| Library / Tipiṭaka / д̇ибидага • Tipiṭaka / саммохавинод̣̇аний-адтагат̇аа • Sammohavinodanī-aṭṭhakathā |
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
725. д̇ад̇т̇а д̇иссо бадисамбхид̣̇аа логияаа. ад̇т̇абадисамбхид̣̇аа логияалогуд̇д̇арамиссагаа . саа хи ниб̣б̣аанаарамман̣аанам̣ маг̇г̇апалан̃аан̣аанам̣ васзна логуд̇д̇арааби ход̇и. абхид̇хаммабхааж̇анийяз гусалаагусалавибаагагирияаанам̣ васзна жад̇уухи ваарзхи вибхад̇д̇ам̣. д̇ад̇т̇а яад̇д̇агаани хздтаа жид̇д̇уббаад̣̇аган̣д̣з (д̇ха. са. 1 аад̣̇аяо) гусалажид̇д̇аани вибхад̇д̇аани, д̇зсам̣ саб̣б̣зсамби васзна згзгасмим̣ жид̇д̇анид̣̇д̣̇зсз жад̇ассо жад̇ассо бадисамбхид̣̇аа вибхад̇д̇аад̇и взд̣̇ид̇аб̣б̣аа. агусалажид̇д̇зсуби зсзва наяо. вибаагагирияаваарзсу вибаагагирияаанам̣ ад̇т̇зна сан̇г̇ахид̇ад̇д̇аа, д̇хаммабадисамбхид̣̇ам̣ чад̣д̣зд̇ваа, згзгасмим̣ вибаагажид̇д̇з жа гирияажид̇д̇з жа д̇иссо д̇иссова бадисамбхид̣̇аа вибхад̇д̇аа. баал̣и бана мукамад̇д̇амзва д̣̇ассзд̇ваа сам̣кид̇д̇аа. саа хздтаа ааг̇ад̇авид̇т̇ааравасзнзва взд̣̇ид̇аб̣б̣аа.
725. Tattha tisso paṭisambhidā lokiyā. Atthapaṭisambhidā lokiyalokuttaramissakā . Sā hi nibbānārammaṇānaṃ maggaphalañāṇānaṃ vasena lokuttarāpi hoti. Abhidhammabhājanīye kusalākusalavipākakiriyānaṃ vasena catūhi vārehi vibhattaṃ. Tattha yattakāni heṭṭhā cittuppādakaṇḍe (dha. sa. 1 ādayo) kusalacittāni vibhattāni, tesaṃ sabbesampi vasena ekekasmiṃ cittaniddese catasso catasso paṭisambhidā vibhattāti veditabbā. Akusalacittesupi eseva nayo. Vipākakiriyavāresu vipākakiriyānaṃ atthena saṅgahitattā, dhammapaṭisambhidaṃ chaḍḍetvā, ekekasmiṃ vipākacitte ca kiriyacitte ca tisso tissova paṭisambhidā vibhattā. Pāḷi pana mukhamattameva dassetvā saṃkhittā. Sā heṭṭhā āgatavitthāravaseneva veditabbā.
гасмаа бана яат̇аа гусалаагусалаваарзсу ‘‘д̇зсам̣ вибаагз н̃аан̣ам̣ ад̇т̇абадисамбхид̣̇аа’’д̇и вуд̇д̇ам̣, звамид̇ха ‘‘язсам̣ д̇хаммаанам̣ имз вибаагаа, д̇зсу н̃аан̣ам̣ д̇хаммабадисамбхид̣̇аа’’д̇и звам̣ на вуд̇д̇анд̇и? хздтаа вуд̇д̇ад̇д̇аа. яад̣̇и звам̣, ‘‘д̇зсам̣ вибаагз н̃аан̣ам̣ ад̇т̇абадисамбхид̣̇аа’’д̇и хздтаа вуд̇д̇ад̇д̇аа аяам̣ ад̇т̇абадисамбхид̣̇ааби ид̇ха на вад̇д̇аб̣б̣аа сияаад̇и? но на вад̇д̇аб̣б̣аа. гасмаа? хздтаа вибаагагирияажид̇д̇уббаад̣̇авасзна авуд̇д̇ад̇д̇аа. гирияаваарз жа ‘‘язсам̣ д̇хаммаанам̣ имз гирияаа’’д̇и важанамзва на яуж̇ж̇ад̇ийд̇и д̣̇вийсуби имзсу ваарзсу д̇иссо д̇иссова бадисамбхид̣̇аа вибхад̇д̇аа.
Kasmā pana yathā kusalākusalavāresu ‘‘tesaṃ vipāke ñāṇaṃ atthapaṭisambhidā’’ti vuttaṃ, evamidha ‘‘yesaṃ dhammānaṃ ime vipākā, tesu ñāṇaṃ dhammapaṭisambhidā’’ti evaṃ na vuttanti? Heṭṭhā vuttattā. Yadi evaṃ, ‘‘tesaṃ vipāke ñāṇaṃ atthapaṭisambhidā’’ti heṭṭhā vuttattā ayaṃ atthapaṭisambhidāpi idha na vattabbā siyāti? No na vattabbā. Kasmā? Heṭṭhā vipākakiriyacittuppādavasena avuttattā. Kiriyavāre ca ‘‘yesaṃ dhammānaṃ ime kiriyā’’ti vacanameva na yujjatīti dvīsupi imesu vāresu tisso tissova paṭisambhidā vibhattā.
д̇ад̇т̇а яааяа нируд̇д̇ияаа д̇зсам̣ д̇хаммаанам̣ бан̃н̃ад̇д̇и ход̇ийд̇и яааяа нируд̇д̇ияаа д̇зсам̣ пассо ход̇ийд̇иаад̣̇инаа наязна вуд̇д̇аанам̣ д̇хаммаанам̣ ‘‘аяам̣ пассо, аяам̣ взд̣̇анаа’’д̇и звам̣ бан̃н̃ад̇д̇и ход̇и. д̇ад̇т̇а д̇хамманируд̇д̇аабхилаабз н̃аан̣анд̇и д̇асмим̣ ад̇т̇з д̇хаммз жа бавад̇д̇амаанааяа д̇ассаа д̇хамманируд̇д̇ияаа сабхаавабан̃н̃ад̇д̇ияаа абхилаабз н̃аан̣ам̣. абхилаабасад̣̇д̣̇ам̣ аарамман̣ам̣ гад̇ваа уббаннан̃аан̣амзва ид̇хааби гат̇ид̇ам̣. язна н̃аан̣знаад̇и язна бадибхаанабадисамбхид̣̇аан̃аан̣зна. д̇аани н̃аан̣аани ж̇аанаад̇ийд̇и ид̇араани д̇ийн̣и бадисамбхид̣̇аан̃аан̣аани ж̇аанаад̇и.
Tattha yāya niruttiyā tesaṃ dhammānaṃ paññatti hotīti yāya niruttiyā tesaṃ phasso hotītiādinā nayena vuttānaṃ dhammānaṃ ‘‘ayaṃ phasso, ayaṃ vedanā’’ti evaṃ paññatti hoti. Tattha dhammaniruttābhilāpe ñāṇanti tasmiṃ atthe dhamme ca pavattamānāya tassā dhammaniruttiyā sabhāvapaññattiyā abhilāpe ñāṇaṃ. Abhilāpasaddaṃ ārammaṇaṃ katvā uppannañāṇameva idhāpi kathitaṃ. Yena ñāṇenāti yena paṭibhānapaṭisambhidāñāṇena. Tāniñāṇāni jānātīti itarāni tīṇi paṭisambhidāñāṇāni jānāti.
ид̣̇аани яат̇аа яам̣ н̃аан̣ам̣ д̇аани н̃аан̣аани ж̇аанаад̇и, д̇ат̇аа д̇асса д̇зсу бавад̇д̇им̣ д̣̇ассзд̇ум̣ имаани н̃аан̣аани ид̣̇амад̇т̇аж̇од̇агаанийд̇и вуд̇д̇ам̣. д̇ад̇т̇а ид̣̇амад̇т̇аж̇од̇агаанийд̇и имасса ад̇т̇асса ж̇од̇агаани багаасагаани; имам̣ наама ад̇т̇ам̣ ж̇од̇знд̇и багаасзнд̇и барижчинд̣̇анд̇ийд̇и ад̇т̇о. ид̇и н̃аан̣зсу н̃аан̣анд̇и иминаа аагаарзна бавад̇д̇ам̣ д̇ийсу н̃аан̣зсу н̃аан̣ам̣ бадибхаанабадисамбхид̣̇аа наама.
Idāni yathā yaṃ ñāṇaṃ tāni ñāṇāni jānāti, tathā tassa tesu pavattiṃ dassetuṃ imāni ñāṇāni idamatthajotakānīti vuttaṃ. Tattha idamatthajotakānīti imassa atthassa jotakāni pakāsakāni; imaṃ nāma atthaṃ jotenti pakāsenti paricchindantīti attho. Iti ñāṇesu ñāṇanti iminā ākārena pavattaṃ tīsu ñāṇesu ñāṇaṃ paṭibhānapaṭisambhidā nāma.
д̇ад̇т̇а гин̃жааби аяам̣ бадибхаанабадисамбхид̣̇аа ‘имиссаа ид̣̇ам̣ гижжам̣, имиссаа ид̣̇ам̣ гижжа’нд̇и ид̇араасам̣ бадисамбхид̣̇аанам̣ гижжам̣ ж̇аанаад̇и, саяам̣ бана д̇аасам̣ гижжам̣ гаад̇ум̣ на саггод̇и, б̣ахуссуд̇ад̇хаммагат̇иго вияа аббассуд̇ад̇хаммагат̇игасса. д̣̇вз гира бхигкуу. зго б̣ахуссуд̇о, зго аббассуд̇о. д̇з згад̇ова згам̣ д̇хаммагат̇аамаг̇г̇ам̣ уг̇г̇ан̣хим̣су. д̇ад̇т̇а аббассуд̇о сарасамбанно ахоси, ид̇аро манд̣̇ассаро. д̇зсу аббассуд̇о г̇ад̇аг̇ад̇адтаанз ад̇д̇ано сарасамбад̇д̇ияаа сагалабарисам̣ кобхзд̇ваа д̇хаммам̣ гат̇зси. д̇хаммам̣ сун̣амаанаа хадтад̇удтамаанасаа худ̇ваа – ‘яат̇аа зса д̇хаммам̣ гат̇зси, зго д̇ибидагад̇харо ман̃н̃з бхависсад̇ий’д̇и вад̣̇анд̇и. б̣ахуссуд̇абхигку бана – ‘д̇хаммасаванз ж̇ааниссат̇а аяам̣ д̇ибидагад̇харо ваа но ваа’д̇и ааха. со гин̃жааби звамааха, яат̇аа бана сагалабарисам̣ кобхзд̇ваа д̇хаммам̣ гат̇зд̇ум̣ саггод̇и, звамасса гат̇анасамад̇т̇ад̇аа над̇т̇и. д̇ад̇т̇а гин̃жааби бадибхаанабадисамбхид̣̇аа, б̣ахуссуд̇о вияа аббассуд̇асса, ид̇араасам̣ гижжам̣ ж̇аанаад̇и, саяам̣ бана д̇ам̣ гижжам̣ гаад̇ум̣ на саггод̇ийд̇и взд̣̇ид̇аб̣б̣ам̣. сзсам̣ уд̇д̇аанад̇т̇амзва.
Tattha kiñcāpi ayaṃ paṭibhānapaṭisambhidā ‘imissā idaṃ kiccaṃ, imissā idaṃ kicca’nti itarāsaṃ paṭisambhidānaṃ kiccaṃ jānāti, sayaṃ pana tāsaṃ kiccaṃ kātuṃ na sakkoti, bahussutadhammakathiko viya appassutadhammakathikassa. Dve kira bhikkhū. Eko bahussuto, eko appassuto. Te ekatova ekaṃ dhammakathāmaggaṃ uggaṇhiṃsu. Tattha appassuto sarasampanno ahosi, itaro mandassaro. Tesu appassuto gatagataṭṭhāne attano sarasampattiyā sakalaparisaṃ khobhetvā dhammaṃ kathesi. Dhammaṃ suṇamānā haṭṭhatuṭṭhamānasā hutvā – ‘yathā esa dhammaṃ kathesi, eko tipiṭakadharo maññe bhavissatī’ti vadanti. Bahussutabhikkhu pana – ‘dhammasavane jānissatha ayaṃ tipiṭakadharo vā no vā’ti āha. So kiñcāpi evamāha, yathā pana sakalaparisaṃ khobhetvā dhammaṃ kathetuṃ sakkoti, evamassa kathanasamatthatā natthi. Tattha kiñcāpi paṭibhānapaṭisambhidā, bahussuto viya appassutassa, itarāsaṃ kiccaṃ jānāti, sayaṃ pana taṃ kiccaṃ kātuṃ na sakkotīti veditabbaṃ. Sesaṃ uttānatthameva.
746. звам̣ гусалажид̇д̇уббаад̣̇аад̣̇ивасзна бадисамбхид̣̇аа вибхаж̇ид̇ваа ид̣̇аани д̇аасам̣ уббад̇д̇идтаанабхууд̇ам̣ кзд̇д̇ам̣ д̣̇ассзд̇ум̣ буна жад̇ассо бадисамбхид̣̇аад̇иаад̣̇имааха. д̇ад̇т̇а д̇иссо бадисамбхид̣̇аа гаамааважарагусалад̇о жад̇уусу н̃аан̣асамбаяуд̇д̇зсу жид̇д̇уббаад̣̇зсууд̇и ид̣̇ам̣ сзгкаанам̣ васзна вуд̇д̇ам̣. д̇зсан̃хиби д̇хаммабажжавзгкан̣агаалз хздтаа вуд̇д̇ам̣ бан̃жаббагаарам̣ д̇хаммам̣ аарамман̣ам̣ гад̇ваа жад̇уусу н̃аан̣асамбаяуд̇д̇агусалажид̇д̇зсу д̇хаммабадисамбхид̣̇аа уббаж̇ж̇ад̇и. д̇ат̇аа нируд̇д̇ибажжавзгкан̣агаалз сад̣̇д̣̇ам̣ аарамман̣ам̣ гад̇ваа нируд̇д̇ибадисамбхид̣̇аа; н̃аан̣ам̣ бажжавзгкан̣агаалз саб̣б̣ад̇т̇аган̃аан̣ам̣ аарамман̣ам̣ гад̇ваа бадибхаанабадисамбхид̣̇аад̇и.
746. Evaṃ kusalacittuppādādivasena paṭisambhidā vibhajitvā idāni tāsaṃ uppattiṭṭhānabhūtaṃ khettaṃ dassetuṃ puna catasso paṭisambhidātiādimāha. Tattha tisso paṭisambhidā kāmāvacarakusalato catūsu ñāṇasampayuttesu cittuppādesūti idaṃ sekkhānaṃ vasena vuttaṃ. Tesañhipi dhammapaccavekkhaṇakāle heṭṭhā vuttaṃ pañcappakāraṃ dhammaṃ ārammaṇaṃ katvā catūsu ñāṇasampayuttakusalacittesu dhammapaṭisambhidā uppajjati. Tathā niruttipaccavekkhaṇakāle saddaṃ ārammaṇaṃ katvā niruttipaṭisambhidā; ñāṇaṃ paccavekkhaṇakāle sabbatthakañāṇaṃ ārammaṇaṃ katvā paṭibhānapaṭisambhidāti.
гирияад̇о жад̇уусууд̇и ид̣̇ам̣ бана асзгкаанам̣ васзна вуд̇д̇ам̣. д̇зсан̃хи д̇хаммам̣ бажжавзгкан̣агаалз хздтаа вуд̇д̇ам̣ бан̃жаббагаарам̣ д̇хаммам̣ аарамман̣ам̣ гад̇ваа жад̇уусу н̃аан̣асамбаяуд̇д̇агирияажид̇д̇зсу д̇хаммабадисамбхид̣̇аа уббаж̇ж̇ад̇и. д̇ат̇аа нируд̇д̇ибажжавзгкан̣агаалз сад̣̇д̣̇ам̣ аарамман̣ам̣ гад̇ваа нируд̇д̇ибадисамбхид̣̇аа; н̃аан̣ам̣ бажжавзгкан̣агаалз саб̣б̣ад̇т̇аган̃аан̣ам̣ аарамман̣ам̣ гад̇ваа бадибхаанабадисамбхид̣̇аад̇и.
Kiriyato catūsūti idaṃ pana asekkhānaṃ vasena vuttaṃ. Tesañhi dhammaṃ paccavekkhaṇakāle heṭṭhā vuttaṃ pañcappakāraṃ dhammaṃ ārammaṇaṃ katvā catūsu ñāṇasampayuttakiriyacittesu dhammapaṭisambhidā uppajjati. Tathā niruttipaccavekkhaṇakāle saddaṃ ārammaṇaṃ katvā niruttipaṭisambhidā; ñāṇaṃ paccavekkhaṇakāle sabbatthakañāṇaṃ ārammaṇaṃ katvā paṭibhānapaṭisambhidāti.
ад̇т̇абадисамбхид̣̇аа зд̇зсу жзва уббаж̇ж̇ад̇ийд̇и ид̣̇ам̣ бана сзгкаасзгкаанам̣ васзна вуд̇д̇ам̣. д̇ат̇аа хи сзгкаанам̣ ад̇т̇абажжавзгкан̣агаалз хздтаа вуд̇д̇аббабхзд̣̇ам̣ ад̇т̇ам̣ аарамман̣ам̣ гад̇ваа жад̇уусу н̃аан̣асамбаяуд̇д̇агусалажид̇д̇зсу аяам̣ уббаж̇ж̇ад̇и, маг̇г̇апалагаалз жа маг̇г̇апалзсу. асзгкасса бана ад̇т̇ам̣ бажжавзгкан̣агаалз хздтаа вуд̇д̇аббабхзд̣̇амзва ад̇т̇ам̣ аарамман̣ам̣ гад̇ваа жад̇уусу н̃аан̣асамбаяуд̇д̇агирияажид̇д̇зсу уббаж̇ж̇ад̇и, палагаалз жа убаримз сааман̃н̃апалзд̇и. звамзд̇аа сзгкаасзгкаанам̣ уббаж̇ж̇амаанаа имаасу бхуумийсу уббаж̇ж̇анд̇ийд̇и бхуумид̣̇ассанад̇т̇ам̣ аяам̣ наяо д̣̇ассид̇од̇и.
Atthapaṭisambhidā etesu ceva uppajjatīti idaṃ pana sekkhāsekkhānaṃ vasena vuttaṃ. Tathā hi sekkhānaṃ atthapaccavekkhaṇakāle heṭṭhā vuttappabhedaṃ atthaṃ ārammaṇaṃ katvā catūsu ñāṇasampayuttakusalacittesu ayaṃ uppajjati, maggaphalakāle ca maggaphalesu. Asekkhassa pana atthaṃ paccavekkhaṇakāle heṭṭhā vuttappabhedameva atthaṃ ārammaṇaṃ katvā catūsu ñāṇasampayuttakiriyacittesu uppajjati, phalakāle ca uparime sāmaññaphaleti. Evametā sekkhāsekkhānaṃ uppajjamānā imāsu bhūmīsu uppajjantīti bhūmidassanatthaṃ ayaṃ nayo dassitoti.
абхид̇хаммабхааж̇анийяаван̣н̣анаа.
Abhidhammabhājanīyavaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 15. бадисамбхид̣̇аавибхан̇г̇о • 15. Paṭisambhidāvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 15. бадисамбхид̣̇аавибхан̇г̇о • 15. Paṭisambhidāvibhaṅgo
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 15. бадисамбхид̣̇аавибхан̇г̇о • 15. Paṭisambhidāvibhaṅgo
