| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
11. අභිජානන්‌තසතිපඤ්‌හො
11. Abhijānantasatipañho
11. රාජා ආහ ‘‘භන්‌තෙ නාගසෙන, සබ්‌බා සති අභිජානන්‌තී උප්‌පජ්‌ජති , උදාහු කටුමිකාව සතී’’ති? ‘‘අභිජානන්‌තීපි, මහාරාජ, කටුමිකාපි සතී’’ති. ‘‘එවඤ්‌හි ඛො, භන්‌තෙ නාගසෙන, සබ්‌බා සති අභිජානන්‌තී, නත්‌ථි කටුමිකා සතී’’ති? ‘‘යදි නත්‌ථි, මහාරාජ, කටුමිකා සති, නත්‌ථි කිඤ්‌චි සිප්‌පිකානං කම්‌මායතනෙහි වා සිප්‌පායතනෙහි වා විජ්‌ජාට්‌ඨානෙහි වා කරණීයං, නිරත්‌ථකා ආචරියා, යස්‌මා ච ඛො, මහාරාජ, අත්‌ථි කටුමිකා සති, තස්‌මා අත්‌ථි කම්‌මායතනෙහි වා සිප්‌පායතනෙහි වා විජ්‌ජාට්‌ඨානෙහි වා කරණීයං, අත්‌ථො ච ආචරියෙහී’’ති.
11. Rājā āha ‘‘bhante nāgasena, sabbā sati abhijānantī uppajjati , udāhu kaṭumikāva satī’’ti? ‘‘Abhijānantīpi, mahārāja, kaṭumikāpi satī’’ti. ‘‘Evañhi kho, bhante nāgasena, sabbā sati abhijānantī, natthi kaṭumikā satī’’ti? ‘‘Yadi natthi, mahārāja, kaṭumikā sati, natthi kiñci sippikānaṃ kammāyatanehi vā sippāyatanehi vā vijjāṭṭhānehi vā karaṇīyaṃ, niratthakā ācariyā, yasmā ca kho, mahārāja, atthi kaṭumikā sati, tasmā atthi kammāyatanehi vā sippāyatanehi vā vijjāṭṭhānehi vā karaṇīyaṃ, attho ca ācariyehī’’ti.
‘‘කල්‌ලොසි, භන්‌තෙ නාගසෙනා’’ති.
‘‘Kallosi, bhante nāgasenā’’ti.
අභිජානන්‌තසතිපඤ්‌හො එකාදසමො.
Abhijānantasatipañho ekādasamo.
සතිවග්‌ගො ඡට්‌ඨො.
Sativaggo chaṭṭho.
ඉමස්‌මිං වග්‌ගෙ එකාදස පඤ්‌හා.
Imasmiṃ vagge ekādasa pañhā.
