭhena padanti sikkhānaṃ padattā sikkhāpadāni. Pāṇātipātāti pāṇassa atipātā ghātanā māraṇāti attho. Veramaṇīti virati. Adinnādānāti adinnassa ādānā; parapariggahitassa haraṇāti attho. Kāmesūti vatthukāmesu. Micchācārāti kilesakāmavasena lāmakācārā. Musāvādāti abhūtavādato. Surāmerayamajjapamādaṭṭhānāti ettha surāti piṭṭhasurā, pūvasurā, odanasurā, kiṇṇapakkhittā, sambhārasaṃyuttāti pañca surā. Merayanti pupphāsavo, phalāsavo, guḷāsavo, madhvāsavo, sambhārasaṃyuttoti pañca āsavā. Tadubhayampi madanīyaṭṭhena majjaṃ. Yāya cetanāya taṃ pivanti, sā pamādakāraṇattā pamādaṭṭhānaṃ; tasmā surāmerayamajjapamādaṭṭhānā. Ayaṃ tāvettha mātikānikkhepassa attho.
704. бад̣̇абхааж̇анийяз бана яасмим̣ самаяз гаамааважаранд̇иаад̣̇и саб̣б̣ам̣ хздтаа вуд̇д̇анаяад̇д̇аа уд̇д̇аанад̇т̇амзва. яасмаа бана на гзвалам̣ вирад̇иязва сигкаабад̣̇ам̣, жзд̇анааби сигкаабад̣̇амзва, д̇асмаа д̇ам̣ д̣̇ассзд̇ум̣ д̣̇уд̇ияанаяо д̣̇ассид̇о. яасмаа жа на гзвалам̣ зд̇зязва д̣̇вз д̇хаммаа сигкаабад̣̇ам̣, жзд̇анаасамбаяуд̇д̇аа бана баробан̣н̣аасад̇хаммааби сигкид̇аб̣б̣агодтаасад̇о сигкаабад̣̇амзва, д̇асмаа д̇ад̇ияанаяоби д̣̇ассид̇о.
704. Padabhājanīye pana yasmiṃ samaye kāmāvacarantiādi sabbaṃ heṭṭhā vuttanayattā uttānatthameva. Yasmā pana na kevalaṃ viratiyeva sikkhāpadaṃ, cetanāpi sikkhāpadameva, tasmā taṃ dassetuṃ dutiyanayo dassito. Yasmā ca na kevalaṃ eteyeva dve dhammā sikkhāpadaṃ, cetanāsampayuttā pana paropaṇṇāsadhammāpi sikkhitabbakoṭṭhāsato sikkhāpadameva, tasmā tatiyanayopi dassito.
д̇ад̇т̇а д̣̇увид̇хам̣ сигкаабад̣̇ам̣ барияааяасигкаабад̣̇ам̣ ниббарияааяасигкаабад̣̇ан̃жа. д̇ад̇т̇а вирад̇и ниббарияааяасигкаабад̣̇ам̣. саа хи ‘‘баан̣аад̇ибаад̇аа взраман̣ий’’д̇и баал̣ияам̣ ааг̇ад̇аа, но жзд̇анаа. вираманд̇о жа д̇ааяа зва д̇ад̇о д̇ад̇о вирамад̇и, на жзд̇анааяа. жзд̇анам̣ бана аахарид̇ваа д̣̇ассзси. д̇ат̇аа сзсажзд̇анаасамбаяуд̇д̇ад̇хаммз. вийд̇иггамагаалз хи взражзд̇анаа д̣̇уссийляам̣ наама. д̇асмаа саа вирад̇игаалзби сусийляавасзна вуд̇д̇аа. пассаад̣̇аяо д̇ам̣самбаяуд̇д̇ад̇д̇аа г̇ахид̇аад̇и.
Tattha duvidhaṃ sikkhāpadaṃ pariyāyasikkhāpadaṃ nippariyāyasikkhāpadañca. Tattha virati nippariyāyasikkhāpadaṃ. Sā hi ‘‘pāṇātipātā veramaṇī’’ti pāḷiyaṃ āgatā, no cetanā. Viramanto ca tāya eva tato tato viramati, na cetanāya. Cetanaṃ pana āharitvā dassesi. Tathā sesacetanāsampayuttadhamme. Vītikkamakāle hi veracetanā dussīlyaṃ nāma. Tasmā sā viratikālepi susīlyavasena vuttā. Phassādayo taṃsampayuttattā gahitāti.
ид̣̇аани зд̇зсу сигкаабад̣̇зсу н̃аан̣асамуд̇д̇зж̇анад̇т̇ам̣ имзсам̣ баан̣аад̇ибаад̇аад̣̇ийнам̣ д̇хаммад̇о, годтаасад̇о, аарамман̣ад̇о, взд̣̇анаад̇о, муулад̇о, гаммад̇о, сааваж̇ж̇ад̇о, баяог̇ад̇о жа винижчаяо взд̣̇ид̇аб̣б̣о.
Idāni etesu sikkhāpadesu ñāṇasamuttejanatthaṃ imesaṃ pāṇātipātādīnaṃ dhammato, koṭṭhāsato, ārammaṇato, vedanāto, mūlato, kammato, sāvajjato, payogato ca vinicchayo veditabbo.
д̇ад̇т̇а ‘д̇хаммад̇о’д̇и бан̃жабзд̇з баан̣аад̇ибаад̇аад̣̇аяо жзд̇анаад̇хаммаава хонд̇и. ‘годтаасад̇о’ бан̃жаби гаммабат̇аа зва.
Tattha ‘dhammato’ti pañcapete pāṇātipātādayo cetanādhammāva honti. ‘Koṭṭhāsato’ pañcapi kammapathā eva.
‘аарамман̣ад̇о’ баан̣аад̇ибаад̇о ж̇ийвид̇инд̣̇рияаарамман̣о. ад̣̇иннаад̣̇аанам̣ сад̇д̇аарамман̣ам̣ ваа сан̇каараарамман̣ам̣ ваа. мижчаажааро ид̇т̇ибурисаарамман̣о. мусааваад̣̇о сад̇д̇аарамман̣о ваа сан̇каараарамман̣о ваа. сураабаанам̣ сан̇каараарамман̣ам̣.
‘Ārammaṇato’ pāṇātipāto jīvitindriyārammaṇo. Adinnādānaṃ sattārammaṇaṃ vā saṅkhārārammaṇaṃ vā. Micchācāro itthipurisārammaṇo. Musāvādo sattārammaṇo vā saṅkhārārammaṇo vā. Surāpānaṃ saṅkhārārammaṇaṃ.
‘взд̣̇анаад̇о’ баан̣аад̇ибаад̇о д̣̇угкавзд̣̇ано. ад̣̇иннаад̣̇аанам̣ д̇ивзд̣̇анам̣. д̇ан̃хи хадтад̇удтасса ад̣̇иннам̣ аад̣̇ияад̇о сукавзд̣̇анам̣ ход̇и, бхийд̇агаалз д̣̇угкавзд̣̇анам̣, маж̇жхад̇д̇асса худ̇ваа г̇ан̣хад̇о ад̣̇угкамасукавзд̣̇анам̣. мижчаажааро сукавзд̣̇ано ваа ад̣̇угкамасукавзд̣̇ано ваа. мусааваад̣̇о ад̣̇иннаад̣̇аанам̣ вияа д̇ивзд̣̇ано. сураабаанам̣ сукамаж̇жхад̇д̇авзд̣̇анам̣.
‘Vedanāto’ pāṇātipāto dukkhavedano. Adinnādānaṃ tivedanaṃ. Tañhi haṭṭhatuṭṭhassa adinnaṃ ādiyato sukhavedanaṃ hoti, bhītakāle dukkhavedanaṃ, majjhattassa hutvā gaṇhato adukkhamasukhavedanaṃ. Micchācāro sukhavedano vā adukkhamasukhavedano vā. Musāvādo adinnādānaṃ viya tivedano. Surāpānaṃ sukhamajjhattavedanaṃ.
‘муулад̇о’ баан̣аад̇ибаад̇о д̣̇осамохамууло. ад̣̇иннаад̣̇аанам̣ гин̃жигаалз лобхамохамуулам̣, гин̃жигаалз д̣̇осамохамуулам̣. мижчаажааро лобхамохамууло. мусааваад̣̇о гин̃жигаалз лобхамохамууло, гин̃жигаалз д̣̇осамохамууло. сураабаанам̣ лобхамохамуулам̣.
‘Mūlato’ pāṇātipāto dosamohamūlo. Adinnādānaṃ kiñcikāle lobhamohamūlaṃ, kiñcikāle dosamohamūlaṃ. Micchācāro lobhamohamūlo. Musāvādo kiñcikāle lobhamohamūlo, kiñcikāle dosamohamūlo. Surāpānaṃ lobhamohamūlaṃ.
‘гаммад̇о’ мусааваад̣̇о жзд̇т̇а важийгаммам̣. сзсаа гааяагаммамзва.
‘Kammato’ musāvādo cettha vacīkammaṃ. Sesā kāyakammameva.
‘сааваж̇ж̇ад̇о’ баан̣аад̇ибаад̇о ад̇т̇и аббасааваж̇ж̇о, ад̇т̇и махаасааваж̇ж̇о. д̇ат̇аа ад̣̇иннаад̣̇аанаад̣̇ийни. д̇зсам̣ наанаагаран̣ам̣ хздтаа д̣̇ассид̇амзва.
‘Sāvajjato’ pāṇātipāto atthi appasāvajjo, atthi mahāsāvajjo. Tathā adinnādānādīni. Tesaṃ nānākaraṇaṃ heṭṭhā dassitameva.
аяам̣ бана абаро наяо – гунт̇агибиллигасса хи вад̇хо аббасааваж̇ж̇о, д̇ад̇о маханд̇ад̇арасса махаасааваж̇ж̇о; соби аббасааваж̇ж̇о, д̇ад̇о маханд̇ад̇арааяа сагун̣игааяа махаасааваж̇ж̇о; д̇ад̇о г̇од̇хааяа, д̇ад̇о сасагасса, д̇ад̇о миг̇асса, д̇ад̇о г̇аваяасса, д̇ад̇о ассасса, д̇ад̇о хад̇т̇исса вад̇хо махаасааваж̇ж̇о, д̇ад̇оби д̣̇уссийламануссасса , д̇ад̇о г̇оруубасийлагамануссасса, д̇ад̇о саран̣аг̇ад̇асса, д̇ад̇о бан̃жасигкаабад̣̇игасса, д̇ад̇о сааман̣зрасса, д̇ад̇о бут̇уж̇ж̇анабхигкуно , д̇ад̇о сод̇аабаннасса, д̇ад̇о сагад̣̇ааг̇аамисса, д̇ад̇о анааг̇аамисса, д̇ад̇о кийн̣аасавасса вад̇хо ад̇имахаасааваж̇ж̇оязва.
Ayaṃ pana aparo nayo – kunthakipillikassa hi vadho appasāvajjo, tato mahantatarassa mahāsāvajjo; sopi appasāvajjo, tato mahantatarāya sakuṇikāya mahāsāvajjo; tato godhāya, tato sasakassa, tato migassa, tato gavayassa, tato assassa, tato hatthissa vadho mahāsāvajjo, tatopi dussīlamanussassa , tato gorūpasīlakamanussassa, tato saraṇagatassa, tato pañcasikkhāpadikassa, tato sāmaṇerassa, tato puthujjanabhikkhuno , tato sotāpannassa, tato sakadāgāmissa, tato anāgāmissa, tato khīṇāsavassa vadho atimahāsāvajjoyeva.
ад̣̇иннаад̣̇аанам̣ д̣̇уссийласса санд̇агз аббасааваж̇ж̇ам̣, д̇ад̇о г̇оруубасийлагасса санд̇агз махаасааваж̇ж̇ам̣; д̇ад̇о саран̣аг̇ад̇асса, д̇ад̇о бан̃жасигкаабад̣̇игасса, д̇ад̇о сааман̣зрасса, д̇ад̇о бут̇уж̇ж̇анабхигкуно, д̇ад̇о сод̇аабаннасса, д̇ад̇о сагад̣̇ааг̇аамисса, д̇ад̇о анааг̇аамисса санд̇агз махаасааваж̇ж̇ам̣, д̇ад̇о кийн̣аасавасса санд̇агз ад̇имахаасааваж̇ж̇ам̣язва.
Adinnādānaṃ dussīlassa santake appasāvajjaṃ, tato gorūpasīlakassa santake mahāsāvajjaṃ; tato saraṇagatassa, tato pañcasikkhāpadikassa, tato sāmaṇerassa, tato puthujjanabhikkhuno, tato sotāpannassa, tato sakadāgāmissa, tato anāgāmissa santake mahāsāvajjaṃ, tato khīṇāsavassa santake atimahāsāvajjaṃyeva.
мижчаажааро д̣̇уссийлааяа ид̇т̇ияаа вийд̇иггамз аббасааваж̇ж̇о, д̇ад̇о г̇оруубасийлагааяа махаасааваж̇ж̇о; д̇ад̇о саран̣аг̇ад̇ааяа, бан̃жасигкаабад̣̇игааяа, сааман̣зрияаа, бут̇уж̇ж̇анабхигкунияаа, сод̇аабаннааяа, сагад̣̇ааг̇ааминияаа, д̇ад̇о анааг̇ааминияаа вийд̇иггамз махаасааваж̇ж̇о, кийн̣аасавааяа бана бхигкунияаа зганд̇амахаасааваж̇ж̇ова.
Micchācāro dussīlāya itthiyā vītikkame appasāvajjo, tato gorūpasīlakāya mahāsāvajjo; tato saraṇagatāya, pañcasikkhāpadikāya, sāmaṇeriyā, puthujjanabhikkhuniyā, sotāpannāya, sakadāgāminiyā, tato anāgāminiyā vītikkame mahāsāvajjo, khīṇāsavāya pana bhikkhuniyā ekantamahāsāvajjova.
мусааваад̣̇о гааган̣игамад̇д̇асса ад̇т̇ааяа мусаагат̇анз аббасааваж̇ж̇о, д̇ад̇о ад̣дхамаасагасса, маасагасса, бан̃жамаасагасса, ад̣дхагахаабан̣асса, гахаабан̣асса, д̇ад̇о анаг̇гханияабхан̣д̣асса ад̇т̇ааяа мусаагат̇анз махаасааваж̇ж̇о, мусаа гат̇зд̇ваа бана сан̇гхам̣ бхинд̣̇анд̇асса зганд̇амахаасааваж̇ж̇ова.
Musāvādo kākaṇikamattassa atthāya musākathane appasāvajjo, tato aḍḍhamāsakassa, māsakassa, pañcamāsakassa, aḍḍhakahāpaṇassa, kahāpaṇassa, tato anagghaniyabhaṇḍassa atthāya musākathane mahāsāvajjo, musā kathetvā pana saṅghaṃ bhindantassa ekantamahāsāvajjova.
сураабаанам̣ басад̇амад̇д̇асса баанз аббасааваж̇ж̇ам̣, ан̃ж̇алимад̇д̇асса баанз махаасааваж̇ж̇ам̣; гааяажааланасамад̇т̇ам̣ бана б̣ахум̣ бивид̇ваа г̇аамагхаад̇аниг̇амагхаад̇агаммам̣ гаронд̇асса зганд̇амахаасааваж̇ж̇амзва.
Surāpānaṃ pasatamattassa pāne appasāvajjaṃ, añjalimattassa pāne mahāsāvajjaṃ; kāyacālanasamatthaṃ pana bahuṃ pivitvā gāmaghātanigamaghātakammaṃ karontassa ekantamahāsāvajjameva.
баан̣аад̇ибаад̇ан̃хи бад̇ваа кийн̣аасавасса вад̇хо махаасааваж̇ж̇о; ад̣̇иннаад̣̇аанам̣ бад̇ваа кийн̣аасавасанд̇агасса харан̣ам̣, мижчаажаарам̣ бад̇ваа кийн̣аасавааяа бхигкунияаа вийд̇иггаманам̣, мусааваад̣̇ам̣ бад̇ваа мусааваад̣̇зна сан̇гхабхзд̣̇о, сураабаанам̣ бад̇ваа гааяажааланасамад̇т̇ам̣ б̣ахум̣ бивид̇ваа г̇ааманиг̇амагхаад̇анам̣ махаасааваж̇ж̇ам̣. саб̣б̣зхиби банзд̇зхи мусааваад̣̇зна сан̇гхабхзд̣̇анамзва махаасааваж̇ж̇ам̣. д̇ан̃хи габбам̣ нираяз баажанасамад̇т̇ам̣ махаагиб̣б̣исам̣.
Pāṇātipātañhi patvā khīṇāsavassa vadho mahāsāvajjo; adinnādānaṃ patvā khīṇāsavasantakassa haraṇaṃ, micchācāraṃ patvā khīṇāsavāya bhikkhuniyā vītikkamanaṃ, musāvādaṃ patvā musāvādena saṅghabhedo, surāpānaṃ patvā kāyacālanasamatthaṃ bahuṃ pivitvā gāmanigamaghātanaṃ mahāsāvajjaṃ. Sabbehipi panetehi musāvādena saṅghabhedanameva mahāsāvajjaṃ. Tañhi kappaṃ niraye pācanasamatthaṃ mahākibbisaṃ.
‘баяог̇ад̇о’д̇и баан̣аад̇ибаад̇о саахад̇т̇игоби ход̇и аан̣ад̇д̇игоби. д̇ат̇аа ад̣̇иннаад̣̇аанам̣. мижчаажаарамусааваад̣̇асураабаанаани саахад̇т̇игаанзваад̇и.
‘Payogato’ti pāṇātipāto sāhatthikopi hoti āṇattikopi. Tathā adinnādānaṃ. Micchācāramusāvādasurāpānāni sāhatthikānevāti.
звамзд̇т̇а баан̣аад̇ибаад̇аад̣̇ийнам̣ д̇хаммаад̣̇ивасзна винижчаяам̣ н̃ад̇ваа баан̣аад̇ибаад̇аа взраман̣ийд̇иаад̣̇ийнамби д̇хаммад̇о, годтаасад̇о, аарамман̣ад̇о, взд̣̇анаад̇о, муулад̇о, гаммад̇о, кан̣д̣ад̇о, самаад̣̇аанад̇о, баяог̇ад̇о жа винижчаяо взд̣̇ид̇аб̣б̣о.
Evamettha pāṇātipātādīnaṃ dhammādivasena vinicchayaṃ ñatvā pāṇātipātā veramaṇītiādīnampi dhammato, koṭṭhāsato, ārammaṇato, vedanāto, mūlato, kammato, khaṇḍato, samādānato, payogato ca vinicchayo veditabbo.
д̇ад̇т̇а ‘д̇хаммад̇о’д̇и барияааяасийлавасзна бадибаадияаа бан̃жа жзд̇анаад̇хаммаава. ‘годтаасад̇о’д̇и бан̃жаби гаммабат̇аа зва. ‘аарамман̣ад̇о’д̇и баан̣аад̇ибаад̇аа взраман̣ий барасса ж̇ийвид̇инд̣̇рияам̣ аарамман̣ам̣ гад̇ваа ад̇д̇ано взражзд̇анааяа вирамад̇и. ид̇араасуби зсзва наяо. саб̣б̣ааби хи зд̇аа вийд̇иггамид̇аб̣б̣авад̇т̇ум̣ аарамман̣ам̣ гад̇ваа взражзд̇анаахиязва вираманд̇и. ‘взд̣̇анаад̇о’д̇и саб̣б̣ааби сукавзд̣̇анаа ваа хонд̇и маж̇жхад̇д̇авзд̣̇анаа ваа. ‘муулад̇о’д̇и н̃аан̣асамбаяуд̇д̇ажид̇д̇зна вираманд̇асса алобхаад̣̇осаамохамуулаа хонд̇и, н̃аан̣авиббаяуд̇д̇ажид̇д̇зна вираманд̇асса алобхаад̣̇осамуулаа хонд̇и. ‘гаммад̇о’д̇и мусааваад̣̇аа взраман̣ийязвзд̇т̇а важийгаммам̣; сзсаа гааяагаммам̣. ‘кан̣д̣ад̇о’д̇и г̇ахадтаа яам̣ яам̣ вийд̇иггаманд̇и, д̇ам̣ д̇ад̣̇зва кан̣д̣ам̣ ход̇и бхиж̇ж̇ад̇и, авасзсам̣ на бхиж̇ж̇ад̇и. гасмаа? г̇ахадтаа хи аниб̣ад̣̇д̇хасийлаа хонд̇и, яам̣ яам̣ саггонд̇и д̇ам̣ д̇ад̣̇зва г̇обзнд̇и. сааман̣зраанам̣ бана згасмим̣ вийд̇иггаманд̇з саб̣б̣аани бхиж̇ж̇анд̇и. на гзвалан̃жа зд̇аани, сзсасийлааниби бхиж̇ж̇анд̇иязва. д̇зсам̣ бана вийд̇иггамо д̣̇ан̣д̣агаммавад̇т̇уго. ‘буна зваруубам̣ на гариссаамий’д̇и д̣̇ан̣д̣агаммз гад̇з сийлам̣ барибун̣н̣ам̣ ход̇и. ‘самаад̣̇аанад̇о’д̇и саяамзва ‘бан̃жа сийлаани ад̇хидтахаамий’д̇и ад̇хидтаханд̇знаби, баадиязггам̣ баадиязггам̣ самаад̣̇ияанд̇знаби самаад̣̇ин̣н̣аани хонд̇и. ан̃н̃асса санд̇игз нисийд̣̇ид̇ваа ‘бан̃жа сийлаани самаад̣̇ияаамий’д̇и самаад̣̇ияанд̇знаби, баадиязггам̣ баадиязггам̣ самаад̣̇ияанд̇знаби самаад̣̇иннаанзва хонд̇и. ‘баяог̇ад̇о’ саб̣б̣ааниби саахад̇т̇игабаяог̇аанзваад̇и взд̣̇ид̇аб̣б̣аани.
Tattha ‘dhammato’ti pariyāyasīlavasena paṭipāṭiyā pañca cetanādhammāva. ‘Koṭṭhāsato’ti pañcapi kammapathā eva. ‘Ārammaṇato’ti pāṇātipātā veramaṇī parassa jīvitindriyaṃ ārammaṇaṃ katvā attano veracetanāya viramati. Itarāsupi eseva nayo. Sabbāpi hi etā vītikkamitabbavatthuṃ ārammaṇaṃ katvā veracetanāhiyeva viramanti. ‘Vedanāto’ti sabbāpi sukhavedanā vā honti majjhattavedanā vā. ‘Mūlato’ti ñāṇasampayuttacittena viramantassa alobhaadosaamohamūlā honti, ñāṇavippayuttacittena viramantassa alobhaadosamūlā honti. ‘Kammato’ti musāvādā veramaṇīyevettha vacīkammaṃ; sesā kāyakammaṃ. ‘Khaṇḍato’ti gahaṭṭhā yaṃ yaṃ vītikkamanti, taṃ tadeva khaṇḍaṃ hoti bhijjati, avasesaṃ na bhijjati. Kasmā? Gahaṭṭhā hi anibaddhasīlā honti, yaṃ yaṃ sakkonti taṃ tadeva gopenti. Sāmaṇerānaṃ pana ekasmiṃ vītikkamante sabbāni bhijjanti. Na kevalañca etāni, sesasīlānipi bhijjantiyeva. Tesaṃ pana vītikkamo daṇḍakammavatthuko. ‘Puna evarūpaṃ na karissāmī’ti daṇḍakamme kate sīlaṃ paripuṇṇaṃ hoti. ‘Samādānato’ti sayameva ‘pañca sīlāni adhiṭṭhahāmī’ti adhiṭṭhahantenapi, pāṭiyekkaṃ pāṭiyekkaṃ samādiyantenapi samādiṇṇāni honti. Aññassa santike nisīditvā ‘pañca sīlāni samādiyāmī’ti samādiyantenapi, pāṭiyekkaṃ pāṭiyekkaṃ samādiyantenapi samādinnāneva honti. ‘Payogato’ sabbānipi sāhatthikapayogānevāti veditabbāni.
712. ид̣̇аани яаасам̣ сигкаанам̣ годтаасабхаавзна имаани бан̃жа сигкаабад̣̇аани вуд̇д̇аани, д̇аани д̣̇ассзд̇ум̣ гад̇амз д̇хаммаа сигкаад̇и аяам̣ сигкаавааро аарад̣̇д̇хо. д̇ад̇т̇а яасмаа саб̣б̣зби жад̇убхуумагагусалаа д̇хаммаа сигкид̇аб̣б̣абхаавад̇о сигкаа, д̇асмаа д̇з д̣̇ассзд̇ум̣ яасмим̣ самаяз гаамааважаранд̇иаад̣̇и вуд̇д̇ам̣. д̇ад̇т̇а хздтаа жид̇д̇уббаад̣̇аган̣д̣з (д̇ха. са. 1) вуд̇д̇анаязнзва баал̣им̣ вид̇т̇аарзд̇ваа ад̇т̇о взд̣̇ид̇аб̣б̣о. ид̇ха бана мукамад̇д̇амзва д̣̇ассид̇анд̇и.
712. Idāni yāsaṃ sikkhānaṃ koṭṭhāsabhāvena imāni pañca sikkhāpadāni vuttāni, tāni dassetuṃ katame dhammā sikkhāti ayaṃ sikkhāvāro āraddho. Tattha yasmā sabbepi catubhūmakakusalā dhammā sikkhitabbabhāvato sikkhā, tasmā te dassetuṃ yasmiṃ samaye kāmāvacarantiādi vuttaṃ. Tattha heṭṭhā cittuppādakaṇḍe (dha. sa. 1) vuttanayeneva pāḷiṃ vitthāretvā attho veditabbo. Idha pana mukhamattameva dassitanti.
абхид̇хаммабхааж̇анийяаван̣н̣анаа.
Abhidhammabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 14. сигкаабад̣̇авибхан̇г̇о • 14. Sikkhāpadavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 14. сигкаабад̣̇авибхан̇г̇о • 14. Sikkhāpadavibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 14. сигкаабад̣̇авибхан̇г̇о • 14. Sikkhāpadavibhaṅgo
