| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
੨. ਅਭਿਧਮ੍ਮਭਾਜਨੀਯવਣ੍ਣਨਾ
2. Abhidhammabhājanīyavaṇṇanā
੩੭੪. ਅਭਿਧਮ੍ਮਭਾਜਨੀਯੇ ਲੋਕੁਤ੍ਤਰਸਤਿਪਟ੍ਠਾਨવਸੇਨ ਦੇਸਨਾਯ ਆਰਦ੍ਧਤ੍ਤਾ ਯਥਾ ਕਾਯਾਦਿਆਰਮ੍ਮਣੇਸੁ ਲੋਕਿਯਸਤਿਪਟ੍ਠਾਨੇਸੁ ਤਨ੍ਤਿ ਠਪਿਤਾ, ਏવਂ ਅਟ੍ਠਪੇਤ੍વਾ ਸਬ੍ਬਾਨਿਪਿ ਕਾਯਾਨੁਪਸ੍ਸਾਦੀਨਿ ਸਤਿਪਟ੍ਠਾਨਾਨਿ ਧਮ੍ਮਸਙ੍ਗਣਿਯਂ (ਧ॰ ਸ॰ ੩੫੫ ਆਦਯੋ) વਿਭਤ੍ਤਸ੍ਸ ਦੇਸਨਾਨਯਸ੍ਸ ਮੁਖਮਤ੍ਤਮੇવ ਦਸ੍ਸੇਨ੍ਤੇਨ ਨਿਦ੍ਦਿਟ੍ਠਾਨਿ।
374. Abhidhammabhājanīye lokuttarasatipaṭṭhānavasena desanāya āraddhattā yathā kāyādiārammaṇesu lokiyasatipaṭṭhānesu tanti ṭhapitā, evaṃ aṭṭhapetvā sabbānipi kāyānupassādīni satipaṭṭhānāni dhammasaṅgaṇiyaṃ (dha. sa. 355 ādayo) vibhattassa desanānayassa mukhamattameva dassentena niddiṭṭhāni.
ਤਤ੍ਥ ਨਯਭੇਦੋ વੇਦਿਤਬ੍ਬੋ। ਕਥਂ? ਕਾਯਾਨੁਪਸ੍ਸਨਾਯ ਤਾવ ਸੋਤਾਪਤ੍ਤਿਮਗ੍ਗੇ ਝਾਨਾਭਿਨਿવੇਸੇ ਸੁਦ੍ਧਿਕਪਟਿਪਦਾ, ਸੁਦ੍ਧਿਕਸੁਞ੍ਞਤਾ, ਸੁਞ੍ਞਤਪਟਿਪਦਾ, ਸੁਦ੍ਧਿਕਅਪ੍ਪਣਿਹਿਤਂ, ਅਪ੍ਪਣਿਹਿਤਪਟਿਪਦਾਤਿ ਇਮੇਸੁ ਪਞ੍ਚਸੁ ਠਾਨੇਸੁ ਦ੍વਿਨ੍ਨਂ ਦ੍વਿਨ੍ਨਂ ਚਤੁਕ੍ਕਪਞ੍ਚਕਨਯਾਨਂ વਸੇਨ ਦਸ ਨਯਾ ਹੋਨ੍ਤਿ। ਏવਂ ਸੇਸੇਸੁਪੀਤਿ વੀਸਤਿਯਾ ਅਭਿਨਿવੇਸੇਸੁ ਦ੍વੇ ਨਯਸਤਾਨਿ। ਤਾਨਿ ਚਤੂਹਿ ਅਧਿਪਤੀਹਿ ਚਤੁਗੁਣਿਤਾਨਿ ਅਟ੍ਠ। ਇਤਿ ਸੁਦ੍ਧਿਕਾਨਿ ਦ੍વੇ ਸਾਧਿਪਤੀਨਿ ਅਟ੍ਠਾਤਿ ਸਬ੍ਬਮ੍ਪਿ ਨਯਸਹਸ੍ਸਂ ਹੋਤਿ। ਤਥਾ વੇਦਨਾਨੁਪਸ੍ਸਨਾਦੀਸੁ ਸੁਦ੍ਧਿਕਸਤਿਪਟ੍ਠਾਨੇ ਚਾਤਿ ਸੋਤਾਪਤ੍ਤਿਮਗ੍ਗੇ ਪਞ੍ਚ ਨਯਸਹਸ੍ਸਾਨਿ। ਯਥਾ ਚ ਸੋਤਾਪਤ੍ਤਿਮਗ੍ਗੇ, ਏવਂ ਸੇਸਮਗ੍ਗੇਸੁਪੀਤਿ ਕੁਸਲੇ વੀਸਤਿ ਨਯਸਹਸ੍ਸਾਨਿ; ਸੁਞ੍ਞਤਾਪਣਿਹਿਤਾਨਿਮਿਤ੍ਤਾਦਿਭੇਦੇਸੁ ਪਨ ਤਤੋ ਤਿਗੁਣੇ વਿਪਾਕੇ ਸਟ੍ਠਿ ਨਯਸਹਸ੍ਸਾਨੀਤਿ। ਏવਮੇવ ਸਕਿਚ੍ਚਸਾਧਕਾਨਞ੍ਚੇવ ਸਂਸਿਦ੍ਧਿਕਕਿਚ੍ਚਾਨਞ੍ਚ ਕੁਸਲવਿਪਾਕਸਤਿਪਟ੍ਠਾਨਾਨਂ ਨਿਦ੍ਦੇਸવਸੇਨ ਦੁવਿਧੋ ਕਾਯਾਨੁਪਸ੍ਸਨਾਦਿવਸੇਨ ਚ ਸੁਦ੍ਧਿਕવਸੇਨ ਚ ਕੁਸਲੇ ਪਞ੍ਚਨ੍ਨਂ વਿਪਾਕੇ ਪਞ੍ਚਨ੍ਨਨ੍ਤਿ ਦਸਨ੍ਨਂ ਨਿਦ੍ਦੇਸવਾਰਾਨਂ વਸੇਨ ਦਸਪ੍ਪਭੇਦੋ ਅਸੀਤਿਨਯਸਹਸ੍ਸਪਤਿਮਣ੍ਡਿਤੋ ਅਭਿਧਮ੍ਮਭਾਜਨੀਯਨਿਦ੍ਦੇਸੋ।
Tattha nayabhedo veditabbo. Kathaṃ? Kāyānupassanāya tāva sotāpattimagge jhānābhinivese suddhikapaṭipadā, suddhikasuññatā, suññatapaṭipadā, suddhikaappaṇihitaṃ, appaṇihitapaṭipadāti imesu pañcasu ṭhānesu dvinnaṃ dvinnaṃ catukkapañcakanayānaṃ vasena dasa nayā honti. Evaṃ sesesupīti vīsatiyā abhinivesesu dve nayasatāni. Tāni catūhi adhipatīhi catuguṇitāni aṭṭha. Iti suddhikāni dve sādhipatīni aṭṭhāti sabbampi nayasahassaṃ hoti. Tathā vedanānupassanādīsu suddhikasatipaṭṭhāne cāti sotāpattimagge pañca nayasahassāni. Yathā ca sotāpattimagge, evaṃ sesamaggesupīti kusale vīsati nayasahassāni; suññatāpaṇihitānimittādibhedesu pana tato tiguṇe vipāke saṭṭhi nayasahassānīti. Evameva sakiccasādhakānañceva saṃsiddhikakiccānañca kusalavipākasatipaṭṭhānānaṃ niddesavasena duvidho kāyānupassanādivasena ca suddhikavasena ca kusale pañcannaṃ vipāke pañcannanti dasannaṃ niddesavārānaṃ vasena dasappabhedo asītinayasahassapatimaṇḍito abhidhammabhājanīyaniddeso.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੭. ਸਤਿਪਟ੍ਠਾਨવਿਭਙ੍ਗੋ • 7. Satipaṭṭhānavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੭. ਸਤਿਪਟ੍ਠਾਨવਿਭਙ੍ਗੋ • 7. Satipaṭṭhānavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਅਨੁਟੀਕਾ • Vibhaṅga-anuṭīkā / ੭. ਸਤਿਪਟ੍ਠਾਨવਿਭਙ੍ਗੋ • 7. Satipaṭṭhānavibhaṅgo
