| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
੨. ਅਭਿਧਮ੍ਮਭਾਜਨੀਯવਣ੍ਣਨਾ
2. Abhidhammabhājanīyavaṇṇanā
੪੭੨. ਅਭਿਧਮ੍ਮਭਾਜਨੀਯੇ ਸਤ੍ਤਪਿ ਬੋਜ੍ਝਙ੍ਗੇ ਏਕਤੋ ਪੁਚ੍ਛਿਤ੍વਾ વਿਸ੍ਸਜ੍ਜਨਸ੍ਸ ਚ ਪਾਟਿਯੇਕ੍ਕਂ ਪੁਚ੍ਛਿਤ੍વਾ વਿਸ੍ਸਜ੍ਜਨਸ੍ਸ ਚ વਸੇਨ ਦ੍વੇ ਨਯਾ। ਤੇਸਂ ਅਤ੍ਥવਣ੍ਣਨਾ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬਾ।
472. Abhidhammabhājanīye sattapi bojjhaṅge ekato pucchitvā vissajjanassa ca pāṭiyekkaṃ pucchitvā vissajjanassa ca vasena dve nayā. Tesaṃ atthavaṇṇanā heṭṭhā vuttanayeneva veditabbā.
ਉਪੇਕ੍ਖਾਸਮ੍ਬੋਜ੍ਝਙ੍ਗਨਿਦ੍ਦੇਸੇ ਪਨ ਉਪੇਕ੍ਖਨવਸੇਨ ਉਪੇਕ੍ਖਾ। ਉਪੇਕ੍ਖਨਾਕਾਰੋ ਉਪੇਕ੍ਖਨਾ। ਉਪੇਕ੍ਖਿਤਬ੍ਬਯੁਤ੍ਤੇ ਸਮਪ੍ਪવਤ੍ਤੇ ਧਮ੍ਮੇ ਇਕ੍ਖਤਿ, ਨ ਚੋਦੇਤੀਤਿ ਉਪੇਕ੍ਖਾ। ਪੁਗ੍ਗਲਂ ਉਪੇਕ੍ਖਾਪੇਤੀਤਿ ਉਪੇਕ੍ਖਨਾ । ਬੋਜ੍ਝਙ੍ਗਭਾવਪ੍ਪਤ੍ਤਿਯਾ ਲੋਕਿਯਉਪੇਕ੍ਖਨਾਯ ਅਧਿਕਾ ਉਪੇਕ੍ਖਨਾ ਅਜ੍ਝੁਪੇਕ੍ਖਨਾ। ਅਬ੍ਯਾਪਾਰਾਪਜ੍ਜਨੇਨ ਮਜ੍ਝਤ੍ਤਭਾવੋ ਮਜ੍ਝਤ੍ਤਤਾ। ਸਾ ਪਨ ਚਿਤ੍ਤਸ੍ਸ, ਨ ਸਤ੍ਤਸ੍ਸਾਤਿ ਦੀਪੇਤੁਂ ਮਜ੍ਝਤ੍ਤਤਾ ਚਿਤ੍ਤਸ੍ਸਾਤਿ વੁਤ੍ਤਨ੍ਤਿ। ਅਯਮੇਤ੍ਥ ਅਨੁਪੁਬ੍ਬਪਦવਣ੍ਣਨਾ।
Upekkhāsambojjhaṅganiddese pana upekkhanavasena upekkhā. Upekkhanākāro upekkhanā. Upekkhitabbayutte samappavatte dhamme ikkhati, na codetīti upekkhā. Puggalaṃ upekkhāpetīti upekkhanā . Bojjhaṅgabhāvappattiyā lokiyaupekkhanāya adhikā upekkhanā ajjhupekkhanā. Abyāpārāpajjanena majjhattabhāvo majjhattatā. Sā pana cittassa, na sattassāti dīpetuṃ majjhattatā cittassāti vuttanti. Ayamettha anupubbapadavaṇṇanā.
ਨਯਾ ਪਨੇਤ੍ਥ ਗਣੇਤਬ੍ਬਾ – ਸਤ੍ਤਨ੍ਨਮ੍ਪਿ ਹਿ ਬੋਜ੍ਝਙ੍ਗਾਨਂ ਏਕਤੋ ਪੁਚ੍ਛਿਤ੍વਾ વਿਸ੍ਸਜ੍ਜਨੇ ਏਕੇਕਮਗ੍ਗੇ ਨਯਸਹਸ੍ਸਂ ਨਯਸਹਸ੍ਸਨ੍ਤਿ ਚਤ੍ਤਾਰਿ ਨਯਸਹਸ੍ਸਾਨਿ વਿਭਤ੍ਤਾਨਿ। ਪਾਟਿਯੇਕ੍ਕਂ ਪੁਚ੍ਛਿਤ੍વਾ વਿਸ੍ਸਜ੍ਜਨੇ ਏਕੇਕਬੋਜ੍ਝਙ੍ਗવਸੇਨ ਚਤ੍ਤਾਰਿ ਚਤ੍ਤਾਰੀਤਿ ਸਤ੍ਤ ਚਤੁਕ੍ਕਾ ਅਟ੍ਠવੀਸਤਿ। ਤਾਨਿ ਪੁਰਿਮੇਹਿ ਚਤੂਹਿ ਸਦ੍ਧਿਂ ਦ੍વਤ੍ਤਿਂਸਾਤਿ ਸਬ੍ਬਾਨਿਪਿ ਅਭਿਧਮ੍ਮਭਾਜਨੀਯੇ ਦ੍વਤ੍ਤਿਂਸ ਨਯਸਹਸ੍ਸਾਨਿ વਿਭਤ੍ਤਾਨਿ ਕੁਸਲਾਨੇવ। ਯਸ੍ਮਾ ਪਨ ਫਲਕ੍ਖਣੇਪਿ ਬੋਜ੍ਝਙ੍ਗਾ ਲਬ੍ਭਨ੍ਤਿ, ਕੁਸਲਹੇਤੁਕਾਨਿ ਚ ਸਾਮਞ੍ਞਫਲਾਨਿ, ਤਸ੍ਮਾ ਤੇਸੁਪਿ ਬੋਜ੍ਝਙ੍ਗਦਸ੍ਸਨਤ੍ਥਂ ਕੁਸਲਨਿਦ੍ਦੇਸਪੁਬ੍ਬਙ੍ਗਮਾਯ ਏવ ਤਨ੍ਤਿਯਾ વਿਪਾਕਨਯੋ ਆਰਦ੍ਧੋ। ਸੋਪਿ ਏਕਤੋ ਪੁਚ੍ਛਿਤ੍વਾ વਿਸ੍ਸਜ੍ਜਨਸ੍ਸ ਚ, ਪਾਟਿਯੇਕ੍ਕਂ ਪੁਚ੍ਛਿਤ੍વਾ વਿਸ੍ਸਜ੍ਜਨਸ੍ਸ ਚ વਸੇਨ ਦੁવਿਧੋ ਹੋਤਿ। ਸੇਸਮੇਤ੍ਥ ਹੇਟ੍ਠਾ વੁਤ੍ਤਨਯੇਨੇવ વੇਦਿਤਬ੍ਬਂ। વਿਪਾਕੇ ਪਨ ਕੁਸਲਤੋ ਤਿਗੁਣਾ ਨਯਾ ਕਾਤਬ੍ਬਾਤਿ।
Nayā panettha gaṇetabbā – sattannampi hi bojjhaṅgānaṃ ekato pucchitvā vissajjane ekekamagge nayasahassaṃ nayasahassanti cattāri nayasahassāni vibhattāni. Pāṭiyekkaṃ pucchitvā vissajjane ekekabojjhaṅgavasena cattāri cattārīti satta catukkā aṭṭhavīsati. Tāni purimehi catūhi saddhiṃ dvattiṃsāti sabbānipi abhidhammabhājanīye dvattiṃsa nayasahassāni vibhattāni kusalāneva. Yasmā pana phalakkhaṇepi bojjhaṅgā labbhanti, kusalahetukāni ca sāmaññaphalāni, tasmā tesupi bojjhaṅgadassanatthaṃ kusalaniddesapubbaṅgamāya eva tantiyā vipākanayo āraddho. Sopi ekato pucchitvā vissajjanassa ca, pāṭiyekkaṃ pucchitvā vissajjanassa ca vasena duvidho hoti. Sesamettha heṭṭhā vuttanayeneva veditabbaṃ. Vipāke pana kusalato tiguṇā nayā kātabbāti.
ਅਭਿਧਮ੍ਮਭਾਜਨੀਯવਣ੍ਣਨਾ।
Abhidhammabhājanīyavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੧੦. ਬੋਜ੍ਝਙ੍ਗવਿਭਙ੍ਗੋ • 10. Bojjhaṅgavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੧੦. ਬੋਜ੍ਝਙ੍ਗવਿਭਙ੍ਗੋ • 10. Bojjhaṅgavibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਅਨੁਟੀਕਾ • Vibhaṅga-anuṭīkā / ੧੦. ਬੋਜ੍ਝਙ੍ਗવਿਭਙ੍ਗੋ • 10. Bojjhaṅgavibhaṅgo
