| Library / Tipiṭaka / ਤਿਪਿਟਕ • Tipiṭaka / ਸਮ੍ਮੋਹવਿਨੋਦਨੀ-ਅਟ੍ਠਕਥਾ • Sammohavinodanī-aṭṭhakathā |
੨. ਅਭਿਧਮ੍ਮਭਾਜਨੀਯવਣ੍ਣਨਾ
2. Abhidhammabhājanīyavaṇṇanā
੭੨੫. ਤਤ੍ਥ ਤਿਸ੍ਸੋ ਪਟਿਸਮ੍ਭਿਦਾ ਲੋਕਿਯਾ। ਅਤ੍ਥਪਟਿਸਮ੍ਭਿਦਾ ਲੋਕਿਯਲੋਕੁਤ੍ਤਰਮਿਸ੍ਸਕਾ । ਸਾ ਹਿ ਨਿਬ੍ਬਾਨਾਰਮ੍ਮਣਾਨਂ ਮਗ੍ਗਫਲਞਾਣਾਨਂ વਸੇਨ ਲੋਕੁਤ੍ਤਰਾਪਿ ਹੋਤਿ। ਅਭਿਧਮ੍ਮਭਾਜਨੀਯੇ ਕੁਸਲਾਕੁਸਲવਿਪਾਕਕਿਰਿਯਾਨਂ વਸੇਨ ਚਤੂਹਿ વਾਰੇਹਿ વਿਭਤ੍ਤਂ। ਤਤ੍ਥ ਯਤ੍ਤਕਾਨਿ ਹੇਟ੍ਠਾ ਚਿਤ੍ਤੁਪ੍ਪਾਦਕਣ੍ਡੇ (ਧ॰ ਸ॰ ੧ ਆਦਯੋ) ਕੁਸਲਚਿਤ੍ਤਾਨਿ વਿਭਤ੍ਤਾਨਿ, ਤੇਸਂ ਸਬ੍ਬੇਸਮ੍ਪਿ વਸੇਨ ਏਕੇਕਸ੍ਮਿਂ ਚਿਤ੍ਤਨਿਦ੍ਦੇਸੇ ਚਤਸ੍ਸੋ ਚਤਸ੍ਸੋ ਪਟਿਸਮ੍ਭਿਦਾ વਿਭਤ੍ਤਾਤਿ વੇਦਿਤਬ੍ਬਾ। ਅਕੁਸਲਚਿਤ੍ਤੇਸੁਪਿ ਏਸੇવ ਨਯੋ। વਿਪਾਕਕਿਰਿਯવਾਰੇਸੁ વਿਪਾਕਕਿਰਿਯਾਨਂ ਅਤ੍ਥੇਨ ਸਙ੍ਗਹਿਤਤ੍ਤਾ, ਧਮ੍ਮਪਟਿਸਮ੍ਭਿਦਂ ਛਡ੍ਡੇਤ੍વਾ, ਏਕੇਕਸ੍ਮਿਂ વਿਪਾਕਚਿਤ੍ਤੇ ਚ ਕਿਰਿਯਚਿਤ੍ਤੇ ਚ ਤਿਸ੍ਸੋ ਤਿਸ੍ਸੋવ ਪਟਿਸਮ੍ਭਿਦਾ વਿਭਤ੍ਤਾ। ਪਾਲ਼ਿ ਪਨ ਮੁਖਮਤ੍ਤਮੇવ ਦਸ੍ਸੇਤ੍વਾ ਸਂਖਿਤ੍ਤਾ। ਸਾ ਹੇਟ੍ਠਾ ਆਗਤવਿਤ੍ਥਾਰવਸੇਨੇવ વੇਦਿਤਬ੍ਬਾ।
725. Tattha tisso paṭisambhidā lokiyā. Atthapaṭisambhidā lokiyalokuttaramissakā . Sā hi nibbānārammaṇānaṃ maggaphalañāṇānaṃ vasena lokuttarāpi hoti. Abhidhammabhājanīye kusalākusalavipākakiriyānaṃ vasena catūhi vārehi vibhattaṃ. Tattha yattakāni heṭṭhā cittuppādakaṇḍe (dha. sa. 1 ādayo) kusalacittāni vibhattāni, tesaṃ sabbesampi vasena ekekasmiṃ cittaniddese catasso catasso paṭisambhidā vibhattāti veditabbā. Akusalacittesupi eseva nayo. Vipākakiriyavāresu vipākakiriyānaṃ atthena saṅgahitattā, dhammapaṭisambhidaṃ chaḍḍetvā, ekekasmiṃ vipākacitte ca kiriyacitte ca tisso tissova paṭisambhidā vibhattā. Pāḷi pana mukhamattameva dassetvā saṃkhittā. Sā heṭṭhā āgatavitthāravaseneva veditabbā.
ਕਸ੍ਮਾ ਪਨ ਯਥਾ ਕੁਸਲਾਕੁਸਲવਾਰੇਸੁ ‘‘ਤੇਸਂ વਿਪਾਕੇ ਞਾਣਂ ਅਤ੍ਥਪਟਿਸਮ੍ਭਿਦਾ’’ਤਿ વੁਤ੍ਤਂ, ਏવਮਿਧ ‘‘ਯੇਸਂ ਧਮ੍ਮਾਨਂ ਇਮੇ વਿਪਾਕਾ, ਤੇਸੁ ਞਾਣਂ ਧਮ੍ਮਪਟਿਸਮ੍ਭਿਦਾ’’ਤਿ ਏવਂ ਨ વੁਤ੍ਤਨ੍ਤਿ? ਹੇਟ੍ਠਾ વੁਤ੍ਤਤ੍ਤਾ। ਯਦਿ ਏવਂ, ‘‘ਤੇਸਂ વਿਪਾਕੇ ਞਾਣਂ ਅਤ੍ਥਪਟਿਸਮ੍ਭਿਦਾ’’ਤਿ ਹੇਟ੍ਠਾ વੁਤ੍ਤਤ੍ਤਾ ਅਯਂ ਅਤ੍ਥਪਟਿਸਮ੍ਭਿਦਾਪਿ ਇਧ ਨ વਤ੍ਤਬ੍ਬਾ ਸਿਯਾਤਿ? ਨੋ ਨ વਤ੍ਤਬ੍ਬਾ। ਕਸ੍ਮਾ? ਹੇਟ੍ਠਾ વਿਪਾਕਕਿਰਿਯਚਿਤ੍ਤੁਪ੍ਪਾਦવਸੇਨ ਅવੁਤ੍ਤਤ੍ਤਾ। ਕਿਰਿਯવਾਰੇ ਚ ‘‘ਯੇਸਂ ਧਮ੍ਮਾਨਂ ਇਮੇ ਕਿਰਿਯਾ’’ਤਿ વਚਨਮੇવ ਨ ਯੁਜ੍ਜਤੀਤਿ ਦ੍વੀਸੁਪਿ ਇਮੇਸੁ વਾਰੇਸੁ ਤਿਸ੍ਸੋ ਤਿਸ੍ਸੋવ ਪਟਿਸਮ੍ਭਿਦਾ વਿਭਤ੍ਤਾ।
Kasmā pana yathā kusalākusalavāresu ‘‘tesaṃ vipāke ñāṇaṃ atthapaṭisambhidā’’ti vuttaṃ, evamidha ‘‘yesaṃ dhammānaṃ ime vipākā, tesu ñāṇaṃ dhammapaṭisambhidā’’ti evaṃ na vuttanti? Heṭṭhā vuttattā. Yadi evaṃ, ‘‘tesaṃ vipāke ñāṇaṃ atthapaṭisambhidā’’ti heṭṭhā vuttattā ayaṃ atthapaṭisambhidāpi idha na vattabbā siyāti? No na vattabbā. Kasmā? Heṭṭhā vipākakiriyacittuppādavasena avuttattā. Kiriyavāre ca ‘‘yesaṃ dhammānaṃ ime kiriyā’’ti vacanameva na yujjatīti dvīsupi imesu vāresu tisso tissova paṭisambhidā vibhattā.
ਤਤ੍ਥ ਯਾਯ ਨਿਰੁਤ੍ਤਿਯਾ ਤੇਸਂ ਧਮ੍ਮਾਨਂ ਪਞ੍ਞਤ੍ਤਿ ਹੋਤੀਤਿ ਯਾਯ ਨਿਰੁਤ੍ਤਿਯਾ ਤੇਸਂ ਫਸ੍ਸੋ ਹੋਤੀਤਿਆਦਿਨਾ ਨਯੇਨ વੁਤ੍ਤਾਨਂ ਧਮ੍ਮਾਨਂ ‘‘ਅਯਂ ਫਸ੍ਸੋ, ਅਯਂ વੇਦਨਾ’’ਤਿ ਏવਂ ਪਞ੍ਞਤ੍ਤਿ ਹੋਤਿ। ਤਤ੍ਥ ਧਮ੍ਮਨਿਰੁਤ੍ਤਾਭਿਲਾਪੇ ਞਾਣਨ੍ਤਿ ਤਸ੍ਮਿਂ ਅਤ੍ਥੇ ਧਮ੍ਮੇ ਚ ਪવਤ੍ਤਮਾਨਾਯ ਤਸ੍ਸਾ ਧਮ੍ਮਨਿਰੁਤ੍ਤਿਯਾ ਸਭਾવਪਞ੍ਞਤ੍ਤਿਯਾ ਅਭਿਲਾਪੇ ਞਾਣਂ। ਅਭਿਲਾਪਸਦ੍ਦਂ ਆਰਮ੍ਮਣਂ ਕਤ੍વਾ ਉਪ੍ਪਨ੍ਨਞਾਣਮੇવ ਇਧਾਪਿ ਕਥਿਤਂ। ਯੇਨ ਞਾਣੇਨਾਤਿ ਯੇਨ ਪਟਿਭਾਨਪਟਿਸਮ੍ਭਿਦਾਞਾਣੇਨ। ਤਾਨਿ ਞਾਣਾਨਿ ਜਾਨਾਤੀਤਿ ਇਤਰਾਨਿ ਤੀਣਿ ਪਟਿਸਮ੍ਭਿਦਾਞਾਣਾਨਿ ਜਾਨਾਤਿ।
Tattha yāya niruttiyā tesaṃ dhammānaṃ paññatti hotīti yāya niruttiyā tesaṃ phasso hotītiādinā nayena vuttānaṃ dhammānaṃ ‘‘ayaṃ phasso, ayaṃ vedanā’’ti evaṃ paññatti hoti. Tattha dhammaniruttābhilāpe ñāṇanti tasmiṃ atthe dhamme ca pavattamānāya tassā dhammaniruttiyā sabhāvapaññattiyā abhilāpe ñāṇaṃ. Abhilāpasaddaṃ ārammaṇaṃ katvā uppannañāṇameva idhāpi kathitaṃ. Yena ñāṇenāti yena paṭibhānapaṭisambhidāñāṇena. Tāniñāṇāni jānātīti itarāni tīṇi paṭisambhidāñāṇāni jānāti.
ਇਦਾਨਿ ਯਥਾ ਯਂ ਞਾਣਂ ਤਾਨਿ ਞਾਣਾਨਿ ਜਾਨਾਤਿ, ਤਥਾ ਤਸ੍ਸ ਤੇਸੁ ਪવਤ੍ਤਿਂ ਦਸ੍ਸੇਤੁਂ ਇਮਾਨਿ ਞਾਣਾਨਿ ਇਦਮਤ੍ਥਜੋਤਕਾਨੀਤਿ વੁਤ੍ਤਂ। ਤਤ੍ਥ ਇਦਮਤ੍ਥਜੋਤਕਾਨੀਤਿ ਇਮਸ੍ਸ ਅਤ੍ਥਸ੍ਸ ਜੋਤਕਾਨਿ ਪਕਾਸਕਾਨਿ; ਇਮਂ ਨਾਮ ਅਤ੍ਥਂ ਜੋਤੇਨ੍ਤਿ ਪਕਾਸੇਨ੍ਤਿ ਪਰਿਚ੍ਛਿਨ੍ਦਨ੍ਤੀਤਿ ਅਤ੍ਥੋ। ਇਤਿ ਞਾਣੇਸੁ ਞਾਣਨ੍ਤਿ ਇਮਿਨਾ ਆਕਾਰੇਨ ਪવਤ੍ਤਂ ਤੀਸੁ ਞਾਣੇਸੁ ਞਾਣਂ ਪਟਿਭਾਨਪਟਿਸਮ੍ਭਿਦਾ ਨਾਮ।
Idāni yathā yaṃ ñāṇaṃ tāni ñāṇāni jānāti, tathā tassa tesu pavattiṃ dassetuṃ imāni ñāṇāni idamatthajotakānīti vuttaṃ. Tattha idamatthajotakānīti imassa atthassa jotakāni pakāsakāni; imaṃ nāma atthaṃ jotenti pakāsenti paricchindantīti attho. Iti ñāṇesu ñāṇanti iminā ākārena pavattaṃ tīsu ñāṇesu ñāṇaṃ paṭibhānapaṭisambhidā nāma.
ਤਤ੍ਥ ਕਿਞ੍ਚਾਪਿ ਅਯਂ ਪਟਿਭਾਨਪਟਿਸਮ੍ਭਿਦਾ ‘ਇਮਿਸ੍ਸਾ ਇਦਂ ਕਿਚ੍ਚਂ, ਇਮਿਸ੍ਸਾ ਇਦਂ ਕਿਚ੍ਚ’ਨ੍ਤਿ ਇਤਰਾਸਂ ਪਟਿਸਮ੍ਭਿਦਾਨਂ ਕਿਚ੍ਚਂ ਜਾਨਾਤਿ, ਸਯਂ ਪਨ ਤਾਸਂ ਕਿਚ੍ਚਂ ਕਾਤੁਂ ਨ ਸਕ੍ਕੋਤਿ, ਬਹੁਸ੍ਸੁਤਧਮ੍ਮਕਥਿਕੋ વਿਯ ਅਪ੍ਪਸ੍ਸੁਤਧਮ੍ਮਕਥਿਕਸ੍ਸ। ਦ੍વੇ ਕਿਰ ਭਿਕ੍ਖੂ। ਏਕੋ ਬਹੁਸ੍ਸੁਤੋ, ਏਕੋ ਅਪ੍ਪਸ੍ਸੁਤੋ। ਤੇ ਏਕਤੋવ ਏਕਂ ਧਮ੍ਮਕਥਾਮਗ੍ਗਂ ਉਗ੍ਗਣ੍ਹਿਂਸੁ। ਤਤ੍ਥ ਅਪ੍ਪਸ੍ਸੁਤੋ ਸਰਸਮ੍ਪਨ੍ਨੋ ਅਹੋਸਿ, ਇਤਰੋ ਮਨ੍ਦਸ੍ਸਰੋ। ਤੇਸੁ ਅਪ੍ਪਸ੍ਸੁਤੋ ਗਤਗਤਟ੍ਠਾਨੇ ਅਤ੍ਤਨੋ ਸਰਸਮ੍ਪਤ੍ਤਿਯਾ ਸਕਲਪਰਿਸਂ ਖੋਭੇਤ੍વਾ ਧਮ੍ਮਂ ਕਥੇਸਿ। ਧਮ੍ਮਂ ਸੁਣਮਾਨਾ ਹਟ੍ਠਤੁਟ੍ਠਮਾਨਸਾ ਹੁਤ੍વਾ – ‘ਯਥਾ ਏਸ ਧਮ੍ਮਂ ਕਥੇਸਿ, ਏਕੋ ਤਿਪਿਟਕਧਰੋ ਮਞ੍ਞੇ ਭવਿਸ੍ਸਤੀ’ਤਿ વਦਨ੍ਤਿ। ਬਹੁਸ੍ਸੁਤਭਿਕ੍ਖੁ ਪਨ – ‘ਧਮ੍ਮਸવਨੇ ਜਾਨਿਸ੍ਸਥ ਅਯਂ ਤਿਪਿਟਕਧਰੋ વਾ ਨੋ વਾ’ਤਿ ਆਹ। ਸੋ ਕਿਞ੍ਚਾਪਿ ਏવਮਾਹ, ਯਥਾ ਪਨ ਸਕਲਪਰਿਸਂ ਖੋਭੇਤ੍વਾ ਧਮ੍ਮਂ ਕਥੇਤੁਂ ਸਕ੍ਕੋਤਿ, ਏવਮਸ੍ਸ ਕਥਨਸਮਤ੍ਥਤਾ ਨਤ੍ਥਿ। ਤਤ੍ਥ ਕਿਞ੍ਚਾਪਿ ਪਟਿਭਾਨਪਟਿਸਮ੍ਭਿਦਾ, ਬਹੁਸ੍ਸੁਤੋ વਿਯ ਅਪ੍ਪਸ੍ਸੁਤਸ੍ਸ, ਇਤਰਾਸਂ ਕਿਚ੍ਚਂ ਜਾਨਾਤਿ, ਸਯਂ ਪਨ ਤਂ ਕਿਚ੍ਚਂ ਕਾਤੁਂ ਨ ਸਕ੍ਕੋਤੀਤਿ વੇਦਿਤਬ੍ਬਂ। ਸੇਸਂ ਉਤ੍ਤਾਨਤ੍ਥਮੇવ।
Tattha kiñcāpi ayaṃ paṭibhānapaṭisambhidā ‘imissā idaṃ kiccaṃ, imissā idaṃ kicca’nti itarāsaṃ paṭisambhidānaṃ kiccaṃ jānāti, sayaṃ pana tāsaṃ kiccaṃ kātuṃ na sakkoti, bahussutadhammakathiko viya appassutadhammakathikassa. Dve kira bhikkhū. Eko bahussuto, eko appassuto. Te ekatova ekaṃ dhammakathāmaggaṃ uggaṇhiṃsu. Tattha appassuto sarasampanno ahosi, itaro mandassaro. Tesu appassuto gatagataṭṭhāne attano sarasampattiyā sakalaparisaṃ khobhetvā dhammaṃ kathesi. Dhammaṃ suṇamānā haṭṭhatuṭṭhamānasā hutvā – ‘yathā esa dhammaṃ kathesi, eko tipiṭakadharo maññe bhavissatī’ti vadanti. Bahussutabhikkhu pana – ‘dhammasavane jānissatha ayaṃ tipiṭakadharo vā no vā’ti āha. So kiñcāpi evamāha, yathā pana sakalaparisaṃ khobhetvā dhammaṃ kathetuṃ sakkoti, evamassa kathanasamatthatā natthi. Tattha kiñcāpi paṭibhānapaṭisambhidā, bahussuto viya appassutassa, itarāsaṃ kiccaṃ jānāti, sayaṃ pana taṃ kiccaṃ kātuṃ na sakkotīti veditabbaṃ. Sesaṃ uttānatthameva.
੭੪੬. ਏવਂ ਕੁਸਲਚਿਤ੍ਤੁਪ੍ਪਾਦਾਦਿવਸੇਨ ਪਟਿਸਮ੍ਭਿਦਾ વਿਭਜਿਤ੍વਾ ਇਦਾਨਿ ਤਾਸਂ ਉਪ੍ਪਤ੍ਤਿਟ੍ਠਾਨਭੂਤਂ ਖੇਤ੍ਤਂ ਦਸ੍ਸੇਤੁਂ ਪੁਨ ਚਤਸ੍ਸੋ ਪਟਿਸਮ੍ਭਿਦਾਤਿਆਦਿਮਾਹ। ਤਤ੍ਥ ਤਿਸ੍ਸੋ ਪਟਿਸਮ੍ਭਿਦਾ ਕਾਮਾવਚਰਕੁਸਲਤੋ ਚਤੂਸੁ ਞਾਣਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੂਤਿ ਇਦਂ ਸੇਕ੍ਖਾਨਂ વਸੇਨ વੁਤ੍ਤਂ। ਤੇਸਞ੍ਹਿਪਿ ਧਮ੍ਮਪਚ੍ਚવੇਕ੍ਖਣਕਾਲੇ ਹੇਟ੍ਠਾ વੁਤ੍ਤਂ ਪਞ੍ਚਪ੍ਪਕਾਰਂ ਧਮ੍ਮਂ ਆਰਮ੍ਮਣਂ ਕਤ੍વਾ ਚਤੂਸੁ ਞਾਣਸਮ੍ਪਯੁਤ੍ਤਕੁਸਲਚਿਤ੍ਤੇਸੁ ਧਮ੍ਮਪਟਿਸਮ੍ਭਿਦਾ ਉਪ੍ਪਜ੍ਜਤਿ। ਤਥਾ ਨਿਰੁਤ੍ਤਿਪਚ੍ਚવੇਕ੍ਖਣਕਾਲੇ ਸਦ੍ਦਂ ਆਰਮ੍ਮਣਂ ਕਤ੍વਾ ਨਿਰੁਤ੍ਤਿਪਟਿਸਮ੍ਭਿਦਾ; ਞਾਣਂ ਪਚ੍ਚવੇਕ੍ਖਣਕਾਲੇ ਸਬ੍ਬਤ੍ਥਕਞਾਣਂ ਆਰਮ੍ਮਣਂ ਕਤ੍વਾ ਪਟਿਭਾਨਪਟਿਸਮ੍ਭਿਦਾਤਿ।
746. Evaṃ kusalacittuppādādivasena paṭisambhidā vibhajitvā idāni tāsaṃ uppattiṭṭhānabhūtaṃ khettaṃ dassetuṃ puna catasso paṭisambhidātiādimāha. Tattha tisso paṭisambhidā kāmāvacarakusalato catūsu ñāṇasampayuttesu cittuppādesūti idaṃ sekkhānaṃ vasena vuttaṃ. Tesañhipi dhammapaccavekkhaṇakāle heṭṭhā vuttaṃ pañcappakāraṃ dhammaṃ ārammaṇaṃ katvā catūsu ñāṇasampayuttakusalacittesu dhammapaṭisambhidā uppajjati. Tathā niruttipaccavekkhaṇakāle saddaṃ ārammaṇaṃ katvā niruttipaṭisambhidā; ñāṇaṃ paccavekkhaṇakāle sabbatthakañāṇaṃ ārammaṇaṃ katvā paṭibhānapaṭisambhidāti.
ਕਿਰਿਯਤੋ ਚਤੂਸੂਤਿ ਇਦਂ ਪਨ ਅਸੇਕ੍ਖਾਨਂ વਸੇਨ વੁਤ੍ਤਂ। ਤੇਸਞ੍ਹਿ ਧਮ੍ਮਂ ਪਚ੍ਚવੇਕ੍ਖਣਕਾਲੇ ਹੇਟ੍ਠਾ વੁਤ੍ਤਂ ਪਞ੍ਚਪ੍ਪਕਾਰਂ ਧਮ੍ਮਂ ਆਰਮ੍ਮਣਂ ਕਤ੍વਾ ਚਤੂਸੁ ਞਾਣਸਮ੍ਪਯੁਤ੍ਤਕਿਰਿਯਚਿਤ੍ਤੇਸੁ ਧਮ੍ਮਪਟਿਸਮ੍ਭਿਦਾ ਉਪ੍ਪਜ੍ਜਤਿ। ਤਥਾ ਨਿਰੁਤ੍ਤਿਪਚ੍ਚવੇਕ੍ਖਣਕਾਲੇ ਸਦ੍ਦਂ ਆਰਮ੍ਮਣਂ ਕਤ੍વਾ ਨਿਰੁਤ੍ਤਿਪਟਿਸਮ੍ਭਿਦਾ; ਞਾਣਂ ਪਚ੍ਚવੇਕ੍ਖਣਕਾਲੇ ਸਬ੍ਬਤ੍ਥਕਞਾਣਂ ਆਰਮ੍ਮਣਂ ਕਤ੍વਾ ਪਟਿਭਾਨਪਟਿਸਮ੍ਭਿਦਾਤਿ।
Kiriyato catūsūti idaṃ pana asekkhānaṃ vasena vuttaṃ. Tesañhi dhammaṃ paccavekkhaṇakāle heṭṭhā vuttaṃ pañcappakāraṃ dhammaṃ ārammaṇaṃ katvā catūsu ñāṇasampayuttakiriyacittesu dhammapaṭisambhidā uppajjati. Tathā niruttipaccavekkhaṇakāle saddaṃ ārammaṇaṃ katvā niruttipaṭisambhidā; ñāṇaṃ paccavekkhaṇakāle sabbatthakañāṇaṃ ārammaṇaṃ katvā paṭibhānapaṭisambhidāti.
ਅਤ੍ਥਪਟਿਸਮ੍ਭਿਦਾ ਏਤੇਸੁ ਚੇવ ਉਪ੍ਪਜ੍ਜਤੀਤਿ ਇਦਂ ਪਨ ਸੇਕ੍ਖਾਸੇਕ੍ਖਾਨਂ વਸੇਨ વੁਤ੍ਤਂ। ਤਥਾ ਹਿ ਸੇਕ੍ਖਾਨਂ ਅਤ੍ਥਪਚ੍ਚવੇਕ੍ਖਣਕਾਲੇ ਹੇਟ੍ਠਾ વੁਤ੍ਤਪ੍ਪਭੇਦਂ ਅਤ੍ਥਂ ਆਰਮ੍ਮਣਂ ਕਤ੍વਾ ਚਤੂਸੁ ਞਾਣਸਮ੍ਪਯੁਤ੍ਤਕੁਸਲਚਿਤ੍ਤੇਸੁ ਅਯਂ ਉਪ੍ਪਜ੍ਜਤਿ, ਮਗ੍ਗਫਲਕਾਲੇ ਚ ਮਗ੍ਗਫਲੇਸੁ। ਅਸੇਕ੍ਖਸ੍ਸ ਪਨ ਅਤ੍ਥਂ ਪਚ੍ਚવੇਕ੍ਖਣਕਾਲੇ ਹੇਟ੍ਠਾ વੁਤ੍ਤਪ੍ਪਭੇਦਮੇવ ਅਤ੍ਥਂ ਆਰਮ੍ਮਣਂ ਕਤ੍વਾ ਚਤੂਸੁ ਞਾਣਸਮ੍ਪਯੁਤ੍ਤਕਿਰਿਯਚਿਤ੍ਤੇਸੁ ਉਪ੍ਪਜ੍ਜਤਿ, ਫਲਕਾਲੇ ਚ ਉਪਰਿਮੇ ਸਾਮਞ੍ਞਫਲੇਤਿ। ਏવਮੇਤਾ ਸੇਕ੍ਖਾਸੇਕ੍ਖਾਨਂ ਉਪ੍ਪਜ੍ਜਮਾਨਾ ਇਮਾਸੁ ਭੂਮੀਸੁ ਉਪ੍ਪਜ੍ਜਨ੍ਤੀਤਿ ਭੂਮਿਦਸ੍ਸਨਤ੍ਥਂ ਅਯਂ ਨਯੋ ਦਸ੍ਸਿਤੋਤਿ।
Atthapaṭisambhidā etesu ceva uppajjatīti idaṃ pana sekkhāsekkhānaṃ vasena vuttaṃ. Tathā hi sekkhānaṃ atthapaccavekkhaṇakāle heṭṭhā vuttappabhedaṃ atthaṃ ārammaṇaṃ katvā catūsu ñāṇasampayuttakusalacittesu ayaṃ uppajjati, maggaphalakāle ca maggaphalesu. Asekkhassa pana atthaṃ paccavekkhaṇakāle heṭṭhā vuttappabhedameva atthaṃ ārammaṇaṃ katvā catūsu ñāṇasampayuttakiriyacittesu uppajjati, phalakāle ca uparime sāmaññaphaleti. Evametā sekkhāsekkhānaṃ uppajjamānā imāsu bhūmīsu uppajjantīti bhūmidassanatthaṃ ayaṃ nayo dassitoti.
ਅਭਿਧਮ੍ਮਭਾਜਨੀਯવਣ੍ਣਨਾ।
Abhidhammabhājanīyavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / વਿਭਙ੍ਗਪਾਲ਼ਿ • Vibhaṅgapāḷi / ੧੫. ਪਟਿਸਮ੍ਭਿਦਾવਿਭਙ੍ਗੋ • 15. Paṭisambhidāvibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਮੂਲਟੀਕਾ • Vibhaṅga-mūlaṭīkā / ੧੫. ਪਟਿਸਮ੍ਭਿਦਾવਿਭਙ੍ਗੋ • 15. Paṭisambhidāvibhaṅgo
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / વਿਭਙ੍ਗ-ਅਨੁਟੀਕਾ • Vibhaṅga-anuṭīkā / ੧੫. ਪਟਿਸਮ੍ਭਿਦਾવਿਭਙ੍ਗੋ • 15. Paṭisambhidāvibhaṅgo
